Бит пазар

https://www.intoalbania.com/sq/atraksion/pazari-i-ri/
za sporedba pazarot vo tirana, so kafancinja okolu nego i strogo pesacka zona. Svetlosni godini se pred nas.

Таков тип на дизајн не ни одговара за Бит Пазар, прво погледни наоколу што се дешава...

Такви решенија би требало да се применат на местото на Буњаковец или Зелено пазарче.

Финишира реконструкцијата на Бит-пазар во модерно место за пазарување



До крајот на септември Бит-пазар ќе прерасне во еден модерен и современ пазар за земјоделски производи. Во изјава за весникот ВЕЧЕР, Младен Дамев, генералниот директор на „Скопски пазар“ АД Скопје, кој стопанисува со овој главен снабдувачки центар во Скопје и најголем пазар воопшто во Републикава, истакна дека реконструкцијата почна пред две години и требаше да заврши овој месец, но со оглед на здравствената криза, рокот ќе биде пролонгиран најдоцна до крајот на септември.



Проектот се изведува во четири фази, со што ќе се овозможи поставување на 1.000 нови тезги, обновување на водоводот и канализацијата, целосно покривање на пазарот и изведба на нов деловен простор со површина од 600 квадратни метри.

Реновирањето на Бит-пазар почна од седмиот и осмиот сектор, од каде што беа преместени продавачите на тезги.

– Во понеделник ќе започне последната фаза од проектот, со што ќе се заокружи во целост новиот пазар Бит-пазар. Оваа фаза опфаќа комплетно нов под со целосна нова водоводна и електрична инсталација, ново осветлување и нови тезги – вели Дамев.

Што се однесува до закупнините за тезгаџиите, тие остануваат непроменети.

– Дури и во овие изминати месеци со оглед на работата што се одвива во и околу пазарот на корисниците на тезги им беа одобрени попусти – нагласува Дамев.

Идејата за целосна реконструкција на ова пазарче се провлекува уште од 2010 година, а реализацијата на самиот проект требаше да започне во 2016 година.

https://www.vecer.press/%d1%84%d0%b8%d0%bd%d0%b8%d1%88%d0%b8%d1%80%d0%b0-%d1%80%d0%b5%d0%ba%d0%be%d0%bd%d1%81%d1%82%d1%80%d1%83%d0%ba%d1%86%d0%b8%d1%98%d0%b0%d1%82%d0%b0-%d0%bd%d0%b0-%d0%b1%d0%b8%d1%82-%d0%bf%d0%b0%d0%b7/

па баш последното ти е стреа на лимени столбови

факт е дека естетски можеле да го усовршат, ама факт е и дека ова трба да се третира како привремено решение на хаосот кој владее на битпазар
е сега дискутабилно е дали ќе продолжи хаосот после ова како што обично си знае да си продолжи, или ќе видиме некој абер

Добар пример е последнава слика. Некако овие објекти по Европа ми оставиле впечаток на цветни пазари. Можда затоа што зарзаватите по Европа доминантно ги преселеија по маркети и единствено пазарите останаа за цвеќиња и ракотворби, можда и нешто продукти како кобасици сирења или па за панаѓури. Секако, очекував Скопје да добие барем цветен пазар ваков кога беше актуелен пред неколку години со новите објекти на Јужен Булевар, а тогаш власта беше расположена за вакви "барокни" објекти. Намесно тоа ние добивме гробарски тезги у непосреден центар на Скопје. Примерот на сликата од Бугарија е добар, ама за Цветен Пазар супер пицнат среден во построг центар на Скопје, да му се најде посоодветна локација.

Што се однесува до новиов битпазар, јас незнам што може човек воопшто да очекува од тоа ругло и дувло на криминал, сива економија и нелојална конкуренција на секој што отворил дуќан за било што во Скопје. Да земеме плус културолошките навики на масите народ кои гравитираат околу. Па тоа шајка да заковеш тамо е премногу инвестиција. БитПазар како појава у Скопје мора да биде дизперзиран и уништен. Да се испоотворат 10тина мали пазари по населбите од каде има најмногу народ и да му се намали постепено значењето. Тоа ќе ја пацифизира чаршијата и ќе ја намали појавата на оваквиот голем битпазар да неможе да му се контролира сивата економија. Ќе се отвори и пат да се нормализира границата меѓу општините Чаир и Центар и да си оди кајшто и е местото по линија на Пластичарска. Да не беше битпазар досега сто-пати државава ќе успееше да спроведе фискализација на Тафталиче, Буњаковец и дури Зелен Пазар.

Овакви "грандиозни зафати" со нов БитПазар е потклекнување пред појавата воопшто на постоењето на ваков гранде-кластер на сива-економија, како да е најозогласена јужноамеричка фавела, а не километар од центар на европска метропола.

Edited by user8642 - 11-Jul-2020 at 18:17

Кога ќе прелистам наназад и гледам дека уште од 2008ма имам некакви вести дека ќе се планира нешто со БитПазар или па кога ќе видам дека 2018та се почнати некакви градежни зафати, уствари власта несакајќи го спроведува тоа што мислам дека треба да се направи.

Ова е одличен начин да се употреби "реконстуркцијата" за уствари никогаш и да не се заврши и одлична шанса да се уништи БитПазар како појава! Доволно е само за заглави на магичен начин пазарот ограден со тараби и да остане така 10тина години. Супер средство за борба со сива економија. Треба некој разумен од власта доколку чита, да се размисли дека оставање на раскопан и заглавен БитПазар на подолг рок, уствари е најдобрата опција за Скопје!

Порталб: Проектот за модернизација на зелениот пазар „Бит Пазар“ никако да заврши

Ветен пред многу години, проектот за модернизација на зелениот пазар „Бит Пазар“ никако да заврши, градежните работи се одолговлекуваат со години, а предвидените рокови се пречекорени, пишува Порталб.мк.

Општина Чаир, која го вети овој проект, ја отфрли одговорноста, со образложение дека одговорна за реализација на проектот е АД „Скопски Пазар“, друштво во кое во текот на годините дошло до смена на сопствениците. Иако градежните работи започнаа пред повеќе од две години, и овој период не им беше доволен да го завршат проектот што се ветува околу 10 години. Делот на женскиот пазар што се наоѓа во рамки на овој пазар сè уште е неуреден и хаотичен.

На прашањето на Порталб.мк, од Скопски пазар рекоа дека набрзо ќе започне и изградбата на последната фаза на Бит Пазар, но не открија многу детали околу тоа колку чини проектот.

„Градежните работи се очекува да започнат во почетокот на јануари и ќе траат до месец април. Во текот на овој период пазарот нема да работи. Така, се очекува во мај да се заврши и да започне со работа. Не можам да кажам сега колку ќе чини оваа фаза, не би можел да кажам точно. Тоа што е сработено досега чинеше околу 5 милиони евра“, рекоа од Скопски пазар.

Во меѓувреме, Екрем Долек од Комората на трговци во изјава за Порталб.мк вели дека роковите за овој проект се пречекорени откако се сменија сопствениците на АД „Скопски пазар“. Тој рече дека се очекува до месец март да заврши последниот дел што се однесува до зелениот пазар и потоа, да се изгради и паркингот што е предвиден да биде над пазарот.

„Имаме задоцнување, пречекорени се предвидените рокови, бидејќи во меѓувреме друга компанија ја презеде сопственоста врз „Скопски пазар“ и речиси една година помина само така. Меѓутоа, овие нови сопственици работат малку подобро. Сега акциите ги купил друг, бидејќи претходниот сопственик имаше изгубено 50 отсто од акциите и сега има нови сопственици кои управуваат со Скопски пазар како фирма. Изградбата продолжи, немаше некаков проблем. Но, се работи и за малку специфична градба бидејќи, треба да се да се отстранат тезгите од едно на друго место, да се уредат овие делови е проблематично. Ова e четвртата, последна фаза и потоа треба да се уреди предвидениот паркинг над пазарот. До март би требало да заврши овој дел, затоа што нема многу работа, сега останува уште еден дел кај женскиот пазар што треба да се додаде“, рече Долек.

Модернизацијата на Бит Пазар се ветува околу 10 години. Во 2013 година, тогашниот градоначалник на Чаир, Изет Меџити, го претстави проектот за промена на изгледот на Бит Пазар, изјавувајќи дека реализацијата на проектот треба да започне после три месеци, а ќе чини 10 милиони евра, средства обезбедени од страна на Скопски пазар.

Овој проект почна да се реализира 5 години подоцна, а во 2018 година беше промовиран во речиси секоја предизборна кампања од кандидатите на ДУИ што се натпреварувале во локалните избори за оваа општина.

https://meta.mk/portalb-proektot-za-modernizaczija-na-zeleniot-pazar-bit-pazar-nikako-da-zavrshi/

Доцни реновирањето на Бит Пазар



https://alsat.mk/mk/dotsni-renoviraneto-na-bit-pazar/

Мала фото тура од дуќаните што станаа дел од новиот пазарски комплекс, најголем дел се веќе отворени и работат (фоткиве се направени пола саат пред полициски час):

Започнува реконструкцијата на скопски Бит-пазар

Скопски пазар АД Скопје ќе ја започне целосната реконструкција на пазарот Бит-пазар. Со новиот изглед и зголемениот капацитет, реновираниот центар Бит-пазар, како што се најавува, треба да прераснува во најголемиот пазар во државата.

На настанот најавени се обраќања на премиерот Зоран Заев, првиот вицепремиер и министер за политички систем и односи меѓу заедниците, Артан Груби, градоначалникот на Град Скопје, Петре Шилегов, градоначалникот на Општина Чаир, Висар Ганиу, како и генералниот директор на Скопски пазар АД Скопје, Младен Дамев.

https://www.biznisvesti.mk/zapochnuva-rekonstruktsijata-na-skopski-bit-pazar/