Патна мрежа (општо)

Еве една рекапитулација на пресот погоре (да ја архивираме овде бидејќи видеото е екстерен линк), ја опфаќа цела година па дава убав пресек на настаните. Мислам дека има многу читатели на форумов од цела Мк, па ќе ги интересира делницата во нивна близина. Направив транскрипција на неговиот прес, така што се што е напишано подолу е цитирање на Китанов.

Кичево - Охрид
Интензивно се работи на сите делници. Во меѓувреме на изведувачот му се предадени 38 проекти за изработка на косини. Дополнително, уште 20 проекти се изработени од проектантот и предадени на ревизија на градежен факултет.

Скопје - Блаце
Градежните активности се во почетна фаза.

Штип - Кочани
Експресниот пат Штип - Крупиште прва фаза, во должина од 14.3 км да напоменам дека ова е во завршна фаза и за радост на сите жители на тој регион овој пат ќе биде пуштен крајот на јуни 2020 година.

Експресниот пат Крупиште - Кочани втора фаза, во должина од 13.75 км исто така градежните работи се изведуваат без застој. Изградбата е започната минатата есен 2019 година, краен рок за изградбата е април 2021 година.

Штип - Радовиш
Експресниот пат Штип - Радовип прва фаза, во должина од 23.56 км се работи со забрзано темпо, а реализацијата е околу 83%. Доколку дозволат временските услови се очекува експресниот пат да биде завршен и пред превидениот рок којшто е наредната година април месец, но јас очекувам дека некаде околу Нова година веќе ќе биде завршен овој пат.

Експресниот пат Штип - Радовиш втора фаза се започна минатиот месец и неговото завршување е 2022 година, но во разговор со изведувачот имаме постигнато договор да се потрудат првиот дел од Бучим до Радовиш биде заедно пуштен со делот Штип - Радовиш кое ќе биде од голем придобив за жителите на југоисточна Македонија.

Крива Паланка - Ранковце
Експресниот пат Крива Паланка - Ранковце во должина од 25 км градежните активности се во тек, но бидејќи изградбата на оваа делница се наоѓа во планински дел, градежните работи се одвиваат согласно со временските услови.

Крива Паланка - Деве Баир
Започната е изградбата на трета лента и таму пред два месеци се воведе во работа, тековно отпочнуваат активностите.

Градско - Фариш
Градско - Дреново со должина од 15.5 км тековно се работи. Завршени се последните експропријации како и дополнителните геомеханички испитувања кои беа испуштени во минатото и со тоа изградбата продолжува понатаму.

Експресниот пат Фариш - Дреново во должина од 10 км, на оваа делница беше раскинат договорот заради неисполнување на обврските од Рубау. Во завршна фаза е објавувањето на тендерот за доизградба на 70% од нереализираните предвидени градежни работи.
Подготовката на тендерската документација се изработува од страна на експерти од ЕБОР и ЈПДП. Очекуваме јавната набавка да биде објавена во мај 2020 година со што конечно и овој патен правец да биде завршен навреме.

Активни реконструкции
- Матејче - Липково - завршува мај 2020
- Старо Коњарево - Ново Коњарево - завршува мај 2020
- фабрика Вевчани - здравствен дом Вевчани - завршува јуни 2020

Активни рехабилитации
- Пелинце - граничен премин Пелинце во должина од 5 км - завршена
- Ранковце - Крива Паланка во должина од 21 км - завршува мај 2020
- Прилеп - Тополчани - Битола во должина од 15 км - завршува мај 2020
- Лабуништа - Бороец - Јабланица во должина од 11.8 км - завршува мај 2020
- Вевчани - Октиси во должина од 7.9 км - завршува мај 2020
- Смоквица - Удово во должина од 6.1 км - завршува мај 2020
- Сопиште - Долно Соње во должина од 3.7 км - завршува мај 2020
- Пробиштип - с. Крупиште во должина од 18 км - напредна фаза
- Раброво - граничен премин Дојран во должина од 7.8 км - напредна фаза
- Струга - Дрслајца - Биџево - Татеши - Мислодежда во должина од 7 км - напредна фаза
- Мушов гроб - Мрежичко во должина од 6.3 км - напредна фаза
- Куманово - Страцин во должина од 15.2 км - почетна фаза
- Крушево - Слива - Пуста река во должина од 14 км - почетна фаза
- А1 делница Раец - Фариш во должина од 9 км - завршува мај 2020
- Мислодежда - Збажди во должина од 7.3 км - почетна фаза
- Кочани - Пониква втора фаза во должина од 7.4 км - почетна фаза
- транзит низ Охрид (влезот од Ресен) во должина од 2 км - почетна фаза
- транзит низ Кавадарци (влезот од Неготино) во должина од 1.2 км - почетна фаза

Ова се вкупно 150 км рехабилитации коишто очекувам да бидат завршени дел во мај, дел во јуни месец.

Мостови
Исто така продолжува изградбата на мостови кои се започнати во 2019 година и тоа:
- изградбата на мостот на река Пчиња кај Долно Коњаре кој е во напредна фаза и треба да заврши 2020 година. Тој ќе биде најголемиот сам по себе мост во нашата држава.
- изградбата на мостот на река Бабуна исто така е во завршна фаза, очекувам за месец дена да биде пуштен во употреба

Во исто време продолжуваат реконструкции на мостови меѓу кои спаѓаат:
- мост број 1 на Лакавица
- мост број 12 на река Кратовска кај Кратово
- санациски работи на челичен мост Куманово - Св. Николе или таканаречен Искрин мост
- мост број 4 делница Чашка - Лисиче
- мост број 3 Лакавица - Неготино

Свлечишта
- санација на свлечиштето кај Велес на потегот Велес - Градско
- санација на свлечиштето на делница Макази - Маркова Нога кај Преспа
- во тек е тендерска постапка за санација на потпорни ѕидови кај с. Јанче и с. Скудриње

Бариери
Започна изградбата на заштитна бариера на обиколница Битола кај таканаречениот Баир во должина од 1 км

Тендери за рехабилитација и реконструкција кои завршуваат во мај
- Кичево - Македонски Брод во должина од 25 км
- Маврови Анови - Жировница во должина од 18.5 км
- Карпалак - Желино во должина од 16.5 км
- Каменица - Саса во должина од 10 км
- Узем - Тораница во должина од 9 км
- Катланово - Петровец во должина од 5.5 км

Тендери за рехабилитација и реконструкција кои ќе се објават во мај
Во меѓувреме се очекуваат да бидат доставени до ЈПДП проектите за уште 15 рехабилитации во должина од 232 км. Овие постапки ќе бидат објавени во месец мај, се проектираа цела година и сега отпочна нивното објавување. Тука спаѓаат следните рехабилитации:
- Другово - Демир Хисар во должина од 42 км
- Велес - Градско - Неготино во должина од 25 км
- Крушево - Демир Хисар во должина од 24 км
- Катланово - Велес во должина од 20 км
- Подмоље - Струга - Ќафасан во должина од 19 км
- Фаришка клисура - Прилеп во должина од 19 км
- Кривогаштани - Крушево во должина од 13 км
- Битола - Меџитлија во должина од 13 км
- Битола - Демир Хисар во должина од 12 км
- Скопје - Блаце во должина од 12 км
- Хиподром - Петровец во должина од 10 км
- Миладиновци - Хиподром во должина од 10 км
- Миладиновци - Петровец во должина од 8 км
- Ропалце - Матејче во должина од 2.7 км
- обиколница на Богданци во должина од 2.7 км

Друго
Исто така преку ЕБОР во завршна фаза е постапката за набавка на електронски систем на наплатните станици на коридор 8, од Миладиновци до Гостивар по што по реализацијата на тендерската постапка ќе се отпочне со реализација. Паралелно со ова продолжува континуирано одржување на патиштата - чистење на канали, пропусти, кастрење на банкини (?), косење на трева и плевел, кастрење на грмушки и гранки, сечење на дрва по патниот појас и чистење и собирање смет на клучките и автопатиштата на коридор 8 и 10.