Ramada Plaza (Princess) - Gevgelija

Сопственик на најновата инвестиција е турската компанија „Принцес‘’ која за изградба на хотелот од ланецот на светскиот бренд „Шератон’’ издвои 30 милиони евра. Објектот е распослан на површина од 30.000 метри квадратни, има четири надземни ката, хотелски дел со 120 соби, казина, ресторани, тераси, Шопинг центар, неколку подземни услужни простории, и гаражи, со што се профилира како најголем хотелски комплекс на југот од Македонија.

Градежните работи треба да заврѓат до јуни, а од есента се очекува и официјалниот старт со работа.

Новиот хотел се наоѓа источно од автопатот Е-75, на самиот влез во Република Македонија од соседна Грција и е наменет за елитниот туризам.

Гевгеличани со интерес ги следеа работите околу оформувањето на овој хотелски комплекс и една година однапред ги запоседнаа курсевите за изучување на странски јазици кои се предност за вработување. Покрај англискиот и грчкиот јазик, голем број заинтересирани за работа за прв пат пројавија интерес и за изучување на турскиот јазик.