build.mk Homepage
Forum Home Forum Home > Главни теми > Проекти > Паркинзи и гаражи
  Active Topics Active Topics
  FAQ FAQ  Forum Search   Register Register  Login Login

Паркирање и паркинзи (општо)

Bookmark and Share
 Post Reply Post Reply Page  <1 4243444546 47>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #861 Posted: 20-Feb-2022 at 15:10
ВО ВЕЛЕС НЕ СЕ НАПЛАЌА ПАРКИРАЊЕТО, ГРАДОНАЧАЛНИКОТ КОЛЕВ ВЕЛИ ТАКА ЌЕ БИДЕ ДОДЕКА НЕ СЕ ИЗГРАДИ КАТНА ГАРАЖА

Во Општина Велес паркирањето нема да се наплаќа. На паркинзите во Велес веќе ги нема лицата кои наплатуваа бидејќи договорите им се истечени и нема да се продолжат. На 15 јануари им заврши договорот на десетината ангажирани со времено вработување преку ЈП „Парк, спорт и паркинзи“.

„Јас зборував дека паркирањето ќе го ставам во мирување, ако станам градоначалник. Сметам дека одлуката за платен паркинг во Велес е избрзана. Но, се бара соодветно решение. Донесените планови се дека ќе се гради подземна катна гаража на три нивоа во центарот на Велес. Додека не се изгради таа катна гаража нема да има платено паркирање на постојните паркинзи“, кажа градоначалникот Марко Колев.

Тој потенцира дека максимално се искористени 40-50 паркинг места во центарот на градот, додека паркинзите кај гимназијата и кај Автобуската биле празни како и пет други паркинзи биле неискористени.

„Граѓаните со сегашниот систем се доведени во нерамноправна ситуација. Кој сака плаќа, кој не сака не плаќа, бидејќи немаме услови да казнуваме за тие што не плаќаат. Немаме т. н. канџи немаме пајак возило. Времено ангажираните лица беа изложени на временските услови, на студено, на ветер, на дожд, немаше каде да работат, немаа услови“, вели Колев.

Тој кажа дека во наредниот период Упрваниот одбор на „Парк спорт и паркинзи“ треба да донесе одлука платениот паркинг да се стави во мирување, а потоа тоа да го прифати и Советот.

За првите два месеца, август и септември, од функционирањето на платениот паркинг од наплатата се собрани 481.105 денари. Во Велес, во двете зони на корисниците им се на располагање 11 јавни паркиралишта со 315 паркинг места. Цената за паркирање во зона А беше 30 денари, во зона Б е 20 денари, за еден час.

https://sdk.mk/index.php/dopisna-mrezha/vo-veles-ne-se-naplaka-parkiraneto-gradonachalnikot-kolev-veli-taka-ke-bide-dodeka-ne-se-izgradi-katna-garazha/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #862 Posted: 22-Feb-2022 at 17:58
На центарци полесно им е да ги паркираат возилата на улица, иако некои од нив имаат гаражи





Жителите на Центар сè уште се жалат на проблемот со узурпирањето на тротоарите и нерешениот проблем со паркирање, кое е особено изразен во централното градско јадро. Велат дека иако становите и куќите имаат гаражи, тие не се користат. Некои не ги користат поради тоа што едноставно ги мрзи да ги остават во гаражите, па паркираат на улиците и ги узурпираат тротоарите, а со тоа ги доведуваат во опасност пешаците и велосипедистите. Додека други, упатуваат на сериозен проблем дека не се во можност да ги користат гаражите.

Јана Белчева од Советот на Општина Центар смета дека нема волја да се реши проблемот со паркирањето.

– Ако се градат неупотребливи подземни паркинзи, просторот за безбедно движење на децата ќе им го земаат колите паркирани по тротоари, вели таа

Жителите на Центар сè уште се жалат на проблемот со узурпирањето на тротоарите и нерешениот проблем со паркирање кое е особено изразен во централното градско јадро. Велат дека иако становите и куќите имаат гаражи, тие не се користат. Некои не ги користат поради тоа што едноставно ги мрзи да ги остават во гаражите, па паркираат на улиците и ги узурпираат тротоарите, а со тоа ги доведуваат во опасност пешаците и велосипедистите. Додека други упатуваат на сериозен проблем дека не се во можност да ги користат гаражите.

– Сите станови и куќи имаат гаражи. Треба да ги користат, но општината не ни дава – децидна е Мартина Мартиновска, која го изложи нивниот проблем што се провлекува повеќе од 15 години.

Таа вели дека нејзината и уште неколку куќа се наоѓаат сред пазарчето Буњаковец. Тие имале улица за пристап до дома со автомобил по која можеле да дојдат до гаражата за да се паркираат, но не можат да ја користат бидејќи, како што објасни Мартина, Општина Центар ја продала на Скопски пазар, па за да дојдат до гаражите треба да вртат од спротивната страна.

– Во времето на приватизацијата пазарот се прошируваше и од тогашните 243 квадратни метри, станаа 2.000 квадратни метри, па неколку куќи останаа внатре во пазарот. Конкретно, мојата тераса гледа на тезга од пазарчето. Претходниот градоначалник на Општина Центар, пазареше постојано од таа тезга и знаеше за проблемот. Згора на тоа и се продава пристапната улица. Каде го има тоа – прашува Мартиновска и додава дека од Општината Центар им било ветено дека ќе им се врати улицата со експропријација, но еве веќе 15 години тоа не се случило. Тие бараат да се донесе ДУП за Дебар Маало 2, бидејќи постојниот е од 2012 година.

Јана Белчева од Советот на Општина Центар смета дека нема волја да се реши проблемот со паркирањето.

– Решенија има, дали има волја да се применат? Ако се градат неупотребливи подземни паркинзи, просторот за безбедно движење на децата ќе им го земаат колите паркирани на тротоарите . Бесплатен или евтин паркинг се најпогубни популистички чекори, но бараат силно и гласно мнозинство за да се сменат – смета Белчевска, нагласувајќи дека од Шанса за Центар ќе продолжат да се залагаат за решенија по мерка на човекот!

Од Општина Центар тврдат дека работат на решавање на проблемите на граѓаните кои живеат во околината на пазарот Буњаковец.

– Градоначалникот Горан Герасимовски имаше и средба со жителите од околните згради, на која присуствуваа и претставници од раководството на Скопски пазар, каде што се дискутираа можни решенија за овој дел од Центар – велат од локалната самоуправа.

Воедно, негираат дека пристапната улица е продадена некому и признаваат дека Скопски пазар треба да ги повлече тезгите од тротоарот, додека дел од жителите ги имаат под кирија издадено куќите кои се наоѓаат на самата улица и ги користат пазарџиите.

– Општина Центар од жителите бара вклученост кога предлог Деталниот урбанистички план ќе биде во фаза на јавна анкета и трпение додека не се донесе новиот ДУП за делот кај пазарот Буњаковец – порачуваат општинските власти.

Од јавното претпријатие „Паркинзи на Општина Центар“ (ЈП ПОЦ) одговорија дека континуирано преземаат мерки за решавање на проблемите со паркирањето, како што се: воведување на нови паркиралишта, стимулирање на користење на алтернативен превоз, секојдневно санкционирање на неправилното користење на резидентните зони, како и отстранување на непрописно паркирани возила на цела територија на општината.

https://www.vecer.press/на-центарци-полесно-им-е-да-ги-паркираа/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #863 Posted: 25-Feb-2022 at 17:54
Originally posted by stef4o

Originally posted by stef4o

Во Мичурин откако е отворено Блок Кафе ситуацијата со паркираните коли е ваква...дури мислам дека не ни се обидоа воопшто да поставуваат столбчиња за да се спречи паркирање на тротоар(од твитер)







Утринава ставиле столбчиња(од твитер)





Сега паркираат отспротива во тревникот спроти ГА 09,цел град да го наредат со столбчиња пак џабе ќе е(од фб)






Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #864 Posted: 16-Mar-2022 at 09:30
Originally posted by stef4o

Аеродром презема сопственост на некогашното зеленило зад Мајчин Дом за да гради паркинг



Општина Аеродром ќе прави паркинг-простор за 56 возила зад Мајчин дом. Се работи за локација меѓу домот и веќе постоечкиот зонски паркинг, позади контроверзната зграда на „ЗСФ-КОМ“, каде вирееше зеленило пред налетот на урбанизација и нови возила во овој дел oд скопската општина.

Веста за нов асфалт и обележување на делот зад Мајчин Дом на Фејсбук ја најави новиот градоначалник Тимчо Муцунски, откако локални жители на средба со него побарале да им се реши проблемот со паркирање.

Од Аеродром за Радио МОФ велат дека просторот неколку години претставува запуштено и неуредено место, на кое некои граѓани се паркирале на диво.

„Во моментов сме во фаза на пренос на земјиштето во сопственост на Општина Аеродром. На тоа место ќе биде изработено сообраќајно решение, според кое ќе се предвидат 56 нови паркинг-места и со тоа ќе се реши проблемот на станарите од зградата и околните места. Исто така, е разговарано со станарите за во комуникација со ЈП ‘Градски паркинг’ и таа зграда да се вклучи во системот за зонско паркирање што уште повеќе ќе придонесе кон ублажување на недостатокот на паркинг-места. За сите други активности со процесот на трансфер на сопственоста на земјиштето и негово уредување јавноста ќе биде навреме известена“, посочуваат општинарите.

Според Катастарот се работи за парцелата 192/4. Во имотниот лист моментално стои дека е во државна сопственост на површина од 1.495 метри квадратни. Во ДУП-от И10 парцелата уште претходно е впишана како „паркинг 14“.



Проблемот со паркирањето кај Мајчин дом не е случаен“

Откако општината даде државни зелени површини да се претворат во градежно земјиште, а сега практично едната од нив повторно ја враќа во сопственост да прави паркинг, постои скепса и за новото решение на Муцунски.

„Сите градоначалници забораваат една работа, дека проблемот не се решава отпосле, туку однапред. Односно се работи на соодветен урбанизам за да не создадат проблеми. А, секое решавање отпосле, тоа е изнудено решавање на сметка на јавна површина, дали е тоа тротоар, зеленило, игралиште за деца… затоа што не можат да измислат друг простор“, забележува архитектката Сања Раѓеновиќ Јовановиќ.

Според неа, кога се буни стручната јавност – не е случајно. Проблемот со паркирањето кај Мајчин дом, исто не е случаен. Тој дошол уште пред да се изгради зградата.

„Кај нас стихијно се одвиваат работите, односно само е важно да се изградат згради без разлика дали исполнуваат и други урбанистички параметри. Зградата е на несоодветно место со несоодветна висина и квадратура. Според закон треба да ги исполнува условите и само на тој начин да добие Одобрение за градење. Тоа значи, организирано паркирање во рамки на сопствената парцела, како за тие 248 стана од зградата (правилникот вика 1,5 паркинг места), така и за локалите, трговските единици од приземјето (1 паркинг место на 70 квадрати вкупно изградена површина), за кои треба да се обезбеди паркирање. Тоа, очигледно, не е направено“, посочува таа.

Проблемот би станувал се’ поголем со тоа што во непосредна близина е спортската сала, за која вели дека има несоодветен број паркинг места согласно намената. Исто така, го споменува конкурсот за Градска болница на местото на Мајчин дом, кој спектакуларно бил прикажан како решение за да се тргне гужвата од центарот на Скопје.

„Се’ е тоа во ред, но не на сметка на гужва на друго место. Во овие услови како функционира тој простор таму, а функционира лошо, во ситуација кога градската болница не е изградена, кога во спортската сала за жал немаме случувања, во овој момент најголем проблем прави зградата. Затоа, урбанизмот постои, урбанизмот е тој што ги предвидува проблемите и ги решава за да не настанат. Бидејќи кај нас урбанистичко планирање не постои, туку само исцртување површини за згради и додавање квадратури и спратови, ова ни се случува секојдневно и секаде“, забележува Раѓеновиќ Јовановиќ.


https://www.radiomof.mk/aerodrom-prezema-sopstvenost-na-nekogashnoto-zelenilo-zad-majchin-dom-za-da-gradi-parking/


Бизнисменот Етеми доби 330.000 евра за место за паркинг

Општина Аеродром на градежната компанија на бизнисменот Фатмир Етеми, ЗСФ-КОМ, му исплатила 20.287.500 денари (330.000 евра) на крајот на февруари, пари за експропријација преку Управата за имотно-правни работи.

„Средствата кои Општина Аеродром ги има исплатено на компанијата ЗСФ-КОМ се исплатени по основ на претходно склучен договор од претходната општинска администрација и градоначалникот Златко Марин. Станува збор за склучена спогодба во постапка за експропријација на земјиште пред МФ-УИПР Кисела Вода, за кој Општината имала законска и договорна обврска да го исплати.

Освен оваа исплата договорена од градоначалникот Златко Марин, Општина Аеродром повеќе нема никаква обврска да изврши дополнителни плаќања кон компанијата по овој или друг основ“, велат од Општина Аеродром.

Нема повеќе детали за кој простор станува збор и за колкава површина се работи, а единствено е познато дека Општина Аеродром ќе прави паркинг-простор за 56 возила зад Ортопедската клиника за деца на локација меѓу домот и веќе постоечкиот зонски паркинг, зад зграда на „ЗСФ-КОМ“.

Веста за нов асфалт и обележување на Фејсбук ја најави новиот градоначалник Тимчо Муцунски, откако локални жители на средба со него побарале да им се реши проблемот со паркирање.

- Во текот на 2022 година ќе ја почнеме и завршиме постапката за асфалтирање и обележуваме на просторот зад Мајчин Дом и на тој начин ќе обезбедиме нови 56 паркинг места, рече претходно Муцунски.

ЗСФ-КОМ купи две парцели на лицитација за три милиони евра. Едната парцела се претвори во зграда. а другата општината ја враќа во сопственост да прави паркинг. Етеми, пак, изјави дека земјиштето го купил во 2017 година на јавна лицитација од деловна банка, откако претходно имало неколку сопственици.

https://faktor.mk/biznismenot-etemi-prodade-mesto-za-parking-za-330000-evra
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #865 Posted: 25-Mar-2022 at 17:40
ПЛАТЕНИОТ ПАРКИНГ ВО ВЕЛЕС НЕ Е УКИНАТ, АМА МАЛКУ КОЈ ПЛАЌА ОТИ НЕМА КАЗНИ

Иако платениот паркинг во Велес не е укинат, ниту ставен во мирување, во јануари од паркирањето се собрани само 81 илјади денари додека во февруари 48 илјади. За потсетување, претходно се собирало помеѓу 210 и 250 илјади денари месечно.

„Паркингот ниту е во мирување ниту е укинат и само Советот донесува таква одлука. Треба да стои во годишната програм за работа на ЈП Парк, спорт и паркинзи и прилив од средства од платениот паркинг“ – кажа Пандорка Прличкова советник од СДСМ.

Најмногу средства од платениот паркинг во градот се собирале од тој пред Основен суд Велес, додека другите помалку, од некои и немало прибрано средства. Таков бил случајот со паркинзите кај Автобуската, кај Стар мост, кај Гимназијата. Минатата година од приход од паркирање биле собрани 1,026 милион денари а расходите биле 1,511 милион денари или загуба од 485 илјади денари. Тогашниот директор Љупчо Иванов тоа го препиша на фактот дека еден паркинг каде што времено се поставени тезгите и градскиот пазар не функционираше, а тој кај Гимназијата и кај Автобуската биле со мала наплата.

„За месец јануари оваа година, приходите се со вкупна сума од 81 илјада денари со тоа што бруто платите за вработените во паркинзи чиј договор беше важечки до 14 јануари изнесуваше 131 илјада денари. Во расходниот дел влегува плус и сумата за покривање на броевите од таблетите кои вработените ги користеа. Во февруари наплатени се 48.609 ден. вкупни приходи, 10.231 денари расходи од работењето вклучувајќи провизија, телефон од одржување или чист приход 38.378 денари“, кажа Диме Левков в. д. директор на ЈП Парк, спорт и паркинзи.

Договорите со операторите „А1“ и „Телеком“ завршуваат во јуни оваа година. За август и септември, од функционирањето на платениот паркинг беа собрани 481 илјади денари, во октомври 246 илјади, во ноември 214 илјади, во декември 225 илјади.

Во Велес, во двете зони на корисниците им се на располагање 11 јавни паркиралишта со 315 паркинг места. Цената на услугата во зона А е 30 денари, во зона Б е 20 денари, за еден час.

https://sdk.mk/index.php/dopisna-mrezha/plateniot-parking-vo-veles-ne-e-ukinat-ama-malku-koj-plaka-oti-nema-kazni/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #866 Posted: 25-Mar-2022 at 18:08
Кај Блок Кафе во Аеродром,откако им ставија столбчиња на тротоарот се префрлија да паркираат тука

Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #867 Posted: 31-Mar-2022 at 17:26
Надлежните не знаат кој стопанисува и наплаќа за паркирање без фискална на паркинзите на Бит-пазар!



Пазарната инспекција ќе провери кој стопанисува и наплаќа на паркинзите околу Поликлиниката „Бит-пазар“, на кои со години илјадници возила се паркираат, а фискални не се издаваат! Од Општина Чаир, на чие подрачје се наоѓаат паркинзите (со поставени рампи и куќарки и се наплатува, како на кој, 50 денари час за паркирање или 50 денари за цел ден), не знаат кој стопанисува со нив, но велат дека се на државно земјиште. На возачите кои ќе дојдат да се паркираат на некој од трите паркинзи, луѓето што работат таму веднаш им наоѓаат место, но наместо да им издадат фискална сметка за тоа, им пишуваат 50 денари на парагон-блокче или, пак, само им ги земаат парите. Се работи за голема сума пари која се врти секојдневно, со оглед дека овие паркинзи се секогаш пребукирани со возила. Каде одат парите?!

Пазарната инспекција ќе ги провери паркинзите околу поликлиниката „Бит-пазар“ на кои со години се паркираат возила, а не се издаваат фискални сметки. Од Општина Чаир, на чие подрачје се наоѓаат паркинзите, а на кои се поставени рампи и куќарки и се наплатува 50 денари за час паркирање или 50 денари за цел ден (како на кој), не знаат кој стопанисува со нив, но додаваат дека тие се на државно земјиште.

– Водејќи се од програмата за работа во областа на располагањето со градежно земјиште во сопственост на Република Северна Македонија на подрачјето на Општина Чаир за 2022 година, согласно со Генералниот урбанистички план на Град Скопје и Деталниот урбанистички план на Општина Чаир, во наведените парцели е предвидена изградба на катна гаража и зграда за користење на јавни институции. Согласно со правните норми и законските надлежности и ингеренции, на територијата на Град Скопје за стопанисување со јавните паркинзи и катните гаражи е надлежно јавното претпријатие „Градски паркинг“ – одговорија од Општина Чаир за весникот ВЕЧЕР, на нашето прашање кој стопанисува со паркинзите зад и околу Поликлиниката „Бит-пазар“ и каде одат парите со оглед дека не се издаваат фискални сметки. Побаравме одговор од повеќе надлежни институции, но тие ја префрлаа топката од еден на друг, а конкретен одговор нема.

На возачите кои ќе дојдат да се паркираат на некој од трите паркинзи, луѓето што работат таму веднаш им наоѓаат место, но место да им издадат фискална сметка за тоа, им пишуваат 50 денари на парагон-блокче или, пак, само им ги земаат парите.

Од Управата за јавни приходи велат дека се ненадлежни во конкретниот случај, но додаваат дека без разлика дали станува збор за јавни претпријатија за стопанисување со паркинзи или за приватни паркинзи кои вршат дејност на наплата, останува обврската за воведување фискален систем на опрема и издавање фискални сметки. При тоа, упатуваат на Државниот пазарен инспекторат.

– Управата за јавни приходи, како даночен орган, има надлежност кај регистрирани даночни обврзници кои вршат промет или даваат услуги со плаќање во готово да утврди дали издаваат фискални сметки. За нерегистрирано вршење дејност, надлежна институција, според Законот за забрана на вршење на нерегистрирана дејност, е Државниот пазарен инспекторат согласно со кој, при затекување на нерегистриран даночен обврзник, изрекува глоба и го задолжува да се регистрира во рок согласно со Законот – е одговорот од УЈП.

А од Државниот пазарен инспекторат, на којшто упатија од УЈП, изјавија дека ќе извршат контрола.

– Нашите инспектори ќе излезат на терен и ќе утврдиме за што се работи. Ќе се координириме и со останатите инспекторати за да се утврди кој точно стопанисува. Инаку, дозвола за користење на паркинзи издава Министерството за транспорт и врски. Наедно, и Инспекцискиот совет, исто така, може да организира координирана акција за да се открие за што, всушност, станува збор – ни изјави директорката на Државниот пазарен инспекторат, Анета Симеска-Димоска.

Од Министерството за транспорт и врски, пак, велат дека немаат врска со паркинзите и упатија одговорот да го бараме кај Град Скопје или кај Општина Чаир. И така во круг, како што, веројатно, се вртат и парите што се собираат од овие паркиралишта. За ненадлежни се огласија и од јавното претпријатие „Градски паркинг“, од каде што велат дека тие немаат врска со стопанисувањето со овие паркинзи.

https://www.vecer.press/надлежните-не-знаат-кој-стопанисува-и/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #868 Posted: 28-Apr-2022 at 13:18
СКОПСКИОТ ПАРК ИБНИ ПАЈКО ПРЕТВОРЕН ВО ПАРКИНГ, СЕКОЈ ДЕН СЛОБОДНО СЕ ПАРКИРААТ ПО 30-ТИНА КОЛИ



Паркот Ибни Пајко зад зградата на Филхармонија во строгиот центар на Скопје е претворен во паркинг. Над 30-тина возила секојдневно се паркираат на пешачките и велосипедските патеки, но и во зеленилото.

Ваквата слика на паркот, кој беше направен пред три години, а пред тоа беше див паркинг, е од утро до вечер. Наутро се паркираат вработените во институциите наоколу, попладне родителите кои ги носат децата во музичкото училиште “Илија Николовски Луј”, а навечер гостите од кафулињата во Чаршијата.

Колите слободно се паркираат оти никој не ги казнува ниту пајакот ги крева непрописно паркираните возила.

Директорот на ЈП „Градски паркинг“ Бојан Христовски пред една недела се пожали дека пајакот не може да крева погрешно паркирани коли, бидејќи од Министерството за внатрешни работи не им даваат полицајци. За да може пајак службата да подигне неправилно паркирани возила мора да оди во придружба со полиција, која всушност ја пишува казната, а пајакот го отстранува возилото. Христовски рече дека министерот Оливер Спасовски му прави опструкции и затоа не можат да ги решат поплаките од граѓаните и проблемите со паркирани коли низ градот.

Град Скопје на 10 јуни 2019 го отвори новиот парк Ибни Пајко. Паркот е со површина од околу 11.000 квадратни метри, со 7. 500 метри квадратни трева со прскалки и системи за наводнување кои работат на принципот „капка по капка“. При уредувањето на овој запуштен простор се зачувани затекнатите 12 дрвја кои постоеја на оваа локација, а засадени се нови 85 дрвја. Покрај подигнатото зеленило, во паркот се изградени и пешачки патеки, сервисна улица збогатена со улична уметност, а на ѕидот на Средното музичко училиште нацртан е мурал.

https://sdk.mk/index.php/dopisna-mrezha/skopskiot-park-ibni-pajko-pretvoren-vo-parking-sekoj-den-slobodno-se-parkiraat-po-30-tina-koli/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #869 Posted: 03-May-2022 at 16:35
НА ДИВО ИСЕЧЕН ДРВОРЕД ЗАРАДИ ПАРКИНГ ВО ВИНИЦА, ОПШТИНАТА ДОПРВА ЌЕ ИСПИТУВА КОЈ СЕЧЕЛ НА ДРЖАВНО ЗЕМЈИШТЕ


Улицата Партизанска во Виница при крајот на април остана без дрворедот што се простираше по тротоарот покрај поранешната текстилна фабрика „Трико“ која пред четири години пропадна. Сега на Партизанска, на местото каде со години беше дрворедот од неколку видови дрвја, има празен простор кој се поплочува. Општинските власти не знаат кој ги исекол дрвјата и допрва ќе испитуваат.

Работниците кои изведуваа работи рекоа дека градат паркинг и дека тоа место е на компанија која се подготвува да произведува чоколада. Работниците немаа сознанија кој го исекол дрворедот. Тие, не можеа ништо да кажат ниту за спомен-бистата на народниот херој Кирил Михајловски-Груица (1918-1991) која пред изградбата на бетонскиот зид имаше пристојна местоположба, но сега со подигнувањето на бетонските столбови е како во зандана и доаѓа зад оградата опкружена со бетонски столбови.

Раководителот на Секторот за урбанизам и заштита на животната средина во Виница, Киро Довичински, вели дека Општината не издала никаква дозвола за сечење на дрворедот, ниту пак некој побарал.
Градоначалникот на Виница, Миле Петков рече дека овој простор е на Општината, односно е државно земјиште, а за просторот зад оградениот зид има постапка за привитизирање. За сечењето на дрворедот бил издаден налог комуналниот инспектор и останатите од инспекторатот за животна средина да го испитаат случјот и да преземат мерки според законот.

„Тоа што овој простор од улицата ќе се адаптира и во паркинг за потребите на новата фабрика не значи дека улицата ќе остане без троатоар, туку ќе ги има и двете функции и место за паркирање и простор за тротоар неопходен за минување“, вели Петков.

За спомен-бистата на народниот херој Кирил Михајловски-Груица, виничкиот градоначалник рече дека воопшто не е проблем за неа и тие веќе почнале да размислуваат за дислокација во истиот тој реон од градот.

Жителите од улицата Партизанска спроти фабриката и новиот паркинг со негодување зборуваат за исечениот дрворед.

„Не знаеме како се случи сите дрвца од спротива да бидат исечени. Не знаеме што се прави, но чувме дека новиот објект ќе произвидува чоколади. Среќни сме што од страната каде се наоѓаат нашите куќи по тротоарот стои дрворедот кој многу ни значи за нашата животна средина“, велат жители кои живеат на улицата Партизанска во Виница.

https://sdk.mk/index.php/dopisna-mrezha/na-divo-isechen-drvored-zaradi-parking-vo-vinitsa-opshtinata-doprva-ke-ispituva-koj-sechel-na-drzhavno-zemjishte/
Carpe diem
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #870 Posted: 03-May-2022 at 17:56
Ајде ајде, нека не перат раце од бизнис заедницата. Ѓубриња општински! Па кој цртал гуп/дуп? Кој продавал државно земјиште? Кој наплатил комуналии? И на крај по стариот соц-комуниситчки терк, "богаташите лоши" се криви, народни приказни секад мора "чорбаџијата" да е кривиот. Ајде носете се у пичку матер!
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #871 Posted: 01-Jun-2022 at 16:52
ВО СТРОГИОТ ЦЕНТАР НА БИТОЛА ЌЕ ИМА ПАРКИНГ НАМЕСТО ЛИМЕНИТЕ ГАРАЖИ КОИ УЗУРПИРААТ ЗЕМЈИШТЕ



Во строгото централно јадро на Битола, на просторот зад зградите на ЈАТ и Пионерскиот дом, ќе има паркинг, одлучи општинскиот Совет. Од советничкото мнозинство предводено од ВМРО-ДПМНЕ беше кажано дека тоа ќе значи партерно уредување на местото и паркинг, а ќе се отстранат лимените гаражи со кои е узурпирано земјиштето.

„Се почна со рушење на објектот на стариот суд за прекршоци, со цел да се ослободи тој простор и на другот дел има буквално узурпирано земјиште од луѓе кои што си направиле гаражи. Тие ќе ги нема. Сфаќате, како да ви кажам, ќе ги нема. Не може некој во центарот на градот да со прави таму гаражи, да ги изнајмува или било што да прави. Законот ќе почне да важи од ЈАТ“, предупреди од советничката говорница Бојан Бојкоски, координатор на советничката група на ВМРО-ДПМНЕ.

Од опозиционАта СДСМ рекоа дека за да се оствари планот исечени се долгогодишни дрвја, а потсетија и дека на истото место пред десет години ексградоначалникот Владимир Талески планираше да прави катни гражи, но се спротивствија жителите од околните згради.

„Во 2012 година започнавте еден таков процес. Тогаш влезот во катната гража ќе беше низ влезовите на зградите кои се сопственост на станарите. Тоа не го изведовте, сега повторно со истото размислување. Сега влезот ќе биде од другата страна, од кај Пионерски дом. Заборавивте дека таму е амбиенталната улица Рузвелтова, со коцка“, рече советникот Борче Корлевски.

Претседателката на Советот, Габриела Илиевска од Поинаку, рече дека ова ќе значи средување на тој дел од градот.

„Таму по ДУП е катна гаража. Сакаме Битола да ја средиме или не сакаме? Зборуваме за партерно уредување зад ЈАТ, ќе има паркинг места и ќе заличи местото. Во 80 проценти од тие гражи не се паркира. Се чуваат како визби, магацини и дел од нив се издаваат. Колку и да звучи популистички некогаш, на Битола ѝ требаат револуционерни одлуки. Револуционерните одлуки подразбираат некогаш и носење на тешки одлуки за некои граѓни, но не се спротивни на законот“, рече Илиевска.

https://sdk.mk/index.php/dopisna-mrezha/vo-strogiot-tsentar-na-bitola-ke-ima-parking-namesto-limenite-garazhi-koi-uzurpiraat-zemjishte/
Carpe diem
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #872 Posted: 01-Jun-2022 at 17:15
Овие вакви шупи мора подитно да ги снема од јавни површини. Све се дивоградби некави, на држвано земјиште, руинирани, грди. Ако нешто го карактеризира источно Европскиот урбан "пејсаж", тоа е се овие грдотии.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #873 Posted: 04-Jul-2022 at 17:01
Паркинзи од една страна, урбана опрема од друга – а пешаците каде?



БОРБА ЗА ПАРКИНГ-МЕСТО ВО ОПШТИНА ЦЕНТАР, СКОПЈЕ
Општина Центар е една од локалните единици на самоуправа каде што има најголем проблем со паркинг-простор. Поради атрактивноста на општината, многубројните локали, фирми, продавници и други атрактивни локации, во оваа скопска општина се бара паркинг плус. Ситуацијата е најсериозна на локациите каде што се сместени голем број угостителски објекти, чии посетители ги паркираат своите возила во непосредната близина на локалите во кои седат. Дополнително, угостителите за време на летниот период поставуваат летни тераси, кои ги оградуваат за да не им пречат минувачите, па пешаците веќе немаат каде да се движат. Ниту можат да се движат на улица, поради возилата, ниту пак на тротоарите, кои се делумно заградени за употребен простор од страна на угостителите. Ваквиот проблем, на штета на пешаците, станува алармантен, па токму затоа општинските власти одлучија да се зафатат со решавање.

ПРОСТОР ЗА ВОЗИЛА, ЗА ЛЕТНИ ТЕРАСИ, А ЗА ПЕШАЦИ НИКАДЕ?!

Никој не ни можеше да замисли колку проблеми ќе произлезат од отворањето на Боемска улица 2 пред неколку години. Во Редакцијата граѓаните постојано алармираат дека немаат каде да пешачат на оваа улица, бидејќи таа е преполна со маси, столчиња и автомобили.
– Со количка и мало дете немам каде да се движам. Преблокирана е улицата, што од возила што од летни тераси. Некои од угостителите дури и си ги заградиле терасите, за ние, пешаците, да не им пречиме и да не се движиме помеѓу гостите. Да, знам дека сите сакаат со возило да одат што поблиску до локалот, а угостителите сакаат да имаат што е можно повеќе маси, но мора да се мисли и на нас пешаците – вели Мила Јордановска, мајка на бебе, која неодамна шетала на оваа атрактивна улица во Центар.
Дека како граѓани немаме никаква сообраќајна култура говори и фактот што долго време на булеварот Партизански одреди се правеше огромна редица од паркирани возила со вклучени четири трепкачи, само за посетителите на едно кафуле да го испијат своето кафе. Тоа беше проблем што траеше долго време, сѐ додека надлежните не одлучија неговото решавање да биде во соработка со полицијата, која строго ги санкционираше сите непрописно паркирани на булеварот.
– Никаде во светот возачите не се однесуваат како што се однесуваат тука. Да можат, со автомобилите ќе влезат буквално во дворот на локалите. Блокираат цели булевари и улици, пешачки и велосипедски патеки, само да не пропешачат некој километар. Никој не смее да трпи на сметка на возачите, кои го имаат речиси половина Скопје во паркиралишта – вели Благоја Манески, велосипедист, кој редовно со својот велосипед оди на работа во скопски Центар.

БОЕМСКА 2 ЌЕ СЕ ЗАТВОРИ ЗА СООБРАЌАЈ

Општинските власти велат дека поради безбедносни причини на улицата Боемска 2, по иницијатива на градоначалникот Горан Герасимовски, се одржале неколку работни состаноци со сообраќајната полиција за наоѓање решение за моменталната состојба.
– По иницијатива на градоначалникот, со поддршка на претставници од сите советнички групи од Советот, поднесено е барање за затворање на улицата Боемска 2 за автомобилски сообраќај. Во моментов се разгледува барањето од сопствениците на локали за измени на постојниот правилник, по кој моментално постапува и Општина Центар, и донесување нов, ревидиран правилник за поставување урбана опрема. Барањето на угостителите е поддржано од дваесетина советници во Советот и е во процедура. Сопствениците и управителите на локалите започнаа да поднесуваат барања за поставување урбана опрема по постојниот правилник до Општината и доколку ја поседуваат целата потребна документација и е испочитувана постапката, Општината ќе им издаде одобренија за користење јавна површина – информираат општинските власти.

ЖИТЕЛИТЕ КОНЕЧНО СО ПАРКИНЗИ ПРЕД ЗГРАДА

Проблемот со паркирање во оваа скопска општина е толку сериозен, што јавното претпријатие за јавни паркиралишта „Паркинзи“ на Општина Центар одлучи да воведе резидентно паркирање на улицата Орце Николов во Дебар Маало, за да им овозможи на жителите на оваа улица непречено да паркираат пред паркинзите лоцирани пред нивните домови.
– Во согласност со одлуката за усвојување на правилникот за изменување и дополнување на Правилникот за користење на јавните паркиралишта од значење за Општина Центар-Скопје на јавното претпријатие за јавни паркиралишта „Паркинзи“ на Општина Центар-Скопје, паркиралиштата на ул. Орце Николов (на потегот од бензинската пумпа „Макпетрол“ до ул. Рузвелтова) ќе бидат резидентни паркиралишта наменети за станарите и жителите што живеат во опфатот на станбените единици со непарни броеви од бр. 69 до бр. 147 и со парни броеви од бр. 84 до бр. 146. Сите жители што живеат на оваа улица и поседуваат сопствено патничко моторно возило треба да извадат повластена паркинг-карта преку мобилната апликација на ПОЦ, веб-платформата www.poc.mk или во катната гаража „Судска палата“. Жителите што веќе поседуваат повластена паркинг-карта за Зона Ц треба да направат промена на зоната за да можат непречено да ги користат резидентните паркиралишта – информира ЈП „Паркинзи“ на Општина Центар.
По донесувањето на оваа одлука, жителите на оваа улица велат дека конечно ќе можат да најдат паркиралиште што нема со километри да биде оддалечено од нивните домови.
Тие велат дека проблемот им бил доста сериозен, бидејќи на оваа улица, исто како и на Боемска, има голем број атрактивни угостителски објекти, чии посетители ги паркирале своите возила, па тие, како жители на оваа улица, морале да паркираат на околните улици.

https://www.novamakedonija.com.mk/makedonija/skopje/parkinzi-od-edna-strana-urbana-oprema-od-druga-a-peshacite-kade/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #874 Posted: 05-Aug-2022 at 15:01
„Градски паркинг“ лани издал над 15.000 нови бесплатни дозволи за паркирање, а отворил само 38 паркинг места [инфографик]



https://meta.mk/gradski-parking-lani-izdal-nad-15-000-novi-besplatni-dozvoli-za-parkiranje-a-otvoril-samo-38-parking-mesta-infografik/
Carpe diem
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #875 Posted: 05-Aug-2022 at 15:37
Генијалци!
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #876 Posted: 17-Aug-2022 at 11:15
Originally posted by stef4o

ВО СТРОГИОТ ЦЕНТАР НА БИТОЛА ЌЕ ИМА ПАРКИНГ НАМЕСТО ЛИМЕНИТЕ ГАРАЖИ КОИ УЗУРПИРААТ ЗЕМЈИШТЕ



Во строгото централно јадро на Битола, на просторот зад зградите на ЈАТ и Пионерскиот дом, ќе има паркинг, одлучи општинскиот Совет. Од советничкото мнозинство предводено од ВМРО-ДПМНЕ беше кажано дека тоа ќе значи партерно уредување на местото и паркинг, а ќе се отстранат лимените гаражи со кои е узурпирано земјиштето.

„Се почна со рушење на објектот на стариот суд за прекршоци, со цел да се ослободи тој простор и на другот дел има буквално узурпирано земјиште од луѓе кои што си направиле гаражи. Тие ќе ги нема. Сфаќате, како да ви кажам, ќе ги нема. Не може некој во центарот на градот да со прави таму гаражи, да ги изнајмува или било што да прави. Законот ќе почне да важи од ЈАТ“, предупреди од советничката говорница Бојан Бојкоски, координатор на советничката група на ВМРО-ДПМНЕ.

Од опозиционАта СДСМ рекоа дека за да се оствари планот исечени се долгогодишни дрвја, а потсетија и дека на истото место пред десет години ексградоначалникот Владимир Талески планираше да прави катни гражи, но се спротивствија жителите од околните згради.

„Во 2012 година започнавте еден таков процес. Тогаш влезот во катната гража ќе беше низ влезовите на зградите кои се сопственост на станарите. Тоа не го изведовте, сега повторно со истото размислување. Сега влезот ќе биде од другата страна, од кај Пионерски дом. Заборавивте дека таму е амбиенталната улица Рузвелтова, со коцка“, рече советникот Борче Корлевски.

Претседателката на Советот, Габриела Илиевска од Поинаку, рече дека ова ќе значи средување на тој дел од градот.

„Таму по ДУП е катна гаража. Сакаме Битола да ја средиме или не сакаме? Зборуваме за партерно уредување зад ЈАТ, ќе има паркинг места и ќе заличи местото. Во 80 проценти од тие гражи не се паркира. Се чуваат како визби, магацини и дел од нив се издаваат. Колку и да звучи популистички некогаш, на Битола ѝ требаат револуционерни одлуки. Револуционерните одлуки подразбираат некогаш и носење на тешки одлуки за некои граѓни, но не се спротивни на законот“, рече Илиевска.

https://sdk.mk/index.php/dopisna-mrezha/vo-strogiot-tsentar-na-bitola-ke-ima-parking-namesto-limenite-garazhi-koi-uzurpiraat-zemjishte/


СТАНАРИТЕ СО ПРОТЕСТ В ЧЕТВРТОК ЌЕ ГИ БРАНАТ ГАРАЖИТЕ КАЈ ЈАТ ШТО САКА ДА ГИ УРНЕ ОПШТИНА БИТОЛА

Уривањето на помошните објекти – гаражите позади зградите на некогашен ЈАТ во Битола е планирано за четврток, според известувањето што од Општинскиот инспекторат го добија станарите на околните згради. Тие најавија дека ќе организираат протести и нема да дозволат рушење, а од Општината велат дека се завршени потребните законски процедури за почеток на отстранувањето на времените објекти.

Станарите се сомневаат дека на местото, во строгиот центар на градот, ќе никне катна гаража на четири ката, а издувните гасови ќе им одат директно во нивните балкони.

„Тоа се гаражи што се користат само за лични потреби на станарите во последните 50 години. Ги добија како обесштетување за куќите и гаражите што им беа рушени во 1970 година. Тоа се гаражи за кои дел станари две децении плаќаат засебна ставка. Штетата ќе ја осетиме 80 станови (320 станари) кога нашиот мирен простор за живот ќе стане катна гаража, јавен паркинг простор или можеби ветен станбен простор од 4-5 ката“, се вели во соопштението на станарите од зградите на улиците Димитар Илиевски- Мурато и Јосиф Христовски.

Тие потсестуваат дека и за времето на претходниот градоначалник од ВМРО-ДПМНЕ Владимир Талески имаше таква идеја таму да се изгради катна гаража, но станартите се спротивставија и не се реализира.

„Бараме да го видиме идејнотото решение, градежениот проект или сообраќајното решение на она што е планирано да се гради на просторот зад зградите. А тоа, никој од надлежните институции до денес не им го дава за можност или како законско право“, се вели во соопштението.

Од Општина Битола велат дека ги носат своите програми за работа во согласност со потребите на жителите, а спровеле и сондажа на јавното мислење. По направеното испитување на јавното мислење, во однос на дивите гаражи во градот на прашањето дали ви пречат дивите гаражи, 85 % од анкетираните се изјасниле со „да“, а 15 % со „не“. Граѓаните беа запрашани и дали просторот од дивите гаражи треба да биде уреден за паркирање, 75 % се изјасниле со „да“, а 25 % со „не“.

„По сондирањето на јавното мислење, во мај оваа година, беше донесена Одлука на Совет за рушење на постоечки објекти, со која просторот зад зградата околу 1.500 метри ќе биде преуреден. Општинскиот инспекторат ги презеде потребните мерки и ги извести станарите за постапките кои ќе следуваат, со што се завршени потребните законски процедури за почеток на отстранувањето на гаражите зад зградата кај поранешен ЈАТ“, соопштија од Општината.

Додаваат дека на оваа локација ќе понудат соодветно прифатливо решение за станарите, кои ќе можат да ги паркираат своите возила, но на уреден урбан простор, каков што доликува на централното градско подрачје.

https://sdk.mk/index.php/dopisna-mrezha/stanarite-so-protest-v-chetvrtok-ke-gi-branat-garazhite-kaj-jat-shto-saka-da-gi-urne-opshtina-bitola/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #877 Posted: 27-Sep-2022 at 14:18
ПОВТОРНО СЕЧА НА ДРВЈА ЗА ПАРКИНГ ВО ТЕТОВО



Повторно во Тетово се сечат дрвјата во градот, овојпат вчера беа исечени во комплексот познат како Стара пожарна. Оваа најнова сеча на дрвјата ја осудуваат и граѓаните и еколошките друштва.

„До кога аматери и кусогледи луѓе ќе ги кројат општинските политики? Кога ќе го исечете и последното дрво во градот и кога ќе ги бетонирате последните тревници, како тога ќе обезбедувате нови паркинг места? Дури тогаш ќе сфатите дека упропастувањето на тие малку зелени површини во градот за да се обезбеди некое паркинг место повеќе, не е и не може да биде решение за сообраќајниот метеж во градот“, реагираат од иницијативата „Тетово сака парк“.

Од Секторот за комунални дејности на Општина Тетово велат дека на овој простор било предвидено да се направат 100 паркинг места и дека тоа било по барање на граѓаните кои живеат во улицата Димо Гавроски-Кара позади Стара Пожарна, кои барале поправка на целата улица, поплочување со бетонски плочки, поставување улични светла и уредување на паркингот.

„Секторот за комунални дејности и заштита на животна средина и природа, според планот за реализација на јавните паркиралишта за 2022 година, на тоа место планирал реализирање на 100 затворени паркинзи. Според ДУП за блок 37, изготвен е основен сообраќаен проект за паркинг простор и за воведување на зонско паркирање. Целата работа е во координација со граѓаните што живеат на истата улица и се одвива без никакви проблеми“, соопшти Секторот за јавни дејности на Општина Тетово.

Пред неколку месеци, при реконструкција на улицата Мирче Ацев во центарот на градот беа исечени дваесетина големи дрвја кои беа на улицата што предизвика голем револт кај тетовци. На нивно место набрзо беа посадени нови садници, но на нив ќе им требаат години за да го вратат стариот изглед на улицата која важеше за една од најзелените во градот

https://sdk.mk/index.php/dopisna-mrezha/povtorno-secha-na-drvja-za-parking-vo-tetovo/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #878 Posted: 13-Nov-2022 at 15:45
Откако за кратко време Аеродром се наполни со нови кафичи особено Стар Аеродром и Мичурин ова е редовна појава на бул.К.Ј.Питу
Од твитер



Carpe diem
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #879 Posted: 13-Nov-2022 at 21:36
Мислам дека кога тотално ќе се блокираат булеварите и улиците во Аеродром, МОЖЕБИ тогаш општината ќе смисли решение за проблемов со паркирање.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #880 Posted: 29-Dec-2022 at 08:15
Жителите со рампа затвораат дел од улица во Тафталиџе за да си обезбедат паркинг места, Општина Карпош тврди не дала таква дозвола



Жителите од неколку згради лоцирани позади паркингот на „Веро“ во населбата Тафталиџе 1 со рампа на улицата ќе си обезбедат слободни места за паркирање. На делот од улицата Атинска, кој поминува веднаш до детското игралиште и која се протега помеѓу две паркиралишта, од кои едното е во сопственост на станарите на зградите, веќе е исечен тротоарот од двете страни за да се постави рампата.

Од двете страни на влезот во уличката се поставени и информативни табли на кои се предупредуваат граѓаните да не паркираат оти во спротивно „пајак“ ќе им ги крене возилата затоа што станува збор за паркинг наменет за резиденти од зградите на улиците Њуделхиска А6/1 и Б6/1-2, како и од зграда на улица Атинска 1/3, но и за возила со картички, односно за автомобили на граѓани што работат во фирмите што се наоѓаат на овој простор.



Граѓани кои живеат во околината прашуваат како е можно со рампа да се затвори улица, којашто е јавен простор за да се паркираат станари од неколку згради. Тие потсетуваат дека проблем со паркирање нема само тука, тоа е проблем во повеќето населби во општината, но велат, како би изгледало кога сите жители би поставиле рампи на улиците каде што имаат таква потреба.

Кој и како дозволил да се затвори уличка и просторот да се пренамени во паркинг за резиденти, одговор побаравме во Општина Карпош. Оттаму велат дека станарите имаат дозвола за поставување рампа, но само на паркингот, не и на улицата.

Земјиштето на посочениот паркинг е во сопственост на зградите. Станарите кои живеат во тие згради поднесоа барање од Општина Карпош, а општината им даде согласност за поставување рампа, а трошоците за поставување на истата се на нивни трошок. Затворањето на улицата е недозволиво, за тоа немаат добиено согласност и тоа мора да се корегира. Точно е дека овие станари имаат проблем што други граѓани им се паркираат на нивниот паркинг и нормално е да бараат да бидат заштитени, но сето тоа не смее да биде на штета на другите граѓани – објаснуваат од Карпош за „Слободен печат“.

Оттаму додаваат дека жителите на овие згради немаат каде да ги паркираат возилата затоа што им се паркираат други граѓани, па дури и камиони кои испорачуваат стоки во маркетот, но тврдат дека веднаш ќе реагираат доколку се затвори уличката. Сепак, нема одговор зошто сега не преземаат нешто кога веќе знаат дека се сече тротоарот, со што се уништува јавно добро.

Еден од поголемите проблеми со коишто се соочуваат карпошани е недостигот на слободни места за паркирање, особено во населбите Карпош 1 и 2, во Порта Влае, во Лептокарија и кај Млечен. Во предизборната кампања актуелниот градоначалник Стевчо Јакимовски најавуваше дека проблемот ќе го решава со изградба на катни гаражи во најзасегнатите населби, а во Карпош 1, населбата која е претворена во паркиралиште за сите оние кои работат или одат на гости во Центар, највени беа дури три монтажни гаражи. Досега од тоа нема ништо.

Уште во мандатот на претходниот градоначалник Стефан Богоев, по многубројните поплаки од жителите на Карпош 1 и 2 се ветуваше зонско паркирање во овие населби, а ваквата идеја беше поддржана и од Јакимовски кој дури најави дека зонско ќе се воведе во Карпош на целиот потег помеѓу Рузвелтова и булевар Осми Септември. И од тоа досега нема ништо.

Жителите на Карпош 1 и 2 и понатаму по половина час вртат низ населбите во потрага по паркинг место, а чести се обидите со празни канти да се чуваат места за паркирање, што доведува до расправии помеѓу соседите.

Граѓаните што поскоро очекуваат некакво решение и исполнување на ветувањето, за да не се случи по примерот на жителите од зградите кај Атинска да почнат да ги затвораат улиците со рампи.

https://www.slobodenpecat.mk/zhitelite-so-rampa-zatvoraat-del-od-ulica-vo-taftalidzhe-za-da-si-obezbedat-parking-mesta-opshtina-karposh-tvrdi-ne-dala-takva-dozvola/
Carpe diem
Back to Top
 Post Reply Post Reply Page  <1 4243444546 47>

Forum Jump Forum Permissions View Drop Down



This page was generated in 0.168 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.