build.mk » Forum: Катна гаража Смилевски конгрес

Јас уште немам представа каде е гражата.

Што се однесува до погледот кон Калето не верувам дека ќе го скрива затоа што предпоставувам е многу поназад од музјеот на македонска борба и театарот а со тоа и аголот е помал.

мене најискрено ми се допаѓаат фотографииве како изгледа проектов ,но сепак се надевам дкеа нема да има некој неокласичен стил што според проекцииве го нема

Не знам дали името е добро,слободно едитирајте ако има потреба

Почна изградбата на последната катна гаража во Центар

Катна гаража со 169 места за паркирање, почна да се гради во вторник во близина на Музејот на холокаустот, во централното подрачје на Скопје.
Ова е третата катна гаража што ќе ја гради Акционерското друштво со станбен и деловен простор од седумте владино поддржани гаражи во центарот на Скопје.

„Оправданоста на овој објект ќе придонесе во намалувањето на хаосот во паркирањето, но исто така ќе придонесе и за квалитетен живот на граѓаните кои ќе сакаат да ги посетат околните објекти како Музејот на холокаустот, Стариот нов театар, Музејот на ВМРО и малиот плоштад „Карпошово востание", рече Цветко Грозданов, директор на Претпријатието за стопанисување со станбен и деловен простор.

Катната гаража чини 237.191.013 денари, а ќе биде со вкупна површина од 10.037 метри квадратни и вкупен број од 169 паркинг места. Изведувач на проектот е градежната фирма „Ламоне морена", а проектот го изработи ГС „Проект" - Скопје.

Премиерот Никола Груевски рече дека во централното градско подрачје на Скопје, постојано се градело и се преградувало, но никогаш не се водело сметка дека таму каде што ќе се собираат многу луѓе ќе треба некаде и да паркираат, па затоа Владата одлучила да изгради седум катни гаражи.

„За две години ја почнуваме и последната седма катна гаража, а веќе деновиве ќе ја пуштиме во употреба првата изградена катна гаража", рече Груевски, најавувајќи дека другите ќе бидат пуштени во употреба до крајот на годината, а оваа што денеска почна да се гради ќе биде во употреба за две години.

Груевски рече дека предвиделе овие објекти да имаат и комерцијален дел за да бидат исплатливи за оној што ги гради, па така сите катни гаражи имаат околу 15 отсто комерцијално-деловен дел. /крај/мф/бб

http://makfax.com.mk/303669/pochna_izgradbata_na_poslednata_katna_garazha_vo_centar

build.mk, гради форумска историја

Катна гаража Смилевски конгрес - кај МНТ