build.mk Homepage
Forum Home Forum Home > Главни теми > Урбани прашања
  Active Topics Active Topics RSS Feed: Привремени и напуштени објекти
  FAQ FAQ  Forum Search   Register Register  Login Login

Привремени и напуштени објекти

Bookmark and Share
 Post Reply Post Reply Page  <1 7891011 13>
Author
Message
  Topic Search Topic Search  Topic Options Topic Options
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #161 Posted: 12-Jun-2020 at 17:05
Originally posted by zabegan

ретко кој инвеститор се нафаќа да ја уредува околината на објектот и го решава пристапот, дури и да се изградат објекти, освен ако не е некој покрупен и сериозен проект, ќе имаме само зграда во нива

Овој би бил покрупен и сериозен проект на локација до сам центар на градот, и во близина на 5 минути пеш до најголемиот иден трговски, деловен и станбен комплекс во Скопје (Skopje East Gate). Општината секако би била во добивка, од секаков аспект, доколку се среди ова мало место, кое е меѓу ретките во населба Острово кое не е урбанизирано.

Во однос на чергарите, ќе надополнам на претходниот мој пост, дека тие не би биле проблем и да се дислоцираат. По автоматизам општината ќе пројави интерес да го среди проблемот со чергарите преку соодветните институции доколку ова релативно мало делче во Острово се урбанизира.

Edited by skopskodete - 12-Jun-2020 at 17:32
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #162 Posted: 19-Jun-2020 at 10:40
на ул.Симеон Кавракиров-Мичурин

Ресторан Рулет,автоперална и неколку гаражи,според планот треба да никне чинам објект со деловна намена со висина од 7м.

Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #163 Posted: 19-Jun-2020 at 15:03
Што побрзо никне тој објект, толку подобро. Многу грда слика создаваат овие објекти.
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #164 Posted: 19-Jun-2020 at 17:48
Originally posted by skopskodete

Што побрзо никне тој објект, толку подобро. Многу грда слика создаваат овие објекти.
гарант ќе никне многу погрд објект, така да, сеедно...
Architects create dreams...politicians create nightmares
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #165 Posted: 24-Jun-2020 at 16:18
Во контекст на муабетот зошто се' уште нема индиции за градење станбена зграда на преостанатиот (исечен) дел од Маџир Маало, во Острово, еве вечерна слика од новата станбена зграда во Острово, до Тинексот. Се гледа дека сите станови светат, значи се продале и тие што гледаат кон другата страна на Вардар т.е. кон дивата ромска населба. Затоа ова не би го земал во предвид во однос на тоа зошто се нема изградено зграда на дискутираната локација.



(Се извинувам за не толку добриот квалитет.)


Edited by skopskodete - 24-Jun-2020 at 16:19
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #166 Posted: 24-Jun-2020 at 20:39
Секако дека не е тоа главната причина можеби и воопшто не е причина таму да не се изгради објект но ете сеуште локацијата стои запустена. Моментално нас.Острово има простор за уште 2 згради зад Тинексот и една поголема на овој дел кој го спомнавме. Само чинам ќе треба да се пробива сервисна уличка за пристап на станарите до зградите кои би се изградиле зад Тинексот.
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #167 Posted: 24-Jun-2020 at 21:59
Originally posted by stef4o

Секако дека не е тоа главната причина можеби и воопшто не е причина таму да не се изгради објект но ете сеуште локацијата стои запустена. Моментално нас.Острово има простор за уште 2 згради зад Тинексот и една поголема на овој дел кој го спомнавме. Само чинам ќе треба да се пробива сервисна уличка за пристап на станарите до зградите кои би се изградиле зад Тинексот.

Има некое официјално инфо за пробивањето на уличката?
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #168 Posted: 25-Jun-2020 at 07:12


Нема,колку што знам пред неколку години се крена голема галама околу тоа бидејќи требаше уличката да минува среде парк и игралиште па тогаш се откажаа но мислам само привремено кога тогаш ќе треба да ја изградат.
Мислам дека треба тука да излегува ако не сум грешка

Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #169 Posted: 28-Jul-2020 at 16:38
Напуштени можности“ низ старите државни објекти



Македонија има голем број напуштени објекти од фабрики и корпорации, кои заминале во стечај, особено по приватизацијата за време на транзицијата. Оваа појава не е непозната во светот, а дел од државите ги обновуваат овие објекти.

Напуштените индустриски објекти се опасност за децата, за здравјето, ја уништуваат естетиката на градот, во нивните дворови се создаваат мини депонии... Овие причини ги поттикнаа млади архитекти да се активираат за редефинирање на напуштените индустриски објекти.

Здружени во невладината организација „Културно Ехо“, тие ја започнаа оваа иницијатива која вклучува и запознавање со концептот за индустриско наследство. „Културно Ехо“ го сочинуваат група млади ентузијасти, дел се архитекти, дел актери, дел програмери, правници, дел филмаџии.

„Сакаме да најдеме начин како правилно да се искористи просторниот капацитет што го нудат овие напуштени објекти. Тие имаат потенцијал за нивна ревитализација и реадаптација со што во нивниот просторен капацитет би се вметнала некоја соодветна програма која би овозможила функционалност и градежно-економска самоодржливост на објектот, изјави Симона Димковска, претседателка на организацијата „Културно Ехо“, додавајќи:

„Бидејќи најголем дел од објектите се фабрики односно индустриски капацитети кои се во државна сопственост, самите по себе поседуваат културно историски идентитет, на тој начин со овој проект би сакале да го поттикнеме воведувањето на индустриското наследство како гранка на културното наследство во државата , кое сеуште не е воведено како дисциплина кај нас ,а веќе е докажана европска пракса“.

Проектот го започнаа со истражување за фабриката „Купром“ во скопската населба Хром за која сакаа преку културен настан да го информираат локалното население за состојбата. Инаку, според нивното истражување, земјиштето на објектот е државно, додека неколку објекти се приватно сопствеништво. Димковска додаде дека имаат доставено граѓанска иницијатива до Советот на Град Скопје за поддршка на проектот, кој се уште им нема одговорено. Единствено, оттаму велат дека добиле поддршка од пратеничката Ивана Туфегџиќ, која им ветила законски измени.

„Град Скопје ја поддржува секоја иницијатива што претставува формирање на нови културни простори. И се стреми кон создавањето на нови простори за културата, меѓутоа, за жал, колку што ми е познато повеќето од објектите на „Купром“ се во приватна сопственост, па оттаму Град Скопје не може да интервенира“, изјави Ваљон Салихиу, портпарол на Град Скопје.

Идејата на активистите е да не се уриваат овие објекти, туку да се искористи просторноста во полза на граѓаните.

„Просторот дозволува, без да се направи некоја посебна надворешна промена на објектот од архитектонска гледна точка, без да се наруши екстериерот на објектот, внатре да се вметнат нови функционални единици, како посебни кубуси кои што се монтажни и каде може да се случат повеќе функции. На пример, ако било фабрика за производство на чевли, може да стане еден дел од фабриката галерија, друг дел може да стане производство на платна, трет дел може да стане работилници. Тие индустриски објекти доста често се пренаменуваат во мултифункционални сали и стануваат културни објекти, тоа е нешто кое нас во државава ни недостига, во секој град нема културен центар кој функционира и кој ги задоволува потребите на целото локално население на ниво на еден град, така што овие објекти поради нивната големина, просторност и висина можат многу ефикасно, многу лесно да примат една ваква функција која еве едноставно недостига по градовите а и во главниот град, се разбира“, вели Димковска.

Покрај ова, она што загрижува е и штетата врз животната средина со секое рушење и одново градење. Тогаш градежната прашина се додава на аерозагадувањето, а со шутот неодговорно се однесуваат.

„Праксата треба да биде друга, односно треба да се размислува тоа веќе што постои како да се искористи. Еве конкретно површината на фабриката е 22 илјади квадратни метри, тоа е 2,2 хектара, тоа е огромна површина која ќе стане градежно земјиште, што ќе се случи со тој градежен контаминиран шут? Никој не ги поставува тие прашања, сите одат кон тоа да се сруши тоа што не е корисно, не е употребливо и да се направи нешто ново, а реалноста е дека може да биде корисно, корист може да видат граѓаните, а доколку се бутнат и се направат згради корист можат да видат само поединците односно инвеститорите кои би го граделе тој објект, така што тоа е доста селективно“, додаде Димковска.

https://www.slobodnaevropa.mk/a/напуштени-можности-низ-државните-стари-објекти/29673758.html
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #170 Posted: 15-Mar-2021 at 13:39
ВО ТЕТОВО САМО ШЕСТ СТАРИ КУЌИ СЕ ЗАШТИТЕНИ ОД ДРЖАВАТА, ДРУГИ СЕ РАСПАЃААТ И МОЖАТ ДА СЕ УРНАТ ВО СЕКОЈ МОМЕНТ





Ѕидовите на стара и дотраена куќа во тетовското маало Два Бреста се надвиснати над патот по кој секојдневно минуваат голем број луѓе и автомобили. Од дождовите неодамна се сруши речиси целиот покрив, а ѕидовите напрснаа и можат секој момент да се срушат. Но, оваа куќа не е единствена која се наоѓа во ваква сотојба во стариот дел од градот. Ги има и во маалата Колтук, Певчина, Горна Чаршија.

„Пред еден месец падна покривот на оваа куќа. Слушнавме силен тресок. Делови од покривот паднаа врз еден автомобил кој тука беше паркиран. Среќа што во тој момент немаше минувачи. Еве, и ѕидовите само што не паднале. Но, не е само оваа куќа. Неколку метри понатаму уште една ваква куќа се распаѓа, а никој не интервенира“, зборува жителка на Два Бреста.

Членовите на семејството Мисајловски, кои исто така живеат во Два Бреста, за да излезат од нивниот двор треба да поминат под дел од соседната куќа која е во фаза на распаѓање.

Неколку пати е пријавено во изминативе години, но нема никаква реакција од службите во Општина Тетово, ниту, пак, од сопствениците. Со снегот и обилните дождови од минатиот месец состојбата на куќата е уште повеќе влошена. Може во секој момент да падне и доколку некој поминува оттаму, да го изгуби и животот“, вели Фросина Шљупковска-Мисајловска.

Најчеста причина зошто овие куќи се доведени во состојба на распаѓање се нерасчистените семејно-правни односи на сопствениците. Куќите не можат да се продадат или поправат додека не се утврди сопственоста, а дотогаш, тие пропаѓаат.

Од Општина Тетово велат не можат да интервенираат додека некој не пријави кај нивните служби.

„Доколку имаме дојава од граѓаните, веднаш излегува на терен екипа од градежни инспектори. Ако тие потврдат дека навистина станува збор за куќа која претставува опасност по животот на минувачите, тогаш упатуваме известување до сопственикот на објектот дека истата треба да се сруши или санира. Доколку во определен временски рок сопственикот не го направи тоа, тогаш Општината ја руши куќата, го расчистува теренот и сметката за тоа му се доставува на сопственикот на куќата“, вели Снежана Новаковска, портпарол во Општина Тетово.

Тетовските маала Два Бреста, Колтук и Горна Чаршија се старото јадро на градот кое го обележуваа мали трошни куќи кои најчесто биле градени при крајот на 19. и во првата половина на 20. век. Но, ниту општината, ниту граѓаните кои живеат тука немаат разбирање за значењето на овие градски маала и за традицијата. Од Музејот на тетовскиот крај велат дека во вакви ситуации се немоќни, бидејќи нивната надлежност е само врз оние објекти кои се ставени под заштита на државата.

„Во Тетово има само шест стари куќи кои се ставени под заштита на државата, впишани уште во 1952 година. Оттогаш, друг објект не е ставен под заштита на државата. Ние немаме надлежност да се грижиме за другите стари автентични куќи, туку тоа би требало да биде надлежност на општината, па и на сопствениците, ако сакаат да се зачува старата градска архитектура. Иако многу стари куќи се срушени или целосно реновирани, добивајќи сосема нов изглед, во стариот дел од градот има уште стари карактеристични објекти кои би можеле да бидат интересни во една добро осмислена туристичка понуда на Тетово“, вели Нусрета Шмрковиќ, кустос во Музејот на тетовскиот крај.

https://sdk.mk/index.php/dopisna-mrezha/vo-tetovo-samo-shest-stari-kuki-se-zashtiteni-od-drzhavata-drugi-se-raspagaat-i-mozhat-da-se-urnat-vo-sekoj-moment/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #171 Posted: 11-May-2021 at 15:48
Поради безбедносни причини, а со согласност од сопствениците на објектот, Општина Кочани отстрани уште стара градба на улицата „Стево Теодосиевски“, поранешна „Ленинова“.







https://www.facebook.com/opstinakocani/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #172 Posted: 02-Jun-2021 at 06:57
Зошто по овој основ нарушена безбедност на минувачи не се постапува и по скопските општини како што е случај со големата распадната зграда спроти ВИП хотел во Крњево,напуштената куќа во Мичурин(до црквата каде спорот е надминат и има веќе сопственик официјално) и уште многу други вакви објекти кои се и опасност за минувачи а се преполнуваат со отпад и бездомници.
Секој од тие објекти си има сопственик,а поготово овие два од кои еден е спроти најголемиот мол во државата а другиот до верски храм.Едноставно се чека или да паднат сами од себе објектите или да им дојде време и желба на инвеститорите да направат некоја зграда.



...

Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #173 Posted: 10-Jul-2021 at 16:54
ДЕПОНИЈА ВО СРЦЕТО НА ЦЕНТАРОТ НА СКОПЈЕ - ВО ДЕБАР МААЛО



Куќа на ужасот. Во срцето на Дебар маало граѓани живеат со неподнослива смрдеа и шут, диво вселени лица во напуштена куќа, кои уринираат на отворено. Дворот на двокатната куќа е претворен во мини депонија, каде има расфрлано ѓубре насекаде.

Околните станари велат дека оваа куќа е со нерешени имотни правни односи и дека е претворена во куќа на ужасот. Внатрешната слика од куќата иста - остатоци од ѓубре, отпушоци од цигари, по некое столче за седење и душек за спиење.

Градоначалникот на Општина Центар, Саша Богдановиќ, вели дека добиле поплаки од граѓаните кои живеат во околината на напуштениот објекти и дека пратиле инспектори на терен. Очекуваат надлежните инспекциски служби на градот и останатите кои имаат ингеренции да превземат активности, за да не се предизвика некаква еколошка незгода или немил настан.

Станарите од соседните згради велат дека ова претставува децениски проблем за нив – особено во текот на летото кога смрдеата која доаѓа од напуштената куќа се шири насекаде. Од Општина Центар ветуваат дека ќе бидат превземени одредени мерки, откако во последните неколку денови добиле поплаќи од граѓаните.

https://24.mk/details/deponija-vo-srceto-na-centarot-na-skopje-vo-debar-maalo
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #174 Posted: 12-Aug-2021 at 08:49
од 09.08.2021

Пожар спроти Скопски саем

Во центарот на Скопје пред малку избувна пожар.

Гори во близина на скопскиот Саем, а пожарникарите веќе се на терен и го гасат пожарот.



https://republika.mk/vesti/crna-hronika/pozar-sproti-skopski-saem/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #175 Posted: 12-Aug-2021 at 09:11
Не најдоа решение за објектов,од ден на ден се повеќе се распаѓа и е се поголема опасност.Незнам што е проблем да се најде решение за ваквите објекти кои ги имаме низ градов поготово низ централниот дел.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #176 Posted: 15-Sep-2021 at 07:11
Пожар во Автокоманда, изгоре напуштен објект каде порано имало оризара



Пожар во Автокоманда. Изгоре напуштен објект каде порано имало оризара, а спроти противпожарната бригада – Скопје. Шефот на скопската пожарна Владимир Симоновски изјави дека пожарот е локализиран за 15 минути. Се работи на негово догаснување. На терен интервенираат 20 пожарникари со шест противпожарни возила.
„Изгорена е кровна конструкција, ситуацијата беше малце отежната бидејќи не можевме да пристапиме од ниту една страна до објектот… Се работи за ѕидан објект, а кровната конструкција е падната. Повредени нема, имаше најава дека има бездомник којшто живее во близина на објектот. Направена е обиколка и проверка заедно со полицијата и не е утврдено такво нешто“, изјави Владимир Симоновски, командант на скопската Бригада за противпожарна заштита.
Допрва ќе се утврдуваат причините за пожарот.

https://alsat.mk/mk/pozhar-vo-avtokomanda-izgore-napushten-objekt-kade-porano-imalo-orizara/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #177 Posted: 22-Sep-2021 at 07:20
Нема повредени, но стариот објект кај адвокатската улица е пеплосан



Без жртви и повредени, само со сериозна материјална штета чија висина допрва се утврдува, вака доцна синоќа заврши гаснењето на пожарот во скопската адвокатска улица.

Почна некаде околу 21 часот, а првата фотографија ја објави МИА. Се запалил стар објект, веднаш за кафеаната „Стара куќа“. За среќа, и покрај густата поставеност на околните куќи и канцеларии, навреме е интервенирано за да не се прошири – а одело брзо.

По некое време, како што соопшти командирот на скопската противпожарна единица Владимир Симоновски, откако интервенирале со 4 противпожарни возила огнот бил целосно изгаснат.

До овој момент нема официјални информации за причините на настанувањето.

https://skopskoeho.mk/nema-povredeni-no-stariot-objekt-kaj-advokatskata-ulitsa-e-peplosan/

-----------------------------------------------------------

ПОЖАР ИЗБУВНА ВО СТАР ОБЈЕКТ ВО АДВОКАТСКАТА УЛИЦА ВО СКОПЈЕ



https://24.mk/details/pozhar-izbuvna-vo-star-objekt-vo-advokatskata-ulica-vo-skopje
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #178 Posted: 22-Sep-2021 at 09:56
Делови од Пајко маало,какви запустени делови имаме среде центар до институции навистина без концепт за урбанизирање...
Вака скапуваат и Маџир,Ново маало,Крњево а со згради се отиде дури до Хиподром.
Плус тоа никој не води грижа за напуштените дотраени објекти кои може и при најмал потрес да паднат или да се откршат делови од нив.

Фоткиве се од твитер







https://twitter.com/MojCentar/status/1440571524826558472/photo/3
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #179 Posted: 29-Sep-2021 at 17:21
Со години стои вака,од ден на ден се повеќе се распаѓа

Само една споредба колку е руинирано и распаднато за минатите 7 години

состојба октомври 2014



денес



Сопственост е на ДГТУ Вато-Студеничани

Незнам зошто не се завземе некој став,да се донесе некој закон за тоа како да се постапува со ваквите објекти кои се приватен имот но истовремено голема опасност за околината.Поконкретно кажано да им се даде рок на сопствениците да го рушат/реновираат објектот или тоа да го стори општината на нивна сметка.
Нека се израмни и огради плацот па нека не гради сопственикот ништо и во нареден период но без да се загрозува безбедноста на околината,да се трупаат купишта смет кои општината ги чисти одвреме навреме и низа други проблеми.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #180 Posted: 30-Sep-2021 at 17:01
Предлози до идните градоначалници / 4: Пренамена на индустриски објекти – низ примерот на магацините на Славија

Случај Кисела Вода

Тажната општина, која е целосно без визија за себе, со неспорен потенцијал во Расадник да го изгради својот идентитет, е на праг да загуби уште еден потенцијал во непосредна близина на општинските бараки.

По злосторот над Сапунарата „Цветан Димов“, која имаше квалитети да прерасне во културен дом, кино, театарска сцена или мултимедијален простор кој ќе ги обединеше сите овие во едно и растењето на истото место на имитацијата на њујоршкиот симбол, следен простор за поздрав, со целосно незабележан потенцијал на списокот се стовариштата на Славија.

Магацини „Славија“

Во сопственост на некогашниот југословенски гигант на ланец самопослуги „Славија“ или првата форма на супермаркети во нашите краеви е комплексот на стоваришта лоцирани на Чешма. Од центарот на Скопје одалечен само 1600 метри, што го прави достапен за целиот град.

Објектите низ времето ја одржале сопствената функција низ концептот на издавање. Истите се дефинирани во ист архитектонски јазик и стил, практично составени се од модул кој се повторува одреден број пати.



Она што денес можеме да го забележиме е комплекс кој се развива во форма на буквата Г, од кој едната страна се отвора кон булеварот „ Борис Трајковски“, додека другата страна се развива паралелно на улицата „Жил Верн“. Внатрешниот агол е дефиниран со аголен објект во континуитет од 50 метри до прекршувањето и 100тина метри по истото, развивајќи се на приземје. Во комплексот не среќаваат 5 објекти со П+1, од кои 4 се истотипски а насреде нив е најдоминантниот објект со организација П+3. Секако во комплексот има и доградби измени и адаптација според потребите на корисниците. Инаку сите се решени со двоводен кров.



Комплексот овозможува интеграција на поголем растер на дејности. На пример објектите во приземјето можат да бидат организирани во повеќе локали дефинирани во еден модул или поголеми локали дефинирани од неколку модули. Тие се идеални во себе да примат студија за архитекти, уметници, тату артисти, занаетчии и останати форми на креативни струки. Или пак локали кои ќе понудат комерцијално-трговски содржини како што се skate shop, outlet продавници на брендови, локални брендови, кафетерии, продавници за книги, музички продавници и сл.

Катовите од објектите се погодни за организација на хостели или поалтернативни форми на хотелско сместување, ресторани, барови, библиотеки, изложбени галерии, дискотеки, мултимедиа, кино итн.

Просторот поседува пријатна атмосфера и безброј можности. Истиот може да се набљудува и како предизвик за алтернативна форма на индивидуално домување на единици во низа, можеби сместување на образовна институција вклучувајќи го и студентското домување и сл.

За жал општината овој простор го доживува единствено како простор за површини за градба на станбени објекти/ блокови со височина од П+7, од кои веќе во околината се реализираат лошите пропорции на грамади на мали улици.



Бидејќи станува збор за приватна сопственост, се разбира дека во било какви случувања на овој простор, општината треба да најде начин да го постави својот интерес на пиедестал, притоа не оштетувајќи го сопственикот.

Манипулацијата дека за истото се потребни единствено финансии, ја заслепува можноста за менаџерски пристап преку трампање и замена на земјиште, со што општината друго државно земјиште со површини наменети за изградба ќе може да го замени за овие стоваришта. Затоа урбанизмот не смее да е роб на желбите од секој запуштен простор да се извади нова површина за станбени комплекси, бидејќи постојат поинакви начини кога визијата е јасна.

За финансиски средства за организирање на еден јавен повик и реализација на добиеното решение, веќе имаме успешни примери во соседството преку финансирање и помош од UNDP.

Враќајќи се кон оваа лична идеја и иницијатива која стои во фиока околу 15тина години, сепак сметам дека решението за овие простори треба да се бара на отворен и јавен конкурс. Од тука желбата да не се наметне личниот авторски пристап кон овој простор во објавата, не се презентирани личните авторските решенија, туку единствено се посочува потенцијалот на просторот.

Дали Кисела Вода и магацините на Славија можат да бидат следниот успешен пример и промена на менталната матрица?

https://marh.mk/predlozi-do-idnite-gradonacalnici-4-prenamena-na-industriski-objekti-niz-primerot-na-magacinite-na-slavija
Back to Top
 Post Reply Post Reply Page  <1 7891011 13>

Forum Jump Forum Permissions View Drop Down



This page was generated in 0.125 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.