Паркирање и паркинзи (општо)

Државно земјиште е државно и за сите, приватно е приватно само за поединец, и тука е границата. Не постои никакво "право" да узурпираш земјиште само зашто е кај тебе пред куќа. Тоа се заблуди што се шират низ Македонија кои немаат никаква правна основа дури ни во македонското законодавство. Па така, мајмуни знаат по паркинзи да ставаат онакви портокалови блокатори, ако пројде пројде, па друг да ги крши. Нема ништо такво! Ама затоа државата се глупира и толерира и развива бенифицирано зонско паркирање, што е контра-уставно!

Јас незнам зашто во Македонија упорно се форсира некоја идеологија од сите партии дека треба да се суспендира пазарната логика од страна на државата за комоција на поединци. И тоа секојдневно по некоја епиозда оваква имаме! Еве како ти што мислиш дека надвор од пазарната логика треба некому да му следува бесплатно место за паркирање иако постои можеби друг спремен граѓанин кој е спремен да плати 100 еур месечно на градскиот буџет за тоа место. Редовно се манипулира со луѓето со тие земјоделски субвенции кои се врвот на рушењето на пазарната логика и ништо не придонесуваат за економија, а се трошат огромни пари. завчера пак некои земјоделци нешто штрајкувале, сакаат владата да им обезбедуварегулирани цени со регулиран пласман. Вчера претседателот се дрзнува да коментира цени на приватни здравтствени услуги и да дава глупави изјави дека не требало приватните болници да се збогатуваат во криза, а капацитетите им се фул продадени по цените кои што се, значи има интерес и за тие цени и се додека ќе има ќе останат тие цени. Аман, до кога овој народ ќе чека некаков спасител, некаква цврста рука Стаљиновска да удира од маса и да регулира пазар. Мајмуните од центар си ги рентаат гаражаите за магацини за пазарче, долните спратови на дебар маало и максим горки до стамбени ги преправија во стопански, и на крајот уште плачат дека треба сите колективно да им плаќаме паркинг. Јас дури обратно би играл и данок поголем би им вовел.

Секој пат кога по вести ќе видите како некој искористил нешто од државата надвор од пазарна логика, треба да знаете дека тоа е на ваша штета! Во Македонија народот е комуњарски отупавен и се солидиризира со оваквите испади кога некој сака да искористи од државата нешто, наместо колективно да го осуди.

Edited by user8642 - 31-Mar-2021 at 09:13

комуњарската отупавеност следува од комуњарскиот урбанизам, ќе можевме да збориме нормално за ова да постоеше некое голема старо градско јадро кое не смее да се чепка, ќе беше строго пешачко и таму ќе поставувавме стандарди... ама факт е дека 90% од објектите во центарот се огромни станбени блокови се до самиот плоштад
не викам да одиме по нивен кеиф, ни на крај памет не ми паѓа, само зборам дека на проблемите треба да се гледа поопширно и да се изнајдат решенија кои се склопени со почит према тоа како функционирале до сега работите
не можеш да очекуваш од толку многу луѓе да возат точаци до работа, ниту пак да ги убедуваш дека треба нешто да им се наплаќа само поради тоа што живеат во центар, како демек подобро и оправдано е што луѓе во периферни населби се испопаркирани по улица на пример

и не зборете за пазарна логика на претријатие кое црта паркинзи кај ќе стигне и дека е ок тоа што исцртаа паркинзи на тротоари каде што претходно беше нелегално да се паркираш, ама се толерираше во духот на комуњарството... проблемот не се решава, само се префрла од едни раце во други

ако сакате да збориме за вистинско решавање на проблемот, тогаш да збориме за комплетно искоренување на импровизираните паркинзи во градот, креирање на соодветни сообраќајни решенија и паркинзи, развој на јавен превоз, конечна контрола на бројот на паркинг места и сервисен пристап при изградба на објекти и т.н.
ама ај ќе се плукаме кој е поголем сељак во градов и кој има поголеми права место тоа

Originally posted by user8642 Originally posted by zabegan ... со почит према тоа како функционирале до сега работите Клучниот проблем на Македонија!

ако имаш некакво магично решение каде што се менува инстант се, сподели слободно, само не ме убедувај дека живеење во центар е нешто ексклузивно и привилегија, тоа ти е едно од комунистичките учења за кои збориш

Originally posted by user8642 Привилегија е и ексклузивно право кое доаѓа од можноста да се издржи финансиски тоа. А баш комунистички е да мислиш дека треба да живееш во центар пошто тоа ете "од секогаш било така" и пошто дедо ти бил заслужен пред 50 години во друга држава и друг систем. И "одозгора на тога" тој комодитет да ти го платат останатите граѓани кои немаат ни саглам јавен превоз да дојдат до центар и мора да плаќаат патарини на секои 10 километра. Магичното решение се вика Капитализам и Пазарна Економија во секоја пора од општеството, во секоја сулуга од државните органи, секаде на секој чекор. Природно донесува баланс, нормално ако нема редовно будали кои сакаат "да го поправат" природното.

супер, тоа го решивме и ај че поминам преку тоа дека сите граѓани ги ставаш во ист кош на предрасуди... сега убеди ме дека центар е нешто поразличен од останатите населби за да има различна доктрина

На местото на старата полициска станица во Ѓорче Петров направен паркинг



На место на поранешната полициска станица која беше срушена пред неполна година направен е паркинг простор со 46 паркинг места, информира денеска општина Ѓорче Петров.

Во информацијата се наведува дека 42 места се наменети за моторни возила, 1 паркинг место за возило на лица со попреченост и 3 паркинг места за мотоцикли. Изведена е атмосферска канализација и поставено е соодветно осветлување со што е зголемена безбедноста на граѓаните и намален ризикот од кражби.

-Изградбата на паркингот е по барање на околните станари кои со неговата изведба добиваат соодветно место за своите возила а истовремено и зголемена безбедноста во сообраќајот. За три години во централниот дел на Ѓорче Петров изведени се 5 паркинг простори со капацитет за околу 200 возила, со што се решава проблемот со паркирање во општината, наведува општината.

https://skopskoeho.mk/na-mestoto-na-starata-politsiska-stanitsa-vo-gorche-petrov-napraven-parking/

Секојдневие во Мичурин,паркинзите позади новата црква и околината.Хаосот го генерираат повеќе причини



1.Недоволно паркинг простор(откако почнаа да ги креваат колите што ги оставаа по ул.Симеон Кавракиров околниве паркинзи почнаа да стануваат екстра хаотични

2.Авто Школи(Кекец и Шкорпион) имаат околу 15-тина возила од кои дел ги возат дел не ама како и да е зафаќаат повеќе паркинг места.

3.Голем број на фирми во приземјето од зградите создаваат дополнителна гужва,влегуваат со комби возила па по пола саат оставаат блокирани пролази па се слушаат свирки цел ден.

4.Општинските власти 15 години не сакаат да го оспособат празниот простор близу маркетот Стокомак за паркирање или да изведат монтажен паркинг.

Еве низ извадоци од Google maps поточно за кој дел се работи,хаос е цел Мичурин но овој дел е еден од покритичните





простор за паркинг

Освен изградба на монтажен паркинг, како што наведувате на платото кај Стокомак, Мичурин плаче целосно да се организира во систем на еднонасочни улици, дури и распоредот на улиците е мошне поволен за таква мрежа на еднонасочни улици центриран околу мичуринскиот парк. Додека ул. Симеон Кавракиров исто така треба да е едносмерна во правец на Стар Аеродром со изградба на некаков кружен тек пред вкрстувањето со ул. Фрањо Клуз, иако таму не знам како ќе се амортизира колапсот кој следи со вселувањето на стотици нови станови во околните нови згради, а уште сега е хаос и гужва која е постојана...но, од општина Аеродром спијат и иако од оваа населба собираат огромни приходи од комуналии од изградбата на збутаните зградурини, безсрамно ни денар немаат вложено во решавање на хаосот со улиците и паркирањето во Мичурин! И под итно треба да се тргнат авто школите од оваа населба, едноставно тука нема простор за десетици коли на авто школите кои дополнително го блокираат и онака закрчениот сообраќај во и околу Мичурин.

Edited by antigona - 08-Apr-2021 at 22:24

Реновиран и проширен паркингот пред Кам во Ѓорче (спроти СП Планет). Порано собираше 5-6 коли, сликано денес:

Зашто имало потреба од ограничување на висина на возилата?

Паркирањето проблем, но граѓаните го знаат решението

Апели до општинските администрации за
порешителна потрага по паркинг-решенија
Се наполнија тротоарите со паркирани автомобили, како и половината од коловозните ленти на сервисните улици во населбите. Поради тоа не можат да се разминат две возила. Проблемот со недостиг од паркинг-места е актуелен речиси во сите градски населби. На пример, дури комични се ситуациите кога граѓани демнат од своите тераси дали ќе се ослободи некое паркинг-место за да може да го сместат својот автомобил. Поради овој хроничен проблем со недостиг од паркинг-места, граѓаните сѐ почесто им обрнуваат внимание на надлежните во администрациите на локалните самоуправи со свои предлози, сугестии и интересни иницијативи. Од некои скопски општини велат дека проблемите со паркинг-капацитетите ги решаваат во зависност од можностите, од просторите што најлесно можат да се претворат во дополнителни мали паркинзи за да го растоварат паркирањето на локалните сервисни улици, а некои, пак, планираат поставување монтажни катни гаражи.

Што откри нашето истражување на овој проблем во Општина Кисела Вода и во Општина Чаир

– Во насока на наоѓање решение на проблемот со паркирањето, Општина Кисела Вода во населбата Расадник оваа година ќе постави монтажна катна гаража, која ќе биде со површина од околу 1.500 квадратни метри – информираат кратко од локалната самоуправа на оваа скопска општина.
Со недостиг од паркинзи се соочува и Општина Чаир, а надлежните етапно дел по дел по населбите наместа го решаваат проблемот наоѓајќи соодветни локации за паркиралишта. Се градат нови паркинзи во населбата Стар Чаир, каде што дел од парковските површини и дел од оние слободни површини се претворија во паркинзи. Наместо на сервисните улички, тамошните жители сега ќе се паркираат на новиот паркинг-простор на површина од 830 квадратни метри.
– Стар Чаир е една од многуте локации што е дел од нашиот акциски план за зголемување на актуелните паркинг-капацитети и работата во овој правец ќе ја продолжиме и на други локации каде што за тоа има потреба. Секој ден сѐ повеќе и повеќе во Чаир додаваме нови паркинг-места, одговарајќи на барањата на граѓаните и потребите за зумирање на тековните капацитети за паркирање. Продолжуваме со интензивната акција во овој правец и на улицата Крсте Асенов број 22, а потоа и на улицата Дервиш Хима каде што започнавме со процесот на работа по барање на граѓаните од оваа населба – истакнуваат од Општина Чаир.

Каква е состојбата во Општина Ѓорче Петров, а каква во Гази Баба?

Во правец на проширување на паркинг-капацитетите работат и надлежните од Општина Ѓорче Петров и последно по сите стандарди изградија паркинг кај старата полициска станица со капацитет од 50 паркинг-места.
– Се градат нови паркиралишта и им се излегува во пресрет на граѓаните. Шест паркинзи напоредно се прават, а четири се веќе готови. Два веќе се асфалтираа кај големиот кружен тек, а имаат капацитет за 20 возила. Недостигаше паркинг и во населеното место Волково и ние го изградивме пред ОУ „Јоаким Крчовски“, каде што може да се паркираат дваесетина возила. Исто толкав број паркинг места има и на новоизграденото паркиралиште пред црквата „Света Петка“ во Волково. Нови триесетина места за паркирање овозможивме и на паркиралиштето пред стадионот „Македонија Ѓорче Петров“ и уште едно паркиралиште за околу 25 возила адаптиравме на улицата Шидска. Исто така направивме и паркиралиште со поголем капацитет од 40 паркинг-места кај пристапната улица на корзото – информираат од Општина Ѓорче Петров.
Општина Гази Баба го решава проблемот со недостигот од паркинг-места со изградба на нови паркинзи, како и проширување на постојните паркиралишта со нови паркинг-места.

– Досега Општина Гази Баба има обезбедено нови повеќе од 100 паркинг-места во повеќе населени места. Изграден е нов паркинг зад амбулантата во Ченто, потоа пред основното училиште „25 Мај“, како и нов паркинг за станарите од кулата 45 во Железара. Исто така има нов паркинг пред Општина Гази Баба и еден кај црквата „Св. Спас“ во Маџари. Реконструкција и проширување се извршени на паркингот на последна 45-ка, реконструиран е паркингот во Железара и оној на улицата Анри Барбис – велат од Општина Гази Баба.
Оттаму додаваат дека за оваа година планираат реконструкција и изградба на повеќе паркиралишта, а веќе на терен се работи за изградба на ново паркиралиште на улицата Благоја Стефковски број 111 и на број 1, нов паркинг пред детската градинка „Калинка“ во Железара и еден на улицата Коце Металец кај зградите шест и осум. Овие нови паркиралишта ќе понудат повеќе од 50 нови паркинг-места, кои би ги задоволиле потребите на станарите од овие станбени згради. Проценуваат дека едно од критичните места во делот на паркирањето, но и циркулацијата на возила, е населбата Автокоманда. За решавање на овој проблем, Општината веќе подготвила сообраќајна студија, која наскоро ќе ја презентира пред граѓаните. Покрај студијата, Општината подготвила и проекти за изградба на монтажни катни гаражи на неколку локации во населбата за решавање на проблемот со паркирањето.

https://www.novamakedonija.com.mk/makedonija/skopje/паркирањето-проблем-но-граѓаните-го-з/