Зоолошки градини во Македонија

Арсовска: Се ревитализира ботаничката градина во ЗОО Скопје

Денес на денот на пролетта градоначалничката Арсовска заедно со директорот на ЗОО Скопје Кристијан Стаменов и дел од советниците од град Скопје учествуваа на отпочнување на пролетната акција за раззеленување на ботаничката градина.

Од таму појаснуваат дека вработените на ЗОО Скопје во координација со ЈП Паркови и работат заедно во акција за чистење и ревитализација на ботаничката градина којашто во изминатите четири години не беше функционална, односно посетителите немаа можност да прошетаат во тој дел од зоолошката градина.

“Ботаничката градина се протега на 20.000 метри квадратни, а следи обновување на системот за полевање и подготвени се нови 200 садници за засадување. Градината ќе добие и нова урбана опрема, а во план е и реконструкција на дрвените мостови, со што овој простор ќе биде повторно достапен за посетителите”, истакна Арсовска.

Во наредниот период Градот Скопје заедно со ЗОО Скопје, ќе спроведе низа активности со кои ќе се подобрат условите на живеалиштата на животните, како и инфраструктурата којашто ќе овозможи подобри услови за посетителите на скопската зоолошка градина, најавија од оваа институција.

https://makfax.com.mk/makedonija/%D0%B0%D1%80%D1%81%D0%BE%D0%B2%D1%81%D0%BA%D0%B0-%D1%81%D0%B5-%D1%80%D0%B5%D0%B2%D0%B8%D1%82%D0%B0%D0%BB%D0%B8%D0%B7%D0%B8%D1%80%D0%B0-%D0%B1%D0%BE%D1%82%D0%B0%D0%BD%D0%B8%D1%87%D0%BA%D0%B0%D1%82/

ПРВИТЕ ПИНГВИНИ ВО СКОПСКАТА ЗООЛОШКА ГРАДИНА СЕ ЛАДАТ И СО ВЕНТИЛАТОРИ

Од денеска, во скопската Зоолошка градина може да се видат новите жители, пингвините. За првпат во своето постоење градината доби пингвини, вкупно девет, од кои три се од Италија, а шест од Русија. По карантинскиот престој и адаптација, пингвините се пуштени во надворешното живеалиште кое е градено по светски стандарди и со идеални услови за овој вид пингвини. Станува збор за јужноамерикански хамболт пингвини, кои можат да живеат и на повисоки температури.

„За првпат од своето постоење од 1926 година, Зоолошката градина добива пингвини. Бараат многу нега на стапалата, а се хранат со свежа риба, што значи неколку пати во денот треба да се одмрзнува и подготвува. Потекнуваат од Чиле и Аргентина каде се навикнати на ветер, па затоа во живеалиштето поставени се специјални вентилатори со кои ќе ги разладуваме“, рече зоо негувателот Војо Иванов на денешното отворање на живеалиштето.

Поради специфичните услови кои ги бараат, зоо негувателите мора да внимаваат постојано и на надворешната температура, врнежи на дожд и снег, колку ќе се качи или спушти температурата навечер. Ако падне под 5 степени мора да се затворат во внатрешното живеалиште, ако се качи над 25, пак мора да бидат во ладна соба. Летниот период е попроблематичен поради можна појава на маларија. Многу често комарци носат болести на кои пингвините можат да бидат осетливи, па поради тоа во живеалиштето е насадена лаванда, а ќе се постават вентилатори и специјални УВ ламби кои ќе ги бркаат комарците.

https://sdk.mk/index.php/dopisna-mrezha/prvite-pingvini-vo-skopskata-zooloshka-gradina-se-ladat-i-so-ventilatori/

НЕ ГИ ЈАВАЈТЕ И НЕ ГИ ВЛЕЧЕТЕ ДИНОСАУРУСИТЕ ЗА ОПАШ, АПЕЛИРААТ ОД ДИНО ПАРКОТ КОЈ ЗА ЕДНА НЕДЕЛА ГО ПОСЕТИЛЕ 25.000 ЛУЃЕ

Дино паркот во рамките на скопската Зоолошка градина секој ден е полн со посетители. Вчера имало над 6.000 гости не само од земјавата туку и од Србија и Косово. Со тоа за само една недела од отворањето паркот го посетиле 25.000 лица.

Иако во паркот е забрането посетителите да се качуваат на динасаурусите и местата каде тие се поставени се оградени со јажиња, сепак голем број не ги почитуваат правилата. Не само децата, туку и возрасните влегуваат во забранетиот дел и се качуваат на карпите за да бидат поблиску за сликање до динасаурусите. Децата ги јаваат реквизитите, ги влечат за опаш и за заби диносаурусите, во устата им ставаат камчиња и зеленило.

Вработените во Дино паркот велат дека иако има редари бидејќи секој ден има многу посетители не можат да ги контролираат сите.

„Апелираме до сите посетители да се почитуваат правилата на однесување, за да не се оштетат реквизитите и паркот уште долго време да биде атракција во Скопје. Изминатава недела има голем интерес, вчера имавме и организирани тури со автобуси од Србија и Косово, што покажува дека бевме во право кога најавивме дека Дино паркот ќе биде регионална туристичка атракција“, велат од Зоолошката градина.

Дино паркот беше пуштен во употреба на 29 мај. Има 41 диносаурус во природна големина. Диносаурусите се движат и испуштаат звуци.

Влезот во Дино паркот е 50 денари

https://sdk.mk/index.php/dopisna-mrezha/ne-gi-javajte-i-ne-gi-vlechete-dinosaurusite-za-opash-apeliraat-od-dino-parkot-koj-za-edna-nedela-go-posetile-25-000-luge/

41 диносаурс чинат 320.000 евра – од утре отворен Дино паркот во Скопје

41 диносаурс се дел од новиот Дино парк распоредени на површина од 2000 метри квадратни, а чинат 320 000 евра.

Дино паркот е веднаш до зоолошката градина во Скопје.

Официјално се отвора вечерва, а од утре и за посетители. Цената на билет ќе чини 50 денари. Се очекува да биде туристичка атракција како за домашни посетители, така и за странски туристи.

„Станува збор за околу 40 фигури од различен период од развојот на диносаурсите. Самиот Дино парк е од забавен карактер, но и од едукативен карактер. Се потрудивме диносаурсите да бидат во што е можно поавтентична средина , како што и живееле, самиот амбиент е на едно сериозно високо ниво“, вели Петре Шилегов.

https://mk.tv21.tv/41-dinosaurs-chinat-320-000-evra-od-utre-otvoren-dino-parkot-vo-skopje/

па мислев дека дино-парков ќе има некаков музејски/образовен концепт, а не дека ќе бидат само куп диносауруси нафрлани на едно место

Edited by zabegan - 26-Dec-2020 at 19:54

Дино Паркот е одлична идеја!
Ќе биде одлична содржина за младите!

300 илјади евра (горе долу колку што е тендерот) за дино-паркот го споредувате со СК14. Па не е ни колку врбите или една плажа на вардар од тие што никогаш не профункционираа.
Не дека ми прај ептен кјејф ама не е нешто толку страшно, дури можи и да е интересен сосаток на зоолошката.

Па не троши зоолошката свои пари, градот ги набавува диносаурусиве. Така да ок, од сега ќе знаеме за некој проект дека "нема средства" не е оправдување.

Диносауруси ќе јадат луѓето....или политичари,ќе видиме.

Едно друго СК14 само овде малку се поразлични фигурите. Многу споменици на малку квадрати. Ако сакаме да бидеме вулгарни слободно може и тоа да се каже. Има пари за диносауруси, нема за .......