Интернационалната групација  МЏ (ем-џи)  од Дубаи стана доминантен сопственик на Скијачкиот центар Кожуф. Влегува со инцвестиција од 200 милиони евра, а има обврска за комплетна реализација на проектот Ски Кожуф.  Ова вчера на прес конференција во Кавадарци го обелодени извршниот директор на Ски Кожуф,  Ангел Наков,  кој рече дека на развој на скијачкиот центар Кожуф ќе работи  Селект Контракт, корпорација од Вислер, Канада чие постоење датира од 1978,  специјализирана за развој, изградба оперирање на туристички дестинации,  лидер на проектот.

“Уверен сум дека Ски Кожуф ќе биде еден од најголемите скијачки центри пошироко, а со подршка од странските инвеститори се надевам дека овој проект многу брзо ќе се реализира“ рече директорот за развој на Селект контракт, Бен Баркер и потенцира дека во скијачкиот центар со кој го превземаа управувањето,  гледаат огормен потенцијал за целогодишна понуда на туристички пакети кои би го привлекле интересот како на локалните туристи, така и на туристите од светот. Баркер вети дека во Кожуф ќе го имплементираат целото нивно меѓународно  искуство, бидејќи биле воодушевени од природната убавина, климатските услови и можноста за летна и зимска туристичка понуда, а проектот Ски Кожуф ќе бил катализатор за убрзување и на други проекти во регионот.

Првата фаза со активности што ќе ги инвестираат новите доминантни сопственици , беше најавено дека отпочнува веднаш, а ќе опфаќа изработка на проектна документација за населби, улици, спортски терени, воден пар и други објекти кои ќе се градат и изработка на маркетиншки пакети. Втората фаза со активности ќе отпочнела од март. Ќе се градел   хотел со 60 соби,  две нови жичници, паркинг простр, пречистителна станица.

Странците не влегле во Кожуф привлечени од владината кампања за привлекување на странски инвестиции, туку преку лични контакти. Пред три години убавините на Кожуф ги запознал Блаже Пецески од  Прилеп, кој дваесетина години живее и работи надвор од земјава во групацијата Ем-Џи. Убавините на Кожуф го натерале  Пецески да лобира кај неговите претпставени  за да инвестираат во изградбата на овој скијачки центар во Македонија. По долгите преговори сепак работата се завршила.

Центарот ќе работи и годинава, но не во посакуваниот обем, бидејќи сеуште бил  во изградба  регионалниот пат Р-112 преку кој треба безбедно да се стигне до центарот.

“Следната сезона ќе ги дочекаме и првите туристи, кога скијачкиот центар ќе има и богата комерцијална туристичка понуда. До пред нова година во јавноста ќе биде промовиран целиот проект“ нагласи Наков и додаде дека реактивирањето на активностите на Кожуф ќе значат вработување на над 1000 луѓе од Кавадарци и Гевгелија, но и работа за фирми од регионот.

Задоволство од превеземањето на мнозинскиот пакет во Ски Кожуф искажа и градоначалникот на општина Кавадарци кој рече дека Скијачкиот центар Кожуф има големо значаење  за Локалната самоуправа. “Сите сме единствени кога е во прашање Кожуф, и градоначалникот и советот, исто беше и во претходниот мандат. Мора да се почитува со посебен респект овој проект. Со одлука на советот скиајчкиот центар е ослободен од плаќање комуналии.“ рече градоначалникот Панов и нагласи дека Локалната самоуправа и Владата  ќе работат на пристапни патишта и најави дека во 2011 година треба да се среди патот до селото Крњево, а потоа и до селото Бохула, по што ќе следело и поврзување со скијачкиот центар. Панов не ги сокри очекувањата на општината дека во буџетот ќе се слеваат добри суми на персонален данок откако ќе професионално ќе проработи центарот, но и од можноста за вработување на многу луѓе од Кавадарци.

Иако се рашири вест дека во Кожуф влегува шеик од Дубаи, ваквата информација не беше потврдена од Наков. Тој рече дека прималиво звучи за јавноста,  но дека нема вистина во тоа.

Поради проблем со финансиите во изминатиот период имаше застој во изградбата на центарот и истиот не работеше комерцијално. Но по превземањето на центарот се најавува интензивно градење.

На надморска височина од 2.000 метри, на Кожуф Планина е распослан  скијачки центар  „Кожуф“. Само триесетина километри од најјужниот и најтоплиот дел на Македонија се крие новата македонска зимска атракција.   Комплексот   е лоциран на надморска височина од 1.500 до1.700 м, на локалитетот Момина Чука со планински врв Зелен Брег висок 2.208 м, а на 100 м оддалеченост од грчката граница. Комплексот се наоѓа на 33 км оддалеченост од Гевгелија, 148 км од Скопје и 99 км од Солун.

Врз основа на периодичните мерења извршени во изминатите осум години, можат да се изнесат просечни податоци за условите на снег во ски-центарот „Кожуф“. Првите врнежи од снег започнуваат во ноември, многу поретко во октомври. Снежната покривка се задржува до средината на април, а во поретки случаи до првите 10 дена од мај. Бидејќи целиот ски-центар е на северна страна, има услови подолго да се задржи квалитетот на снегот, објаснуваат од ски-центарот „Кожуф“.  Ангел Данов

Покрај скијањето, на скијачкиот центар „Кожуф“, ќе биде овозможена шанса за планински туризам, велосипедски патеки и други активности за привлекување на поголем број туристи.

- Проектот е реален и ќе заврши за пет години. Финансиските средства се веќе обезбедени и граѓаните не треба да се сомневаат, туку да очекуваат наскоро „Кожуф“ да стане атрактивно место за бројни домашни и странски туристи, изјави извршниот директор на „Кожуф“, Ангел Наков.

Тој најави дека постепено ќе се зголеми бројот на ноќевања, а наскоро се очекува и изградба на модерна еколошка пречистителна станица.

За проблемот со немањето пристапен пат до ски-центарот, градоначалникот Панов информира дека општината веќе има изготвен проект за тоа.

Ова почнува да ми звучи на Милијардата на Циле, немањето слободни парцели во Бунарџик, Ауди во Македонија и сл. Мислам дека веќе никој не верува во вави најави, на мање ни више 900.000. Секоја чест за упорноста и ентузијазмот, но вакви пренапумпани бројки и очекувања а после крах, само допринесуваат уште толку да паднеме во апатија. Ај за почеток донесете 1000 ноќевања со вашите 20 легла па после ќе збориме.

Ако си навистина скијач, знаеш дека многу битен параметар за развојот на еден ски центар е и висинската разлика помеѓу почетните и крајните коти како на стазите така и на највисоката и најниската точка од центарот. Дури и да ја изземеме гондолата во Банско (кое патем е на 936 метри нмв) и да почнемее со најниската кота од самиот центар, односно крајот на гондолата надморската висина е 1635 метри. Надморската висина на крајната кота на Тодорка е 2600 метри. Ова прави фантастични 965 метри висинска разлика, што е подобро и од голем број алпски центри. Да го споредиме со Кожуф. Највисоката кота е 2200 метри а најниската 1550, или 650 метри. Таа разлика од 300 метри колку за споредба е разликата помеќу крајот на двоседот во Маврово и почетната точка на жичарата. Ова доволно говори.