Австриската фирма Текспорт ќе гради фабрика за текстил во Виница Австриската фирма Текспорт ќе ја гради својата трета фабрика за производство на работна облека за заштита од вода и од пожар во Македонија, овој пат во Виница. Оваа компанија од Салцбург веќе има две фабрики, во Скопје и во Кочани, во кои вработува околу 400 луѓе. Во Македонија работи од 1999 година. „Во Скопје имаме фабрика, која во 1999 година имаше 60 вработени, а сега 200. Втората фабрика во Кочани има 200 луѓе. И во Виница ќе има околу 200 вработени. Во Виница ќе инвестираме 800.000 до еден милион евра. Земјиштето веќе го купивме и ќе почнеме да градиме. Очекувам фабриката да почне со производство кон крајот на 2012 година“, изјави Отмар, Шнајдер, сопственик на Текспорт. Тој е задоволен од потенцијалот и техничкото знаење на работниците за да произведуваат вискоквалитена и високотехнолошка опрема и тоа бил клучниот фактор поради кој решил да инвестира во уште една фабрика во Македонија. „Многу сум задоволен со човечките ресурси во производство. Треба луѓето да се квалификуваат за натамошниот развој на бизнисот. Во мојата компанија во Македонија спроведуваме тренинг програма за апсолвентите од текстилните факултети. Две години трае обуката на луѓето, кои потоа заземаат клучни позиции во компанијата и може да ги тренираат другите луѓе“, изјави Шнајдер. http://www.kapital.mk/mk/makedonija/76599/avstriskata_firma_teksport_kje_gradi_fabrika_za_tekstil_vo_vinica.aspx

Македонија во конкуренција со 4 земји за голема инвестиција на БАСФ

Турска компанија ќе инвестира во Охрид

Среда, 30 Ноември 2011 17:13

Холдинг компанијата „ Абит Јапи“ од Турција е заинтересирана за инвестирање во Охрид во повеќе сектори , а првата инвестиција би била , оторање на  фабрика за ПВЦ- столарија. Ова беше најавено на денешната средба со градоначалникот Александар Петрески на која претставниците на турската компанија Рефик Санле и Рамазан Ѓоксу рекоа дека фабриката можат да ја отворат со купување на дел од фабриките во Охрид или да изградат сосема нов објект.

Градоначалникот Александар Петрески рече дека возможно е да се најде постојан објект од фабриките , кој  можат да го откупат и да го адаптираат за ново производство. На средбата , градоначалникот Петрески им  понуди и слободни локации за инвестирање и во други сектори.

Турските бизнисмени пројавија првичен интерес за изградба на голем затворен трговски центар , за кој веќе е определена локација и инвестицијата може брзо да се реализира.

http://bukvar.mk/news/turska-kompanija-kje-investira-vo-ohrid?newsid=fW_m

СПОРНА ЛОKАЦИЈА ЗА НОВ KАПАЦИТЕТ

Велешани не сакаат фабрика за преработка на опасни материи

Најавата за отворање фабрика за производство на биодизел-гориво наиде на отпор во Велес, но и кај стопанствениците со кои таа ќе се граничи. Најавено е дека треба да се гради на просторот меѓу некогашните економски гиганти „Порцеланка“ и „Нокатекс“ во близина на селото Горно Оризари, во кое има околу 3.000 жители.

- Странците мислат дека државава е сиромашна и дека можат да прават што сакаат, да купуваат добар простор, да градат фабрики што загадуваат. Самото име на фабриката за преработка на опасни материи боде очи. Ќе ги користиме сите правни средства за фабриката да не се изгради на 500 метри од населбата - велат од Месната заедница на Горно Оризари.

Осетливоста на моментот кога германскиот инвеститор сака да почне со постапката, во време кога велешани жестоко се спротивставуваат на започнувањето со работа на големиот загадувач - топилницата, не му оди во прилог.

- Сите што имаат приговор за локацијата на фабриката може во писмена форма да го сторат тоа и ќе биде земено предвид. Имате право да ги кажете своето мислење и став, а надлежните тоа ќе го ценат - велат од „Декон Ема“, консалтинг-компанија што ја работи еколошката дозвола за фабриката.

Инвеститорот, германска фирма, објаснува дека се работи за фабрика од затворен тип, која не ја загадува околината. Тие ќе користат индустриско масло, комунален отпад и пластика. Објаснуваат дека ова е трета локација што е избрана и доколку наидат на отпор, ќе бараат нова, четврта. Планираат да вложат 800 илјади евра и да вработат 50 лица. Загриженост од работата на новата фабрика искажаа и соседните фирми што работат во комплексот на „Нокатекс“.

- Дали пластиката што ќе се преработува е веќе претходно користена и за каков вид ПВЦ-пластика станува збор. Ова се прашања што треба да ги одговори инвеститорот. Се плашиме дека со почнување на процесот на производство ќе се наруши нашиот систем, бидејќи со европската регулатива не смее да има таков објект во простор од 5 км. Ако таа проработи, тоа значи дека ние ќе престанеме да работиме – велат од фабриката за медицински материјал ,,Вемед“.

За други бизнисмени што имаат фабрики во соседството причината за реакциите е лошиот пристап на домашниот консултант за избор на локацијата.

http://www.dnevnik.com.mk/?ItemID=4EB2DD53FF709A4999812DB1A491F090

Инвестициски бум во општина Петровец!

Погони од лесна незагадувачка индустрија ќе градат неколку странски и осум македонски фирми  во кои ќе се отворат над 500 работни места.

Градоначалникот Борче Митевски вели дека оваа до пред неколку години заборавена општина денес станува најатрактивна инвестициска локација во Македонија.

Заради огромниот интерес на компаниите во следниве неколку месеци на продажба ќе се дадат  уште сто и дваесет хектари со кои во близината на аеродромот ќе никне нов индустриски град, вели градоначалникот.

Станува збор за локацијата на кое своевремено странска компанија сакаше да гради голф терени. Но, по долгото време без реализиција, општината решила да го измени урбанистичкиот план и да го подели земјиштето на помали парцели. 

Најголемиот дел од парите од продажбата одат во општинската каса со што општината наместо долгови сега има четири пати поголем буџет.

Парцели на огласот купија хрватска, грчка, а уште неколку инвестиции планира италијанската компанија Еуро Италија која таму веќе гради трговски центар. Некои од домашните фирми што ќе инвестираат се Тинекс, Жикол, Југоекспорт, Унион, Дис Монтажа, Бета Шпед, Универзал Комерц. 

Освен земјиште за индустриски објекти, на следните огласи ќе се понудат и парцели непосредно до автопатот за изградба на хотел, рекреативни објекти и бензински станици.

http://www.sitel.com.mk/dnevnik/biznis/investiciski-bum-vo-opshtina-petrovec

нели ја пуштија фабриката за лужење уште во август ???

Нов погон за лужење и катоден бакар во Бучим, инвестиција од 11 милиони евра

Радовиш, 30 декември 2011 (МИА) - Во рудникот „Бучим“ во Радовиш денеска ќе биде  пуштен во производство нов погон за лужење и производство на катоден бакар, инвестиција на руски „Солвеј“ во износ од 11 милиони евра. На пуштањето во употреба на новиот погон  ќе присуствува вицепремиерот и министер за финансии Зоран Ставрески.

Новиот погон, со чија работа се отвораат 70 работни места, годишно треба да продуцира над 2.500 тони катоден бакар за првпат како финален производ наменет за извоз.  За работа ќе се користи оксидна бакарна руда, како и постојната јаловина. 

Освен економски бенефиции, со отворањето на погонот се вложува многу и во заштита на животната средина бидејќи се решава проблемот со отпадните води.

Во Македонија постојат околу 100 рудници во кои се вработени над 8.000 лица. Рударството зафаќа скоро третина од индустриското производство во земјава.

http://www.mia.com.mk/default.aspx?vId=89999443&lId=1&pmId=504

Originally posted by axel нели ја пуштија фабриката за лужење уште во август ???

Тогаш ја пуштија во пробно производство и тоа е во ред, ама ова што се научија да сечат ленти и да се сликаат на секое пуштање, тоа не чини ЛОЛ

 
Индустрискиве зони изникнуваат како печурки, ама никако да видиме индустриски капацитети во нив.
 
Работава, сите со нетрпение чекаат да инвестираат, но некој ги држи врзани, даваат гас во прва брзина, но никако да тргнат ногата од квачилото за конечно да тргнат.


Edited by Dexter26 - 03-Jan-2012 at 18:47

нешто се гради веќе на индустриската зона во Кичево кај новата спосртска сала.два објекти се изградени а третиот е во столбови

знам дека сакаат да градат,но во Македонија од најава па до градба има голема разлика.на еден од инвеститорите му помогнав околу проектот(проектантите му бараа многу пари) ама дали ќе почни со градба е прашање.лично јас спаѓам во оние кои веруваат во дела на лице место а не во најави.за ногу од најавите за инвестиции по разни медиуми ги читам само првите 2-3 реченици колку да знам што е.кога има нешто поозбилно на терен,тогаш е друга приказна.сме се наслушале за долини,брда и палати ама...