Originally posted by ehrlich Сепак, од економска гледна точка, мене не ми се допаѓа што постојано се бараат и се привлекуваат претпријатија насочени кон автомобилската индустрија, бидејќи се знае дека е лошо насочување кон една индустрија, од проста причина што прва поголема рецесија во светот, автомобилската индустрија секогаш паѓа најмногу, а со тоа нашата економија ќе потоне веднаш и тоа одма со затворање.

 
Истовремено, речиси сите тие производи се исклучиво за извоз.
 
Е сега, секако дека не може баш секој Македонец да си дозволи Астон Мартин, но секако дека имаме пазар за резервни делови кои поисплатливо е да бидат произведени во Македонија, отколку увезени.
 
За волја на вистината, некои продавачи на резервни делови за автомобили велат дека продаваат акумулатори и други автомобилски компоненти од Џонсон Контролс, односно од сегашен Вистеон Електроникс, и од некои други производители на резервни делови во Македонија, но бидејќи не ги имам видено лично и не сум им ги видел лично декларациите, не можам да ја потврдам ваквата информација, но истовремено не можам ни да ја негирам.


Edited by Dexter26 - 12-Jan-2016 at 00:29

Потпишан договор за рестартирање на „Порцеланка“, 1.000 нови вработувања

Владата на Република Македонија и индиската групација БРГ денеска во Велес потпишаа договор за реализација на инвестиција во која ќе биде рестартирана поранешна „Порцеланка“.



Инвестицијата е вредна околу 31 милион евра, а планирани се илјада нови вработувања што ќе бидат реализирани низ повеќегодишен план.

На потпишувањето на договорот во Велес присуствуваше и премиерот Никола Груевски.

Групацијата БРГ во рестартираната поранешна фабрика „Порцеланка“ ќе изработува производи од челик и кујнски прибор од нерѓосувачки челик.

Извор

Вчера мислам дека видов дека и во Кривогаштани ќе се гради фабрика за замрзнат зеленчук. Само незнам каде видов ептен не бомбардираат со најави за нови погони.

Според ова истражување, помошта изразена во директни субвенции и во даночни ослободувања, кај некои од странските инвеститори достигнува и до 47 отсто од висината на средствата што ги вложиле во Македонија.

„Ако ги пренесеме тие трошоци на ниво на генерирани нови вработувања во овие компании, излегува дека едно ново вработување нè чини 21.000 евра“, изјави Весна Гарванлиева од Центарот за економски анализи.

Македонската економија, вели Гарваналиева, барем засега не чувствува големи бенефити од странските инвестиции, но тие би можеле да се интензивираат во наредните години. Нивното учество во вкупниот извоз изнесува 27 отсто, но додадената вредност во БДП на седумте компании од зоните е неполн еден процент.

„Компаниите во ТИРЗ имаат мало влијание врз додадената вредност затоа што точно е дека тие се извозно ориентирани, меѓутоа истовремено се и увозно ориентирани, односно увезуваат најголем дел од инпутите“, рече Гарваналиева.

Според невладината организација „Десо“, која анкетирала 268 менаџери на домашни компании, менаџерите се согласуваат со владините политики за привлекување странски инвеститори. Сепак, повеќе од 70 отсто од нив, сметаат дека домашните фирми се дискриминирани во однос на странските и очекуваат еднаков третман.

Препораката на овие организации е декаа владата треба да го преоцени системот за привлекување инвеститори, да ја зголеми транспарентноста на овој процес и да создаде услови за еднаквост на домашните компании со странските.

http://www.mkd.mk/makedonija/ekonomija/centar-za-ekonomski-analizi-edno-vrabotuvanje-vo-zonite-ja-chini-drzhavata

Домашните бизнисмени (дел од нив, секако) може да се осеќаат како сакаат, но факт е дека се потполно еднакви пред странските. Само треба повеќе да се информираат. Впрочем, за какви нееднаквости зборуваме кога веќе имаме две домашни фирми со потпишан договор за инвестиција во ТИРЗ.

Originally posted by kultuzin На домашните инвеститори не им одговара затоа што работниците видоа што е платен одмор, што се со закон загарантирани 20+ дена за одмор, што е 5 дена во неделата работа, што е празник, што е платена прекувремена работа, што се додатоци за викенд или празник, видоа што значи да си осигуран. Само во Македонија и евентуално на Балканот „газда„ се станува преку ноќ со ненормална заработка врз грбот на работникот. И тоа е она што не им чини на нашите „газди„. Со доаѓањето на странските фирми полека исчезнува екстремната експлоатација на работникот и филозофијата на нашите газди „ако не ти чини ОДИ си има доволно работници„. Епа сега почнува да снемува работници кои по секоја цена ќе работат и така им стана тесно околу вратот.

работниците го видоа сето тоа и без индустрискиве зони и странските инвестиции во нив со мала промена на законите и малку построга инспекција... зошто секогаш мора секоја позитивна промена да се вади од контекст?

Edited by zabegan - 03-Feb-2016 at 01:26

Поздрав

Почекајте малку, од штаб чека што да му пишат. Малку по деликатно е прашањето...
Веројатно ќе оди со она "Во времето на СДСМ тие седеле дома и не земале воопшто пари"

Originally posted by Navigator Originally posted by ѓорче Да видиме Navigator шо ќе каже на ова. Што има јас да кажам? И што е воопшто проблемот со огласот? Фирма бара инженер и нуди основна плата од 200 евра (пази основна плата). Ниска е платата? Да, секако дека е ниска, треба да е повисока. Ќе најде ли оваа фирма машински инженер за 200 евра? Ако најде, значи некој прифатил да работи за таа плата и покрај кваиликациите што ги има. Ако не најде, фирмата ќе мора да понуди повисока плата додека не најде. Тоа е пазарната логика. Или заеби тоа? Да разјасниме: Јас сум поддржувач на политиката на привлекување на странски инвестиции. Истовремено, свесен сум дека платите во Македонија се ниски и несоодветни за многу позиции и дека треба да растат. Јас мислам дека привлекувањето на инвеститори е една од најдобрите политики за зголемување на вработеноста и со тоа раст на платите. Бидејќи претпоставувам дека ти си противник на оваа политика, те молам обајсни ми како според тебе би се зголемило нивото на плати во државава? @Џоле - Би сакал и од тебе да прочитам како мислиш дека би можеле да пораснат платите, затоа што гледам дека си поприлично активен во "индустриските" нишки, ама единствено кога има вести за проблеми во зоните. За чудо, во последно време не си налетал на ниедна позитивна вест, на отворање фабрика, на камен темелник... За крај, за кого е поздравот и што поздравуваш? @Antonov - Друже, погрешен човек си нашол за "штабско препукување".

Апсолутно на место кажано, навистина и јас не ја сфаќам негативнава хајка што се води кон странскиве инвестиции. Тоа што платите се ниски, ниски се, но по која логика 0 е поголемо од 10 000-12 000.

Originally posted by Џоле Originally posted by Navigator @Џоле - Би сакал и од тебе да прочитам како мислиш дека би можеле да пораснат платите, затоа што гледам дека си поприлично активен во "индустриските" нишки, ама единствено кога има вести за проблеми во зоните. За чудо, во последно време не си налетал на ниедна позитивна вест, на отворање фабрика, на камен темелник... За крај, за кого е поздравот и што поздравуваш? Платите можат да пораснат кога ќе нема будали што ќе работат за 12 илјади. Сè додека некој машински (или каков и да е) инженер ќе прифати работа за толку мала плата, платите нема никогаш да растат. И во мојата струка (јас сум преведувач) има огромна нелојална конкуренција (ако европскиот просек е 10 евра од страница, македонскиот е околу 5 евра, но има луѓе што преведуваат за 50 денари од страница), но преводите што таа нелојална конкуренција ги прави се трагикомични и најчесто завршуваат во канта за ѓубре. И не е точно дека сум најактивен само кога има проблеми во зоните - напротив, како човек кој ја сака сопствената земја се радувам на секоја позитивна новост од тоа поле, но сум претпазлив и внимателен, зашто тактиката на владејачката гарнитура е водење постојана рекламна кампања, а не промислени потези во економијата и во другите области од живеењето. Фактот што неколку фабрики си заминаа откако заврши периодот на субвенции мене ми кажува дека тие никогаш не дошле со долгорочна стратегија и план, туку дошле зашто некој им ги покрива трошоците. А парите дадени за субвенции, кај оние фирми што си заминаа, можеби можеа да се искористат за домашни инвестиции, за рестартирање фабрики под капата на државата и слично. Не сум економист, не би можел да навлегувам во теми од кои немам големо разбирање, но редовно ги следам економските вести и сум изградил одредена слика за ситуацијата во државава. А поздравот е упатен до сите нас, без намера да бидам зајадлив.

Го почитувам тоа што се интересираш за теми што не ти се струка. Сепак, од една страна велиш дека не би можел многу да навлегуваш, а практично тоа го правиш. Ќе пробам да ти посочам на неколку факти и да те корегирам за неколку работи, затоа што мене баш ова ми е струка.

Цената на трудот, како и се друго во една пазарна економија е одредено од понудата и побарувачката. Оттука, не постојат будали инженери, туку само инженери на кои им е неопходна работата и ја прифаќаат за мали надоместоци. Кај нас, уште повеќе и поизразено затоа што постои огромна невработеност, ама и мала понуда за дел од инженерските струки. И затоа, ако некој треба да биде среќен и да гледа надеж од влегувањето на странските фирми во РМ, тоа се лицата од техничките струки.

Второ нешто е концептот на основна и почетна плата. Тоа го практикуваат повеќето странски фирми кај нас. Имаш основна плата (еве во овој случај 200 евра), но над тоа постои додаток за перформанс, за прекувремена работа, за работа во викенди, празници, итн. Имаш почетна плата, но по 2 или 3 години на таа позиција, платата расте, се вреднува искуството. Тоа, да бидеме реални, скоро и да не постои во домашните фирми. Меѓутоа ова е доста субјективен момент од причина што секогаш ќе се јави некој што "познава човек што работи таму и таму и не така како што кажуваат".

Понатаму, до моментов ниедна компанија не заминала од зоните. Уште помалку заради завршување на поволностите. Досега само една компанија најави повелкување и тоа заради преструктуирањето внатре во групацијата (компанијата е глобална, можеш многу лесно да ги најдеш вистинските информации и причини, батали што пишува плусинфо), комплетно независно од поволностите во Македонија. Освен тоа, поволностите за таа компанија завршиле уште во 2011. Што направи државата во врска со тоа? Најде нова компанија која ќе го превземе погонот и најверојатно ќе задржи голем дел од вработените (затоа што им требаат обучени вработени).

Да расчистиме уште една работа: "парите што државата ги дава на странците" всушност е неточна фраза. Државата не дава пари, таа само се откажува од потенцијален приход од даноци на одреден период. Да упростиме - пред велгувањето на Џонсон Мети, државата нормално немаше приходи по основ на данок од Џонсон Мети. Кога Мети почна да работи и да остварува профит, државата се откажа од тој приход во период од најмногу 10 години. После тој период, држвата ќе собира данок од компанијата. Значи, ниту дала државата, ниту загубила нешто што претходно го имала, а сепак ќе го има како приход после 10 години.

И уште околу рестартирањето на државни фабрики и слични приказни. Не постои таква работа, заборави ја. Живееме во систем каде државата треба да управува со што е можно помалку компании, а не допрва да рестартира и да управува пропаднати. Државата единствено може да посредува или да најде инвеститор што би рестартирал пропадната фабрика. Последен таков пример беше Порцеланка во Велес од пред месец дена.