Аеродроми

Никаде не пишува да се протега, туку дека ќе биде вкупно 40000. Па би биле два спрата (слика) по 20.000. Што би било баш колку Ramstore.

ИнтервЈу: Мурат Орнекол, генерален оперативен директор на ТАВ холдинг

На македонските аеродроми ќе се слетува и во магла

Идната недела се навршува една година откако турската компанија ТАВ официјално го презеде раководењето на скопскиот и на охридскиот аеродром. Со долгоочекуваната модернизација на „Александар Велики“ и на „Свети Апостол Павле“ македонските воздушни пристаништа конечно треба да заличат на тие во развиените европски земји. Реконструкцијата на аеродромите ја дополнува и неодамнешниот влез во земјава на нискобуџетната авиокомпанија „Виз ер“, која од јуни по ниски цени ќе лета од Скопје до Лондон. Со генералниот оперативен директор на ТАВ, Мурат Орнекол, разговаравме за тоа што ќе донесе модернизацијата на аеродромите, дали ќе влезат други нискобуџетни компании во земјава, како и кој може да биде нов национален авиопревозник.

Објаснувајќи ја динамиката на градежните работи на двата аеродрома, Орнекол пред неколку месеци најави дека е можно реконструкцијата да заврши и пред предвидениот рок, 20 октомври годинава.

- С` уште стојам на тоа. Според концесискиот договор што го потпишавме со Владата, градежните работи треба да бидат завршени до 20 октомври. Се надевам дека ќе завршиме пред време. Но засега тоа е само надеж, с` уште не можам да кажам дека е ветување - вели Орнекол.

l Што ќе добијат граѓаните со модернизацијата?

- Разликите ќе бидат неспоредливи. Сегашната терминална зграда има неколку илјади квадратни метри, додека по завршувањето на градежните активности новата зграда ќе се простира на 40.000 квадратни метри. Таму ќе инсталираме најмодерни технологии со кои во голема мера ќе се подобрат услугите што ги нудат аеродромите. Ќе се модернизира чекирањето на багажот и на патниците, ќе има повеќе шалтери, со што ќе се намалат редиците. Ќе има помодерни шалтери за купување билети, повеќе излезни капии, нови кафетерии, голем фришоп. Административната зграда ќе им нуди многу подобри услови на вработените. Во новите згради нема да биде задушливо бидејќи ќе има добра климатизација. Условите за патниците ќе бидат многу подобри, а со тоа и авиокомпаниите ќе бидат позаинтересирани да ги користат македонските аеродроми. Тоа, пак, ќе придонесе за создавање подобри економски услови во земјава.

l Концесискиот договор ве обврзува да изградите и карго-аеродром во Штип, инвестиција за која јавноста се сомнева дека некогаш ќе се реализира. Ќе биде ли во можност ТАВ да го изгради тој аеродром?

- Концесискиот договор н` обврзува да го изградиме тој аеродром, но за 10 години. Така што ние ќе ја исполниме таа обврска.

l Значи ли тоа дека во моментов воопшто не размислувате за таа инвестиција, односно ќе причекате додека да дојде на дневен ред?

- Веќе е на дневен ред бидејќи стои во договорот. Но, мора да причекаме, да ги добиеме точните податоци кои се неопходни за да можеме да го дизајнираме тој аеродром, односно да може да го направиме проектот. Кога ќе биде одобрен проектот, ќе можеме и да го реализираме. Сепак, најпрво мора да ги добиеме точните метеоролошки податоци за локацијата.

l Со оглед на економската криза, имате ли доволно пари за да ја завршите модернизацијата на аеродромите?

Пред извесно време соопштивме дека го финализиравме договорот за кредитна линија од 70 милиони евра. Дополнително ТАВ ќе инвестира околу 35 милиони евра сопствени пари. Значи, вкупно околу 105 милиони евра. Без оглед на тоа дали го имаме кредитот, веќе може да ги видите новите згради. Од чии пари мислите дека досега се градеа? Сето тоа е наша инвестиција. Новата терминална зграда, административната и противпожарната зграда, карго-терминалот, продолжувањето на пистата, сето тоа досега е направено со пари на ТАВ. Истото важи и за новите објекти на охридскиот аеродром. Ние доаѓаме до крајот на проектот, а вие прашувате дали с` ќе биде завршено навреме. Не треба да се грижите, работиме и немаме никакви проблеми. Може да видите лично, со свои очи, дека ги исполнуваме обврските од договорот, имаме подобрени перформанси и работење, така што с` ќе биде завршено навреме.

l Размислувате ли во рамките на инвестицијата да набавите некаков систем за да се справите со маглата на аеродромите?

- Има систем, но тој доаѓа од Бога. Инаку, с` уште не постои технологија која може да помогне за да се растера маглата, како што нема ни технологија за да се предвидат земјотресите. Тоа не може да се избегне. Но, има модерни навигациски системи кои овозможуваат безбедно слетување и полетување во услови на магла. Тие многу често се користат во Скандинавија, каде што има многу магливи денови. Таму авионите слетуваат и полетуваат и на видливост од 50 метри со помош на навигациски системи. Таква технологија ќе набавиме и таа е вклучена во инвестицијата.

l По долго време „Виз ер“ влезе во Македонија како единствена нискобуџетна компанија. Зошто ваквите компании н` избегнуваат?

- Влезот на „Виз ер“ е успех на ТАВ, тоа е разликата што ја носи ТАВ. Не претерувам кога ќе кажам дека тоа е резултат на десетгодишното искуство од нашето работење во повеќе земји како Турција, Грузија, Тунис и многу други. Секаде создадовме многу добри врски и контакти со авиокомпаниите. Тие ни веруваат бидејќи знаат дека секогаш им нудиме вистински статистики за бројот на патници. Кога ќе ветиме нешто, секогаш го одржуваме зборот. Воопшто не беше лесно да го убедиме „Виз ер“ да дојде во Македонија. Ни беа потребни околу девет месеци. Но, успеавме и сега е ред граѓаните да ја искористат можноста. Не е лесно да се убедат нискобуџетните компании да дојдат. Постојат и одредени ограничувања од цивилното воздухопловство кои го отежнуваат целиот процес. Агенцијата за цивилно воздухопловство има потпишано билатерални договори со различни земји, што доведува до одредени лимитирања на летовите. Во такви случаи треба да ги убедиме цивилните воздухопловства на двете земји да дадат дозвола за тие летови. Во случајот со „Виз ер“ ги надминавме таквите проблеми.

l Покрај „Виз ер“, и „Корендон“ најави летови, а преговарате и со „Рајан ер“. Постои ли друга компанија со која ќе н` изненадите годинава?

- Нека биде изненадување. Премногу е рано за да се споменат имиња. Ситуацијата не е премногу лесна за нас бидејќи сме свесни за конкуренцијата што ја имаме во земјите од регионот.

l Приштинскиот аеродром воведе директна авионска врска со Њујорк. Што повеќе нуди Приштина, зошто од Скопје не може да се воведе таква линија?

- Никогаш не сме рекле дека Скопје нема таква можност. Приштинскиот аеродром има таква линија бидејќи на Косово е стационирана американска војска, која често патува на релацијата. Но, ова не значи дека Скопје никогаш нема да има слична линија. Само, Македонците треба да побараат таква авиоврска, да притискаат да се воведе ако навистина мислат да ја користат. Може да доведеме авиокомпанија која ќе сообраќа до Њујорк, но која е поентата ако нема патници? Со продолжувањето на пистата ќе се овозможи полетување и слетување на големи авиони какви што се користат за прекуокеански летови. Но, тие авиони треба да се пополнат, а имаат околу 300 седишта.

l Од вашето досегашно работење во Македонија гледате ли некоја авиокомпанија што е доволно моќна за да го заземе местото на МАТ како национален авиопревозник?

- Во овој момент не. Ако имаше таква, досега и официјално ќе беше именувана за национален авиопревозник. Постојат одредени критериуми кои таквата компанија треба да ги исполни, одредени барања на Агенцијата за цивилно воздухопловство. Тој процес бара време, не се случува за недела или две. Има многу компании што се заинтересирани да летаат под националното знаме, но јас во овој момент не можам да видам таква. Во Македонија постојат неколку авиокомпании што коректно работат. Но, засега не ги исполнуваат потребните критериуми. ТАВ се однесува исто кон сите авиокомпании, без разлика дали се национални авиопревозници. Би било полесно да се работи кога би имало национален авиопревозник, но и во вакви услови ние продолжуваме да работиме и да склучуваме нови договори, како овој со „Виз ер“. Тоа е нашиот предизвик.

l Статистиката покажува зголемување на бројот на патници на двата аеродрома во споредба со претходните години. Какви се вашите проекции за годинава?

- Имаме слична агресивна цел за годинава. Просечно слично зголемување како што имавме во 2010 година, односно 30 отсто на охридскиот и околу 15 отсто на скопскиот аеродром. Очекуваме таквите стапки на пораст да продолжат и во следните 4-5 години. Сметаме дека влезот на „Виз ер“ ќе донесе зголемување на бројот на патници и до 30 отсто, во зависност од успехот што ќе го има компанијата во земјава.

http://www.dnevnik.com.mk/?ItemID=899965446E9C6049815ABCA307CFEC16

Daj vovedete direkten let New York - Skopje, barem dvapati nedelno i ke imate patnici.
New Jersey a puno so Makedonci, a i site drugi iselenici vo Amerika ke go koristat toj let zatoa sto ke letaat preku JFK.

@nylon
Се надевам дека не си озбилен?!Ние да ги земаме патниците од горенаведените држави???Да летале за прекуоански земји,а немаме авион ни за Софија?Студиите се направени одамна,исплатливост нема.
Над тебе колегава мисли дека има потреба за 2 лета неделно до УСА?!
Секој има право на мислење,ама бидете среќни што можеме да стигнеме до Белфрад,Загреб,Подгорица...Тоа е нашиот максимум.
ПС Единствени наши патници,те најголемиот дел се нашите луѓе кои живеат и работат во Европа.Да не се тие,аеродромот би можел да се затвори одма.Така стојат работите,а вие слободно сонувајте.И најпрвин да воспоставиме летови барем за Париз,Берлин,Лондон...па да зборуваме за летови за УСА И Австралија кои за нас во моментов се блиски како и патување на Марс или Венера.

I ja se nasmeav koga slusnav za Amerika, pa kolku luge patuvaat vo Amerika nema shansi i teorija posto koj nashi luge patuvaat do Amerika tolku chesto? I da napravat let ednas mesecno pak ke bide poluprazen pogotovo preku godinata ne za odmorite. Prasanje i kolku pari gubat od Pristina nataka, i tamo da ne se Americkite Vojnici i rabotnici sto rabotat vo Bondstil bazata ke imaat mnogu po malku patnici.

Sto e ova?

Јака е снимката, штом видов дека Скопје има нова мапа, веднаш ми текна да го видам Аеродромот!
Задоволен сум, јако се гради!

Третата слика е терминалот

И јас мислам дека дефинитивно е третата слика. И по форма така одговара, само што тој дел е во некоја попочетна фаза на градење.

Originally posted by vladegf Sto e ova?

Јас би рекол дека тоа ќе биде главниот паркинг

А дали некој знае каде ќе се протега новиот дел на военото воздухопловство?