Ски центар Кожуф

Јас бев на Кожуф пред 4 години кога се отвори центарот. Според тоа што го читам на нивниот сајт, и разговорите со луѓе кои годинава биле, за овие 4 години не гледам дека е направен ни еден единствен нов ски-лифт или нова ски патека. За каков потенцијал говориш кога немаат ни 50 легла, и неможат 3 недели да го исчистат патот од снег? Јас сум имал прилика да скијам на неколку од големите балкански центри и можам да ти кажам слободно дека Кожуф е светлосни години поназад од барем 10 балкански центри. Само спореди го со Боровоец или Банско кои имаат стази со висинска разлика од преку 1000 метри и должини од преку 4 километри, или пак со потенцијалот на Шапка, или Брезовица ќе видиш дека ваквите квалификации се пренапумпани.

Што вреди планот за развој, кога веќе 4 години тапкаат во место? Тоа ти говори колку е реално остварлив планот. Дали си видел што се има на Банско, Пампорово, Боровец, Крвавец? Тоа не е план, туку го има. Дали си видел што се има на Копаоник, Јахорина, Крањска Гора, какви се можности постојат на Брезовица, Шапка, Пелистер?

Во крајна линија и во северна Грција има неколку многу подобри ски центри од Кожуф (Кајмакчалан, Вигла..). Самопрогласени епитети најдобри, најголеми, најубави, не ни помагаат во случајов.

 

2. Се надевам дека си ги посетил некои од центрите кои ги наведов. Дали знаеш дека Банско за 3 години изгради 80% од жичарниците кои денес ги има. Дали знаеш од кога Наков ни го ветува центаров? Од времето кога Љубе Бошковски беше министер за внатрешни а тоа е  2000 година. Пресматај и сам што е направено за 12 години.

 

3. Евде ти една квалитетна и издржана дискусија која лани ја имавме со тоасумјас. http://www.build.mk/forum/forum_posts.asp?TID=527&PID=94430#94430

Прочитај па ќе видиш дека е потребно многу повеќе од пуста желба и мечти да се има добар ски центар.

Апсолутно си во право. Само што се вратив од Боровец оваа недела. Како прво Скопје-Боровец е 220 км, Скопје-Банско 260 а Скопје-Кожуф 200. Патот никаде не е идеален, но моментало за Кожуф ти треба ратрак и сопствен генератор на струја. Боровец има капацитет од сигурно преку 10.000 легла (моја проценка) а Банско неколку пати повеќе. Кожуф нема ни 100 легла. За 7 дена во Боровец, за моето 3 члено семејство полупансион платив 365 евра, во хотел со 4 ѕвездички, со вклучено неограничено користење на базен, сауна и фитнес. Тоа му доаѓа по 52 евра на вечер вкупно. Секаква понатамошна споредба со нашите ски центри е вон предметна, само од сместувачка гледна точка. За ски терени и да не зборуваме. Стази со висинска разлика на 1000 метри. Кој е скијач знае за што зборувам. Колку за споредба Мавровскиот едносед има висинска разлика од околу 300 метри и должина од 950 метри.