Старо Кочани

Мотив од Кочани со поглед на штотуку изградената пошта - 1984 година



Мотелот „Гратче“ неколку години по завршувањето на изградбата. По повод пуштањето во употреба се одржала голема забава на која меѓу другите естрадни ѕвезди гостувал и тогаш популарниот артист Мија Алексиќ - Цуле, 1980-ти години



ОЗТ „Жито ориз“ во периодот кога беше една од помоќните фирми во општината, 1980-ти години

Центарот на Кочани, кај некогашниот хотел „Турист“, фотографирано од зградата на Електродистрибуција. (1969 година)

Трговскиот центар во периодот кога беше предаден во употреба - почеток на 1980-ти години



Свадбена веселба по денешната улица „Маршал Тито“ - 1960 година



Расчистување на куќите кај кафеаната „Два другара“ заради изградба на некогашниот булевар „29 Ноември“ (1979 год.) (благодарност до Vanco Petrov)

Зградата на водостопанство „Брегалница“ - 1969 година



Панорама на Кочани со поглед од ридот Локубија. Се гледа дел од поранешниот Касарски круг, локацијата на Паркот на Револуцијата и железничката станица во
далечина - 1960 година



Улицата „Маршал Тито“ со поранешната слаткарница „Ловец“ (денешна „Охридска банка“ и АМЦ) - 1958 година

Поранешното детско одморалиште на Пониква (денес одморалиште на МВР) - 1982 година



Соколскиот дом (Соколана) во периодот по изградбата. Основач на соколското друштво бил Франц Телман (наставник по фискултура), кој е заслужен за блех-музиката. - 1930 година



Народна кујна во Кочани пред Втората светска војна - 1930-ти години (благодарност до Jasna Jermilova)

Зградата на поранешната Народна банка, подоцна објект на трезорот. Денес дел од имотот на Управа за јавни приходи. Лево, белата зградичка е некогашната „Пролет“ бавча, чие име го носи и денешниот ресторан - 03.06.1952 година



Кочани во периодот на изградбата на зградите од блокот „А“ на Трговскиот центар. Блокот „Б“ (или белите згради) ќе биде изграден неколку години подоцна. Улицата „Кеј на Револуцијата“ тогаш беше двонасочна, а пред стоковната куќа „Скопје“ сè уште постоеше испустот за вода од каналот на хидросистемот „Брегалница“ - 1979



Објектот на НА-МА (Народен магазин) веднаш по завршувањето на изградбата. Лево се гледа дел од продавницата на поранешен „Вартекс“, а десно дел од жолтите метални букви на натписот ПОШТА. - (1960-ти години)

Во 1980-те години Кочани го доби својот современ базен (порано имаше базен во локалитетот Бавчалук). Сместен под градскиот стадион, на базенот во ноќните часови се организираше забава за младите во тогашната дискотека „Аква“.



Зградата на поранешното Собрание на Општина Кочани. Изградбата започнала во 1932 година. И денес овде е сместена администрацијата на Локалната самоуправа. (1940-ти години)

1970-ти



Куќата во која некогаш беше сместена продавницата на познатата фабрика за чевли „Борово“. Објектот се наоѓаше во близина на сегашната зграда на ЕВН (Електродистрибуција)



Браната „Гратче“ во 1975 година - место за рекреација и освежување во топлите летни денови.

Има уште еден куп стари фотографии на линкот

https://www.facebook.com/staro.kocani/photos