build.mk Homepage
Forum Home Forum Home > Главни теми > Проекти > Паркинзи и гаражи
  Active Topics Active Topics
  FAQ FAQ  Forum Search   Register Register  Login Login

Паркирање и паркинзи (општо)

Bookmark and Share
 Post Reply Post Reply Page  <1 4344454647>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #881 Posted: 30-Dec-2022 at 18:17
од твитер

Во Стар Аеродром,на сите тротоари поставија столбчиња но проблемот со паркирање не е решен поготово за кафичите кои во круг од 50м ги има десетина и сите паркираа на тротоар.
А реално не постои никакво решение,паркинг,гаража или слично најблиску им се оние празни паркинзи кај Транспортен/Пошта кои се под зонско или па ќе ги оставаат по улица што ќе создаде уште поголем проблем.


Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #882 Posted: 09-Jan-2023 at 18:38
Поевтини паркингот во Битола

Директорот на ЈП „Паркинзи Битола“, Горан Степановски денеска потврди дека поевтинува паркингот во Битола. Оваа одлука на ЈП „Паркинзи Битола“ доаѓа откако Советот на Општина Битола по предлог на ЈП „Паркинзи“ донесе одлука со која се изменува ценовникот за паркинг услуги со кој голем дел од услугите во јавното паркирање на отворените паркиралишта поевтинуваат.

Промените се однесуваат на нови карти од 3 часа и намалување на дневните карти во зоните А и Б.
Зона А од 55 денари за 3 часа, се намалува на 40 денари.
Зона Б од 40 денари за 3 часа, се намалува на 30 денари,


Дневна карта за А и Б зона
Зона А од 250 денари се намалува на 150 денари.
Зона Б од 200 денари се намалува на 130 денари.

Оваа одлука влегува на сила од денот на добивањето на согласност од Совет на Општина Битола, а ќе се применува од 01.02.2023 по процесот на имплементација на промените, велат од ЈП Паркинзи.

https://novamakedonija.com.mk/makedonija/republika/poevtini-parkingot-vo-bitola/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #883 Posted: 17-Jan-2023 at 13:40
Нов паркинг на простор од околу 1500 метри квадратни со капацитет од 60 паркинг места е пуштен во употреба во населбата Стар Аеродром. Проектот е целосно финансиран со средства од буџетот на Општина Аеродром и е дел од градежната офанзива која започна во 2022, а продолжи во 2023 година. Со ова локалната самоуправа решава еден важен проблем за жителите кој живеат во овој дел од општината.
Во тек се подготовките за изградба на над 160 нови паркинг места, кои ќе се изведат на уште две локации во општина Аеродром, првиот во близина на „Мајчин дом“, а вториот во населбата Мичурин. Истовремено, во населбата Лисиче активно се работи на целосна реконструкција на нови улици.





https://www.facebook.com/OpstinaAerodrom
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #884 Posted: 27-Jan-2023 at 16:22
ФОТО: Вработените во палата „Лазар Поп Трајков“ просторот меѓу зградите го претвориле во паркинг: Жителите залудно пријавуваат и се жалат





Вработените од неколкуте институции сместени во палатата „Лазар Поп Трајков“, лоцирана спроти поранешниот хотел „Бристол“ во центарот на градот, со своите автомобили го претворија просторот помеѓу барокната зграда и и блокот од Градски ѕид, позади “Краш“ во приватно паркиралиште.

Жителите на зградата на улица Даме Груев број 3 се револтирани од однесувањето на новите „станари“ во палатата, но уште повеќе од негрижата на надлежните каде повеќепати пријавувале, но проблемот до денес не е решен.

Тој вели дека ваквата навика на вработените во деловната зграда создава нервози кај жителите кои порано често влегувале во вербални конфликти со луѓето што паркираат, но тоа било безуспешно, па сега само ги подигнуваат бришачите на автомобилите и повремено оставаат по некој лист хартија со опомена, исто така, залудно.

Жителите сметаат дека за проблемот има многу едноставно решение доколку некој сака да го спроведе, а тоа е да се стават столпчиња на тротоарот спроти хотел „Бристол“. Ова, според нашиот соговорник, им е кажано и на неколкумина советници со кои успеале да стапат во контакт и во Град Скопје и во Општина Центар, но ниту на тој начин не е сменета ситуацијата.

Во палатата „Лазар Поп Трајков“ се сместени неколку државни и други институции, таму се Комисијата за хартии од вредност, Агенцијата за супервизија на осигурувањето, Регулаторна комисија за енергетика, дирекцијата на М-НАВ и други. Зошто надлежните не казнуваат и не бараат решение за непослушноста на вработените во овие институции и зошто се толерира нивното непрописно паркирање останува енигма. Исто како што е нејасно зошто се дозволува на станарите од зградите недозволено да им се одзема слободниот шпешачки простор пред нивните домови.

Ова не е единствен случај во градот каде се „замижува“ кога е во прашање недозволеното паркирање на вработени во државни институции.

И покрај тоа што паркирањето во општина Центар е најскапо и најтешко се наоѓа слободно место, а „пајаците“ на ПОЦ и на „Градски паркинг“ секоја недела се фалат со стотици кренати возила поради недозволено паркирање, тоа не важи за паркирањето покрај улицата Филип Втори Македонски, веднаш до Министерството за надворешни работи. Таму, на потегот од раскрницата кај плоштадот Скендербег до зградата на МНР, долж улицата од двете страни секојдневно се паркирани десетици автомобили.

Институциите кои се тука лоцирани имаат свои подземни паркинзи, па доколку станува збор за службени возила или за возила на вработени во овие институции, тогаш полицијата треба да постапува и да казнува, како што ги казнува погрешно паркираните граѓани на други локации низ градот.

Неодамна „Слободен печат“ пишуваше и за состојбата на плочникот на уличката што минува под Порта Македонија кон градскиот плоштад, каде плочките поставени пред три години се искршени поради тоа што постојано минуваат возила и комбиња за достава и просторот е превторен во паркинг. И тука никој не реагира.

За да може градов нормално да функционира, општините, Град Скопје и полицијата мора да си ги исполнуваат обврските, секоја во својот домен. Да се казнува, но и да се бараат решенија како да се оневозможи влегувањето со автомобили на простор кој не е наменет за паркирање. Притоа и да се реагира на пријавите и жалбите на граѓаните, затоа што нели сите постојано тврдат, од локално до државно ниво, дека работат само и единствено во интерес на граѓаните.

https://www.slobodenpecat.mk/vrabotenite-vo-palata-lazar-pop-trajkov-prostorot-megju-zgradite-go-pretvorile-vo-parking-zhitelite-zaludno-prijavuvaat-i-se-zhalat/
Carpe diem
Back to Top
cistac View Drop Down
Newbiе
Newbiе


Joined: 23-May-2019
Location: bitola
Online Status: Offline
Posts: 1
  Quote cistac Quote  Post ReplyReply #885 Posted: 27-Jan-2023 at 19:10
Вработените во Комисијата за хартии од вредност, Агенцијата за супервизија на осигурувањето, Регулаторна комисија за енергетика, дирекцијата на М-НАВ во палатата „Лазар Поп Трајков“, СЕ СОПСТВЕНИЦИ НА ДРЖАВАТА , а паркингот за нив е ситна работа.
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #886 Posted: 27-Jan-2023 at 23:01
Originally posted by stef4o

Нов паркинг на простор од околу 1500 метри квадратни со капацитет од 60 паркинг места е пуштен во употреба во населбата Стар Аеродром. Проектот е целосно финансиран со средства од буџетот на Општина Аеродром и е дел од градежната офанзива која започна во 2022, а продолжи во 2023 година. Со ова локалната самоуправа решава еден важен проблем за жителите кој живеат во овој дел од општината.
Во тек се подготовките за изградба на над 160 нови паркинг места, кои ќе се изведат на уште две локации во општина Аеродром, првиот во близина на „Мајчин дом“, а вториот во населбата Мичурин. Истовремено, во населбата Лисиче активно се работи на целосна реконструкција на нови улици.





https://www.facebook.com/OpstinaAerodrom

Смешки!

Нека отидат низ другите улици во Аеродром и нека видат каков хаос е со паркирање. Ова е само 5% во однос на тоа што треба да се направи за да се реши проблемот со паркирање во општината. Плус, нели е подобро да биде косо паркирањето? До кога на вакви релативно малечки паркинчиња ќе имплементираат класично паркирање кога 100 пати побезбедно и попрактично е косо паркирање!?
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #887 Posted: 28-Jan-2023 at 09:23
Што треба да направат? Да земат се што е зелена површина да асфалтираат за паркинг? Отиден е возот одамна поради лоши ДУП-ови и лоши закони и правилници за задолжителни гаражи и паркинг места. Кој не си купил паркинг ќе се бори секој ден за место, а општините во меѓувреме ќе прават по некој паркинг, монтажна, зонско и тоа е тоа. Урбана џунгла.
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #888 Posted: 28-Jan-2023 at 14:37
Originally posted by <Fresno>

Што треба да направат? Да земат се што е зелена површина да асфалтираат за паркинг? Отиден е возот одамна поради лоши ДУП-ови и лоши закони и правилници за задолжителни гаражи и паркинг места. Кој не си купил паркинг ќе се бори секој ден за место, а општините во меѓувреме ќе прават по некој паркинг, монтажна, зонско и тоа е тоа. Урбана џунгла.

Еве ти примери што треба да се направи/може да се направи:
1. Мичурин: колку што знам во соодветниот ДУП, до Стокомак, стои некоја катна гаража/монтажна гаража; моментално таму е гол бетон кој не се користи за ништо, така што со изградба на една гаража може на нејзиниот кров да се постави зеленило и на тој начин ќе се добие двоен ефект -- намалена температура во текот на летото (подобрување на животната средина) и зголемен број на паркинг-места; благодарение на зголемениот број на паркинг-места, паркирањето по улицата „Петар Ацев“ може целосно да се забрани (да не се толерира), позитивни ефекти: зголемена безбедност за сите учесници во сообраќајот и зголемен проток на возила.
2. Мичирин: кај маркетот „Кипер“; таму може да се направи подземна гаража со еден кат и еден кат на приземје, а на поткровје може да се направи пола паркче, пола простор за маркети, фирми и сл.; исти позитивни ефекти како и во претходниот пример.
3. Острово: имплементирање на косо паркирање на улицата од триаголникот кај „Мезе бар“ до ПИОМ (поконкретно, делот што е паралелен на кулите); може и да се направи и една голема подземна гаража на веќепостоечкото зеленило; тие стари гаражи што моментално постојат таму би можеле само да се префрлат во новата подземна гаража; бидејќи би била подземна, зеленилото горе би останало (дури и може да се доуреди со повеќе дрвја), а на местото на старите гаражи може да се направи градинка (бидејќи колку што знам на ова место планираат да се направи градинка); во случај ако се направи подземната гаража нема да има потреба да се имплментира косо паркирање
4. Ново Лисиче: 1-2 подземни гаражи и неколку монтажни

Во сите претходни примери што ги набројав не се одзема зеленило, баш, напротив, се зголемува. Вакви проекти за една општина како Аеродром не би биле проблематични да се реализираат за еден период од четири-пет години, од финансиски аспект. Можеби во конкретниве случаи би можело да инвестира и јавното претпријатие за паркинзи, не знам...

5. Кај Собрание: голема грешка што нема да се изгради катната гаража; со една катна гаража позади Собрание ќе се зголемат паркинг-местата во строг центар.
6. Општо за општина Центар: максимално искористување на веќепостоечките катни гаражи (моментално не се одржуваат и смрдат, на што личи тоа!?)
7. Дебар Маало: подземен паркинг на три нивоа под пазарот Буњаковец
итн.

Решенија постојат, во однос на зеленилото, не само што нема да се намали туку и би се зголемило.

Треба да се сфати дека може да се градат и подземени гаражи или на самите гаражи горе да се постави и одржува зелена површина.

Плус, градот расте (и по број на жители и по број на бизниси), бројот на возила само се зголемува, така што не е фрлање во пари да се инвестира во инфраструктура за паркирање. Друго е кога веќе ќе се направи една солидна инфраструктура за паркирање, па после кој не си купил место за паркирање или кој има три коли, нека му ја мисли.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #889 Posted: 28-Jan-2023 at 15:59
За Мичурин има повеќе опции

1.Голем див паркинг позади комплексот Градиа Хоум кој со години по ДУП е планиран за хотел со намена Б5 но очигледно никој не пројавил интерес па може да се направи измена со Е2 и на местото да се направи катна гаража со што ќе се растерети и дел од гужвата во Стар Аеродром.



2.Паркингот спроти АС Стор на раскрсницата кај ОУ Блаже Конески има планирано зграда А2 но земјиштето не е купено туку е државно па и тука би можело да се направи монтажен паркинг.Со што ќе има каде да паркираат и гостите во околните кафичи и ресторани.



3.Ширината кај Стокомак со децении стои вака а по ДУП е паркинг за 150 возила



4.Картонажата/Кипер/Мистик во внатрешноста на Мичурин,одлична можност за подземен паркинг на 2-3 нивоа и горе покриено со зеленило



5.Меѓу старите згради во линија со Рулет има многу кал и импровизации гаражи,па би можело тој дел да се асфалтира и на тој начин да се добијат 10-тина места партерно паркирање околу тие згради.





Сето ова надополнето со ул.Симеон Кавракиров едносмерна и пробивањето на ул.Борис Кидрич би ја комплетирало сосем доволно инфраструктурата во Мичурин.

Потоа треба да се санкционира секое паркирање на улица,тротоар во зеленило откако ќе бидат направени услови каде да се паркира и да не очекува секој дека колата мора да му биде на 3 чекори од зграда или канцеларија.

Carpe diem
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #890 Posted: 28-Jan-2023 at 16:24
Stef4o, одлично си ги издвоил сите места каде што може да се направи со релативно малку напор, многу, во Мичурин. Исто така, тоа место кое го издвои дека е државно земјиште, реално може да се направи да биде со монтажен паркинг (приземје и кат). Што голем ќар ќе има државата ако го продаде тоа земјиште, кога во исто време може да се направи многу за квалитетот на живеење на тој простор, ако едноставно се пренамени намената!?

Друго нешто, тоа место кое е планирано за хотел, реално нема логика да биде таму хотел кога во исто време во Аеродром има еден куп слободно место за да се најде некое подобро решение за нов хотел (пример: огромната зелена површина покрај пругата, позади „Алкалоид“).

Edited by skopskodete - 28-Jan-2023 at 16:27
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #891 Posted: 28-Jan-2023 at 22:33
Аеродром има само една катна кај Бисер што ја направија пред 15 години и после тоа целосно се префрлија кон зонско но не обезбедија многу нови паркинг места освен што ги обележаа постојните паркинзи и нешто само кај Транспортен што поплочување со бекатон но тоа е минимално споредено со инвазијата од нови градби и лоши планови со микс од станбено деловни квартови кои сега веќе крахираат кога е во прашање паркинг.
Требаше во секоја од населбите да има барем по една катна гаража па макар и со капацитет колку таа кај Бисер и ќе беше многу подобро.
И сега не е доцна но треба да се почне со поконкретни проекти а такви асфалтирања и паркинзи со 50 места треба да се месечни активности за да има некој резултат по неколку години.
А секако удел во проблемов има и менталитетот од причина што секој сака да паркира близу до дома до работа па има случаи кога на некој паркинг или простор има тотален хаос од паркирани возила а на 200м паркинг со многу слободни места(особено кај Транспортен каде има секогаш над 50 слободни места а кај кулите во Острово и кај ПИОМ е огромна гужва).
Плус решение за дотур на роба во маалски маркети што создава голем застој особено по сервисните улици и паркинзи.
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #892 Posted: 31-Jan-2023 at 18:00
од твитер,кај Филхармонија парк Ибни Пајко







...





Edited by stef4o - 31-Jan-2023 at 18:00
Carpe diem
Back to Top
FT View Drop Down
Senior Member
Senior Member
Avatar

Joined: 22-Jun-2010
Location: Kocani
Online Status: Offline
Posts: 565
  Quote FT Quote  Post ReplyReply #893 Posted: 31-Jan-2023 at 20:25
Кретени бе, идиоти прости!!! Каде го има во нормална држава?
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #894 Posted: 02-Feb-2023 at 18:31
СТОТИНА КОЛИ ПАРКИРАНИ ВО ПАРКОТ ИБНИ ПАЈКО, СЕ ПАРКИРААТ ГРАЃАНИ, НО И ВРАБОТЕНИ ВО ФИЛХАРМОНИЈА И НОБ (ФОТОГАЛЕРИЈА)







Паркот Ибни Пајко кај зградата на Филхармонија во центарот на Скопје е блокиран со паркирани коли. Долж патеката и тротоарите наредени се една зад друга над педесетина коли.

Во паркот не само што се паркираат граѓани, туку колите ги оставаат и дел од вработените од Филхармонија и Национална опера и балет (НОБ). Попладнево во НОБ се одржува генерална проба за балетската претстава „Оревокршачка

Колите слободно влегуваат во паркот бидејќи хидраучичните столпчиња се искрешни. И кога ќе се заменат, за два-три дена повторно се вадат и пак коли слободно си влегуваат во паркот. Пајак службата интервенира откако ќе се објават фотографии во медиумите, ќе спроведат акција, но за неколку дена сликата е иста, просторот повеќе личи на паркинг отколку на парк.

Од Град Скопје во април лани, откако САКАМДАКАЖАМ.МК објави фотографии од паркирани коли, најавија трајно решавање на проблемот со поставување нови рампи оти постојните се уништени. Но, проблемот не е решен.

Град Скопје на 10 јуни 2019 го отвори новиот парк Ибни Пајко. Паркот е со површина од околу 11.000 квадратни метри, со 7. 500 метри квадратни трева со прскалки и системи за наводнување кои работат на принципот „капка по капка“. При уредувањето на овој запуштен простор се зачувани затекнатите 12 дрвја кои постоеја на оваа локација, а засадени се нови 85 дрвја. Покрај подигнатото зеленило, во паркот се изградени и пешачки патеки, сервисна улица збогатена со улична уметност, а на ѕидот на Средното музичко училиште нацртан е мурал.

https://sdk.mk/index.php/dopisna-mrezha/stotina-koli-parkirani-vo-parkot-ibni-pajko-se-parkiraat-gragani-no-i-vraboteni-vo-filharmonija-i-nob-fotogalerija/
Carpe diem
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #895 Posted: 02-Feb-2023 at 19:03
Дива лига!

Нели има подземен паркинг, ако не се лажам и на две нивоа, под НОБ? Не се ли користи тој?!
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #896 Posted: 02-Feb-2023 at 19:11
Има огромен подземен, катна Смилевски конгрес, катна Макоил, катна Разловечко востание, подземен ГТЦ, паркинзи кај стоковна куќа Мост, Холидеј ин и Скендербег, само нема нормална полиција и градски власти.

Edited by <Fresno> - 02-Feb-2023 at 19:13
Back to Top
Denko View Drop Down
Senior Member
Senior Member


Joined: 14-Aug-2010
Online Status: Offline
Posts: 2271
  Quote Denko Quote  Post ReplyReply #897 Posted: 02-Feb-2023 at 21:06
Originally posted by skopskodete

Дива лига!

Нели има подземен паркинг, ако не се лажам и на две нивоа, под НОБ? Не се ли користи тој?!
I Filharmonija ima svoj podzemen parking taka sto vrabotenite od dvete institucii parkiraat dolu vo garazata.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #898 Posted: 03-Feb-2023 at 13:28
Со ленти и столпчиња ЈП „Улици и патишта“ се обидува да спречи паркирање кај Порта Македонија, сега таму е уште поголем метеж



Левата страна од уличката што води од Порта Македонија кон градскиот плоштад од вчера е заградена со ленти и заштитни столпчиња, а пред оградениот простор стои табла преку која се известува дека ова е „дело“ на ЈП „Улици и патишта“. Откако неодамна „Слободен печат“ објави дека овој простор е претворен во паркиралиште и дека под Портата неконтролирано си поминуваат автомобили како да станува збор за најфреквентна сообраќајница, а притоа никој од надлежните не реагира и не казнува, конечно потег направија од ова јавно претпријатие.

Токму поради тоа што никој не го спречува влезот на возила на овој простор, а дел од граѓаните си нашле „заборавено“ парче каде слободно можат да се паркираат, за само три години откако се реконструираше плочникот и за тоа се потроши значителна сума пари од градската каса, плочките се искршени, а просторот изгледа очајно.

Дали сега конечно ЈП „Улици и патишта“ ќе ги заменат уништените плочки? Од таму велат не, но, како што тврдат, се обидуваат да спречат да се паркираат автомобили.

Плоштадот Македонија е сѐ уште под гаранција на фирмата изведувач на работите и согласно правилата тие ги санираат оштетените плочи на просторот кај Порта Македонија. Екипите на ЈП „Улици и патишта“- Скопје го обезбедуваат просторот со поставување на заштитни столбчиња, бариери и бетонски жардињери со цел да се спречи непрописно паркирање на возилата, што постојано се случува на оваа површина од страна на несовесни граѓани – објаснуваат од јавното претпријатие за „Слободен печат“.

Сега пак, по овој потег на „Улици и патишта“ кај Портата владее уште поголем хаос. Без автомобили е само оградениот простор по кој не можат да поминуваат ни пешаци, а на останатата лента од уличката незапирливо влегуваат возила, се паркираат, закрчуваат, создаваат метеж и се паркираат. Тоа значи дека Град Скопје и полицијата, мора да смислат друго решение за да запре несовесното однесување на дел од граѓаните.

Реконструкцијата на овој дел од плочникот се изведуваше заедно со реконструкцијата на просторот пред ГТЦ, во мандатот на поранешниот градоначалник Петре Шилегов, а заврши на почетокот на 2020 година. За овој проект беа потрошени околу 33 милиони денари, односно повеќе од половина милион евра од градскиот буџет. Инвеститор беше Град Скопје, а градежните работи ги изведуваше фирмата „Битем“, која сега, како што тврдат од „Улици и патишта“ треба да се покрижи за оштетувањата на плочникот.

Со реконструкцијата наместо стариот, искривен и полн со дупки асфалт, целиот потег, на двата приоди кон плоштадот, беше поплочен со три вида плочки, на површина од околу 5000 метри квадратни. Беа засадени и дрвореди од костени, поставени клупи и соодветно осветлување.

https://www.slobodenpecat.mk/so-lenti-i-stolpchinja-jp-ulici-i-patishta-se-obiduva-da-sprechi-parkiranje-kaj-porta-makedonija-sega-tamu-e-ushte-pogolem-metezh/
Carpe diem
Back to Top
Théoden View Drop Down
Senior Member
Senior Member
Avatar

Joined: 31-May-2018
Location: Р. Македонија
Online Status: Offline
Posts: 528
  Quote Théoden Quote  Post ReplyReply #899 Posted: 03-Feb-2023 at 14:12

Уште еден плоштад во Скопје се претвори во јавен паркинг



Уште еден плоштад во Скопје се претвори во јавен паркинг.

На социјалните мрежи се споделуваат фотографии од кои може да се види дека и овој дел од центарот на главниот град, кај Дом на Ибни Пајко, се користи како паркинг простор. 


Иако на плоштадот има градежни активности и се поплочува несредениот дел од плоштадот што стоеше во руини со години, сепак дел од граѓаните го користат како јавен паркинг, за до институциите или за на кафе. На ваков начин (не)намерно се уништува плоштадот, кој служи како туристичка знаменитост, велат од фб групата „Патувања низ Македонија“.

https://skopjeinfo.mk/ushte-eden-ploshtad-vo-skopje-se-pretvori-vo-javen-parking



Edited by Théoden - 03-Feb-2023 at 14:14
Back to Top
Denko View Drop Down
Senior Member
Senior Member


Joined: 14-Aug-2010
Online Status: Offline
Posts: 2271
  Quote Denko Quote  Post ReplyReply #900 Posted: 03-Feb-2023 at 16:22
I posle vakvi pojavi nie kako nacija barame vinovnici na drugo mesto poradi nasiot kjorsokak. Ova e klasicen primer za makedonskiot "mindset" koj e prisuten vo site pori na opstestveniot zivot. Ovoj problem institucionalno se resava ekspresno i ne cini dopolnitelni finansiski sredstva. Potrebana e samo volja za sproveduvanje na zakonskite propisi i cuvstvo za javen red.      
Back to Top
 Post Reply Post Reply Page  <1 4344454647>

Forum Jump Forum Permissions View Drop Down



This page was generated in 0.190 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.