Ветерници

Корејци ќе градат ветерници во Штип Од идното лето, компјутерските анимации на ветерниците со кои од ветрот ќе се произведува електрична енергија, а лоцирани во околината на Штип, стануваат реалност. Корејскиот „Самсунг хеви индустри“, вториот по големина корејски енергетски концерн „Косеб“ и нашата „Инвал Македонија“, стартуваат со градба на фарма на ветерници за производство на струја во штипскиот регион. - Конзорциумот кој го сочинуваат Самсунг Хеви Индустри, Косеб и Инвал Македонија. Македонскиот партнер досега успешно го развива еден од поголемите инвестициони потфати не само во Македонија, но и во регионов. Проектот тежи 150 милиони евра, изјави генералниот маркетинг менаџер на Самсунг хеви индустри, Тајон Чо. - Планирани се поставувања на 40 ветерни турбини на четири локации околу Штип со поединечна сила од 2,5 мегавати, објасни Чо. Штипските локални власти задоволни. За градоначалникот на Штип, Зоран Алексов конечно добро познатиот штипски ветер ќе биде корисен за жителите на овој регион. Во вторник, првите луѓе на Самсунг и Косеб во македонската Влада со домаќинот- вицепремиерот Владо Пешевски ќе ги детализираат финалните елементи од инвестицијата. Се очекува да се формира конзорциум, кој ќе менаџира со градбата и работата на првата македонска фарма на ветерници.http://www.kanal5.com.mk/default.aspx?mId=44&egId=14&eventId=68713

decki ne sakam da zvucam ...kako so vikaat partiski orientiran ama sekogas koga se nablizuvaat izbori imaame iljadnici vakvi najavi i poveke ne veruvam vo vakvi najavi

Канадската дијаспора сака да инвестира 34 милиони евра во ветерници

Претставниците на компанијата на чие чело е македонски иселеник преку партнерство со фирма од земјава планираат да изградат 27 ветерници во близината на Богданци.

Изминатиот период го испитуваат потенцијалот на ветерот во југоисточна Македонија. Регионот веќе важи како еден од најпогодните за производство на електрична енергија од ветер и инвестиции во него веќе најавија и други компании.

- Нашиот интерес е заради поволностите и поддршката што ги нуди државата, но и барањата на ЕУ секоја земја да произведува обновлива енергија во извесен процент, што ја прави оваа дестинација актрактивна. Инвестиција од 34 милиони евра е значајна како сума, а ќе го подобри енергетскиот капацитет на земјата и ќе вработи македонски стручњаци - вели Васко Пастенаров, претставник на Трилиум Холдинг.

Трилиум Холдинг направиле првичен контакт со Агенцијата за странски инвестиции и за енергетика, а проектот го презентираат и пред инвеститори кои би вложиле дополнителен капитал.

Очекуваат потребните дозволи за изградба и вклучување во енергетскиот систем на земјава да ги добијат во текот на 2012-та, по што би влегле во следната фаза на инвестицијата. Покрај ветерниците заинтересирани се и за изградба на мали хидроцентрали.

Трилиум Пауер во Канада инвестира во најголемиот ветерен парк на слатки води на континтентот на Северна Америка. Ќе гради 800 ветерници на езерото Онтарио кои треба да заменат неколку електрани на јаглен кои се пред затворање.

http://www.sitel.com.mk/dnevnik/biznis/kanadskata-dijaspora-saka-da-investira-34-milioni-evra-vo-veternici

А што се случи со долгонајавуваниот проект на Шпанците во Штипско за поставување на ветерници? Дали некој има инфо?

Според CIA Factbook, а и официјалниот сајт на ЕЛЕМ е тука некаде (годишното производство и потрошувачка)

Не сум експерт, но секој што бил во Богданци знае дека местото е #1 во ветер.

---надополнето---

За Ветерниците од страницата на ЕЛЕМ

На страна 1/10 пишува „Последната Физибилити Студија ја проценува локацијата Богданци како
локација со потенцијал за инсталирање на капацитет од 45 MW“

„Со Проектот се предвидува
производство на приближно 105 GWh на електрична енергија годишно“

„30 ветерни турбини“

Координати: север: 41o13’45.1“ исток: 22o33’39.4“

Почеток на Проектот: Крај на 2011
Завршување на Проектот: До крајот на 2014

...

Мислам дека во самиот документ ги има сите други потребни информации. Едно што не ми беше јасно е ова:

„
Без проектната активност, еквивалентната електрична енергија која ќе се
произведе ќе биде снабдена од термоелектраната Неготино што би
резултитрало во штетни GHG емисии. Факторот на емисија на
националната мрежа е проценет на 0.91 tCO2e по произведен MWh.
Покрај тоа, предложениот проект ќе придонесе за намалувањето на
Македонската зависност од увозна електрична енергија“

Дали ЕЛЕМ кажува дека со овие ветерници ќе поништи потребата од употреба на Неготино (мазут)? Зарем толку многу струја ќе произведуваат?

Edited by theMac3donian - 14-Apr-2011 at 04:21

Македонија има атлас на ветрови стар дури шест години

Државата сака монопол на ветерниците

Катерина Попоска

Иако до 2020 година Македонија мора 12% од произведената енергија да ја добие од ветар, ветерните електрани засега се само проект на хартија. Дека состојбата на терен ќе оди тешко, доказ е непостоењето квалитетна и детална студија - Атлас на ветрови. Последната датира од 2005 година и е само прелиминарна. Но, како пречка се појавуваат и законите и амбицијата на државата да има ексклузивно право во производство на електрична енергија од ветар.

Според законите, максимално дозволениот инсталиран капацитет за производство на струја од ветар, која ќе се откупува по субвенционирана тарифа, на цела територија на Македонија е 150 мегавати. Оттука, ако се реализира инвестицијата на Електрани на Македонија и на приватната фирма Инвал Македонија за изградба на ветерници, простор за влез на нов инвеститор нема.Директорот на ЕЛЕМ, Влатко Чингоски, неодамна во интервју за “Капитал“ изјави дека секоја сериозна држава треба да размисли кој е бенефитот ако бизнисот со ветерници и го препушти на некоја приватна компанија.

“Инсистирам ЕЛЕМ да гради ветерници. Ако, на пример, во ноќните часови произведуваме струја од ветар, може да затвориме некоја од хидроцентралите, па водата ќе ја чуваме. Поради интензитетот на ветрот, ако не произведуваме струја од некоја хидроцентрала, може да пумпаме вода во неа и да ја чуваме за друг ден. Замислете, ако се работи за приватна фирма, која на најмал ветар ќе ја уклучи ветерницата, ќе го фактурира тоа за 89 евра по мегават-час на МЕПСО, а ние ќе мора да го намалиме производството, и како државна фирма ќе изгубиме 30 евра регулирана цена. Таа енергија државата ќе ја чини 130 евра, бидејќи прво на приватната фирма ќе треба да и платиме 89 евра, а нејзината енергија ќе има приоритет. Одговорна држава мора ова да го има предвид. Државната компанија треба да биде прва во овој проект за да ги видиме сите импликации што ќе се појават на пазарот“, вели Чингоски.

http://www.kapital.com.mk/MK/makedonija/66341/drzhavata_saka_monopol_na_veternicite.aspx

Инфото од капитал дека Македонија до 2020 МОРА 12% од произведената енергија да ја добие од ветар ми е многу сомнителна.

Ветерници ќе се произведуваат во Желино



Според најавите на швајцарскиот инвеститор, се очекува производството да почне кон крајот на оваа година, а доколку се покаже успешен, целосната инвестиција треба да биде во вредност од над 20 милиони евра и минимум 500 работни места.

Производството на „Енфло“ пред се е наменето за европскиот пазар. Првата хала е од 3.500 метри квадратни, а вкупната површина што е закупена од страна на компанијата е 24.000 метри квадратни (или 2,5 хектари). На ова земјиште се планира да бидат изградени вкупно четири производствени хали.

http://www.kurir.mk/makedonija/vesti/29140-Veternici-ke-se-proizveduvaat-vo-Zelino

 
Хаха, баш така, ги одвеа ветерот.
 
А бе ова ти е гага држава, сакаат се, ама без работа и без да платат за истото.
 
Луково Поле, Бошков Мост, Чебрене и Галишта, Вардарска Долина, ветерници, на хартија се опишани како веќе да функционираат со полна пареа, додека во пракса не е превземено ама баш ништо околу нивна реализација.
 
А ги ветуваат како да веќе утре ќе почнат да функционираат, ненормално смешни се, особено со овие економскиве зони, зјаат празни, а овие нашинциве фрлаат лопати како да веќе утре ќе се преплавиме со странски инвеститори.
 
Не бе, ова ти е пласибо држава, продавање магла, е баш тоа е, продавање магла.