Има една интересна работа во врска со овие регионални патишта. Има некое мислење дека регионалната патна мрежа е всушност клучната алка во комуникација на населението. Е сега има една работа, а тоа е што Македонија во својата територијална организација ги нема регионите како административни единици. Го имаме централното ниво и локалното со општините. Измеѓу некаде празнина. Ги имаме сепак за статистика и избори, но за функционално не. А во некои држави регионите ја играат клучната улога во економијата и развојот. Е сега регионите би биле степенот што треба да ја пази оваа регионална мрежа. Па затоа кај нас се под централната власт. На пример една соседна Грција што и не е којзнае колку многу пати поголема држава има мислам дури пет степени на децентрализација. Косово што по параметри е слично и мерливо со Македонија го има овој среден степен, всушност сите соседи наши ги имаат. Во Македонија по низа околности што политички, што поради тоа што сме мала држава се изоставени. И функцијата нивна е не само инфраструктурно, туку и културно и демографски и политички и по многу други основи. Така да регионалната патна мрежа обично во некои држави се става на пиедестал пред локалната и автопатната. Е сега новинарите малку мешаат локална, регионална, магистрална, автопатна, па и по профил како автопатна и најчесто се бара и спектакуларна бројка, така да оваа бројка од двесте е чудна. Како и да е, мора да се внимава на целокупната патна мрежа покрај автопатите за кои сите сме согласни дека треба да се направат, што да се изгради, што да се поправа.

Edited by lslcrew - 26-Jul-2010 at 00:27

Пуштен во употреба локалниот пат од село Раштак до општина Бутел Македонија Претседателот на Владата на Република Македонија Никола Груевски денеска присуствуваше на свеченото пуштање во употреба на локалниот пат од село Раштак до општина Бутел. Локалниот пат Раштак - Бутел е во должина од три километри, а за него Владата преку Агенцијата за државни патишта издвои околу 11 милиони денари. - Владата преку Агенцијата за државни патишта во изминатиот период реализираше бројни капитални инвестиции  во областа на патниот сообраќај и изградба на патишта. Таквите инвестиции се од големо значење за подобрување на бизнис климата и привлекување на домашни и странски инвестиции, но пред се изградбата на патиштата значи подобрување на квалитетот на живот на граѓаните и непречена и брза комуникација меѓу населените места, рече Груевски. Со овие средства, истакна премиерот, жителите на Раштак и околните населени места добиле пат кој за овој регион е од големо значење, пред се поради тоа што, посочи тој, преку него драстично ќе се намали времето кое е потребно да се стигне од Раштак до центарот Скопје. Покрај свеченото пуштање во употреба на овој пат, денеска во Раштак се одбележа и пуштањето во употреба на филтер станицата со помош на која граѓаните добиваат чиста и проверена вода за пиење, инвестиција на Владата вредна околу осум милиони денари. - Што се однесува до другите инвестиции во Гази Баба, преку Агенцијата за патишта веќе го завршивме и локалниот пат Јане Сандански - Инџиково, а за многу скоро ќе започне да се гради и патот Брњарци - Стајковци. Паралелно со овие проекти преку кредитите на Европската инвестициона банка и Европската банка за обнова и развој ќе се финансираат и повеќе проекти за санирање на водоводната и канализациска мрежа, а ќе се продолжи и со изградба на локалните патишта во Гази Баба, потенцираше премиерот. Паралелно со овие проекти, според директорката  на Агенцијата за државни патишта Наташа Волкановска се започнува и со имплементација на нов проект за реконструкција на локални патишта, финансиран од Владата, преку заем од Европската банка за обнова и развој. - Агенцијата досега има отпочнато реконструкција на 60 локални патишта низ целата земја, од кои дел се веќе заврешени и пуштени во употреба, рече Волкановска. Груевски на денешниот настан беше придружуван од  скопскиот градоначалник Коце Трајановски и градоначалникот на општина Гази Баба Тони Трајковски. http://sitel.com.mk/

МИНИСТЕРОТ ЈАНАКИЕСКИ ВЕТИ
Наскоро ќе биде познат концесионерот за Коридор осум

До крајот на оваа или до почетокот на идната година ќе се знае која компанија ќе стопанисува, односно ќе има обврска да ги изгради патните правци од Коридорот осум, кој земјава ја поврзува со Бугарија на исток и со Албанија на запад, најави Миле Јанакиески, министер за транспорт и за врски. Изградбата на автопат со должина од 380 километри чини околу 1,2 милијарди евра, а Владата ќе го субвенционира концесионерот со 200 милиони евра. Министерот тоа го најави откако бизнис-заедницата завчера побара државата, конечно, да одвои пари за патна и за железничка инфраструктура на коридорот, без оглед колку тоа ќе ја чини бидејќи само така ќе се овозможи поконкурентен и поефикасен транспорт на стоки. За да се доврши само делот од пругата кон Бугарија, требаат најмалку 400 милиони евра. Јанакиески, пак, потсети дека во тек е работата околу подобрувањето на локалната патна инфраструктура, со средствата обезбедени од Светската банка. - Досега се завршени десет патишта, а се реконструираат шеесетина локални правци низ земјата. До крајот на наредната година ќе биде реализирана реконструкцијата на сите 200 локални патни правци, а што се однесува на регионалната патна мрежа, 11. регионални патни правци ќе бидат завршени до крајот на оваа градежна сезона - изјави министерот Јанакиески.

http://www.vreme.com.mk/DesktopDefault.aspx?tabindex=4&tabid=1&EditionID=2066&ArticleID=144403

A  Beton firmata dali ima aktivni proekti?

Originally posted by Grunf Немам посебан разлог да идем преко Валандова, једноставно ми је ближе и логичније, него да идем варијантом Гевгелија - Р 111 Богданци - Дојран, која је мени дужа 20-25км ... Али, ако је Р 111 бољи пут (мада и варијанта Р 110 изгледа заиста пристојно) зашто да не, размислићу о твом савету. Хвала!

Во принцип нема некоја разлика, и двете рути се кратки така да која и да ја одбереш нема да згрешиш

Originally posted by Grunf Поздрав свима. Овог лета планирам да на путу за Грчку у одласку идем преко Дојрана, вероватно и преноћим тамо, па ме интересује у каквом стању је пут од Удова преко Валандова (Р 110) до Дојрана (Р 604) и да ли гранични прелаз Дојран ради 24 часа. Унапред захвалан на информацијама.

Битно прашање. Дали сакаш да одиш преку Валандово заради прошетка или...?

Бидејќи доколку ти е чисто заради транзит подобра варијанта ти е да свртиш кон Дојран доле кај Гевгелија преку Богданци.

Инаку и во двете варијанти (преку Валандово или преку Богданци) патиштата се сосема пристојни особено што како што и сам заклучи се работи за регионални патишта.

Grunf,
Успеав да пронајдам слики од Р-110 и Р-604 од април 2007 (ако е точна EXIF информацијата). Оние од Р-604 не се за сегментот кој те интересира, туку се према Струмица, но сигурно се солидна индикација за тоа што може да го очекуваш и према Дојран.

pbanks,
Дали може да разграничиш кои слики се направени меѓу Удово и Раброво, а кои понатака накај Струмица (кои се од Р-110, а кои од Р-604), па да издвоиме посебни нишки за овие патишта. Исто така, дали април 2007 е веродостоен податок?

Еве ги сликите:

1


2


3


4


5


6


7


8


9


10


11


12


13


14


15


16

Ребалансот ќе ги дораскопа дупките по патиштата

Со корекцијата на буџетот, Агенцијата за државни патишта ќе остане покуса за околу 18 милиони евра

Билјана Ангеловска


Очајната состојба со магистралните патишта во Македонија уште извесен период ќе им ги кине нервите на граѓаните, бидејќи државата се' помалку е во можност да се грижи за нивно одржување и за реконструкција. На изградба на нови патни правци, пак, се чини ќе се изначекаме, бидејќи за такво нешто, пари или има се' помалку или едноставно нема. Со најавениот ребаланс на буџетот, касата на Агенцијата за државни патишта ќе остане покуса за приближно 18 милиони евра. Поточно, наместо првично проектираните нешто повеќе од 6,5 милијарди денари, сега, до крајот на оваа фискална година ќе има на располагање околу 5,4 милијарди, или 1,1 милијарди денари помалку.

Најголемо зафаќање ќе има токму во делот на изградба и реконструкција на патиштата, каде што сумата со која сега ќе располага Агенцијата е за близу 800 милиони денари, или за 12,7 милиони евра помала отколку што беше предвидено со првата верзија на буџетот. Агенцијата ќе може да купува опрема и машини во вредност од само 26.000 евра, бидејќи наместо првично предвидените 4 милиони денари, сега за оваа намена и' се даваат 1,6 милиони, а многу се намалува и ставката договорни услуги и тоа од 190 на 45 милиони денари.

Скусувањето на парите, особено на оние предвидени за изградба и за реконструкција на патиштата, ќе влијае врз динамиката на реализација на проектите. Така, голем дел од активностите што беше планирано да финишираат до крајот на оваа година, сега поради намалениот буџет ќе бидат пролонгирани за во наредната година, па ќе бидат комплетно завршени во текот на 2011 година.

„Според оваа динамика, во текот на следната година е предвидено да биде целосно завршена изградбата на регионалните делници Коњско - Кожуф, Коломот - мост с. Близанско (патот за Порече) и изградбата на делницата Радовиш - Струмица“, велат во Агенцијата за државни патишта.

Инаку, моментно во тек е реализацијата на проектот за реконструкција на 11 регионални делници од кои три се веќе готови, и тоа делниците Лакавица -Неготино (33,40 км), Давидово - Раброво (13,40 км) и Струга - Дебар (24,20 км), а останатите осум делници се планира да бидат завршени до октомври годинава. Станува збор за околу 200 километри регионални патишта. Исто така, до октомври треба да заврши и изградбата на делницата Табановце - Куманово, која е дел од Коридорот 10, а при крај е и обиколницата на Охрид.

Ребалансот ќе ја подиспразни и касата на Министерството за транспорт и врски, која до крајот на годинава ќе биде полесна за цели 6,5 милиони евра. Така, буџетот на Министерството сега ќе изнесува малку над 1,3 милијарди денари, или околу 21,3 милиони евра.

Големо намалување има во ставката социјални станови, каде што првично проектираната сума од 215 милиони денари сега е речиси преполовена на 128 милиони, а двојно се скусени и парите наменети за изградба на жичарницата во Скопје од Средно Водно до Милениумскиот крст, и тоа од 358 милиони, на 178 милиони денари. За 80 милиони денари, пак, или за 1,3 милиони евра е намалена и ставката за набавка на автобуси за јавниот градски превоз во Скопје за оваа година.

Што, практично, ќе значат сиве овие намалувања во буџетот на Министерството и како тие ќе се одразат на веќе започнатите проекти, дали ќе се забави или можеби ќе се пролонгира нивната реализација, засега не е јасно. Од Министерството накусо ни беше одговорено само дека распределените средства што се однесуваат на проектите кои се веќе започнати нема да влијаеле на нивната реализација, туку само ќе била изменета динамиката на нивната исплата. Дали тоа значи дека, на пример, ќе се пролонгира испораката на првата тура автобуси што скопјани толку долго ги чекаат, останува да се види. Бидејќи договорот предвидува исплатата да се изврши веднаш штом ќе биде извршена испораката.

До 2014 –та година ќе заврши изградбата на автопатот од Табановце до Гевгелија. Коридорот 10 кој ќе ја чини државата околу 270 милиони евра ќе биде по сите европски стандарди. ,,Агенцијата за државни патишта и градежната компанија денеска ме уверија дека автопатот од Куманово до Табановце ќе биде завршен во ноември годинава. За овој патен правец ќе се потрошат 13 милиони евра од буџетот и од Светската банка. Од друга стана пак финалниот проект за патниот правец Демир Капија -Смоквица деновиве ќе го испратиме до Европската Комисија и финансиските институции и очекуваме дека наредната година ќе започне реализацијата,,- вели министерот за транспорт и врски Миле Јанакиевски. „Делот помеѓу Демир Капија и Смоквица е доста тежок терен,станува збор за десетина мостови, десетина тунели, цело време е во карпа затоа и вредноста е толку голема и очекувам дека наредната година ќе започне изградбата, а ќе се заврши за две до три години.“- вели Јанакиевски. И покрај неодамнешните обиди на месното население да ја запре изградбата на делницата кај Табановце поради незадоволството од висината на обесштетувањето на нивниот имот градежните работи продолжуваат, а жителите на кои не им одговара понудената сума по судски пат ќе ги остварат своите побарувања. Инаку вкупната должина на коридорот 10 изнесува 180 километри. Снежа Петковска

http://kanal5.com.mk/default.aspx?mId=44&eventId=61706

http://iris.ftpaccess.cc/index.php/vesti/lokalnivestimeni/1758-2010-01-18-15-13-39
Се гледаат некои клучки и дел од некои скици за автопатот Скопје-Штип.