Зоолошки градини во Македонија

Зоолошката преговара за поларни мечки

Во градината од неодамна има 17 нови жители, меѓу кои волци, којоти, питон и лав, а наскоро ќе пристигнат кенгури, зебри и мајмуни

Зоолошката градина од неодамна има 17 нови жители - четири волци, четири којоти, лав, игуана, питон, црн лебед, три ракуни и два риса. Во наредните два месеца треба да пристигнат уште 22 животни, меѓу кои и два кенгура. Директорот на Зоолошката, Дане Кузмановски, кој раководи со неа од ноември, има амбициозни планови во градината да донесе поларни мечки и слон и веќе подготвува проекти за нивните живеалишта.

Двата риса се донесени од Франција, а другите животни се од Белград. Животните се набавени бесплатно, врз основа на соработка меѓу зоолошките градини, а платени се само трошоците за транспортот.

- Следната недела треба да дојде уште еден рис од Франција, а понатаму очекуваме две зебри од Бриони, потоа четири гнуа (вид на говеда), три антилопи и еден црн лебед. Исто така, на крајот на март треба да пристигнат и два кенгури од љубљанската зоолошка градина и седум мајмуни од видот лемур од Холандија. Во април очекуваме два мајмуна од видот гибон од Белгија. Настојуваме да донесеме животни во пар за да имаме подмладок и да имаме што да им понудиме на градините со кои соработуваме - вели Кузмановски.
Тој додава дека преговара да се донесат и поларни мечки од Канада, пар тигри од Португалија, повеќе видови птици од Белград, како и жирафа и слон. Жирафата и слонот се очекуваат во октомври, а неофицијално, покровител за изградба на нивните живеалишта ќе биде скопскиот градоначалник Коце Трајановски.

- Ако не успееме да ги донесеме поларните мечки од Канада, тогаш во предвидените живеалишта, кои лесно може да се приспособат, ќе бидат сместени морските лавови или фоки - вели Кузмановски.

Додека траат преговорите за нови животни, во тек е изградбата на некои живеалишта, во рамките на проектот за реконструкција. Новите домови за волците, којотите и за лисиците, како и за гибоните и кенгурите, се комплетно завршени, а во завршна фаза се и живеалиштата за прстенестите мајмуни и јагуарите. Живелиштата за лавовите и за тигрицата треба да бидат готови до 15 март, кога ќе бидат пуштени во употреба.

Во почетна фаза е изградбата на ново живеалиште на нилскиот коњ, кое ќе има внатрешен базен и надворешно езеро. Старото живеалиште ќе се урне, а на негово место ќе се направи дом за антилопи од видот еланд. Деновиве почна и изградбата на живелиштата за лисиците и за трите ракуни. Нови живеалиштата ќе добијат и мечките, со базени и ограда од камен, како и срните, елените, ламите, козите, магарињата и птиците.

Кузмановски вели дека овие живеалишта се градат со донација од Владата, но не сакаше да каже за колкава сума станува збор, поради постапките за избор на изведувачи.

Аквариум и мини-зоолошка за децата

Во Зоолошката градина ќе се гради и аквариум во делот што служеше за пингвини. Сега се изработува проектот.

- Овој дел, бидејќи беше тежок за одржување, ќе се пренамени во аквариум. Еден дел ќе биде мини-зоолошка градина со срни, јагниња и коњчиња, кои децата ќе може да ги милуваат и да се сликаат со нив. Овде ќе може да ги слават своите родендени, оти е предвидена и изградба на угостителски објект - вели директорот Дане Кузмановски.

Овој петок ќе почне изградбата на едукативниот центар, наменет за настава за децата-посетители, како и за учениците.

http://www.dnevnik.com.mk/?ItemID=5CA2F552335BE2439A0619CBB8BD5B63

Edited by leonid23 - 24-Feb-2010 at 02:08

што бидна со скулптурата Жирафа во золошка ја поставија ли конечно? http://www.build.com.mk/forum/forum_posts.asp?TID=156&PID=45192#45192

Ја посетив зоолошката градина вчера и споредена со последниот пат кога бев пред неколку месеци, има огромен напредок. Условите кои новите живеалишта ги нудат како за животните, така и за посетителите да ги набљудуваат животните, даваат сосема ново чувство на уживање без досега вообичаеното пропратено со сожалување и очај. Насекаде се работеше на поправање на старите живеалиште и градење на новите, а зоолошката беше преполна со посетители кои исто како и мене, беа многу задоволни од новиот лик и атмосфера кој владееше во зоолошката градина.  Влезот за 1 април беше бесплатен

Слики:

Живеалиштето на јагуарите

1.


2.


3.


4.


Белонос коати

5.


6.


7.


8.


Волци

9.


10.


Којоти

11.


12.


Гибони

13.


14.


15.


Дабари

16.


Дивокози

17.


Неколку видови на елени

18.


Веднаш до елените, пони

19.


Кенгури

20.


21.


22.


Лавови

23.


24.


25.


Лемури не видов никаде

26.


Живеалиштата на мечките(сеуште се средуваат, а мечките се сместени во живеалиштата каде што беа тигрите и лавовите)

27.


28.


29.


Црн пантер

30.


31.


32.


Рисови

33.


34.


35.


36.


Живеалиштето на мајмуните е реновирано (барем однадвор, внатре беше заклучно)

37.


Различни видиковци

38.







Останува уште работа додека работите во зоолошката бидат целосно завршени. До тогаш ќе има работници и градежен шут, па очекувајте малку неред и бучава додека шетате низ зоолошката, но гарантирано е дека ќе уживате во прошетката како никогаш досега

Инспириран од претходниве постови, го натерав друштвото мое да одиме денес. Бевме доста пријатно изненадени, иако работите се сеуште во тек.

Фалат доста егзотични видови (човек очекува да има барем тигар, зебра, слон или жирафа...), но гледам дека последниве месеци имаат донесено неколку нови животни. Битно има напредок! Не е како порано да се ставени во 2х2 собички. И материјалите што се користат при изградбата на живеалиштата се соодветни (дрво и камен, наспроти досегашната пракса да се користи претежно метал и бетон).

Иако мојот став е дека не треба да постојат зоолошки градини - кога веќе постои оваа во Скопје, добро е што барем се трудат на затворениците да им пружат подобри услови за живот.

П.С.: Многу бев изнервиран што на влезот продаваа храна за животните (јаболки, моркови и зелки), а 5 метра подолу на таблата пишува дека е ЗАБРАНЕТО! хранење на животните...

Се е тоа убаво, само можеле тревата да ја искосат како што видов на сликите нема ниту еден среден тревник. Или ептен сакаат да постигнат автентични услови

В четврток Зоолошката градина ќе стане живеалиште на седум нови мајмуни лемури. Овој вид мајмуни имаат прстенести црно-бели опашки и особено ќе бидат интересни за најмалите деца, кои се љубители на цртаниот филм „Мадагаскар“, бидејќи токму овие животни се неговите главни јунаци.
А за месец и пол, директорот на Зоолошката, Дане Кузмановски, најави и два нови тигри, кои ќе бидат сместени во новиот ѕверовник.                                                                                                                                               http://www.spic.com.mk/kat/skopje/sedum-novi-majmuni-vo-skopje.html 

Птици има, меѓутоа ми падна чудно што една група мршојадци беше во посебен мал кафез, одделно од големиот кафез за грабливци во средина на зоолошката. Можеби не се компатибилни со орлите/јастребите.

Ми наликуваа на оние 4-5 од Книгата за Џунглата, кога се договараат што ќе прават вечер

А аквариум нема (претпоставувам мислиш на нешто налик Sea World). Во основа тоа треба да е посебна институција (водна зоолошка), или ако веќе не е посебна, треба да има доста голем простор малку одделен од главната зоолошка. Како и да е, во склопот на Градскиот Парк има уште многу неискористен/лошо искористен простор. Како само би ги дислоцирал тоа нивите кај Паркови и Зеленило, QSI школото и сите баракички се` до бул.8-ми септември...

ЗГОЛЕМЕН БРОЈОТ НА ЖИВОТНИТЕ ВО ЗООЛОШКА

Мајмуните од цртанот "Мадагаскар" стасаа во ЗОО

Седум мајмуни-лемури, кај нас препознатливи како мајмуните од цртаниот филм Мадагаскар" по долго авионско патување, вчера пристигнаа во Скопскта зоолошка градина. Мајмуните со прстенести црно-бели опашки и ококорени очи ги пречекаа педесетина насобрани посетители кои вчерашното убаво време го искористија за прошетка во градината. Овие мајмуни, всушност, се првите мајмуни од ваков вид во скопската ЗОО, а се подарок од зоолошката градина во Амстердам. Сите 7 се мажјаци, а во блиска иднина се очекува да пристигнат и три женки од истиот вид. Мајмуните с евселија во специјално изградено ново живеалиште под отворено небо, во близина на живеалиштето на јагуарите.

Лемурите пристигнаа во ЗОО околу 15.30 часот. Истите беа транспортирани со авион од Амстердам преку Прага. Повеќето од мајмуните се на возраст од три до пет години освен еден, кој е на возраст од 10 години. По неодамнешното збогатување со двата нови кенгури, вчерашните мајмуни се вистинска атракција за посетителите. Одговорните од ЗОО велат дека наскоро се во преговори и очекувааат позитивен одговор за три нови женки-лемури, за во иднина се добие можен подмладок.

(Д.С)
http://www.vecer.com.mk/?ItemID=63637429DAD69E4EA08C89DF1170EAE8

Ла Линеа покрена револуција