build.mk Homepage
Forum Home Forum Home > Главни теми > Инфраструктура > Енергетика
  Active Topics Active Topics
  FAQ FAQ  Forum Search   Register Register  Login Login

Ветерници

Bookmark and Share
 Post Reply Post Reply Page  <1234 11>
Author
Message
  Topic Search Topic Search  Topic Options Topic Options
vardar View Drop Down
Senior Member
Senior Member
Avatar

Joined: 03-Mar-2008
Online Status: Offline
Posts: 1106
  Quote vardar Quote  Post ReplyReply #21 Posted: 30-Apr-2008 at 23:03
Значи инсталираниот капацитет не значи многу кај ветернициве......
Back to Top
vardar View Drop Down
Senior Member
Senior Member
Avatar

Joined: 03-Mar-2008
Online Status: Offline
Posts: 1106
  Quote vardar Quote  Post ReplyReply #22 Posted: 25-Jul-2008 at 02:17

Во Овчеполието ќе никнат 90 ветерници

Договорот вчера гопотпишаа Дејвид Браун, претседател на компанија ЕИЏ, и градоначалникот на Свети Николе

Иван Бојаџиски

Штип - Деведесет ветерници со вкупен производствен капацитет на 200 мегавати електрична енергија ќе бидат инсталирани во Овчеполието во наредните две години. Вредноста на инвестицијата изнесува 360 милиони евра. Инвеститор е израелско-британската компанија ЕИЏ. Договор за оваа инвестиција во овој земјоделски крај вчера потпишаа Дејвид Браун, претседател на компанија ЕИЏ и Слободан Даневски, градоначалник на Свети Николе.

Овчеполието е еден од најпогодните региони на стариот континент за производство на струја со искористување на енергијата на ветерот, констатирале во компанијата ЕИЏ по подолго анализирање на сателитските полиња на ветер во Европа. „ Ние сме сериозна фирма која располага со голем капитал, а последниве шест години континуирано инвестираме во искористување на алтернативните енергетски извори. Во Полска имаме ветерници со јачина од 600 мегавати, а сега сакаме да инвестираме во Македонија зашто енергетските потенцијали на вашата земја, посебно во Овчеполието и источните краишта, се импозантни“, изјави Браун.

Од ова компанија најавија дека за околу шест месеци на три локации во Овчеполието ќе започнат да ги инсталираат првите ветерници. Во реонот на селото Павлешинци ќе бидат инсталирани 14, во Стањевци десет и на Богословец седум ветерници. Другите ќе бидат инсталирани во рок од две години на неколку други, ветровити локации во овој регион.

Според градоначалникот Даневски, во овие предели ветерот е константна појава со средна јачина од осум метри во секунда, што без проблем може да придвижи ветерница со јачина од два мегавата. Браун и Даневски изјавија дека во целиот процес ќе им работа за многу домашни фирми. Оваа голема инвестиција, според двајцата потписници на договорот, ќе имала значајно внимание на вработувањето и на подобрувањето на вкупната економија на Свети Николе.

Дејвид Браун помппезно најави уште позначаен, дури неверојатен проект. Тој потенцира дека во компанијата најсериозно ја рагледувале можноста во југоисточниот дел на Македонија, од Овче Поле до Богданци, да инсталираат системи за соларна енергија за производство на струја. Во овој проект тие биле подготвени да инвестираат една милијарда евра. Браун не сакаше повеќе да открие за проектот, најавувајќи дека тоа ќе го сторел откако сите дилеми ќе биле расчистени во рамките на компанијата.

 
http://www.utrinski.com.mk/?ItemID=00D50D231AC7EE4E8F33BC35F3D9D6DD
 
Од коментарите на утрински Yes
 
Од: Itar Pejo
Датум: 24.07.2008 00:18:31
Ako samo pisuvavte deka vo ovcepolieto ima pogodni uslovi za veternici ce bese vo red. Ama deka "е еден од најпогодните региони на стариот континент " malku mi e neseriozno. A deka bas vo Makedonija ce investiraat edna milijarda me podsetuva na Tupurko.
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #23 Posted: 25-Jul-2008 at 16:04
може мариовецот е во право за милијардата и за потенцијалот, но погорните извадоци а исто и овој го заобиколуваат неговиот песимизам...

www.energetika.com.mk/poveke.php?nid=795

Словенечка фирма врши мерења на ветрот во Штип



Општина Штип и словенечката фирма Комита денеска потпишаа меморандум за соработка за поставуање на мерачи за јачината и постојаноста на ветрот во околината на Штип.

- Ако резултатите од мерењата се добри тогаш за една година сме подготвени да вложиме во изградба на ветерници на неколку локации. Планираме да изградиме енергетски објекти со јачина од 50 до 100 мегават часови, или преку европските фондови да обезбедиме и да вложиме 150 милони евра, истакна Данило Дуракович, претставник на фирмата Комита.

- Очекуваме забрзан економски развој ако успее проектот. Мора да се ориентираме кон користењето на обновливите извори на енергија, додаде Панде Сарев, градоначалник на општина Штип.

Во моментот во Источна Македонија, независно од овој проект се поставени мерачи на ветрот на четири локации како дел од проектот финансиран од норвешката Влада.

2007-11-20


иако е постара објава сепак нека ја има.
исто порталот енергетика има и профи е-зин, добри текстови, екстра фото обработка...
www.energetika.com.mk/archive.php




Edited by beTon - 25-Jul-2008 at 16:44
Back to Top
shyes View Drop Down
Senior Member
Senior Member
Avatar

Joined: 09-Sep-2007
Location: Australia
Online Status: Offline
Posts: 259
  Quote shyes Quote  Post ReplyReply #24 Posted: 17-Sep-2008 at 19:00

An Israeli company will construct the first solar power plant worth 1 billion euros in the vicinity of Sveti Nikole that will solve the chronic problem with lack of electricity in the country. 
Ovce Pole, where there are 319 sunny days in the year will be the first solar valley in Europe where the solar energy will be maximally used. The signing of this agreement between Sveti Nikole Mayor and the leading people of the Israeli multinational company AIG for construction of 90 windmills that took place in June heralded the construction of the solar valley. From within the Israeli company they promised that the windmills will be finished in six months and the power plant in three years.
Sources: Spic; Kanal5

качено од http://www.skopjediem.com/assets/pages/sub_news2.html

ApplauseBanana
RollinEeek

Ова ако дојде реалност ќе биде па супер.

Брз превод, се планира да се гради Соларна станица за енергија и 90 ветерници.

1 милјарда евра за Соларната а преку други вести милам околу 360 м евра за Ветерниците.

АИГ ветува дека ветерниците ќе се доизградат за 6 месеци, а соларната станица за 3 години.

п.с Море остарев 100ти пост Cheers



Edited by shyes - 17-Sep-2008 at 19:24
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #25 Posted: 11-Oct-2008 at 22:14
ВАШИНГТОН

СРЕДБИ НА ВИЦЕ-ПРЕМИЕРОТ СТАВРЕСКИ И МИНИСТЕРОТ СЛАВЕСКИ СО ПРЕТСТАВНИЦИ НА СВЕТСКАТА БАНКА И ММФ
... начелно се договорени околу 30 милиони евра нова поддршка од Светската банка за Македонија во неколку проекти...
... додека останатиот дел од средствата ќе бидат искористени за изградба на најмалку четири ветерници ...

http://www.sitel.com.mk/?ItemID=55949199AFA86948AFB0CA9F4A31E208

!!!??? Ова како експеримент или ...
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #26 Posted: 11-Oct-2008 at 22:45
сигурно мислеле на ветерници како ветерни мелници а не за струја
Arguing on the internet is like running at the special olympics. Even if you win, you're still retarded.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #27 Posted: 18-Oct-2008 at 02:19

Шпанци ќе градат ветерници и фабрика во Штипско

Компанијата „Инвал“ од Шпанија е подготвена да изгради 50 ветерници за производство на електрична енергија

Иван Бојаџиски

ШТИП - Шпанската компанија „Инвал“, која во нашава држава има формирано мешовита шпанско-македонска фирма „Виста групација“, е подготвена да изгради 50 ветерници за производство на електрична енергија во Штипско. За да го инсталираат првото поле на ветерници кај нас, Шпанците се одлучиле по полугодишното, завршно мерење на интензитетот и константноста на ветерот во атарот на Лакавичкиот регион. Својата конечна одлука тие му ја претставија на штипскиот градоначалник Панде Сарев.

„Тие се задоволни од резултатите што ги покажале нивните мерни инструменти во полугодишното мерење на ветерот во Лакавичкиот регион во општината. Притоа, потврдија дека овој дел од Македонија е меѓу најповолните локации за производство на еколошки чиста и обновлива енергија. Шпанците се подготвени да склучат договор со општината веднаш откако Република Македонија ќе ги донесе сите прописи што се однесуваат на алтернативните енергетски извори“, изјави градоначалникот Сарев. Тој додаде дека, според најавите, прописите од оваа област ќе бидат готови до крајот на годинава, а ќе се применуваат од почетокот на идната година.

Стеван Пулејковски, кој е на чело на „Виста групација“ во Македонија, потенцира дека во почетокот на 2009 година, тие во Штипско ќе ги изграделе првите педесет ветерници. Секоја од ветерниците ќе има јачина од три мегавати, со што би се добивала електрична енергија од 150 мегавати. Овој потфат компанијата ќе ја чинел од 150 до 200 милиони евра. „Виста групација“ имала став дваесет проценти акции од вкупната инвестиција да ја понудат на заинтересирани компании и поединци.

Според градоначалникот Сарев, „Инвал“, преку својата мешовита фирма во нашава држава, била со намера во Македонија да инвестира во ветерници чиј капацитет би бил производство од 500 мегавати.

Според искажувањето на претставниците на компанијата, нивните намери биле сите ветерници да ги изградат во источниот дел на Македонија, најмногу во овчеполско-штипскиот дел. Ако од Македонија добијат шанса за такво нешто, тогаш „Инвал“ бил подготвен во нашава држава да изгради и фабрика за ветерници која би работела за потребите на ветровитиот Балкан.

Во намера да ги користат големите ресурси на ветерот, да произведуваат електрична енергија и од тоа да профитираат, во последните осумнаесет месеци во Штип дојдоа претставници на единаесет странски компании од шест европски држави. Меѓу нив и една компанија од Шпанија, но тоа не беше „Инвал“, туку „Хаса“.

Во март годинава на разговорите во Штип интересите на „Хаса“ ги застапуваа менаџерот Хосе Луис Кареско, а за оваа компанија лобираше и светски познатиот ракометар и тренер на скопски Вардар, Веселин Вујовиќ. Никој не можеше да даде податоци дали „Инвал“ е, всушност, „Хаса“, зашто токму „Хаса“ тогаш бараше локации за да инсталира свои мерни инструменти.

И во Свети Николе израелско-британска компанија водеше преговори за инсталирање на 150 ветерници во Овчеполието и на Богословец. Имаше подготвеност од компанијата да инвестира милијарда евра за изградба на сончеви колектори во југоисточниот дел на Македонија. Но, досега за ова нема конкретни резултати ниту во Штип ниту во Овчеполието.

http://utrinski.com.mk/?ItemID=885451C93BA04141A47F0E031154669B


Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #28 Posted: 29-Oct-2008 at 23:37
ШТИП - Во Локалната самоуправа е потпишан договор со шпанската фирма Инвал за поставување 50 ветерници од по 3 мегавати, меѓу селата Љуботен и Шашаварлија. Шпанците повеќе месеци ги меркаа местата каде треба да бидат поставени ветерниците, особено брзината на ветерот. За поставување ветерници во Штип изразија желба и други странски компании, кои на повеќе места поставија мерни единици. Ефектуирањето на конкретните договори треба да се очекуваат идната година. Ова е првиот договор меѓу локалната самоуправа во Штип и една странска фирма, заинтересирана за користење на ветерниците за создавање на електрична енергија.

http://vecer.com.mk/?ItemID=D194A526FD17714A9C43AEE1A176C9BF

Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #29 Posted: 06-Nov-2008 at 12:50
многу најави, сеуште никаква реализација

Ќе се градат ветерници за производство на струја

 

 

Израелската компанија Е.И.Г. Реневблс во следниве неколку години во Македонија сака да вложи над 350 милиони евра во изградба на ветерници за производство на струја.

Ветерниците ќе бидат поставени во околината на Свети Николе. Претседателот на компанијата Дејвид Браун во соработка со Електростопанство на Израел го доставил планот до владата, а освен ветерници сакаат да градат и соларна централа, која според проценките ќе чини двојно повеќе од ветерниците.

„Во период од неколку години вкупната инвестиција ја проценуваме на над 350 милиони евра. Тоа не ја вклучува инвестицијата за соларната енергија, со соларната енергија ќе започнеме веднаш штом ќе добиеме земјиште и други одобренија од владата, најверојатно прво ќе започнеме со инсталација на соларната енергија“, изјави Дејвид Браун, Претседател на Е.И.Г. Реневблс.

Освен во Македонија Е.И.Г. Реневблс вакви алтернативни извори на енергија ќе гради и во Косово, Бугарија и Албанија. Ветерниците и соларните панели за сите овие држави ќе ги изработува прилепски „Металец“, каде вчера беше склучен и договорот.

„Таа инвестиција во Металец моментално според нашите пресметки ќе изнесува над 10 милиони евра. Со овој чекор мислиме дека Прилеп ќе го направиме енергетска долина во регионов“, изјави Јандре Здравески, директор на „Металец“.

Се очекува соларни панели да бидат поставени во неколку делови на Македонија. За таа цел во Прилеп ќе се започне со монтирање на комплетно нова хала за нивно производство. Целата технологија како и човечките ресурси ќе бидат инвестиција на Израелците. Се очекува реализација на проектот идната година.



http://www.a1.com.mk/vesti/default.aspx?VestID=99796
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #30 Posted: 20-Nov-2008 at 00:16

Шпанци и Австријци ќе градат ветерници во Штип и во Радовиш

Инвестициите на „Инвал“ и на „Нова енергија“ се вредни 220 милиони евра

Иван Бојаџиски

ШТИП, РАДОВИШ - Шпанци и Австријци се заинтересирани да инвестираат 220 милиони евра за изградба на ветерници во Штип и во Радовиш. Шпанската компанија „Инвал“ најавува 50 ветерници со моќност од 150 мегавати на повеќе локации во Штипско, додека австриската фирма „Нова енергија“ ќе инвестира во 15 ветерници во близина на рудникот „Бучим“.

Интересот штипскиот ветер да се стави во функција на „погонско гориво“ за производство на струја постои веќе две години. Единаесет странски фирми од осум европски држави ја испитуваа(т) можноста за изградба на полиња (фарми) на ветерници. Како што сега стојат работите, „Инвал“ е најблиску да го отвори првото шише шампањско. „Нова енергија“ е втората австриска компанија, која во Радовиш го најавува својот интерес да инвестира во ветерници.

Мигуел Арагонес, прв директор на шпанската компанија „Инвал“ вчера со својот тим дојде во Штип, носејќи во актовка предлог-договор за ветерници. Во придружба на Арагонес беше и Еусебио Квел, прв човек на инвестицискиот фонд „Капитал“, што финансиски застанува зад најголемата инвестиција на зелена енергија последните години во Штипско.

Штипскиот градоначалник Панде Сарев вели дека „Инвал“ половина година испраќал луѓе кои преговарале за ветерници. Според него, ова било највисоко ниво на посета, чија цел била конечно завршување на преговарачката фаза и практична реализација.

„Тие предадоа предлог-договор, а ние определивме рок до крајот на овој месец да го разгледаме. Она што стои во документот е прифатливо. По шестмесечни преговори, веќе сме сосема близу до целта“, вели градоначалникот Сарев.

Според Мигуел Арагонес, „Инвал“ е подготвен од почетокот на идната година да го реализира проектот.

„За големата инвестиција се потребни осумнаесет месеци. Во Штипско ќе реализираме фарма на ветерници која ќе го надгради македонскиот електроенергетски систем со 150 мегавати. Наша цел е во Република Македонија да инсталираме ветерници на повеќе локации. Повеќегодишното истражување потврди дека источниот регион има големи потенцијали за производство на струја со помош на ветер. Ќе продолжиме и понатаму зашто ги испитуваме и можностите за искористување на сончевата енергија“, потенцира Арагонес.

Од инвестицискиот фонд „Капитал“ сметаат дека во време кога светот е во потрага по нови, обновливи извори на енергија, секоја инвестиција е исплатлива.

„Финансиски го поддржуваме проектот и стоиме со сите капацитети. ’Инвал‘ е компанија број еден во изградбата на полиња на ветерници во Европа. Имаат огромно искуство на тоа поле и нашата доверба во нив е исклучително голема. Светот полека ги напушта традиционалните извори на енергија, пред се' термоцентралите како големи загадувачи на животната средина. Примарни се обновливите извори како што се ветерот, сонцето и топлите подземни води“, потенцира Еусебио Квел.

Шпанците рекоа дека се импресионирани од начинот на кој штипската локална власт реагирала на нивната понуда.

„Воодушевени сме од брзината и од квалитетот на преговорите со градоначалникот и другите локални структури. Тоа дава надеж за исполнување на плановите во идната година. Наша идеја е во изградбата на делови за ветерниците да вклучиме и македонски компании“, најави Арагонес.

И радовишкото подрачје станува интересно за ветерници. Во понеделникот, претставници на австриската компанија „Нова енергија“ беа кај градоначалникот Роберт Велков, најавувајќи изградба на ветерници.

„Ова беше прва посета на претставници од австриската компанија во Радовиш. За почеток потпишавме договор за соработка на ова поле. Од „Нова енергија“ се заинтересирани на теренот над рудникот „Бучим“ да изградат петнаесет ветерници во што компанијата ќе инвестира 20 милиони евра. Оваа фирма пред две години отвори канцеларија во Скопје и работи на полето на обновливи енергии. Тие најавија нова посета до крајот на годинава кога очекуваме да имаме напредок во постапката“, изјави градоначалникот Роберт Велков.

http://utrinski.com.mk/?ItemID=BCA4EBEFDC655D42B6B3C46DCFADB8CA

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #31 Posted: 24-Nov-2008 at 01:21

Штипските ветерници помоќни од сите хидроцентрали

Капацитетот на 50 ветерници е 10 проценти од вкупното домашно производство на струја

Иван Бојаџиски

Штип - Македонија има дефицит во производство на електрична енергија, па од исклучително значење е конечната решеност на шпанската компанија „Инвал“ да гради ветерници за производство на струја во атарот на општина Штип. Во „ЕВН Македонија“ проценуваат дека најавената инвестиција на Шпанците во инсталирањето педесет ветерници со вкупен капацитет од 150 мегавати електрична енергија ќе го подобри домашното производство за десет проценти.

Вкупниот производствен капацитет на електрична енергија на Македонија изнесува 1.500 мегавати. Информациите дека ветерниците што ќе ги инсталира шпанската компанија во Штипско по Нова година се со производствен капацитет од 150 мегавати говорат дека Македонија ќе го зголеми сопственото производство за десет проценти. Во услови на голема увозна зависност, тоа е повеќе од одлична вест“, ни изјави Ленче Карпузовска, портпарол во „ЕВН Македонија“.

Според Карпузовска, најавените педесет штипски ветерници се со четирипати поголем капацитет од сите македонски хидроцентрали заедно, кои по извршените ремонти и реконструкции, имаат вкупен капацитет од четириесет мегавати.

„Треба да се има на ум и тоа дека ТЕЦ ’Неготино‘ е со капацитет од 210 мегавати, само 60 мегавати повеќе од капацитетот што се најавува за ветерниците во Штипско“, вели Карпузовска. Добрата вест во случајот со ветерниците е дека тие работат на ветер, кој е обновлива, вечна и еколошки чиста енергија, додека термоцентралата кај Неготино троши скапа енергија (мазут) за да произведе струја.

Шпанци, Германци, Австријци, Руси, Французи минатата и оваа година доаѓаа во Штип, Свети Николе и во Радовиш, при што со локалните раководства ја разгледуваа можноста за инсталирање ветерници. Некои од нив за лобирање кај градските власти ангажираа и познати личности од Македонија, како што го направи тоа една шпанска фирма со ангажманот на познатиот ракометен тренер Веселин Вујовиќ. Австриската „Нова енергија“ во почетокот на минатата недела во Радовиш бараше локации за изградба на петнаесет ветерници. Од компанијата најавија подготвеност веднаш, откако ќе се потпишел договорот, да започнат со инсталација на ветерниците.

Летоска во Свети Николе престојуваше поголема делегација на англиско-израелската компанија ЕИЏ, која во Полска има изградено повеќе фарми на ветерници од кои полското електростопанство добивало 600 мегавати струја. Дејвид Браун, претседател на компанијата, тогаш даде интересна изјава. „Светот е пред вистинска енергетска револуција. Тој се' повеќе се свртува кон т.н. зелена енергија, како што се ветерот, сонцето, геотермалните води, биогасот. Во компанијата имаме сателитско истражување на ветровитите и сончевите подрачја во Европа. Заклучивме дека Македонија има исклучителни ресурси на ова поле. За почеток би сакале во Овчеполието да стартуваме со 90 ветерници чиј капацитет подоцна ќе го утврдиме. Наша цел е на ова ветровито подрачје да инсталираме повеќе ветерници, по што Македонија сосема ќе ја елиминира својата увозна зависност. Конечната цел не' води кон тоа југоисточниот дел од Македонија да го покриеме со сончеви колектори за производство на електрична енергија. Во тој процес подготвени сме да вложиме една милијарда евра“, рече првиот човек на ЕИЏ, чие седиште е во Лондон.

Шпански „Инвал“ и Општина Штип договорија потпишување на конечниот договор за изградба на првите ветерници до крајот на годинава, а веднаш потоа да се стартува со изградбата.

http://utrinski.com.mk/?ItemID=4C5593406DE1294F81C8DD327E8CA5C2




Edited by lslcrew - 24-Nov-2008 at 01:25
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #32 Posted: 24-Nov-2008 at 02:01
Уште еден површен па и неточен текст Roll%20eyes

Според Карпузовска, најавените педесет штипски ветерници се со четирипати поголем капацитет од сите македонски хидроцентрали заедно, кои по извршените ремонти и реконструкции, имаат вкупен капацитет од четириесет мегавати.
Само ХЕ Глобочица на пример има 42MW


Инаку во текстов воопшто се форсира некаква теза дека ветернициве се толку супер што безмалку ќе ги решат нашите енергетски проблеми. Се велича нивната моќност, но никаде не се спомнува дека производството е непостојано и непредвидливо. Значи вкупното количество произведена електрична енергија е многу помало отколку што нивната моќност теоретски дозволува, а потоа тоа е потешко вклопливо во енергетскиот систем затоа што не може да се контролира и темпира.
Термоелектраните на пример се проектираат по можност да работат цело време при својот максимален капацитет (каде се и најефикасни) и тие континуирано и сигурно обезбедуваат големи количества електрична енергија. Акумулационите хидроелектраните не произведуваат континуирано (значи како и кај ветерниците, вкупното прооизвоство им е значително помало од тоа што им дозволува инсталираната моќност), но водата може да се складира и кога е потребно да се употреби за „пеглање“ на варијациите во побарувачката. Тоа пеглање може да биде во голем опсег, а сепак прецизно да се изведе. Тоа е многу важно за стабилноста и ефикасноста на системот и е огромен плус за хидроелектраните.
Ветерниците ниту ќе обезбедат толку големи количини ел. енергија на годишно ниво, ниту пак може прецизно да се ускладат со остатокот од системот.

Не дека ветерниците не се добра работа, баш напротив - повеќе од добродојдени се. Претпоставувам при отворени енергетски пазари нивната корисност е и значително поголема него во позатворен мал систем. Ама ме нервира сензационализмот, плиткоста во пристапот и колку лесно кај нас се ствараат митови. Неинформиран човек од текстов најверојатно ќе си заклучи дека ветерниците се идеални за сите потреби и дека тие сами по себе се решението за нашите енергетски дилеми и проблеми. Ете добра тема за маалски и кафански експерти Roll%20eyes


Edited by Cloverstack - 24-Nov-2008 at 02:23
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #33 Posted: 24-Nov-2008 at 06:55
Кловер впрочем и не само со ветерниците, него со многу новитети кои се донесени кај нас вака се постапува. Очекуваме чудо. Во светски рамки само 0.8% од произведената обновлива енергија е со потекло од алтернативните извори заедно, додека хидроенергија учествува со 13%, што е 16 пати повеќе од алтернативната. Епа сега ако удриме проста математика доаѓаме до заклучок дека Македонија или ќе има 65 пати ветерници повеќе него светскиот просек или па дека Македонија има 4 пати помалку хидроцентрали од просечното. Нормално и една од двете ситуации не кореспондира со нашата домашна ситуација.

Секако не може воопшто светските просеци да ги порамнуваме на локално ниво, но ова е очигледно голем лапсус. Ова повеќе ми изгледа како новинарска грешка одколку грешка на лице од ЕВН. Ја мислам дека сакаат да кажат дека ветерниците заедно се појаки од една реновирана хидроцентрала. Изгледа на новинарот му киднала фразата "сите заедно", па сега читаме свашта.

http://en.wikipedia.org/wiki/Renewable_energy


Edited by lslcrew - 24-Nov-2008 at 06:58
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #34 Posted: 30-Nov-2008 at 20:20

ШТИП - Фармата за ветерници ќе биде готова за 3 години - Ирис - 19.11.2008

Австриската фирма „Ри Енерџи“ потпиша спогодба со општина Радовиш за изградба на фарма на ветерници.

Претставникот на фирмата Волфган Шмитнер вели дека на подрачјето на Радовиш има можности да бидат поставени 15 ветерници и оти подрачјето одговора за производство на зелена енергија.

Градоначалникот на општина Радовиш Роберт Велков потенцираше дека по потпишувањето на спогодбата ќе бидат посетени неколку локации за поставување на фармата на ветерници. Од сите локации најпогодна е онаа во близина на рудникот Бучим.

Фирмата „Ри Енерџи“ има искуство во производството на зелена енергија, во Австрија со оваа дејност започнале да се занимаваат пред 25 години и имаат неколку фарми на ветерници.

МИА - 19.11.2008

Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #35 Posted: 01-Dec-2008 at 13:07
Ветерниците во Македонија

Деновиве медиумите не затрупаа со изненадувања за практичната реализација на таа идеја, која од понеупатената јавност беше примена со овации: "Алал да им е на тие што го откриле тоа, ќе не спасат од темнината".

Дали другата страна на медалот е исто толку розова?

Ветерната енергија е еден од најстарите видови енергии, користена од памтивек. Во поглед на развојот на користењето на алтернативните видови енергии најмногу успех постигнаа развиените земји, користејќи ја, пред се, привилегијата на капитал и висок технички морал. Познати се огромни ветерни фарми во Калифорнија, Западниот брег на Европа, Јапонија и други земји што поседуваат обали, пред се, западни.

Работите во Македонија и на Балканот во поглед на ветерот не смее да бидат чисто пресликување на светските искуства, затоа што тоа овде е нешто сосема друго.

Уште во 1993-та на советувањето што го организира Здружението на енергетичарите на Македонија (ЗЕМАК) на темата"Алтернативни енергии" беше претстаставен научниот труд "Ветерот како енергетски потенцијал во Македонија" изработен од проф. А. Арсенов од ЕТФ Скопје и П. Ристевски од РХЗ Скопје. Тој труд беше оценет како еден од подобрите трудови во тематската област "Новите обновливи енергетски извори во МК". Научниот труд се темели врз емпирични сознанија за оправданост со цел да се инсталира ветерница на најветровитото место во Македонија, Три Чешми кај Штип.

Еве ги порелевантните податоци од тој стручен труд: кај Три Чешми се добиени очекувани средночасовни брзини на ветерот во текот на годината од 4,18 до 5,21 м/сек., со среднозадоволителна зачестеност. Брзини на ветер под 5 м/сек. воопшто не се надежни за енергетски цели, а за Македонија тоа ќе бидат реперни номинални појдовни параметри за сите понатамошни пресметки за ветерниците. Од тие брзини на ветер може максимално да се очекува: специфична добиена електрична снага од 25 W/m2 површина на елиса; ел. енергија од 0,5 25 W/m2 дневно, 15 25 W/m2 месечно и 180 25 W/m2 годишно.

И сега да се вратиме на експерименталната ветерница на Водно: "Перките на елисата се долги 80 см, а чини само 3.000 евра, со подготвените проекти за уште 4 поголеми ветерници, кои ќе чинат 18.000 евра, ќе се обезбеди "струја" за осветлување на Милениумскиот крст и на другите поголеми објекти на Водно. Податоците од експерименталната ветерница ќе се користат за изградба на идните ветерни фарми низ цела Македонија и ќе се привлечат странски инвестиции".

Најнадежните резултати што ќе се добијат од експерименталната ветерница би биле: таа има пречник на елисата од 1.6 м, односно површина од 2 м2, ќе овозможи номинална електрична снага од само 50 W, а годишно ќе произведе 360 KWh, која ќе чини 18 евра. Рокот на проста отплата, без сите трошоци за експлоатација и на капиталот ќе биде 3.000:18 =166 години. За објектите на Водно ќе бидат потребни неколку десетици илјади такви модули, кои повторно императивно мораат да имаат и друг резервен енергетски извор.

За да не ги изневериме предците, а да не го разочараме потомството, мораме да се соочиме со реалноста: за градба на ветерници покрај желба, потребно е да има и ветер, ветерот е видоизменета Сончева енергија, кој најинтензивно настанува на границата помеѓу копно и вода, односно таму каде што Сонцето заоѓа зад водена површина. Нашите предци можеби не биле многу упатени, но не биле толку немудри, за да прават ветерници.

Ако се убедиме барем засега да не денгубиме многу со ветерот во Македонија, а реално не загрижуваат енергетската и еколошката состојба во земјава, има многу за "орање" во македонската "енергетска нива", која се повеќе обраснува со коров и идентитески исчезнува. Македонија е огромен енергетски понор, особено при фиксната потрошувачка. Во услови на скоро целосно стопанство под катанец, енергетската потрошувачка си "врви". Греењето на многу лошо термоизолираните простории во зимскиот период е најголемиот енергетски понор - над 50% од вкупните потреби. Електричната енергија, како најблагородна, си ја трошиме за топлински цели, како сите светски протечни хидроцентрали да се во Македонија.Таквата енергетска и друга неефикасност ја подредува Македонија на самиот светски врв по потрошувачка на енергија по единица производ. За да не чекаме друг да ни ги решава проблемите и да не не боли како со телекомот, еве неисцрпен фронт за работа.

Авторот на овие редови воопшто не е ниту против ветерниците ниту против другите алтернативни видови енергија. Напротив, тој е голем поборник за нив и од нив јаде леб, како еден од творците на најголемиот геохидротермален објект во Европа - "Геотерма", во Кочани. Но, е далеку од сопствената заблуда дека тие енергетски извори во блиска иднина ќе имаат сериозен удел во ублажувањето на светскиот енергетски глад. Бенефитот од новите обновливи извори е до толку значаен ако тие овозможат да се добие време додека науката да изнајде соодветна замена за нафтата (фузија, водород и др.)



ЉупЧо Гаштеовски, дипл. маш. инж.,

енергетиЧар-екологист


Преземено од: http://star.dnevnik.com.mk/default.aspx?pbroj=2575&stID=41016

Малку е старо (2006), ама малку поинаков поглед на работите има човекот.
Arguing on the internet is like running at the special olympics. Even if you win, you're still retarded.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #36 Posted: 01-Dec-2008 at 19:24


Нема врска што е „старо“, заклучоците и поентите на текстот ни малку не застареле за овие 2 години. Се соочуваме со многу сериозни, практично егзистенцијални енергетски предизвици. За справување со тие предизвици треба одговорен пристап и напор на целото општество, а не сензационалстички новинарско-политички конструкции за тоа дека се спремаат огромни инвестиции во ветерници во Македонија и дека тоа ќе ни ги реши сите проблеми.


Edited by Cloverstack - 01-Dec-2008 at 19:25
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #37 Posted: 04-Dec-2008 at 10:34
„Ри Енерџи“ ќе гради фарма на ветерници во Радовиш




Австриската фирма „Ри Енерџи“ потпиша спогодба со општината Радовиш за изградба на фарма на ветерници, пренесе МИА. Претставникот на фирмата Волфган Шмитнер вели дека на подрачјето на Радовиш има можности да бидат поставени 15 ветерници и оти подрачјето одговара за производство на зелена енергија. Градоначалникот на општината Радовиш Роберт Велков потенцираше дека по потпишувањето на спогодбата ќе бидат посетени неколку локации за поставување на фармата на ветерници. Од сите локации најпогодна е онаа во близина на рудникот Бучим. Фирмата „Ри Енерџи“ има искуство во производството на зелена енергија, во Австрија со оваа дејност започнале да се занимаваат пред 25 години и имаат неколку фарми на ветерници.

http://www.novamakedonija.com.mk/DesktopDefault.aspx?tabindex=2&tabid=2&fCat=1&top=1&EditionID=254&ArticleID=12812
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #38 Posted: 18-Dec-2008 at 09:27
Končar s rekordnom dobiti od 112 mil. kuna

... Bago pojašnjava da su vjetroelektrane gotovo u potpunosti hrvatski proizvod. “Za sada ne proizvodimo krilca za vjetroelektrane, ali nikad ne reci nikad. Sve ostalo se proizvodi ili u Končaru ili negdje drugdje u Hrvatskoj”, kazao je prvi čovjek Končara. U planu su elektrane od 1 MW, no u budućnosti se u Končaru namjeravaju okrenuti i snažnijim strojevima, kako već bude zahtijevalo tržište. Od sektora obnovljivih izvora energije u Končaru u idućem razdoblju očekuju najveći rast, posebno u izvozu ...

http://www.poslovni.hr/103786.aspx

Очигледно од Кончар знаат каде во иднина да инвестира
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
mitatos View Drop Down
Senior Member
Senior Member
Avatar

Joined: 06-Jan-2008
Location: Skopje
Online Status: Offline
Posts: 1739
  Quote mitatos Quote  Post ReplyReply #39 Posted: 18-Dec-2008 at 17:33
hmm ja mislam deka na makedonija ne i e potrebna belene, dokolku saka da profitira so tie pari neka izgradi na 10 mesta takvi veternici i ete 100 % pokrienost
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #40 Posted: 18-Dec-2008 at 21:06
Абе треба да се развиваат и обновливите извори, ама реално ветерници не можат да ги задоволат потребите ни со многу поголема инвестиција. Ете баш малце погоре искоментирав еден таков наивен текст каде ветерниците беа претставени како решение за сите проблеми. Не оди така таа работа...
Back to Top
 Post Reply Post Reply Page  <1234 11>

Forum Jump Forum Permissions View Drop Down



This page was generated in 0.126 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.