build.mk Homepage
Forum Home Forum Home > Главни теми > Проекти > Паркинзи и гаражи
  Active Topics Active Topics
  FAQ FAQ  Forum Search   Register Register  Login Login

Паркирање и паркинзи (општо)

Bookmark and Share
 Post Reply Post Reply Page  <1 3132333435 47>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #641 Posted: 03-Jul-2020 at 16:16
Пајакот на Градски паркинг за пет години собрал 2 милиони евра од непрописно паркирање (инфографик)

ЈП „Градски паркинг“ – Скопје минатата година ја завршил со зголемени приходи од работењето, а пајак – службата имала зголемен обем на работа во споредба со претходните години. Возилата на пајак – службата лани собрале 15.412 непрописно паркирани возила од скопските улици, тревници и паркинзи, при што овој сектор остварил нето приход од 423.034 евра, се вели во Годишниот извештај за работењето на ЈП „Градски паркинг“ – Скопје за 2019 година.

Пајак – службата минатата година функционирала со осум специјализирани возила, при што две од нив биле набавени минатата година, додека две постари возила биле донирани во Кавадарци и Струмица. Статистичките податоци за минатите години покажуваат дека остварениот приход на пајак – службата на „Градски паркинг“ се зголемува низ годините во периодот од 2016 година до денес. Заедно со нив, расте и бројот на отстранети непрописно паркирани возила низ годината. Во изминативе пет години, „Градски паркинг“ – Скопје од овој сектор успеал да заработи околу 2 милиони евра.

Наспроти зголемениот обем на работа на „пајакот“, податоците покажуваат дека отворањето на нови паркинг места за граѓаните не е најсилната страна на ова јавно претпријатие. Лани биле оспособени вкупно 921 ново паркинг место од страна на ЈП „Градски паркинг“ – Скопје, со што вкупниот број на места за паркирање што ги има ставено на располагање на возачите изнесувал 8.999, заклучно со декември 2019 година. Ваквиот тренд на отворање нови паркиралишта не го следи вкупниот број на новорегистрирани автомобили во главниот град.

Колку за споредба, податоците на Царинската управа на РСМ покажуваат дека во државава лани биле увезени 48.969 автомобили, при што голем дел од нив завршуваат кај граѓани од главниот град. Истовремено, скопските градски власти допрва ќе треба да изработат детална анализа за тоа колкав број на паркинг места му недостигаат на Скопје, како прогноза за тоа колкава би била побарувачката за паркирање кај граѓаните во претстојниот период.

https://meta.mk/pajakot-na-gradski-parking-za-pet-godini-sobral-2-milioni-evra-od-nepropisno-parkiranje-infografik/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #642 Posted: 08-Jul-2020 at 08:32
И ПРОСТОРОТ ПОД КАМЕНИ МОСТ СТАНА ПАРКИНГ



Паркинг простор во строгиот центар на Скопје стана и делот под Камениот мост. Паркирани коли секој ден стојат под мостот и никој не ги казнува. Возила се наредени не само под мостот туку долж пешачката патека на кејот на реката Вардар сѐ до зградата на Македонскиот народен театар.

Ваката слика е секојдневие во овој дел од градот, а досега неколку паркирани коли завршија и во реката Вардар, меѓу кои и на актерката Весна Петрушевска.

Град Скопје лани неколку пати имаше акција со пајак службата за подигнување на паркирани коли под мостот Гоце Делчев, но и понатаму коли слободно си стојат долж кејот.

Од Град Скопје велат дека ќе постават столпчиња за да се спречи влез на возила на кејот и под Камениот мост.

А. АНТЕВСКА

https://sdk.mk/index.php/dopisna-mrezha/i-prostorot-pod-kameni-most-stana-parking/

Edited by stef4o - 08-Jul-2020 at 08:33
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #643 Posted: 08-Jul-2020 at 10:41
ПАЈАКОТ УТРОВО ГИ СОБИРАШЕ КОЛИТЕ ПАРКИРАНИ ПОД КАМЕНИ МОСТ



Пајак возила на ЈП „Градски паркинг“ утрово ги креваа колите паркирани под Камениот мост во центарот на Скопје.
Секој ден, пешачката патека на кејот на реката Вардар од Македонскиот народен театар па до Камениот мост е узурпиранa од паркирани возила. Ваката слика е секојдневие во овој дел од градот, а досега неколку паркирани коли завршија и во Вардар.

Возилата слободно влегуваат на кејот преку улицата покрај театарот и Музејот на ВМРО која води кон подземните гаражи. Но наместо да плаќаат за паркирање, граѓаните си паркираат слободно на кејот и под Камени мост.

Од Град Скопје најавуваат дека во овој дел ќе се постават столбчиња за да не можат возила да влегуваат и да се паркираат под Камениот мост и на кејот.

А. АНТЕВСКА

https://sdk.mk/index.php/dopisna-mrezha/pajakot-utrovo-gi-sobirashe-kolite-parkirani-pod-kameni-most/
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #644 Posted: 08-Jul-2020 at 17:54

настрана тоталната некултура во градов, ама ова се случува затоа што некој идиот реши дека одлично урбанистичко решение е под главниот симбол на градот да има влез во гаража, за објект на кој никогаш не му било местото таму
Architects create dreams...politicians create nightmares
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #645 Posted: 22-Jul-2020 at 15:39
Хроничниот недостиг на места за паркирање во Скопје континуирано се зголемува низ годините. Податоците за 2019 година покажуваат дека бројот на издадени бесплатни дозволи за паркирање на станарите е за 13 пати поброен од бројот на паркинг места со кои располага ЈП „Градски паркинг“ – Скопје, се наведува во Годишниот извештај за работењето на ова јавно претпријатие.



https://www.facebook.com/meta.mk.mk
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #646 Posted: 27-Jul-2020 at 14:30
Од денеска пуштено е во употреба паркиралиштето „Дилајла“.
На барање на жителите во населбата Капиштец, Општина Центар и ЈП ПОЦ воведоа промени во начинот на организирање и наплата на паркиралиштето „Дилајла“ и подземното паркиралиште во ООУ „Киро Глигоров“.
Овие мерки се преземени со цел да се реши проблемот со паркирањето во овој дел на Центар и да им се овозможи на жителите полесен и побезбеден пристап до нивните живеалишта.





https://www.facebook.com/sasha.bogdanovikj
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #647 Posted: 27-Jul-2020 at 20:30
вистинската реченица би била „овие мерки се донесени со цел ПОЦ да има дополнителен приход на средства“

да се грижеа за просторот сега дилајла немаше да постои, Рамсторот или тинексот ќе беше катна гаража, а постоечкиот паркинг ќе беше забранет за сите освен за станари
Architects create dreams...politicians create nightmares
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #648 Posted: 28-Jul-2020 at 11:45
Место да поскапи, болничкиот паркинг да стане бесплатен



Активистката за заштита на животни и животна средина и членка на Советот на Град Скопје Драгана Велковска, соопшти дека испратила барање до Советот да ја повлече од денешната седница точката за усвојување на одлуката за измена и дополнување на Ценовникот на услугите што ги извршува ЈП „Градски паркинг“-Скопје.

– Сметам дека болничкиот паркинг мора да биде бесплатен за сите, а особено во ек на пандемија и во пресрет на светска финансиска криза која се предвидува од есен. Градот е должен да покаже солидарност и хуманост, граѓаните и медицинскиот персонал не смеат да бидат оставени на цедило, уште помалку да бидат третирани како фиксни извори на приход за претпријатие кое самостојно објави дека падот на прометот се должи на пандемијата, се вели во соопштението од Велковска.

Таа побарала и од Управниот одбор на претпријатието да ја повлече одлуката и да усвои нова.

– Одлуката за 60 проценти зголемување на цената на болничкиот паркинг, стои во соопштението, ја сметам за бескрупулозна стратегија за капитализирање врз маката на граѓаните и затоа побарав од Управниот одбор на ЈП „Градски паркинг“ да ја повлече и да усвои нова одлука, која на дело ќе покаже дека градските власти навистина стојат до граѓаните во најтешките времиња, а не наспроти нив, стои во соопштението.

Имено, во Одлуката стои дека цената на услугата паркирање на јавното паркиралиште „Комплекс клиники Мајка Тереза“ треба да изнесува 40 денари за еден час паркирање со вклучен ДДВ.

https://nezavisen.mk/mesto-da-poskapi-bolnichkiot-parking-da-stane-besplaten/
Back to Top
skopjesarajmatka View Drop Down
Newbiе
Newbiе


Joined: 12-Jul-2020
Online Status: Offline
Posts: 5
  Quote skopjesarajmatka Quote  Post ReplyReply #649 Posted: 28-Jul-2020 at 18:39
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #650 Posted: 28-Jul-2020 at 20:27

Во прилог на АлЏазира Балканс го имаше истово, со тоа што таму ја обработуваа темата дека едно возило чини и над 30.000 евра.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #651 Posted: 12-Aug-2020 at 11:09
ДВОЈНИ РАМПИ НА ПАРКИНГОТ КАЈ „НОВА МАКЕДОНИЈА“ ОТИ СО ЕДНА КАРТА ВЛЕГУВАЛЕ НЕКОЛКУ КОЛИ НА АДМИНИСТРАТИВЦИ СМЕСТЕНИ ВО ЗГРАДАТА

ЈП „Градски паркинг“ до крајот на неделава ќе постави двојни рампи на паркингот кај Цветен пазар, спроти зградата на поранешна „Нова Македонија“. Од претпријатието велат дека имаат проблем со вработени во министерствата и државните институции сместени во зградата, бидејќи со една картичка влегуваат неколку коли.

„Еден вработен ќе извади месечна паркинг карта и потоа се лепат возилата еден до друг и неколку коли влегуваат слободно на паркингот. На овој паркинг куќарката за наплата е на средината на паркингот, далеку од рампата и затоа граѓаните се осмелуваат на ваков чекор“, вели директорот на ЈП „Градски паркинг“ Борче Јакимовски.

Месечна карта за паркирање на овој паркинг кој се наоѓа во центарот на градот е 800 денари, што излегува дека дневно паркирањето чини 25 денари.

„Сметаме дека оваа цена за паркинг во центарот на градот е ниска, но и покрај тоа граѓаните не сакаат да плаќаат, па прават вакви измами. Ние од овие 800 денари плаќаме ДДВ и комунална такса на градот, па всушност за нас останува 550 денари“, вели Јакимовски.

А. АНТЕВСКА

https://sdk.mk/index.php/dopisna-mrezha/dvojni-rampi-na-parkingot-kaj-nova-makedonija-oti-so-edna-karta-vleguvale-nekolku-koli-na-administrativtsi-smesteni-vo-zgradata/
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #652 Posted: 12-Aug-2020 at 23:39

овој потег често го користат на рампата од гаражата на Капитол мол, доста гребење на кровови имам видено... мистер бин потег
Architects create dreams...politicians create nightmares
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #653 Posted: 05-Sep-2020 at 12:48
Со задоволство можам да го означам почетокот на реконструкцијата на овој паркинг кој се протега по должината на булеварот Јане Сандански, почнувајќи од ООУ Ѓорѓија Пулевски, па се' до раскрсницата со булеварот Србија. Станува збор за едно од најфреквентните места во нашата Општина, а покрај жителите од околните згради, овој паркинг редовно го користат и посетители на трговските центри кои се наоѓаат во непосредна близина и затоа цениме дека е од голема важност неговото уредување. Вкупната површина е 36 илјади квадратни метри, а во 4 фази ќе се реконструираат сите паркинзи, како и сервисните улици и тротоарите на овој потег. Потоа во соработка со ЈП Градски паркинг ќе ги обележиме паркинг местата и ќе поставиме нова вертикална и хоризонтална сигнализација за целосна безбедност на граѓаните. Очекуваме реконструкцијата да биде целосно завршена за околу 4 месеци и однапред им благодарам на жителите за нивното разбирање и трпение. Подобрувањето на инфраструктурата е од големо значење за сите нас.







https://www.facebook.com/marinzlatko
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #654 Posted: 05-Sep-2020 at 13:09
Во Острово, од ПИОМ до Скопјанка, има огромен хаос од паркирани возила на тротоари и улица, а за таму нема никакво решение од страна на општината, ама битно реконструкција... Не викам дека не е добро да има реконструкција (каде што започнала), но не може да се игнорираат такви болни точки, како примерот што го спомнав, само затоа што е потешко да се решат.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #655 Posted: 05-Sep-2020 at 13:20
Имаат многу побитни и по крш места за средување

1.Земјени паркинзи во Мичурин поред Трета Македонска и меѓу зградите на ул.Симеон Кавракиров
2.Паркингот зад Скопјанка уште едно појако зимо и цел ќе се искрши,и цел тој хаос во тој потег околу ПИОМ тротоарите се заробени од возила.
3.Паркинзи и партерно уредување на неколку позиции во Стар Аеродром

Сигурно има и други места ама овие многу често ги гледам па затоа ги посочувам.
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #656 Posted: 05-Sep-2020 at 13:43
Originally posted by stef4o

Имаат многу побитни и по крш места за средување

1.Земјени паркинзи во Мичурин поред Трета Македонска и меѓу зградите на ул.Симеон Кавракиров
2.Паркингот зад Скопјанка уште едно појако зимо и цел ќе се искрши,и цел тој хаос во тој потег околу ПИОМ тротоарите се заробени од возила.
3.Паркинзи и партерно уредување на неколку позиции во Стар Аеродром

Сигурно има и други места ама овие многу често ги гледам па затоа ги посочувам.

Јас сметам дека побитен е примерот што го споменав затоа што неверојатно небезбедно е на улицата (Бојмија). Точаци и пешаци на улица, паркирани автомобили на тротоар, кај кафичот Ред кафе има паркирани автомобили на улица бидејќи е заграден тротоарот таму, а плус има и училиште одма до улицата. Откако е направен ПИОМ тотален хаос преовладува и очигледно е дека е потребен нов паркинг. Има слободна зелена површина, па со едно ниво под зелената површина би се решил паркингот во тој дел.

Edited by skopskodete - 05-Sep-2020 at 13:47
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #657 Posted: 24-Sep-2020 at 06:59
Зонско паркирање во Карпош нема и цела година по маалскиот референдум

Денеска Слободен печат побара одговор од градоначалникот Стефан Богоев, зошто се уште не е реализирано зонското паркирање во Карпош.

Граѓаните кои работат во институциите во Центар се уште го користат бесплатното паркирање во Карпош 1. И не само тие, туку и сите посетители кои во општината доаѓаат поради забава или одредена потреба.

Решение за овој проблем, градоначалникот Стефан Богоев, гледаше во воведувањето на зонско паркирање, за што на 30 јануари минатата година започна да се спроведува анкета помеѓу жителите на Карпош, со прашање, дали се за или против воведување на зонско паркирање во Карпош.

Иако граѓаните од Карпош 1, каде се спроведуваше анкетата, се изјаснија позитивно, зонско паркирање се уште не е воведено.

Денеска Слободен печат побара одговор од градоначалникот Стефан Богоев, зошто се уште не е реализирано зонското паркирање во Карпо

– Скоро осумдесет проценти од граѓаните од Карпош 1 беа масовно за воведување зонско паркирање. Меѓутоа, да бидам искрен, во спроведувањето на овој план не спречија другите активности, околу пандемијата, отворањето на градинките и училиштата, претходно се справувавме со самиот шок кој што го имавме од пандемијата, одговори Богоев.

Тој најави скорешна средба со директорот на Градски паркинг и реализација на најавеното зонско паркирање.

– Овие денови треба да остварам средба со директорот на Градски паркинг и веќе да влеземе во евентуална фаза на реализација. Очекувам зонското паркирање да почне набрзо, бидејќи секој поминат ден е поголема нервоза за граѓаните, рече Богоев.

Регулацијата на паркингот значи дека граѓаните – резиденти на Карпош 1 ќе имаат право бесплатно да паркираат до три сопствени возилa, а останатите кои ќе се паркираат ќе плаќаат 35 денари од час.

https://www.slobodenpecat.mk/zonsko-parkirane-vo-karposh-nema-i-czela-godina-po-maalskiot-referendum/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #658 Posted: 28-Sep-2020 at 13:22
Почна реализацијата на проектот „Безбедни семејни паркинг зони“ - Обезбедуваме сигурни паркинг-места за бремените жени и семејствата





https://twitter.com/CityofSkopje
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #659 Posted: 05-Oct-2020 at 16:22
ПОЦ со три нови паркиралишта во Центар, во Карпош сè уште се чека на зонско паркирање

Хроничниот проблем со недостиг на паркинг места во главниот град се решава на различен начин низ скопските општини. Двете јавни претпријатија кои управуваат со паркинзите во Скопје веќе подолг период регистрираат поголем број на издадени бесплатни дозволи за паркирање од бројот на паркинг места со коишто тие располагаат. Ситуацијата е најкритична во центарот на Скопје, каде што повластена паркинг карта за жителите не значи дека и ќе најдат слободно место за паркирање околу нивните згради.

Од ЈП Паркинзи на општина Центар (ПОЦ) за „Мета.мк“ велат дека годинава пуштиле во употреба три нови паркиралишта од затворен тип „Палома Бјанка“, „Киро Глигоров“ и „Дилајла“ со дополнителни 360 паркинг места. Во моментов од ЈП ПОЦ чекаат одобрение од Град Скопје за поставување на монтажната катна гаража помеѓу бараките на Општина Центар и Министерството за одбрана, а паркинг просторот на оваа локација веќе е асфалтиран.

Изградбата на монтажната катна гаража во населбата Капиштец кај ДТЦ „Дилајла“ е планирано да започне со реализација следната година. Од ЈП ПОЦ нагласуваат дека нивното претпријатие се соочило со голема финансиска загуба како резултат на пандемијата предизвикана од ковид-19.

„Во вториот квартал од 2020 година, со оглед на очекуваната добивка и пресметаната загуба, претпријатието претрпе загуба од околу 14.000.000 денари“ велат од ЈП ПОЦ.

Во меѓувреме, бројот на регистрирани возила на територијата на Општина Центар продолжил да расте и во 2019 година. Во Центар во 2018 година имало 23.415 регистрирани автомобили, додека лани оваа бројка се искачила на 24.544, според податоците на Државниот завод за статистика. Проблемот со пронаоѓање на паркинг места има не само на паркинзите на ЈП ПОЦ, туку и на оние на ЈП „Градски паркинг“.

Заклучно со декември 2019 година, ЈП „Градски паркинг“ располагал со 8.999 паркинг места во главниот град, додека имал издадено 113.963 бесплатни дозволи за паркирање на станарите кај зонското паркирање и кај јавните паркиралишта во општините Центар и Аеродром. Огромен проблем со паркирањето имаат и жителите на Општина Карпош, која што лани спроведе анкета меѓу населението за да осознае дали се за воведување на зонско паркирање во Карпош.

Огромно мнозинство од жителите на населбите Карпош 1 и 2 се согласија на воведување на зонското паркирање, но до денешен ден идејата не е реализирана. Од Општина Карпош не добивме одговори на поставените прашања за оваа тема, но во изјава за други медиуми, градоначалникот Стефан Богоев вели дека наскоро ќе почне да се применува зонското паркирање во овие две населби, во соработка со ЈП „Градски паркинг“.

Жителите на населбите Карпош 1 и 2 имаат голем проблем со возилата кои избегнуваат да платат паркинг во Дебар Маало и се паркираат бесплатно во овие две населби. Дополнителен проблем се и паркираните хаварисани возила и автомобили за продажба оставени од дилери на половни возила, кои ги окупираат постојните паркинг места за граѓаните.

За разлика од Карпош, посебен проблем во Центар е и различната цена за паркирање, која е присутна во центарот на Скопје откако ЈП ПОЦ годинава ја зголеми цената за паркирање на 70 денари за еден час на нивните паркинзи, а ЈП „Градски паркинг“ не усвои идентична одлука. На тој начин, притисокот со недостиг на места за паркирање се префрли на паркинзите на ЈП „Градски паркинг“, каде цената за паркирање е двојно поевтина.

– Овие две претпријатија се засебни и секое претпријатие има свои ценовни политики и правилници по кои делува. ЈП Паркинзи на Општина Центар ја донесе Одлуката за усвојување на новиот Ценовник на услуги и надоместоци на јавните паркиралишта со кои стопанисува со цел да се намали бројот на паркирани возила во централното градско подрачје и да им овозможи на жителите похумани услови за живеење – велат од ЈП ПОЦ.

https://meta.mk/pocz-so-tri-novi-parkiralishta-vo-czentar-vo-karposh-se-ushte-se-cheka-na-zonsko-parkiranje/
Back to Top
skopjesarajmatka View Drop Down
Newbiе
Newbiе


Joined: 12-Jul-2020
Online Status: Offline
Posts: 5
  Quote skopjesarajmatka Quote  Post ReplyReply #660 Posted: 06-Oct-2020 at 09:25
Здраво. Што мислите за идејата да постојат приватни пајак служби.
Back to Top
 Post Reply Post Reply Page  <1 3132333435 47>

Forum Jump Forum Permissions View Drop Down



This page was generated in 0.222 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.