Аеродроми

Охрид, 10 април - Еден милион дополнителни патници ќе допринесат за 1.000 нови работни места на аеродромите и дополнителни 2.000 нововработени во градовите, а тоа го овозможува реновираниот аеродром „Св. Апостол Павле“, во наредните години, беше кажано на денешната свеченост по повод отворањето на охридскиот аеродром.

Извршниот директор на „ТАВ“, Сани Шене, рече дека со отворањето на аеродромот ќе се зголеми бројот на туристи во Охрид и градот ќе стане една многу важна дестинација во Европа.

„Ние веруваме во иднината на Македонија. Охрид е туристички ценатр на Балканот и повторно ќе го добие заслуженото место со многу подобрена инфраструктура на Охридскиот аеродром“, рече Шене.

Тој најави дека реновирањето на Скопскиот аеродром се одвива со забрзано темпо и најави дека ќе биде завршен пред предвидениот рок.

Аеродромот ќе биде пуштен на 8 септември, националниот прзник на мМакедонија, итакнувајќи дека  „тоа чќ биде аеродром што ќе го заслужи името „Александар Велики“.

Премиерот Груевски во своето обраќање рече дека со пуштањето на комплетно реновираниот аеродром „Св. Апостол Павле“ ќе се зголеми бројот на туристи и на сместувачки капацитети во градот, ќе се развие транспортот и ќе се подигне квалитетот на услугите.

Турски „ТАВ“, за реновирање на двата аеродроми има издвоено 120 милиони евра, од кои 10 мимлиони се за Охридскиот аеродром, а 110 милиони евра одат за Скопскиот аеродром..
На Охридскиот аеродром реновирана е пистата и карго центарот, изграден е нов хангар и нов терминал. Реновирана е постоечката административна зграда и продолжена е паркинг зоната.

Груевски го предаде во употреба реконструираниот аеродром во Охрид

- Она што со години се бараше и се нагласуваше како потреба, сега е реализирано. Реализирани се повеќе градежни зафати и активности, по што аеродромот токму пред почетокот на престојната туристичка сезона го доби својот нов лик. Овој зафат ќе биде од големо значење за Охрид и развој на туризмот во регионот. Со реконтрукцијата на аеродромот очекуваме  зголемување на неговата ефикасност и секако зголемување на превоз на патници, рече Груевски.

Тој истакна дека со влегувањето на „ТАВ Македонија“ како концесионер на аеродромите, зголемен е интересот на големите и  нискотарифни авиокомпании, по што се очекуваат поголем број летови од европските градови кон нашиот главен  туристички центар, како што се најавените чартер-летови од Холандија, Русија, Финска, со очекување интересот во иднина уште повеќе да се зголемува.

Премиерот нагласи дека реконструкцијата на аеродромите во Охрид и во Скопје ќе донесе подигнување на квалитетот на услугите, зголемен интерес на авиокомпаниите, намалување на цената на превозот, зголемен број туристи во земјата, но и поголема можност за граѓаните на Македонија за патување во странство, по поповолни цени.

Вицепремиерот Пешевски потсети на првите резултати од проектот за реконструкција на македонските авиопристаништа, потсетувајќи дека во 2010 година забележано е зголемување на авиосообраќајот во Македонија за 14 отсто. Во првиот квартал на оваа година бројот на патници на скопскиот аеродром е зголемен за пет, а на охридскиот за 70 проценти, споредено со лани.

Министерот Јанакиески рече дека воздушниот превоз претставува значаен сегмент со особена важност за економијата на земјата. Тој појасни дека во рамките на реконструкцијата на охридскиот аеродром, меѓу другото, изграден е нов ВИП-објект, реновирани се објекти во карго-центарот, обновен е паркинг-просторот, изградена е нова пречистителна станица, набавени се нови противпожарни возила, како и техничка опрема, согласно строгите барања за за нормално функционирање на авиосообраќајот.

- Од првиот ден на нашиот мандат бевме заложени за модернизација на нашите аеродроми. Независно големата финансиска криза, Владата успеа и во такви неповолни околности, преку јавен повик да обезбеди инвестиција од околу 200 милиони евра, рече Јанакиески.

Тој очекува по завршувањето на реконструкцијата, двата аеродроми во Скопје и Охрид да привлечат поголем број авиокомпании и зголемена конкуренција што ќе значи поголема понуда и пониски цени на авиопревозот.

Извршниот директор на „ТАВ“ Сани Шанер рече дека подобрените аеродромски услуги и капацитети значат поголем број патници и туристи, што пак од друга страна има директно влијание за подобрување на економските услови во земјата.

- Пресметките говорат дека  милион патници значат илјада нови работни места само на аеродромите, како и две илјади нови работни места во градовите во околината. Навистина се надевам дека во иднина ќе се зголеми интересот на туристите за Охрид, а во таа насока се и активностите што „ТАВ“ веќе ги презема, во насока на негова туристичка промоција, рече Шанер.

Тој нагласи дека во активностите околу реконструкцијата на аеродромот „Александар Велики“ во Скопје и „Свети Апостол Павле“ во Охрид, 95 отсто од градената оператива и вградените материјали се од македонско производство, како и оти дури 99 отсто од персоналот на двата аеродроми се граѓани на Република Македонија.