Градска автобуска станица - Гевгелија

Гевгелија гради нов пазар и автобуска станица
23/12/2012

Почнаа изградбата на новата автобуска станица и новиот градски пазар во Гевгелија и инвестициите вредни над 60 милиони денари.

Новиот градски пазар ќе се простира на површина од околу 6.000 метри квадратни, градежните работи ќе се одвиваат во три фази и треба да завршат во рок од 90 дена.

„Трговците и производителите ќе добијат многу посовремени услови за работа со што и понатаму ќе продолжи традицијата на нивно собирање на пазарен ден во градот, долга повеќе од век и половина“, рече градоначалникот Иван Франгов и додаде дека со ова се потврдува дека и во услови на светска економска криза на југот од Македонија работите се движат.

Според Франгов, со новата автобуска станица и претстојната реконструкција на железничката станица, Гевгелија ќе добие модерен транспортен центар, а објектот оптимално ќе ги задоволи потребите за автобускиот сообраќај.

Инаку, вкупната на вредност на новата автобуска станица изнесува 11,5 милиони денари, а изградбата треба да заврши во рок од 120 дена.

Денеска исто така во употреба беше пуштена новоизградената улица „Мирко Делев“ во Негорци, во должина од 609 метри.

http://faktor.mk/archives/17325

Ја паметам старата автобуска станица, и морам да кажам дека новава (барем вака, од фотографијава) е далеку, далеку подобра.

Мала некако, и паркингот и покриениот дел и зградата... интересно ќе е и излегувањето од перон со враќање наназад на возилата, посебно од тој перон најблиску до куќите.

Куќарката да била 4 пати поголема ќе личела далеку посериозно. Како кен личи. Сепак Гевгелија не е до толку маргинален град. А паркинг? За 4-5 возила...

Како и да е, со здравје да си ја користите, барем нешто е променето

Еве што напишале во 24 часа:

Најужниот град во земјава – Гевгелија, конечно доби нова автобуска станица за локален и меѓуградски сообраќај.

Какви ли се овие новинари. Го загадуваат етерот со своето присуство и трескањето небулози.
Гевгелија не е најјужниот град во Македонија. Таа се наоѓа на 41 степеен и 08 минути Северна географска ширина.
Појужно од Гевгелија се: Охрид 41 степен 07 минути с.г.ш.; Ресен со 41 степен и 05 минути с.г.ш. и Битола (најјужниот град) со 41 степен и 02 минути с.г.ш.

Денес, кога овие информации секому му се достапни буквално пред нос, горенаведеното тврдење од 24 часа е трагикомично.

Текстов е преземен од Фејсбук страницата на општина Гевгелија:

„Од предавањето во употреба на почетокот на август, услугите на новата Автобуска станица во меѓуопштинскиот сообраќај во Гевгелија до крајот на август ги користеле 1835 патници.

Поточно, толку патници патувале со автобусите на „Руле турс“, фирма која одржува шест линии на релацијата Гевгелија-Скопје, на „Трансбалкан“ на релациите до Струмица и Битола, како и на една линија за Скопје на „Амиго“. Од денес воведена е уште една линија за Скопје, така што автобусот на „Руле турс“ секое утро тргнува за Скопје во 4.30
часот.

Инаку, во анкетата на веб страната на општина Гевгелија, 69% од анкетираните граѓани изразиле задоволство од услугите на новата автобуска станица.“

Edited by Џоле - 18-Sep-2013 at 17:58