Трговски објекти (општо)

Ikea ima prodavnitsa u Bukurest i ke pravi takiva u Bugarija. Pa Metro ima 3 prodavnitsi u Moldova!

„Певец“ ќе отвори продажбен центар во Скопје

Хрватската групација „Певец“ ќе гради продажбен центар во Скопје, во општина Чучер-Сандево. Од компанијата најавија дека центарот ќе се простира на површина од 150.000 квадратни метри, од кои 25.000 се продажбен простор.Се очекува градежните работи да почнат есенва, а отворањето на центарот е предвидено за крајот на 2009 година. Во него ќе бидат вработени 200 луѓе и ќе нуди производи за градежништво, алати, машини и бела техника. Според најавите, скопскиот центар на „Певец“ ќе биде најголемиот продажбен простор на оваа хрватска компанија, која веќе поседува 14 центри низ Хрватска и еден во Гостивар, кој беше отворен во минатата недела. Групацијата „Певец“ е основана во 1990 како мала семејна фирма со само двајца вработени, кои во гаражата на куќата во Бјеловар продавале земјоделска опрема. Денес компанијата има над 3.000 вработени, промет од 400 милиони евра и годишен раст од 20 отсто.

По цели 15 години изградба, во Штип пуштен е во употреба трговскиот центар Дујле, инвестиција тешка девет милиони евра. Од 270 објекти колку што има на 15.000 квадратни метри површина, клучевите од своите дуќани и станови, веќе ги имаат околу 80 отсто од сопствениците, јавува дописникот на Нетпрес од Штип

Објектите се предадени во состојба на карабина и обврска на сопствениците е нивното понатамошно уредување. На добивањето на одобрението за употреба и претходеа неколку годишни протести и реакции на сопствениците на објекти, кои и покрај вложените пари не може да ги користат. Проценките се дека, доцнењето на изградбата ги чини во просек околу 200 евра месечна загуба. Сепак, оптимисти се дека наскоро инвестицијата ќе им се исплати. Тие формираа и здружение, чија цел беше да се забрза изградбата и објектот да се пушти во употреба, а сега ги пренасочува активностите кон одржување на објектот.

Според предвидувањата, до крајот на годинава, најголемиот дел од објектите би требало да бидат доопремени и да започнат со работа, со што Штип конечно ќе го добие 15 години најавуваниот атрактивен трговски центар.

Комисијата за заштита на конкуренцијата ја анализира спогодбата за продажба на локацијата

Деспина Трајковска


Постои можност земјиштето на кое е изграден ТЦ „Рамстор“, а кое пред пет години тогашниот премиер Бранко Црвенковски со непосредна спогодба му го продаде на турскиот инвеститор Рахми Коч, да мора да му биде вратено на Министерството за транспорт и врски, односно на државата. Со ваков епилог би резултирала постапката за испитување на компатибилноста на индивидуалната државна помош доделена на „РАМСТОРЕ МАКЕДОНИЈА ДОО“, што ја поведе Комисијата за заштита на конкуренцијата, со образложение дека постојат индиции оти земјиштето од 20.000 квадратни метри е продадено под бенифицирани услови, односно за само 25 евра по квадрат.

„Се сомневаме дека купопродажбата е направена под нереални услови, односно земјиштето е продадено по цена многу пониска од реалната вредност. Ако се утврдат нашите сомневања, фирмата што ја примила државната помош, во случајов ‘РАМСТОРЕ МАКЕДОНИЈА ДОО‘ ќе треба да го врати земјиштето на претходниот сопственик, односно државата“, објаснува Чедомир Кралевски, претседател на Комисијата за заштита на конкуренцијата.

Тој истакнува дека продавачот на неизграденото земјиште, Министерството за транспорт и врски, и Црвенковски, како автор на зделката, нема да сносат последици. Имено, посочува Кралевски, единствено реперкусии за нивното дело ќе може да побара некој од истражните органи доколку види „случај во случајов“. Од Комисијата додаваат дека е неблагодарно да се прогнозира кога би имало конечен епилог од постапката, но посочуваат дека за тоа ќе бидат потребни најмалку еден и пол месец.

Согласно со објавената Одлука за постапката, Комисијата треба да го извести давателот на државната помош за причините за нејзино поведување и повратно Министерството за транспорт и врски во рок од 15 дена до Комисијата ќе треба да достави комплетна документација и извештај за купопродажбата на земјиштето. Истовремено, заради утврдување на компатибилноста на државната помош, од Комисијата ги повикуваат заинтересираните лица да ги поднесат своите забелешки и мислења во рок од еден месец.

Инаку, идентична постапка Комисијата за заштита на конкуренција неодамна поведе и за продажбата на земјиштето во Карпош, кое и' беше продадено на српската компанија „Делта“. Исход од оваа постапка се' уште нема.

http://utrinski.com.mk/?ItemID=4314B73D5D0D5B41BA9ECD921F8AF581