Такси превоз

Таксистите на потстрижување



Градот одреди и дрес-код: такси-возачот мора да е чист, потстрижен, избричен, со чиста облека, културно да се однесува, не смее да пуши во возилото, а лете не може да вози со шортс или маичка без ракави

Од јануари 2012 година, такси-возилата во Скопје конечно ќе добијат унифициран изглед. Предлог-одлуката за автотакси-превозот, која конечно ќе се најде на дневен ред пред Советот на Град Скопје, предвидува сите да бидат во една боја. Исто така, сите таксисти ќе мора да издаваат фискални сметки, а во возилото на видно место треба да ја истакнат лиценцата, потпишана од градоначалникот Коце Трајановски. Мора да бидат уредни и културни.

- Такси-возачот кога работи мора да е чист, потстрижен, избричен или со негувана брада и мустаќи, со чиста облека, да се однесува културно и достоинствено кон патниците и не смее да пуши во возилото. Лете не може да вози облечен во куси пантолани, шортс, маичка без ракави. Не смее да вози гол до појасот и бос, Градот одреди т.н. дрес-код за таксистите.

На оваа одлука се чекаше долго, бидејќи такси-групациите постојано наоѓаа забелешки и протестираа. Градската власт очекува да воведе ред во хаосот кој владее со години и кој го создаваат нелегалните таксисти во Скопје, чија точна бројка никој не ја знае, но се претпоставува дека е околу 5.000, односно двојно од легалните.

Бојата на возилата ќе биде бела, освен предната или задната хауба, кои ќе бидат бојосани жолто. Ќе имаат и жолта табла, дадена од Градот, на која со црни букви ќе пишува „taxi“. Сите останати одредби ќе стапат во сила 60 дена од нејзиното објавување во „Службениот гласник на Град Скопје“.

Фиксно ќе бидат одредени и такси-стојалиштата, а не како досега, кога секој создаваше станица каде што ќе посака. Максималниот број лиценцирани таксисти е утврден на 3.000. Ќе поевтини т.н.старт - од 50 на 40 денари, а за секој изминат километар цената ќе се покачи од 20 на 25 денари.

- Во многу случаи цената за километар сега е флексибилна, некаде 20, на друго место 22 денара бидејќи многу такси-компании сами си ја одредуваат, а за тоа никој не ги казнува, што придонесува за уште поголем хаос - вели таксистот Иван Ј..

Дозволеното рекламирање ќе се ограничи само на предни и задни врати, на светлосна табла на покривот, како и на потпирките на предните седишта.

Дали правилата се почитуваат, ќе надгледува администрацијата на Градот, во чиј делокруг се работите од областа на автотакси-превозот. Инспекциски надзор ќе вршат овластени инспектори за патен сообраќај. За непочитување на оваа одлука, таксистите ќе се казнуваат според Законот за превозот во патниот сообраќај.

Јорданка Ивановска


Групациите против унифицирање на бојата на возилата

Претседателот на Групацијата за автотакси-превоз при Стопанската комора на Македонија, Сашо Рајчановски, е задоволен од првичните сознанија за предолг-одлуката за такси-превоз. Сепак, смета дека бојата и таблата не треба да бидат исти за сите компании заради препознатливост.

- Денес ќе имаме средба со членовите на Групацијата. Материјалот ќе им биде поделен, а нашиот официјален став ќе биде дополнително соопштен на јавноста. Од првичните информации што ги имам, некои наши предлози се прифатени. Јас предлогот го немам темелно прочитано, но не се сомневам дека е добар бидејќи долго се подготвуваше - изјави Рајчановски. Тој додаде дека како групација соработувале со Градот.

И Марјан Спасовски од Групацијата на автотакси-превоз при Регионалната комора на Град Скопје вели дека, главно, се задоволни.

- Вклучени бевме при подготовката на одлуката. Се' уште ја немам добиено конечната верзија, но поголем дел од нашите забелешки и предлози се прифатени - вели Спасовски. И од оваа групација не се согласуваат со исти боја и табла, која ќе ја издава Градот. Имаат забелешки и за новата цена.

- Ќе ја прифатиме само ако Градот гарантира дека ќе најде начин да се запрат оние што нема да ја применуваат - порача тој. (А.П.)

Пак кукање. Овдека мора инвазивно на мускули да се професионализира дејноста таксист. Мора да почне слој по слој да се средува транспортот во Македонија. До кога ќе биде сектор за купување социјален мир и учесник во сивата економија. Подобро 3000 нормални, одколку 10000 "шиткачи" и "тезгари". И во Охрид префарбувањето беше болна точка, и тука ќе биде, не е тоа ништо ново. Само да им биде јасно на таксистите и здруженијата, дека порано или подоцна ќе си легнат на брашното и ќе треба да ги спроведат одлуките, а што порано ги прифатат толку помалку "болно" за нив. Кога можеше оваа држава да протурка еден закон против пушење и овој народ  како-така да го прифати, може 3000 таксисти да се средат без проблем. И да престанат да си играат инспекција и да поставуваат услови и да бараат гаранции дека ќе се запрат оние што нема да ја применуваат. Ги поддржувам во потребата да се почитува од сите, но нека ги остават градските власти да си вршат работа како сметаат дека треба. Нека не бидат како оној што држеше трафика на Илинденска па изиграваше инспекција и толкуваше урбанистички план му кажа на градот дека не треба улица да прави, туку паркинг, а него лично тоа не го тангира и така треба да се тргне. Така и тука. Вакво поставување услови во работата на градските власти само кочи, што побрзо ја применат одлуката, толку побрзо ќе придонесат и кај други да се примени.

Јас пример што сум видел во Будимпешта, таму таксистите сите во одела, стрикно Мерцедеси или Шкоди имаше, позади на стаклото огромна самолеплива лиценца, нешо жолта боја беше, и нормално стакло што го одделува возачот со патникот. Но, колку што знам, во појаките земји таксито е луксуз, односно се знае кој се вози у такси, а кој се вози по автобуси и трамваи и ред ствари... тоа е друга работа веќе. Но, да се знае мајко му кој те вози у такси а не вака влагаме кај кого стигаме, возат као нездрави ! и плус да се направи едно место кај што сите таксисти ќе се собираат ! во Бисер пример кај Прч, треба ли автобус да застане да остави/собере патници тоа е лудница значи !

Во Германија се сите такси возила се светло беж боја, ако веќе сака да се споредува со западна вропа.

Овие изгледа сакаат да воспостават монопол во такси групациите, ама тешко доколку вака се краде од лиценци ,и од разни безвезни казни или даноци за истакнување на фирма или наплатување на лиценци, што е работата со тие што веке ја платиле значи ке им ја поништат,па сега други, и секој пат едно исто само да се полни буџетот, ова е срамота за градот, таксистите никогаш нема да успее градот да ги контролира,како што се некои компании кои на големо ги рекламират своите фирми ,и инвестирале над 1 милион евра, па некој сега да им го наруши бизнисот навистина е една голема глупост.

Originally posted by mitatos Овие изгледа сакаат да воспостават монопол во такси групациите, ама тешко доколку вака се краде од лиценци ,и од разни безвезни казни или даноци за истакнување на фирма или наплатување на лиценци, што е работата со тие што веке ја платиле значи ке им ја поништат,па сега други, и секој пат едно исто само да се полни буџетот, ова е срамота за градот, таксистите никогаш нема да успее градот да ги контролира,како што се некои компании кои на големо ги рекламират своите фирми ,и инвестирале над 1 милион евра, па некој сега да им го наруши бизнисот навистина е една голема глупост.

А кој е твојот предлог? Како мислиш дека сакаат да воспотават монопол? Ако сите се исти, односно не се разликуват во изгледот, тоа значи дека малите компании ќе имаат исти шанси како и големите. Единствен фактор кој ќе одлучува за изборот на колата во која би влегол потенцијалниот патник би бил атрактивноста на колата. Тоа значи дека ќе се овозможи пофер конкуренција, што е спротивно на монопол.
Тоа што викаш дека целта со новите лиценци било да се наполни градскиот буџет е чиста глупост. Па 3000 денари чини да се направи само такси таблицата.
Дека до сега некои инвестирале многу пари во рекламирање (баш рекламирање, а не маркетинг, затоа што кај нас зделки за "рекламирање" се прават во кафана со "газдите на "медиумите""), и понатаму ќе имаат "корист" од тоа бидејќи и понатаму компаниите ќе си имаат сопствени броеви за повик.

Единствено што не се сложувам со новите правила е што не се воведени стандарди за колите и за облекувањето и однесувањето на возачите. Ако можеше во Софија и Белград(претпоставувам) да воведат стандарди може и Скопје. Доказ дека такси бизнисот е исплатлив се новите компании кои влегоа со нови и солидни коли, што значи дека сите може да инвестираат во подновување на возниот парк. Не е проблем за просечен таксист да инвестира во нова кола, бидејќи со 13000 евра може да се купи сосем солидна кола за балкански услови, проблемот е во тоа што кај некои таксисти нема иницијатива и едноставно се трудат пасивно да донесат некоја пара дома. Впрочем повеќето коли се ОК, но несмее да се дозволи тие 5-6% Лади и Варбурзи да продолжат да возат низ градот. Исто така треба да се воведе и кодекс за облекување и однесување. Неможе во град кој се темели на европски вредности да има таксисти по влечки и маици со циркони. Не би бил некој проблем ако се пропише бела кошула и пристојни панталони.

П.С. Верувам дека налепниците ќе ги напраат со некој жиг или нешто слино за да неможе да се фалсификуваат.

Edited by nylon - 17-Nov-2010 at 21:31

Ова што го кажуваш е ОК од социјална гледна точка. Но незаборавај дека државата функционира со зафаќање на дел од доходот на граѓаните (значи тоа е зафаќање, а не земање, бидејќи тие пари се наменети по дефиниција за општокорисни работи). Впрочем тоа е и обврска на секој граѓанин.
А не ли мислиш дека зголемувањето на цената на такси превозот оди во корист на таксистите? Досега такси превозот беше премногу евтин. Според мене треба барем двојно да се згоелеми цената, што покрај другото би допринело и за намалување на бројот на таксистите а со тоа и хаосот во сообраќајот.
Мора да разбереме дека таксизмот треба да ја преброди оваа фаза на хонорарност и дополнителен приход. Сепак тоа е сериозна работа и треба да се третира како и сите други. Неможе сеуште таксистите да одбиваат да стават фискални каси, затоа што ако стават нема да можат после со парите да одат во кафана, туку ќе треба да ги стават на својата сметка во банка. Дали мислиш ти дека таксистите треба да бидат привилигирани во однос на другите правни лица?
Дали мислиш дека градот треба да ги ослободи од давачките? Па градот, де факто, на нив им дава франшиза за да ја вршат таа дејност. Незнам сега колку изнесува лиценцата, но секако дека треба да биде барем 10% од приходот на таксистот. Градот им дава ексклузивна можост со лиценцата да превезуваат патници остварувајќи приход. Како мислиш дека ќе се направат такси станици и ќе се средат дивите таксисти ако градот нема пари во буџетот? Или ние можеби сме В.Британија во времето на Викторија па ќе го земе златото од Индија . Извини за иронијата, но сакав да го објаснам посликовито, иако сум сигурен дека совршено ме разбираш.

Мислам дека трудот на градските власти за воспоставување на ред во такси превозот нема да промени ништо. Покрај дивите таксисти, самите такси здруженија се поделени на 2-3 групи, при што таман едната ќе постигне договор со градот, другата се решава да штрајкува и обратно.

Овде работата треба да си ја превземе инспекторатот и полицијата со одземање на регистрациите и привремено на патничките возила. Просто е неверојатно како овој проблем не може да се надмине.


Edited by BOJAN - 18-Nov-2010 at 12:29

Јас мислам дека треба да се професионални како и сите други професии, и да овозможат најдобра услуга за клиентите. На крајот тие ги зимаат парите, а за тие пари треба да си ја завршат својата должност. Денес профитот и услугата, мислам дека се над чуствата, емоциите, и определбата.

Нека ги покачат цените, но да се подобри услугата.

А околу унифицирањето јас сум против. Нека се постават обрвски за возилото, какво треба да биде и кои критериуми да ги исполнува, под што се подразбира да е ново, средено, функционално и чисто. Нека се постават налепници на македонски, албански и англиски на прозорците и шофершајбната со која ќе се информираат клиентите за лиценцираноста, цената и безбедноста на услугата. Нека се воведе систем на контрола на возењето на такси-возилата и каде тие се наоѓаат, за што веќе мислам дека има во некои такси-компании. Има уште многу за дискутирање на оваа тема, сега не би пишувал.... Но во никој случај да не се наметнува некоја боја или пак незнам возило, што и да е унифицираност од страна на држата или градот. Во секој случај во една професионална, сериозна и лиценцирана такси-компанија сигурен сум дека возилата ќе бидат унифицирани, и нема да има разнобојност и различни видови возила....

Originally posted by Cloverstack Не зборуваме за приватно возило туку за вид на јавен превоз. Затоа целата работа нема ни блага врска со лична слобода и избор. И ова не се однесува на само на верски и етнички симболи, туку на сите можни додатоци на таксито што може да се замислат. Ако веќе бараме кодекси и униформи, тотално несфатливо е да биде оставено секој да си го кастамизира возилото по свој вкус и убедувања.

Види крај краева ќе се сведеме на избор на муштеријата каде ќе се качи. Премногу е себично да бараме од градот да спроведува вонуставни услови и да регулира тематика која задира во личната слобода на таксистот. Може ќе има компании што ќе го уредуваат ова прашање и ќе забрануваат, може ќе има компании што ќе бараат дополнително одредена симболика. Мора да се остави ова да биде регулирано од приватниот сектор, не од градот, зашто непотребно градот ќе се втурне во бесмислени ограничувања и правила. А може и ќе се наметне проценката на профит, па може ќе има компании што ќе се водат дека со дополнителна симболика ќе изгубат профит и ќе ограничат, може некои сметаат дека ќе добијат профит и ќе истакнуваат.

А конкретно по однос на верско-националните симболи треба да си разграничиме што е демонстрација на припадност и не загрозува и не навредувава, а што е национализам што загрозува и навредува. Не може така прост пристап и комплет се да ставаме во иста кошница па со својот национализам дури и туѓата демонстрација на припадноста да ја толкуваме како национализам од другата страна. Тоа е недозволиво, а најмалку па градот да биде посредник што тоа ќе го уредува.

Најлибералниот пристап каде што што сопственикот на таксито (компанијата, таксистот) ќе уредува како ќе му биде уредена колата и каде муштеријата ќе влезе во кое такси сака.


Edited by lslcrew - 18-Nov-2010 at 15:40