Привремени и напуштени објекти

ПРИВРЕМЕНО ОДЛОЖЕНО УРИВАЊЕТО НА ЛЕГЕНДАРНАТА СЕНДВИЧАРНИЦА

Центар се смилува за „Чичко Стоилко“



Тргањето на 72 привремени објекта на територијата на Центар ќе се врши етапно, со чувство за луѓето што работат во нив, објасни градоначалникот Владимир Тодоровиќ

Александар Арсовски

Иако Општина Центар лани најави отстранување на сендвичарницата „Чичко Стоилко“ од добропознатата локација во центарот на Скопје, сега за сега нема никаква конкретна најава за такво нешто во блиска иднина. Всушност, тоа не важи само за наведената сендвичарница, туку и за сите други на тој потег, со објаснување од Центар дека просторот ќе се уредува во сооднос со околината - порта „Македонија“ и други нови објекти во околината. Законски, кога такво нешто е во прашање, реализација на нацрт-решенија од урбанистички план, државата не е должна да им обезбеди нова локација на привремените трафики.

Градоначалникот Владимир Тодоровиќ појасни дека тргањето на 72 привремени објекти на територија на Центар ќе го прават согласно со утврдена динамика, односно етапно. Kако причина за неизвршување на планот за уривање, го наведе немањето програма. Одговарајќи на советничко прашање зошто таква програма не е донесена, Тодоровиќ рече дека тоа не е направено за да се излезе во пресрет на интересите на граѓаните вработени во киосците.

- Ќе ги отстрануваме само тие објекти што пречат во реализација на конкретните детални урбанистички планови, односно нема да се уриваат сите наеднаш. Сметам дека тоа е исправно. На тој начин се покажува чувство за луѓето што работат таму - рече тој на последната седница на Советот.

Притоа беше дециден дека на местото на отстранетите нема да се поставуваат нови.

Вработените во „Чичко Стоилко“ исто така немаа конкретни информации.

- Нема никаква најава дека ќе нè урнат наскоро ниту, пак, со нас некој контактирал од локалната власт. Kога го најавија уривањето пред повеќе од една година, имаше информации дека тоа ќе се прави за реализација на проектот „Скопје 2014“. Сепак, оттогаш нема ништо ново или конкретно за тоа прашање - рекоа вработени од оваа сендвичарница.

Истото го рекоа и другите газди од привремените објекти на тој потег.

- Ние имаме муштерии и немаме време да размислуваме за тоа - рекоа од „Бака“.

Од „Стар мост“ се помирени со состојбата. Велат дека не им одговара да ги уриваат, но ако решиле, нека го сторат тоа.

Акции за отстранување трафики од населбите во Скопје немало. Поголемите што се паметеа се спроведоа лани. Во неколку наврати беа тргнати трафиките на автобуските станици кај Градежниот факултет на „Партизанска“, кај „Ловец“, кај комплексот банки или кај Домот на градежниците. Во мандатот на градоначалникот Ристо Пенов, поради обнова на плоштадот Македонија, беа тргнати неколкуте киосци спроти „Пелистер“. Некои од акциите предизвикаа и незадоволство, а и жестоки реакции од сопствениците. Викање, отпор и судски постапки ја карактеризираа одлуката за тргање на киосците кај Воената болница во првиот мандат на градоначалникот Стевчо Јакимовски.

Портата ќе ја чуваат Шатев и Татарчев

Деновиве интензивно се работи на изградба на постаментите за спомениците на Павел Шатев и на Христо Татарчев. Ќе бидат поставени од двете страни на портата „Македонија“. Автор на обележјето на Татарчев е Миле Брцески и тој ќе биде поставен од левата страна, а на Шатев, кој ќе се издигне од десната страна, е Валентина Стевановска. Спомениците се леат во леарницата „Гуастини“ во Виченца.

Современи трафики за сендвичи и за весници

Старите зелени киосци ќе ги заменат нови во наредната 2013 година. Градот избра идејно решение за нови привремени објекти наменети за продажба на весници, сендвичи, пијалаци и друго. Автор на решението е архитектот Жарко Чаушевски, кој досега доби на неколку конкурси - за зградата на ЕЛЕМ спроти „Бристол“, новиот изглед на Владата, но и за идното почивалиште на македонската музичка ѕвезда Тодор Проески во Kрушево, што ќе го финансира Владата.

Од Градот не соопштија детали каде точно ќе се поставуваат киосците - дали во сите населби или само во централното подрачје. Исто така, и колку средства ќе издвојат за нивна изработка, а и дали оние што ќе конкурираат, ќе мора и да платат за објектот.

- Ова е само идејно решение. Сè уште нема конкретни податоци - потенцираа од одделението за односи со јавност во Градот.

Останува неизвесно дали и оваа идеја ќе заврши неславно како онаа на Општината Аеродром.

Надлежните оттаму пред две години самоиницијативно решија да го менуваат изгледот на постојните киосци. Избраа идеен изглед, но наидоа на отпор кај сопствениците на старите трафики. Тие во неколку наврати протестираа против локалната власт, која ги принудуваше да платат околу 10.000 евра за новите трафики. На крајот општинските власти попуштија и се договорија со газдите единствено старите киосци да ги пребојадисаат во сива боја. (A.П.)

#

http://www.dnevnik.com.mk/default.asp?ItemID=9A90615FCD5E4D4A816E7FBFD06A25DA

Edited by HugoGoulding - 28-Dec-2012 at 16:49

Ne znam sto se podgotvuva okolu vesnikarnicite, no edni od najubavite sto gi imam zabelezano bea vo San Francisco, koi se praveni vo 'barok' stil (mrzam da go upotrebuvam zborot zaradi toa sto e pogresen, ama nejse). Eve par primeri:

Ова не е премало за сендвичари??? Кај во 8 метри квадратни ќе сместат скари, фрижидери, роба, пијалоци.

А на визуализацијата нема ни 2 метри квадратни...

Според формата се работи за типични киосци/штандови како што има низ многу градови. Вообичаено за продавање весници/магазини/сувенири и останати ситнурии, мастики/цигари евентуално, не верувам дека се сендвичари...

Edited by HugoGoulding - 10-Jan-2013 at 22:53

Да се изостават златните капители и орнаментиката на долниот дел во златна боја ќе делуваат далеку попристојно.

Копенхаген стилизирани сендвичарници со антички столбови 2013



Скопје стилизирани сендвичарници со антички столбови 2014

Квадрат за трафика во Скопје- 6350 евра!
Земјиштето за барокните киосци во Скопје постигна рекордни 6350 евра за м2. Лицето Селим Муше понудило вкупно 50 000 евра за да ја добие парцелата од 8м2 на улицата Македонија, до спомен куќата на Мајка Тереза, на денешната аукција во Министерството за транпорт.
17.06.2013 19:47:27
Share on facebook
Share on twitter
Share on email
Share on print
More Sharing Services
Земјиштето за барокните киосци во Скопје постигна рекордни 6350 евра за м2. Лицето Селим Муше понудило вкупно 50 000 евра за да ја добие парцелата од 8м2 на улицата Македонија, до спомен куќата на Мајка Тереза, на денешната аукција во министерството за транпорт. Освен рекордната, од понудините шест, продадени се уште две парцели за оваа намена. Истиот понудувач, Селим Муше, победил со 5 400 евра за квадрат за парцела на кејот до хотелот Холидеј Ин. За околу 110 евра од квадрат пак фирмата Супрема ДОО се избори да ја откупи парцела за киоск на аголот на Жена паркот, спорти трговскиот центар Соравија.

- „ Во однос на градежните парцели кои не беа отуѓени на денешното јавно наддавање, Ве информираме дека Министерството за транспорт и врски ќе објави повторна објава во најкраток временски период.“ - одговорија меѓу другото од Министерството за транспорт и врски

Откако ќе бидат известени, победниците на аукциите имаат 15 дена да ги уплатат парите во Министерството за транспорт. Доколку го направат тоа, добиваат право на купените парцели да изградат сендвичари, но со изглед кој го избра Градот Скопје.

Рекордните суми постигнати денеска доаѓаат по силна конкуренција од неколку заинтресирани фирми за сендвичарите но и отстранувањето на досегашните вакви или слични привремени објекти низ центарот на Скопје. Почетната цена на аукциите беше нешто помаку од 100 евра од метар квадратен или околу 780 евра по парцела.

Александар Димитриевски

http://www.alfa.mk/News.aspx?ID=58432#.Ub9N0j5K1EY

Избрано идејното решение за типски трафики во Штип

Општина Штип избра типско решение за тоа како ќе изгледаат киосците кои приватни лица ќе ги поставуваат низ градот. Оваа идејно решение е на штипската фирма „Алмонт“, избрана согласно условите од конкурсот кои беа објавени од општина Штип. Тоа значи, дека во иднина, по претходно одобрена локација за поставување на ваква урбана опрема, сите сопственици на киосци ќе треба да ги набават овие типски траифики од фирмата „Алмонт“, со што ќе се унифицира изгледот на објектите во кои ќе се врши продажба на весници и друга стока. Унифицирањето на продажните траифики е дел од заложбите на градоначалникот и локалната самоуправа за уредување на локациите каде се поставени и ќе се поставуваат вакви објекти.

СКОПЈЕ ЌЕ ДОБИЕ ПОДНИ РЕКЛАМИ И ПОВИСОКИ КИОСЦИ

„Подниот маркетинг“ не смее да пречи на слободното движење на пешаците и на лицата со посебни потреби

Градскиот Совет утврди нови прописи за поставување привремени објекти и урбана опрема како клупи, канти, сплавови, билборди, автобуски постојки, монтажни и демонтажни објекти. Скопските киосци ќе станат повисоки и пошироки, а донесени се новитети и за светлечки видео екрани и за подни реклами. Ваквиот „поден маркетинг“ не смее да пречи на слободното движење на пешаците и на лицата со посебни потреби. Рекламите не смеат бидат трајно прицврстени за партерот ниту, пак, да ја оштетат подлогата, туку да се дизајнирани за полесно „стави-вади“.

Во иднина храна ќе се продава и на површините каде досега се продаваа единствено билети, сувенири, весници и сладолед и тоа на површина од најмногу 16 квадратни метри, додека весници и сувенири во киоск не поголем од 10 квадрати.

Со измените, привремените објекти добиваат поголема висина. „Пораснаа“ од 3,5 на 4,5 метри. Сплавовите се дефинирани како површини поставени на вода поврзани со копно со максимално дозволена површина до 100 квадрати. За сплавови на речни корита, површината може да се уреди со посебна програма, проект или елаборат. Сплавовите можат да се поставуваат и користат на подолги временски период или краткотрајно сезонски, за одредени манифестации или дејност.

Се менува и проодниот простор пред автобуските стојалишта т.е. растојанието меѓу постојката и рабникот на коловозот. Минималното растојание од 1,5 метри се намалува на половина метар, а максимумот останува ист - 2,5 метри. (Б.Ш.)

http://www.utrinski.mk/?ItemID=EB2E0B48EA27E14180B8BE633EB73B1D

Edited by Џоле - 30-Sep-2014 at 12:57