Индустриски објекти и зони (општо)

Во општина Илинден

DSC07021 by george k. 1981, on Flickr

Уште една белгиска инвестиција во Македонија!

Реномираната белгиска компанија „Slabinck NV“ е новиот инвеститор во Македонија, чекор на кој се реши по неколкумесечни успешни преговори со Агенцијата за странски инвестиции и промоција на извозот, по што во компанијата одлучиле да инвестираат во скопската општина Гази Баба каде што за почеток веќе е обезбедена хала и работен простор во површина од околу 900 м2 кој наскоро се планира и да се прошири.



Компанијата, којашто има свое седиште во градот Бриж, во провинцијата Западна Фландрија, се занимава со ласерско сечење и обработка на метали, а воедно е и еден од најголемите клиенти на веќе присутен инвеститор во една од технолошко индустриски развојни зони.

На средба којашто се одржа во четвртокот во Скопје меѓу косопственикот и главен извршен директор на компанијата „Slabinck NV“, Лук Слабинк, и заменик директорот на Агенцијата за странски инвестиции, Климент Шекеровски, беше официјализирана новата инвестиција.

„Задоволство ми е што имам можност, заедно со г-дин Слабинк, да ја информираме македонската јавност за влезот на уште една реномирана компанија која станува интегрален дел од домашната економија. Со влезот на белгиски ’Slabinck NV’, што за нас како владин тим претставува валоризација на сиот досегашен ангажман и напори за нивно убедување да дојдат во Република Македонија, ќе се отворат нови можности за вработување на нашите граѓани, но и можност за деловна соработка со голем број локални коминтенти. Значајно за нас е и тоа што во оваа почетна фаза опремата и машините се набавени од домашни компании, а во натамошниот период ќе следува и проширување на просторот и негово доопремување со најсовремена машинска технологија. Според најавите на инвеститорот, се очекува вредноста на целокупната инвестиција да достигне околу 3 милиони евра. Денешниот настан е само потврда на успешната политика на Владата за привлекување на странски компании кои ја избираат Македонија како своја бизнис дестинација“, реч Шекеровски.

Слабинк од своја страна појасни дека од втората половина од 2014 година, остварил средби со Шекеровски и тимот од Агенцијата за странски инвестиции во Скопје и притоа ја истакна нивната „професионалност и континуирана поддршка“ во сиот изминат период.

„Нивната посветеност и поддршка ми овозможија полесно, заедно со моето семејство, да донесеме одлука за започнување нов инвестициски проект во дотогаш за нас една релативно непозната земја. Би сакал да упатам благодарност до г-дин Шекеровски и неговиот тим за овозможената поддршка и сигурен сум дека ова ќе биде добра препорака и за моите деловни партнери од Белгија и пошироко за инвестирање во Македонија каде што наидовме на одличен прием“, рече челникот на белгиската компанија.

http://makfax.com.mk/ekonomija/kompanii/uste-edna-belgiska-investicija-vo-makedonija

Edited by Navigator - 05-Mar-2015 at 14:33

ПРЕСЕЧЕНА ЦРВЕНАТА ЛЕНТА НА ШТИПСКАТА ФАБРИКА НА „АКТИВА“



Фабриката за заварени склопови за автобусите на белгиската компанија „Ван Хоол“ располага со близу 9.000 квадратни метри и со најсовремени машини, во што се инвестирани 4,5 милиони евра

Штип - Денеска во новата индустриска зона „Запад“ кај Штип свечено беше пуштена во работа новата фабрика на штипската градежна компанија „Актива“, која ќе работи под името „Актива аутомотив“ . На свеченоста присуствуваа Филип ван Хоол, сопственик на најголемата европска фабрика за автобуси „Ван Хоол“ од Белгија, за која е наменета производната програма на „Актива аутомотив“, вицепремиерот Владимир Пешевски, директорот на ТИРЗ Виктор Мизо и Веле Самак, министер за странски инвестиции.

Иле Николов, директор на „Актива“, напомена дека првата фабрика за заварени склопови за автобусите на белгиската компанија „Ван Хоол“, изградена во новата индустриска зона „Запад“, располага со близу 9.000 квадратни метри и со најсовремени машини, во што се инвестирани 4,5 милиони евра.

„Камен-темелникот го поставивме на 23 април минатата година, фабриката со производство започна во октомври, а денес само го проследуваме чинот на свеченото отворање. Во новата фабрика отворивме 100 нови работни места, со што за неполни три години од 120 „Актива“ израсна во колектив со над 300 вработени од кои 10 проценти се високообразовен кадар од металска, машинска и електро струка“, рече Николов. Тој се заблагодари на Општина Штип за големата поддршка во реализацијата на проектот, посочувајќи дека се работи за капитална инвестиција, за производство што не е текстил, што за Штип е една сосема невообичаена практика.

За вицепремиерот Пешевски, новата фабрика е нешто што во модерниот свет се нарекува „функционална економија“. „За две години, развојниот концепт на ’Актива‘ планира бројот на вработени да се заокружи на 500 лица. Оваа компанија реализира производи кои се конкурентни на светскиот пазар зашто автобусите на ’Ван Хоол‘ во чие производство значаен удел има и ’Актива‘ се продаваат во цел свет. Тоа што оваа штипска компанија денес работи за најдобрите компании во светот е нешто што високо ја издигнува конкурентноста на она што е произведено во Македонија“, рече Пешевски.
Филип ван Хоол, сопственик на белгиската компанија, го изрази своето задоволство што му се укажала прилика да ги запознае штипските стопанственици Иле Николов и Аргир Лазовски, сопственици на „Актива“.

„За деловна соработка во Македонија разговаравме со многу фирми за да се увериме на крајот дека во Николов и Лазовски го имаме најдобриот избор. ’Актива‘ стана лидер во овој регион кој работи за нашите автобуси во Белгија и во Македонија, но ова е само почеток на нешто многу поголемо и повредно, зашто ние допрва ќе ја издигаме деловната соработка на многу повисоко ниво“, рече сопственикот на белгиската компанија за производство на автобуси.

https://www.youtube.com/watch?v=UDHScThJFuo

http://www.utrinski.mk/?ItemID=BCEEFF8EB5F8E542A94A3F7F069B54F5

Originally posted by jyvation Посебна тема има ТИРЗ Штип.Како и секогаш една инвестиција по два пати ја промовираат

Само што ова не е ТИРЗ Штип, туку самостојна локација на излезот кон Радовиш. Инаку не се промовираат по двапати, туку по четири: објавување на инвестиција, потпишување на договор, поставување на камен темелник и сечење лента.

Edited by Navigator - 18-Mar-2015 at 09:58

Originally posted by Navigator Originally posted by jyvation Посебна тема има ТИРЗ Штип.Како и секогаш една инвестиција по два пати ја промовираат Само што ова не е ТИРЗ Штип, туку самостојна локација на излезот кон Радовиш. Инаку не се промовираат по двапати, туку по четири: објавување на инвестиција, потпишување на договор, поставување на камен темелник и сечење лента.

Нема врска дали е зона-Запад или Исток, вестите за оваа фабрика се постирани таму.Со производство почнале во ноевмри лани.Сега повторно ја стартуваат фабриката.

Pogonot koj se otvori e nov i se prosiruva proizvodstveniot i personalniot kapacitet. I sto pati da se otvaorat isto se faka bitno e deka se otvarat a ne zatvorat pogoni.

Originally posted by jyvation Originally posted by Navigator Originally posted by jyvation Посебна тема има ТИРЗ Штип.Како и секогаш една инвестиција по два пати ја промовираат Само што ова не е ТИРЗ Штип, туку самостојна локација на излезот кон Радовиш. Инаку не се промовираат по двапати, туку по четири: објавување на инвестиција, потпишување на договор, поставување на камен темелник и сечење лента. Нема врска дали е зона-Запад или Исток, вестите за оваа фабрика се постирани таму.Со производство почнале во ноевмри лани.Сега повторно ја стартуваат фабриката.

ОК, отсега ќе се консултирам со тебе пред да постирам нешто.

Италијанската компанија “BUZZI & BUZZI“ ќе произведува расветни тела во Прилеп

Италијанската компанија веќе го стартува своето производство, поради поволниот амбиент во македонија, како што велат, а по една година, најавуваат и гринфилд инвестирање во некоја од индустриските зони на Прилеп.



Инвестицискиот бум во градот под Маркови кули продолжува. Денеска во Општината Прилеп беше промовирана најновата браунфилд инвестиција на италијанската компанија ``Буци & Буци`` со седиште во Милано, која произведува расветни тела со врвна технологија и дизајн за светски познатите брендови- ``Версаче``, ``Армани``, ``Бенетон`` и други, а производствени погони во своето 25- годишно работење има отворено во Њујорк, Шангај, Дубаи, а сега и во Прилеп.

- На самиот старт тоа ќе биде инвестиција од триста илјади евра и дваесет вработувања. Меѓутоа, во период од две години, таа бројка ќе се зголеми на сто вработувања- рече италијанскиот инвеститор дарио Буци.- Би ги повикал сите млади луѓе и стручни кадри што можат да одговорат и работат во оваа фабрика, да се пријават на конкурсите за да работат на оваа висока технологија- рече прилепскиот градоначалник Марјан Ристески.
Италијанската компанија веќе го стартува своето производство, поради поволниот амбиент во македонија, како што велат, а по една година, најавуваат и гринфилд инвестирање во некоја од индустриските зони на Прилеп.

- Тие веќе имаат инсталирано машини и официјално и оваа недела веќе започнаа со производство на расветни материјали. Поради одличната политика на Владата на Република Македонија, поради одличната транспарентност на локалната самоуправа и сите јавни институции во Општината Пшрилеп, па и отвореноста на самиот бизнис сектор, се одлучија да инвестираат тука во Прилеп- рече Ристески.

Во Прилеп, покрај италијанскиот инвеститор, актуелни се и американската компанија ``Гентерм`` со инвестиција од 20 млиони евра и две илјади вработувања, како и германската ``Акомпласт`` со инвестиција од неколку милиони евра и 250 вработувања.

http://www.alfa.mk/News.aspx?ID=91123#.VQviAORxSHM

Некаде во Маџари...

DSC07903 by george k. 1981, on Flickr

DSC08055 by george k. 1981, on Flickr

DSC08056 by george k. 1981, on Flickr

DSC08057 by george k. 1981, on Flickr

DSC08059 by george k. 1981, on Flickr

DSC08060 by george k. 1981, on Flickr