Јас на овој пат имам забегано на една магла каде на клучката Петровец кога беше пред наплатната свртев наместо десно, лево према аеродромот и пред мене имаше рампа и ознака за гранична зона. Така да не беше за слободна употреба. Да беше, ќе кружеа ли автомобилите преку автопат да платат наплатни, логика малку. На овој клип од кој ја имам вадено сликата од пистата погоре, можеш да приметиш еден пат кој ја заобиколува пистата на 3:11. Дали е ова веќе постојниот што беше преку селото или некој дополнително граден, не можам баш да приметам. А дали сега ќе продолжи да се користи само како технички, веројтно дека да.

Ердоган ќе слета на „Александар Велики“ на 6 септември

Турските медиуми јавуваат дека со редовен лет на „Туркиш ерлајнс“, турскиот премиер ќе допатува во Скопје за да ја отвори новата зграда на скопскиот аеродром

Турскиот премиер Реџеп Таип Ердоган со повеќе министри и бинзнисмени доаѓа во Македонија следниот вторник. Најавата дојде од турските медиуми, кои меѓу другото објавуваат дека Ердоган со редовен лет на „Туркиш ерлјанс“ од Истанбул ќе слета во Скопје на 6 септември и заедно со својот македонски колега Никола Груевски, свечено ќе ја отворат новата терминална зграда на аеродромот „Александар Велики“, инвестиција на турската компанија ТАВ.

Во земјава, ниту во Турската амбасада, ниту во Владата и Министерството за транспорт и врски не ја потврдуваат посетата. Велат дека не добиле официјална потврда од Анкара за доаѓањето на турскиот премиер.

Турските медиуми објавуваат детали во врска со големото отворање на новата терминална зграда на аеродромот „Алекаснадр велики“, закажано за 6 септември.

„Церемонијата на отворањето ќе се случи во 13.30 часот. ’Туркиш ерлајнс‘ во вторник ќе изведе специјален лет до главниот град на Македонија со кој ќе допатуваат членови на турскатра влада и бизнисмени. Кратко време потоа, редовниот лет од Истанбул ќе слета во Скопје заедно со турскиот премиер Реџеп Таип Ердоган, кој ќе го отвори новиот терминал заедно со својот македонски колега Никола Груевски. Како резултат на тоа, ’Туркиш ерлајнс‘ ќе биде првата компанија што ќе ги искористи услугите на новиот објект. Подоцна во текот на денот, ’Малев‘, ’Адрија ервејс‘, ’Пегасус ерлајнс‘, ’Кроација ерлајнс‘ и ’Јат ерлајнс‘ исто така ќе минат низ новиот терминал“, пишуваат турските медиуми.

Иако, концесионерот на аеродромот „Александар Велики“, турската компанија ТАВ, го чува во најголема тајност изгледот на внатрешниот дел на новата терминална зграда, според турските медиуми терминалот ќе има 23 пулта за пријавување, 6 воздушни моста и 15 пулта за пасошка контрола.

„Во новиот терминал, исто така, ќе биде сместена и големата статуа на Александар Велики и неколку бесцарински продавници и ресторани, вклучувајќи го и првиот ’Бургер кинг‘ ресторан за брза храна. Јавното градско сообраќајно претпријатие ќе издвои два двокатни автобуса кои ќе возат од центарот на градот до аеродромот на денот на отворањето за заинтересираните да може да го видат финалниот производ од инвестицијата вредна 110 милиони евра“, објавуваат турските медиуми.

Доаѓањето на турскиот премиер, ако се оствари, има силна политичка и економска тежина, и ќе даде нова димензија во односите меѓу Македонија и Турција.

Инаку, турската компанија ТАВ е најголема турска инвестиција во земјава. Таа пред три години стана новиот концесионер на македонските аеродроми. Тогаш турскиот инвеститор се обврза дека во рок од 20 месеци ќе ги заврши предвидените инвестиции на скопскиот аеродром „Александар Велики“, за 12 месеци на охридскиот „Св.Апостол Павле“. Сепак, поради кризата имаше одлагање на модернизацијата на аеродромите. Таа започна во март 2010, а 19 месеци подоцна или еден месец пред крајниот рок што ТАВ си го зададе ќе биде пуштена во употреба новата терминална зграда на аеродромот во Скопје. Треба да бидат готови продолжената полетно-слетната патека што ќе овозможи полетување и слетување на сите типови авиони, паркингот за автомобили, пристапен пат, систем за земска навигација, новата административната зграда, како новиот карго терминал, противпожарна станица и паркинг за воздухоплови. (С.М.)

http://www.utrinski.com.mk/?ItemID=108F35439918E149BD2C72EB2FC66470

БРАВО!!!



https://www.facebook.com/photo.php?fbid=273036119375190&set=a.273036096041859.77151.189273277751475&type=1&theater

Edited by vladegf - 02-Sep-2011 at 11:46

So kjef da si letas doma!!


http://www.facebook.com/#!/photo.php?fbid=273259192686216&set=a.229937607018375.70090.189273277751475&type=1&theater

Знае ли некој зошто првиот мост од десно е онака изместен во споредба со другите? Претпоставувам дека е предвиден за пристап на поголеми воздухоплови?

Wow, овие да не претерале со паркингот? Хаха... ова мора да е најголем паркинг во Македонија.

Иначе ми се допаѓа, нов е, иако малку обичен, сепак е голем напредок. Со здравје и безбедно да си летаме. Го испробувам лично наскоро!

Логично е да е блиску до излезот од дојдовниот терминал. Само се надевам дека ќе ги држат таксистите под конец, да не се однесуваат како што беше до сега.

Originally posted by pbanks Знае ли некој зошто првиот мост од десно е онака изместен во споредба со другите? Претпоставувам дека е предвиден за пристап на поголеми воздухоплови?

најверојатно се работи за пристап на авиони со поголем распон на крила

Има видео каде што се гледаат кадри од терминалот и другите нови делови од аеродромот. А и доста авиони на платформата кај стариот терминал. Се гледаат и дел од уредите за навигација и слично, на ATC...

М-НАВ: Поединци прават тензии во Контролата на летање 02.09.2011 - 20:10 | Бизнис На неколку дена пред отворањето на новата терминална зграда на аеродромот се вжештува атмосферата во Контролата на летање. Синдикатите даваат рок до 19 септември да се потпише долгопреговараниот колективен договор или можно е да стапат во штрајк. Управниот одбор на М-НАВ реагира дека поединци меѓу вработените прават непотребни тензии за личен интерес. - Ако некој се заканува со штрајк треба да знае дека како што важат закони за нас, важат и сите други и има точно пропишани услови за штрајк, а тоа се нарушување на социјални и работнички права на работници. Тоа во оваа инстутиција го нема - вели Беќим Назири, член на УО на М-НАВ. Од синдикатот писмено се обратија до јавноста со тврдење дека Владата му наложила на раководството на Македонска навигација да не го потпишува колективниот договор до кој се дошло по неколкугодишни преговори. Во тој процес вработените се откажале од отпремнини, а договорот ќе ги заштител од самоволието на управата која, како што тврдат, покачувала плати и давала привилигии на едни, а ги намалувала платите и правата на други вработени. Управниот одбор најостро ги демантира овие тврдења, велејќи дека договорот не е потпишан бидејќи долго време синдикатите не се откажувале од според нив нереални високи суми за отпремнини. - Откако пред десетина дена се отфрлија од договорот членовите за отпремнини сега има реални шанси таа верзија на колективниот договор да биде прифатена - рече Живко Поповски, претседател на УО на М-НАВ. Во меѓувреме М-НАВ се пофали со рекорден раст на прелетите со што Македонија се искачила на 13-то место од над 30 земји членки на Еуроконтрол. Очекуваат уште подобри резултати откако, за неколку дена, ќе се отвори новата зграда на Александар Велики. Филип Момировски

Сител

Да се скрши мразот со некоја автобуска линија од монополот на таксистите кои незнеме под кои услови сеуште го држат ексклузивно да доаѓаат до патниците кои излегуваат од аеродромот и тоа е така од којзнае колку оддмна. Ако се протне автобуска линија, а ТАВ ќе има интерес да го застапува тоа, ќе може слободно да ги вратиме на маса дискусиите за железничка линија, за градска редовна линија и за слични алтернативи.