Телекомунациска кула на Водно

Како највисоката кула на АЕК се искачи до вртоглави 30 милиони евра?

Агенцијата за електронски комуникации веќе една деценија ја гради телекомуникациската кула на врвот на Водно, која требаше да чини 18 милиони евра, но стигна до вртоглави 30 милиони евра, и тоа сѐ преку дополнителни анекс договори.

Тука е и луксузниот ресторан во просториите на АЕК, од чиј ентериер, но и сума на пари боли глава. На листата на „хумани дела“ на Агенцијата можат да се најдат и разните донации, за кои никој не знае по кои критериуми се доделуваат и кој одлучува за парите

https://fokus.mk/fokus-express/kako-najvisokata-kula-na-aek-se-iskachi-do-vrtoglavi-30-milioni-evra

од твитер

https://www.slobodnaevropa.mk/a/почнати---недовршени-згради-фасади-запуштени-објекти-/31960139.html

Да, и мене некако ми изгледаат смалено. Ништо чудно да имале и мала промена во проектот, или пак можеби 3D рендерите на првичните верзии не биле 100% точни и прецизни на изглед.

Се надевам дека тоа нема да се одрази во реалноста, кога ќе се изградат тие куполи. Немора да е којзнае широко за куполата на МВР и АЕК, ама очекувам барем за ресторанот да биде пошироко, и за видиковецот да има повеќе простор да се гледа градот, а не да биде мала тесна купола па да се туткаат тие што ќе се качат горе.

Инаку, уште неколку прашања.

Се знае ли која купола за што ќе биде точно? Каде ќе бидат ресторанот и видиковецот сместени? Во горните куполи или во долните?
Таа црвена мрежа или што и да е, ќе се става и тоа ли? Како ќе биде тоа, кабли, железо, или? Што ќе се искористи за таа "црвена мрежа"?

Некако ми е бескорисна таа "црвена мрежа", незнам зошто ја вметнале во планот, освен од аестетска перспектива да соодговара со бојата која што од АЕК ја користат.

Требале некоја помала просторија доле да стават за влез во кулата. Како што е кај кулата Авала во Белград, се оди по една патека нагоре, има една мала просторија, па дури после се влегува во лифт. Мене овде вака ми изгледа дека ќе има само една главна врата, лифтот веднаш напред после самата врата, и скалите од страната.

Се знае ли какви лифтови ќе се користат? Од која фирма? Колку брзо ќе се движат?
Како што можам да видам на скицата има два отвора за лифтови, едниот од кој што би бил за посетители, а другиот најверојатно лифт за одржување на предавателите / антените кои што ќе се монтираат на самиот врв од кулата. Тој втор отвор оди баш горе за пристап кон тој дел од кулата кој што ќе се користи за одржување и монтирање на предавателите и антените. Вака како што течат работите би можеле ли прво антените / предавателите да ги намонтираат и пуштат во функција пред да се изгради и пушти самата кула во функција? Не е прва пат такво нешто да се има случено, претходно во доста други кули низ светот имаат така направено, каде што прво ќе пуштат и ќе почнат со трансмисија на сигнал па после ја пуштаат кулата во употреба.

Освен тоа, вака за другото изгледа супер. Се надевам дека нема да биде толку минијатурно, тесно, и очекувам до 2023 да се заврши и овој проект па еднаш веќе да го оставиме водно на раат да дише. Доста беше од дивоградби и од урбана мафија... мора да кажеме стоп на "масакрот" што му се случува на градот. Ако не се побуни народот, се ке посечат, ќе отиде и шуми, и што ли знам не. Убавината на градот ја снема, само згради до згради се набудаа. Стануваме Дубаи, и тоа во лоша смисла. Никако му нема крај на загадувањето, многу дрвја се посекоа овие 30 години, само за да некој си Х инвеститор изгради "бала" од згради и да си се налапа пари, а за околината и природата "кога брига"...

Супер фотки

Од фејсбук профилот на еден од нашите членови кој не е многу активен на форумов... Си знае кој е

Него гледам на кулава ставиле некакви си бели светла, ноќе и горе и доле бело светеше. Претходно мислам дека светеше црвено кога ја работеа. Ништо чудно прво и предавателите / антените да ги наместат пред да ја отворат кулава. Па чекај, никој не ги брза од АЕК. Сега ако го сменат директорот, ќе си почекаме уште неколку години.


Јас прашав и една личност, снима со дронови на водно, му реков кулата да ја фати ако може ама кажа после можело пријава да му стигне, па очигледно забрането е со дрон да се снима. Особено на јавни - владини објекти. И секако генерално низ светот забрането е да се снима со дрон или со хеликоптер да се лета во близина на кула бидејки тоа прави проблеми со самиот сигнал и може да настане хаос.

Веројатно сега од внатре имаат скоро се завршено, скали, можеби и самиот простор за лифтот, бидејки доста време од надвор не се работеше и само една купола беше изградена.

Гледам пополека почнале да работат и на тие извиени надворешни столбови.

Него од каде ќе се влегува во кулата, знае некој? Некако тешко на сликите да се види. Ваљда и таму ќе треба да има некоја просторија? Нема сигурно со една минијатурна влезна врата да биде?

Жичарата не работи уште од почетокот на пандемијата со назнака дека било поради мерките против корона.

Со оглед на тоа што се поминати добри 1,5 години, а јас немам видено ниту пробна работа, јас верувам дека жичарницата ќе си замине во историјата како и се друго во државава.

ТЕЛЕКОМУНИКАЦИСКАТА КУЛА НА ВОДНО КОЈА СЕ ГРАДИ 9 ГОДИНИ ЌЕ БИДЕ ГОТОВА НАЈРАНО ДО 2023, НАЈАВУВА АЕК



Телекомуникациската кула на Водно во Скопје, која Агенцијата за електронски комуникации (АЕК) почна да ја гради во 2013, ќе биде готова до крајот на 2023. Во моментов, на терен градежните работи се интензивирани. Во средина целосно е направено бетонското стебло, се работи на четирите платформи во форма на чинии и на четирите како извиткани столбови.

„Имаше одреден застој во градежните работи, но веќе неколку месеци на терен се одвиваат градежни работи. Очекуваме кулата да биде готова до 2023, но поради одложувањата можно е рокот да биде продолжен“, вели директорот на АЕК Јетон Акику.

На врвот на телекомуникациската кула, која ќе биде висока 155 метри, ќе има панорамски ресторан кој сè уште не е почнат да се гради.

Објектот ќе биде со централно армиран бетонски столб на кој ќе бидат четири конзолни платформи и челично решеткаст столб, а на врвот ќе има антена. На платформите ќе има канцелариски простор и ќе биде сместена целата опрема.

Изведувач на градежните работи е градежното претпријатие „Гранит“. Вредноста на договорот за градежни работи е околу 18 милиони евра.

https://sdk.mk/index.php/naslovna/telekomunikatsiskata-kula-na-vodno-koja-se-gradi-9-godini-ke-bide-gotova-najrano-do-2023-najavuva-aek/

од твитер