Патна мрежа (општо)

Логиката е: подобро нешто, отколку ништо

До каде се работите за автопатот Скопје-Штип?


Пред нова година имавме вакви најави "Автопатот кон Штип ќе почне да се гради на почетокот од 2013 година, Коридорот 8 ќе почека"

За потоа во март премиерот да изјави "Во однос на изградбата на автопатот Скопје - Свети Николе - Штип, Груевски рече дека во април треба да биде завршена финансиската конструкција, а кон крајот на годинава да се почне со изградба. Со овој автопат на релација Скопје - Штип ќе може да се патува за 30 минути."


Дали ќе ја имаме таа среќа да се започне конечно со изградба годинава?

Видео за состојбата на патот до ски центар Кожуф

На нешто повеќе од 200 километри од Скопје се наоѓа најмладиот ски центар во Македонија, Кожуф. Преубава природа и амбиции да се стане лидер во зимскиот и планинскиот туризам. Само со ваков пат до таму, тешко.

http://on.net.mk/video/na-trkala/do-kozhuf-na-sopstven-rizik

Патот не е лош , односно асфалтот не е лош но тоа што нема заштитна мрежа од одрони и што не се чистат одроните го уништуваат и доживувањето на таа природа и туризмот.

Кога се оди накај село Бањани на Скопска Црна Гора, некаде пред селото Сандево е реновиран патот. Две денешни фотки.

Заврши изградбата на патот до манастирот Трескавец



Прилеп - Патот до манастирот Трескавец од денеска е целосно асфалтиран во должина од преку 7,5 километри почнувајќи од Прилеп. Тоа значи дека изведувачот на градежните работи, „Гранит“ го реализираше проектот неколку дена порано од верскиот празник Св. Богородица, кога сите верници го слават патронот на манастирот и црквата „Успение на Пресвета Богородица“.

„Патот е завршен, значи прославата на Пресвета Богородица може да почне. Иако условите беа тешки и беа предвидени 16 месеци, ние го завршивме за 5 месеци. Интензивно работеа 15 градежни машини, 10 работници и двајца техничари“, вели Гојко Јошески, раководител на проектот.

Оваа инвестиција вредна околу два милиони евра се реализира со пари од државниот буџет преку Министерството за транспорт и врски.

„Како што ветивме, се' е подготвено и на 28 август патот ќе биде пуштен во употреба“, изјави градоначалникот Марјан Ристески.

Пред манастирот ќе се гради и паркинг за 250 возила. Во тек се активностите за изградба на водовод, се работи уште на инсталациите во проектот за обнова на конаците, а во рамки на овие активности прв пат од постоењето на манастирот ќе се работи и посебен проект за обнова на црквата.

Конаците на манастирот Трескавец беа опожарени во почетокот на февруари годинава. (М.Т.)

http://www.utrinski.com.mk/default.asp?ItemID=50B265E965DDD44FAECE542ED922CC91

60 милиони денари предвидени за реконструкција на патот Македонска Каменица – Делчево

Директорот на Јавното претпријатие за државни патишта, Љупчо Георгиевски денеска беше во обиколка на регионалните патни правци во Штип.


Георгиевски вели дека реконструкцијата и асфалтирањето на транзитниот патен правец од штипско Ново село кој води кон влезот и излезот на градот ќе заврши до почетокот на септември, а проектот чини околу 12 милиони денари.

- Би напоменал дека од регионалните патишта беа реконструирани и патот од излезот на Штип кон ТИР зоната, станува збор за околу 10 милиони денари и во должина од два километри и уште патот кон езерото Мантово, кој е околу еден километар и 500 метри, а е во вредност од околу шест милиони денари. Би напоменал дека ова не е се, во завршна фаза е избор на изведувач за осветлување на штипската клучка и секако во завршна фаза е избор на изведувач за други две делници со голема сума на пари. Станува збор за делницата Македонска Каменица-Делчево, значи од страната на Делчево, каде што има одрони од камења и се нестабилни. Во тој тендер е објавено да се санираат тие непредвидени свлечишта и да се реконструира оштетениот дел од патот во должина од околу седум километри, вели Георгиевски.

Тој додава дека ќе се реконструира и влезот на Кочани, со што во источниот дел на Македонија ќе се подобри патната инфраструктура во Источна Македонија. Георгиевски забележува дека реконструкцијата на патот Македонска Каменица –Делчево е предвидено да изнесува околу 60 милиони денари, а делницата Кочани-Превалец околу 15 милиони денари.

Директорот на ЈП за државни патишта, Георгиевски најави дека за еден месец ќе почне реконструкцијата на патниот правец Велес-Кадрифаково, а се работи на проектот за проширување на делницата Штип-Радовиш.

http://delcevodenes.mk/60-милиони-денари-предвидени-за-реконст/

Започна асфалтирањето на улицата „Димитар Влахов“ во штипско Ново Село. Нов асфалтен слој ќе добие и Булеварот „Гоце Делчев“, каде деновиве се врши отстранување на оштетениот асфалт. Увид во активностите во Ново Село денес изврши градоначалникот Илчо Захариев.

Тој истакна дека ова е почеток на реализација на проектот за средување на сите влезни сообраќајници во Штип. Дванаесет милиони денари чини реконструкцијата на улицата „Димитар Влахов“ и Булеварот „Гоце Делчев“, како транзитна линија. Средствата се обезбедени од Републичкиот буџет. По завршувањето на овие инфраструктурни зафати, наредни активности на овој план е реновирање на улицата која води до Исарот, односно до споменикот на револуцијата, што треба да започне на 2 септември.

Комплетно ќе се реконструираат улиците во населбите Три Чешми и Баби, ќе се обновува делницата меѓу Чардаклија и кружниот тек, а напролет се планира да стартува реконструкцијата на улицата „Партизанска“ до Стар Караорман и патот од Три Чешми до кружниот тек.

Паралелно ќе се работи на реновирање на улиците „Борис Кидрич“ и „Џемал Биједиќ“. Освен новиот асфалтен слој, на улицата „Димитар Влахов“  се средува и атмосферската канализација.

http://iris.mk/index.php/vesti/lokalnivesti/8112-2013-08-22-11-40-29

Регионалните патни правци кои требаше да ги гради банкротираната Алпине бау ќе бидат готови до крајот на годината. Се работи за четири делници со вкупна должина од околу 72,5 километри на кои градежните активности течат интензивно. Првиот кој ќе биде завршен веќе во септември е патот Ангелци – Вељуса – Водоча - Баница со должина од 7,5 километри, а за кратко време потоа од агенцијата за државни патишта најавуваат финиширање на изградбата и на останатите три.

,, Регионалниот пат Радовиш – Конче – Лубница со должина од неполни 22 километри интензивно се работи исто така, таму работи друга градежна оператива и таа треба да биде готова некаде до крајот на годината. Останатите два патни правци, тоа е Струга – Дебар и Кавадарци – Мушов гроб исто така брзо се работат. ,, рече Љупчо Георгиевски – директор на Агенција за државни патишта

И покрај банкротот на австриската компанија, од агенцијата за државни патишта велат дека успеале максимално да се заштитат и да ги наплатат сите банкарски гаранции .

,, Освен по основ на она што дадовме како аванс 10% кои што си ги повративме, ги активиравме и оние 10% за ненавремено и неквалитетно завршување, така да јавното претпријатие во делот за регионалните патишта ги активираше сите гаранции и си се заштити согласно онака како обврска што ја имаме.,, додаде Георгиевски

Освен регинални, австриската команија Алпине требаше да гради и повеќе локални патишта ширум државата. И за нив гаранциите од околу 4,1 милиони евра се веќе активирани. Деновиве е завршен тендерот за избор на изведувачи, а според најавите за оклолу еден месец по завршувањето на изборот и добивањето на согласноста од Европската банка за обнова и развој на терен ќе започне и градежната оператива за довршување на локаните патишта.

Зоран Ѓорѓиев

http://www.sitel.com.mk/mk/regionalnite-patishta-go-zasilija-patniot-krvotok

Македонија со најбезбедни патишта во регионот
Според ЕуроРАП, сигурноста на македонските патишта е нешто над просекот во ЕУ, но пешаците се небезбедни




Автопат (Фото: Телеграф.мк/Влатко Перковски)

Годишно на улиците низ светот гинат по 1,24 милион луѓе, а се проценува дека бројот двојно ќе се зголеми до 2030 година.

Светската здравствена организација посочи дека погинувањето на патиштата ќе стане петтиот водечки фактор за смртност на планетата, престигнувајќи ги ХИВ/СИДА, маларија, турберкулоза и другите слични убијци.

Интернет-страницата „Роуд кил“ објави интерактивна мапа на која е прикажана стапката на смртност на улиците во светот за 2010 година.

Во европски, но и во светски рамки, Шведска се посочува како земја со совршени патишта. Доказ за тоа се и статистичките податоци, кои посочуваат дека во 2010 година имало вкупно 266 смртни случаи на улиците, поточно три смртни случаи на 100.000 жители. Ова е најниска стапка на смртност во индустриските земји.

Во споредба со Шведска, која има 9,5 милиони жители, Македонија има значително висока стапка на смртност. Според податоците на „Роуд кил“, стапката на смртност изнесува 7,9 отсто на 100.000 жители. Педесет и осум отсто од загинатите се во автомобилски несреќи, 19,8 отсто се пешаци, 11 отсто се мотоциклисти, 4,3 отсто се велосипедисти и 6,9 отсто при други транспортни несреќи.

Истражувањето на Европската програма за проценка на патиштата (ЕуроРАП) посочува дека Македонија има висока стапка на смртност на улиците. На страницата се посочува дека стапката од 7,9 отсто на 100.000 лица е релативно висока ако се земе предвид дека во развиените земји таа изнесува пет отсто.

Според процените на страницата, безбедноста на патиштата е нешто над просекот на ЕУ. Сепак, се посочува дека останува предизвикот да се задржи овој степен на безбедност, особено ако се има предвид дека расте бројот на автомобилите на улиците. Страницата, исто така, посочува дека безбедноста на пешаците на улиците е на ниско ниво.

Во последните пет години на патиштата на Македонија починале 1.000 лица, а над 30.000 се сериозно повредени.

Во споредба со другите земји од Балканот, Македонија има ниска стапка на смртност на патиштата – Грција (12,2), Бугарија (10,4), Албанија (12,9) Босна и Херцеговина (15,5) Црна Гора (15), Србија (8,6), Турција (10,4) Романија (13,9) и Турција (12). Единствено Словенија има пониска стапка на смртност (7,2).

Најлоша е ситуацијата во Тајланд, каде што стапката изнесува 38,1 отсто, што е највисока стапка на смртност на улиците во светот.

(Телеграф.мк)

http://www.telegraf.mk/aktuelno/makedonija/40426-makedonija-so-najbezbedni-patista-vo-regionot