Бизнис центар Меги (Synergy Business Center)

Toj e. Само нема што да сликаш објектот е уште под земја колку што знам (значи треба да влезеш во градилиште) а и читаш што викаат подоле дека е забранет пристап.

Како и да е

Повредени четворица градежни работници во Скопје Четворица градежни работници се повредени по уривањето на бетонската плоча на зграда во изградба, вчеравечер нешто по 23 часот. Според првичните информации, работниците се здобиле со скршеници по телото и екстремитетите и нивната состојба е стабилна. Работеле на бизнис центарот „Меги“ во скопски Аеродром, на улицата „Владимир Комаров“, зад училиштето „Браќа Миладиновци“. Неофицијално, се шпекулира дека вчеравечер градежните работници ја полнеле плочата со бетон, по што таа се урнала. Екипи на противпожарната единица и брза помош веднаш пристигнале на местото на несреќата. Повредените работници од под урнатините ги извадиле нивните колеги. Веднаш се префрлени во болница. Никој од учесниците во градбата не сакаше да го коментира уривањето. Дежурните доктори во ургентниот центар одбија да зборуваат пред камера за состојбата на повредените. Увидните екипи на местото на настанот забранија приближување до спорниот објект.

http://www.a1.com.mk/vesti/default.aspx?VestID=93543

За причините на ум ми паѓаат две опции:

1. Нестручно и/или неодговорно работење
2. Употреба на несоодветни материјали ради „заштеда“

А можеби и комбинација... Само како и да е, ова е застрашувачко дури и Скопје да не беше во трусно подрачје...

А во другиот пост се залагаме за облакодери 

За потпора имаат користено обични цефки 1/2 цол, оние како за вода. Барем така видов на тв. И нешто биле малце криво поставени и тоа доволно е една да попушти па после следи домино.

    Малце ме чуди што прва работа што ве загрижи е зградата, а не повредените работници. А сигурно бељава се должи на нестручна работа од страна на некоја фирма што употребила евтини конструктивни материјали за да ги земе парите што би останале од предвидената сума за некакви нормални материјали.

    Облакодерите во никој случај не би ги градела македонска фирма, туку реномирана странска како што секаде се прави. Нашиве не се стручни за такви објекти

Повредените работници се во стабилна состојба

30.05.2008 17:09

Во стабилна состојба и надвор од животна опасност се четворицата градежни работници кои вчера беа повредени по уривањето на бетонската плоча на бизнис центарот „Меги“ во скопската населба Аеродром.

„Скршеница на два пршлена во лумбалниот дел на кичмата, потоа скршеница на десната бутна коска, како и нагмечување во пределот на главата и на градниот кош“, изјави Александар Хишман, директор на Ургентен центар.

„Повредените се вон животна опасност и нивната здравствена состојба е стабилна. Хоспитализирани се на Клиниката за трауматологија“, додаде Хишман.

Бетонската платформа се урна вчеравечер околу 23 часот, непосредно по полнењето со бетон на шалуваната платформа. Повредените работници по падот од урнатините ги извлекле нивните колеги.

Го граделе бизнис центарот „Меги“, чиј инвеститор е фирмата „Медија инвестмент“, а изведувач е „Зам инженеринг“.

Фирмите имале уредна дозвола за градење. На терен веднаш излегоа увидни, градежни и екипи на МВР.

„Констатирано е дека се работи за техничка грешка при изведбата“, вели Милена Бошевска, портпарол на општина Аеродром.

Продолжува истрагата за несреќата. Засега никој не е посочен како виновник за уривањето на бетонската плоча.

„Медија инвестмент“ и „Зам инженеринг“ се без реакција по инцидентот. Тоа што ноќно време работеле градежните работници не претставува кршење на законот, информираа од Трудовата инспекција.

Сепак, натамошната истрага треба да покаже како настанала техничката грешка и зошто пред почетокот на полнење со бетон на плочата надзорот не забележал никаков пропуст.

A1

Да овој објект скроз го забаталивме ... Аеродромци 

ова е трговскиот центар зад браќа миладиновци???

барем школото ќе си добие трговски во дворот

1.
 

2.


3.