Сончева енергија

Ќе имаме стратешка инвестиција за соларен парк до 300 мегавати вреден 270 милиони евра

Одобрена е нова стратешка инвестиција за соларен парк до 300 мегавати вреден 270 милиони евра, соопштија од Владата.

На денешната 120-та седница Владата донесе Одлука за утврдување на статус на стратешки инвестиционен проект на Друштво за производство на електрична енергија „ОСТРО СОЛАР“ - Скопје.

„Станува збор за инвестиција за изградба на „Соларен парк Стипион“ вредна 270 милиони евра, кој преку оваа компанија ќе го реализира „Акуо Енерџи Сас Париз“ (Akuo Energy Sas Paris) од Франција, со капацитет за производство на електрична енергија од 350 до 400 мегават часови“, стои во соопштението.

https://faktor.mk/kje-imame-strateshka-investicija-za-solaren-park-do-300-megavati-vreden-270-milioni-evra

На покривот на ГТЦ ќе се гради соларен систем за производство на електрична енергија

Систем за производство на електрична енергија од Сонце на покривот на Градскиот трговски центар ќе градат АД ЕСМ и АД ГТЦ. Фотоволтаиците ќе бидат поставени на покривниот простор, кој во моментот е неискористен и кој во иднина ќе се употребува за производство на зелена енергија во срцето на градот, соопшти АД ЕСМ.

Со изградба на фотоволтаиците на покривот на Градскиот трговски центар, како што се посочува, ќе се овозможи инвестирање во нови обновливи извори на енергија, со што се постигнува одржлив развој и се намалува негативното влијание врз животната средина преку искористување на кров на деловен објект.

Меморандумот за соработка го потпишаа генералниот директор на АД ЕСМ, Васко Ковачевски и извршниот директор на АД ГТЦ, Ѓоко Трајчевски. Зафатот е со цел реализација на Стратегијата за развој на енергетиката 2021-2025 година и еден од врвните приоритети на енергетската политика на АД ЕСМ, а тоа е енергетска трансформација со проширување на производствени капацитети од обновливи извори на енергија, посебно на сончева енергија, стои во соопштението.

https://nezavisen.mk/na-pokrivot-na-gtc-kje-se-gradi-solaren-sistem-za-proizvodstvo-na-elektrichna-energija/

На местото каде требаше да има карго-аеродром во Штип, ќе се гради најголемата фотонапонска електрана на Балканот

Премиерот Зоран Заев денеска најави дека на државното земјиште каде што требаше да се гради карго-аеродором во Штип, државата ќе инвестира 200 милиони евра во изградба на можеби најголемата фотонапонска централа на Балканот.

- На локацијата каде што имаше планови да се изгради карго-аеродоромот во Штип на државно земјиште од 477 хектари ќе се гради фотонапонска електроцентрала. Тоа е иделана локација за фотонапонска електрана од 300 до 350 мегавати, веројатно една од најголемите, ако не и најголема на Балканот. Тоа е колку два блока во РЕК Битола, колку да знае јавноста за колкав потенцијал се работи, рече Заев на денешната прес-конференција во Владата.

Тој додаде дека најверојатно централата ќе биде целосно во сопственост на државата и дека ќе се бара начин финансирањето да не влијае на зголемување на државниот долг.

„Ќе одлучиме дали тоа ќе биде 100 отсто наша инвестиција или ќе биде некое јавно-приватно партнерство, но впечатокот е дека треба да биде во целосна сопственост на државата“, рече премиерот.

https://faktor.mk/na-mestoto-kade-trebashe-da-ima-kargo-aerodrom-vo-shtip-kje-se-gradi-najgolemata-fotonaponska-elektrana-na-balkanot

Bulgaria's Solarpro Holding wins 50 MWp power plant project in N. Macedonia

SKOPJE (North Macedonia), April 21 (SeeNews) - Bulgarian solar energy equipment supplier Solarpro Holding [BUL:0S8] said on Wednesday it was selected by North Macedonia's government to build a photovoltaic power plant with an installed capacity of up to 50 MWp at the location of an old mine in Oslomej, in the western part of the country......
....The company expects to reach over 80 MW installed capacity in North Macedonia in two years, Alexander Petreski, CEO of Solarpro's unit in North Macedonia said, noting that the company supplies over 450 companies in North Macedonia with electricity.

In 2020, Solarpro won a tender for the construction of a solar power plant of 10 MW in the village of Manastirec, Makedonski Brod.

Established in 2007, Solarpro Holding employs over 1,000 people....
...In Poland, Hungary, Bulgaria and North Macedonia, Solarpro operates complete renewable energy platforms, with over 150 MWp own projects in construction and 500 MWp + projects in development. The company is a leader in offering long term PPA's (Power Purchase Agreements), long term lease agreements for SaaS (Solar as a Service) and various other solutions for corporate sourcing of green energy and improving ESG (Environmental, Social and Governance) ratings.

As a general contractor and construction services provider, Solarpro Holding group is a global player with over 3000 MWp of installed capacity PV projects, completed on five continents to date. Particularly strong is the presence with construction services on some of the key EU markets - Netherlands, Germany, France and Portugal.

https://renewablesnow.com/news/bulgarias-solarpro-holding-wins-50-mwp-power-plant-project-in-n-macedonia-738651/

Во Теново пуштена во употреба фотоволтаична централа со моќност од 1,2 мегавата

Втората фотоволтаична централа со моќност од 1,2 мегавата, која е дел од триделниот фотоволтаичен парк со 2,2 мегавати, денеска беше пуштена во употреба во селото Теново во Општина Брвеница. Таа е една од вкупно 27-те централи кои склучија договор за право на користење на премија за електрична енергија произведена од фотонапонски електроцентрали изградени на земјиште во приватна сопственост на јавниот повик што беше објавен во 2019 година.

Првата централа од 0,6 мегавати, како што истакна инвеститорот Владе Самарџиевски од „Енергоер груп“, веќе работи неколку години, а третата од 0,4 мегавати е веќе изградена и е подготвена за технички преглед. Трите централи се изградени на вкупна површина од 20 илјади квадратни метри, неплодно и некорисно земјиште кое е откупено од државата, каде се поставени 6.170 фотоволтаични панели со различен капацитет и три трафостаници. Вкупната вредност за изградба на овој парк изнесува 1,6 милион евра.

– Трите централи ќе дадат вкупно производство од околу 3,1 гигават часови што би ја задоволиле потрошувачката на електрична енергија за приближно околу 450 станови и домаќинства. Горди сме што централите ги изградивме во најкраток рок на тежок и непристапен терен на неупотребливо земјиште за други намени. Се надевам дека ова ќе биде добар пример и поттик за нови инвестиции во зелена енергија како на фирмите, така и на Владата, рече Самарџиевски и се заблагодари на Владата која, како што рече ги охрабрила да инвестираат во овој вид на објекти и им овозможила при продажбата на произведената електрична енергија да добијат премиум тарифа.

Министерот за економија Крешник Бектеши истакна дека ова е четвртата фотонапонска централа која се гради на приватно земјиште во нашата држава и потсети дека во 2017 година Владата го смени моделот и наместо фидин, сега нуди премиум тарифи за нивна изградба.

– Во континуитет се градат и другите локации и кон крајот на годинава ќе има над 10 фотонапонски централи кои ќе бидат изградени на приватно земјиште. Ако ги вклучиме и фотонапонските централи кои се градат на државно земјиште согласно првиот тендер преку јавно приватно партнерство и го објавивме за две години, иако во договорите е предвидено да се градат за три години, ќе имаме вкупна инсталирана моќност од над 60 мегавати со што за три години го надминуваме целосниот капацитет за трипати повеќе отколку што беше изградено до 2017 кога не надминуваше повеќе од 20 мегавати, рече Бектеши.

Со тоа, потенцира тој, покажуваме дека ги поттикнуваме сите инвестиции во делот на обновливи извори за енергија, го зголемуваме домашниот капацитет за производство и ја намалуваме зависноста од увоз на електрична енергија.

– Преку нашите јавни претпријатија, преку акционерските друштва во државна сопственост, но и преку Законот за стратешки инвестиции веќе сме во финални преговори за дополнителни капацитети кои ќе надминат над 300 мегавати инсталиран капацитет во нашата држава само од фотонапонските централи, истакна Бектеши.

Министерот за животна средина и просторно планирање Насер Нуредини истакна дека фактот што фотоволтаичната централа се пушта во употреба токму на 22 април – Денот на планетата земја покажува како се грижиме за земјата, за декарбонизација и за намалување на емисијата на стакленички гасови во атмосферата.

Премиерот Зоран Заев посочи дека за новите 60 мегавати фотонапонски централи што се градат по принципот на јавно приватно партнерство премиумите што ги доделува државата ја чинат 450 илјади евра годишно, а наплатила три милиони евра од инвеститорите за нивната изградба.

Тој најави дека веќе завршил и огласот за изградба на 100 мегавати фотонапонски централи на местото на поранешниот рудник во Осломеј и оти локациите од по 50 мегавати ги добиле една турска и една бугарска компанија кои наместо предвидените 10 проценти од приходите за ЕСМ понудиле 18,5 отсто – турската и 18 отсто бугарската. Во завршна фаза е, додаде, и изградбата на 10 мегаватната фотонапонска централа во Осломеј што ја инвестира АД ЕСМ.

Како што истакна Заев на локацијата од 477 хектари во Штип каде требаше да се гради транспортен аеродром сега се предвидува да се градат фотоволтаични централи со инсталирана моќ од 300 до 350 мегавати, во Битола треба да се градат 120 мегавати, во Кавадарци 100 мегавати, а веќе изградени има во Кочани 8 мегавати и две од по 15 мегавати во Дебрца.

Дадени се и три лиценци на приватни компании за изградба на ветерни електрани во Богданци, Демир Капија и Свети Николе со вкупна инсталирана моќ од околу 100 мегавати, а интерес за изградба на ветерен парк од околу 400 мегавати во вредност од 520 милиони евра во Старо Нагоричане искажа и германската компанија WPD. Со тоа земјава е лидер во регионот во обновливите извори на енергија кои за една година ги има зголемено за 10,1 отсто, а просекот на развиените земји е 10,3 отсто, рече Заев.

Премиерот најави дека очекува во јуни успешно да заврши и повикот за изградба на хидроцентралата Чебрен во вредност од 600 до 800 милиони евра со инсталирана моќ од 300 до 330 мегавати по пат на јавно приватно партнерство и додаде дека првата фаза од 10-те пријавени ја поминале девет заинтересирани компании и конзорциуми.

https://nezavisen.mk/vo-tenovo-pushtena-vo-upotreba-fotovoltaichna-centrala-so-mokjnost-od-12-megavata/

Тргнува од почеток проектот за изградба на фотонапонски електрани во РЕК Осломеј, ЕСМ го реобјави тендерот

Голем интерес од домашни и од странски инвеститори, но засега слаби резултати во врска со проектот за изградба на две фотонапонски електрани на местото на РЕК Осломеј, кои поточно треба да бидат лоцирани на местото на стариот рудник за јаглен, а да се градат како јавно приватно партнерство (ЈПП).

На тендерот кој беше распишан лани во февруари, а траеше до мај 2020, интерес покажаа многу компании од земјава, регионот и светот. Над 40 компании беа поканети да учествуваат на онлајн презентацијата за овој проект кон крајот на септември минатата година, а кои требаа потоа своите понуди да ги достават до крајот на октомври 2020. После тоа, Владата требаше да го избере најповолниот понудувач и изградбата на електраните да започне во текот на оваа година.

Сепак, само две компании од многуте кои учествуваа на презентацијата, доставиле и конкретна понуда. Но, поради тоа што имало грешки во нивната апликација, нивните понуди не биле прифатени. Имињата на компаниите, не се објавуваат, одговорија од Електрани на Северна Македонија (ЕСМ), на прашањето на Мета.мк.

„Комисијата задолжена за конкретната јавна набавка, ги разгледа пристигнатите понуди. И кај двата понудувача имаше грешка-недостатоци во постапката за аплицирање. Комисијата го извести Управниот одбор на АД ЕСМ, по што тој ја информираше Владата на РСМ, а потоа Владата го задолжи АД ЕСМ да го реобјави тендерот, кој сега е со скратен рок, до 12 март 2021 година“, рекоа од ЕСМ за Мета.мк.

Од овие причини, односно поради грешките во апликацијата, како што посочија од ЕСМ, оваа државна компанија на 4 февруари годинава објави нов оглас за јавна набавка за договор, по принципот на ЈПП, за изградба на една фотонапонска електрана со инсталирана моќност од 2×40 мегавати (максимум 2×50 мегавати) во кругот на стариот рудник РЕК Осломеј, за што крајниот рок на доставување на понудите е 12 март годинава, со период на важност на понудата од 150 дена.

Според Огласот за јавна набавка, договорот за проектирање и изведување на градежни работи за електрични централи има времетраење од 420 месеци. Сега, постапката за доделување на договор за јавна набавка е со скратени рокови, а критериум е најниската цена. Изборот ќе се прави по пат на електронска постапка. Економскиот оператор треба да достави гаранција на понудата од 3 отсто од нејзината вредност и гаранција за квалитетно извршување на договорот од 15 отсто од вредноста на договорот.

„Висината на гаранцијата на понудата се утврдува врз основа на моќноста на фотонапонската електроцентрала и изнесува 20 евра по киловат, ако гаранцијата на понудата ја доставува странско правно лице, или 1.200 денари по киловат ако гаранцијата е од домашно правно лице“, стои во Огласот на Министерството за финансии, каде се наведува и дека периодот на важност на договорот е 35 години (420 месеци) што условува детално и во фази да се предвиди начинот и вредноста на банкарска гаранција за квалитетно извршување на договорот.

Економскиот оператор кој ќе го добие тендерот за изградба на фотоволтаична централа кај ТЕК Осломеј, меѓу другото, треба да достави документи за економска и финансиска состојба, кумулативно во последните три години да има вкупен приход од најмалку 30.000.000 евра, а просечниот годишен приход во последните три години да му изнесува 10.000.000 евра. Понатаму, да инвестирал во изградба, да изградил или да бил подизведувач во изградба на електроцентрала/и од обновлив извор на енергија со вкупна инсталирана моќност од најмалку 25 мегавати во последните 10 години и/или да управувал со електроцентрала/и од обновлив извор на енергија со вкупна инсталирана моќност од најмалку 25 мегавати во последните 10 години.

Инаку, како што соопштија од ЕСМ минатото лето, на површини во рудникот на РЕК Осломеј, предвидена е изградба на две фотоволтаични централи, а таков капацитет од ОИЕ треба да се гради и во РЕК Битола. Тој нов енергетски капацитет треба да произведува струја за 2.000 домаќинства во Кичево, да обезбеди транзиција на производството на струја од јаглен, во зелени извори на енергија, како и работни место за сега вработените во РЕК Осломеј.

https://meta.mk/trgnuva-od-pochetok-proektot-za-izgradba-na-fotonaponski-elektrani-vo-rek-oslomej-esm-go-reobjavi-tenderot/

Ах бе со кирилицата, таму каде што треба не ја користат, во мерни единици ја користат. 200 мегабајти? Мегаволти или мегавати? Нека си се држат до 200 MW.

Туку огласов е само уште еден начин на се дадат пари на луѓе кои веќе имаат многу пари. Сите луѓе блиски до властите, со веќе договорени цени.

Originally posted by Потпишан договорот за изградба на фотонапонска централа Осломеј 04/01/2019 16:13 Претседателот на Владата на Република Македонија, Зоран Заев, заедно со вицепремиерот задолжен за економски прашања, Кочо Анѓушев и министерот за економија, Крешник Бектеши, денеска присуствуваа на потпишување на договор помеѓу директорот за енергетика и енергетски капацитети на ЕБРД, Хари Бојд Карпентер, и директорот на ЕЛЕМ Драган Миновски, за изградба на фотонапонска централа Осломеј. „Најавивме економска година, и од тој аспект, ова е прекрасна прилика да таа економска година ја ставиме во функција“, рече премиерот Заев на почетокот на своето обраќање по потпишувањето на договорот. „Значајно е што државата го повлекува првиот чекор, од она што следува, од преку 200 мегавати нови инвестиции во фотоволтаици или фотонапонска мрежа, којашто на повеќе локации низ државата, под раководство на министерството за економија, вицепремиерот Анѓушев и мојот кабинет, односно советниците за енергетика, подготвуваме неколку локации за јавно-приватно партнерство за 200 мегавати, и давање под концесија за сите заинтересирани кои ќе сакаат да инвестираат во ваквите енергетски обновливи извори на енергија“, појасни премиерот Заев. Овој заем, како што појасни премиерот Заев е прв за ЕЛЕМ без државна гаранција и за него важат целосно пазарни параметри. „Ова претставува пример како еден скоро заборавен објект, ТЕЦ Осломеј полека ќе го претвориме од загадувачки објект во еколошки објект, кој ќе произведува чиста електрична енергија. Ова се само првите 10 мегавати, за кои потпишуваме договор за финансирање, за да бидат изградени. Таму ќе продолжи градењето и во наредните години со повеќе инсталирана моќност до 30-40 мегавати, како што е предвидено во инвестиционата програма на ЕЛЕМ“, потенцираше вицепремиерот задолжен за економски прашања, Кочо Анѓушев. Министерот за економија Крешник Бектеши подвлече дека имплементацијата на проектот „Фотонапонска централа Осломеј“ ќе го зголеми учеството на обновливи извори на енергија во Република Македонија, со што ќе се придонесе за исполнување на стратешките определби на Република Македонија, согласно меѓународните договори за учество на обновливи извори на енергија. Тој истакна дека ова е важна капитална инвестиција од ЕЛЕМ, која се совпаѓа со заложбите на владата но и со новиот закон за енергетика. „Мора да се каже дека нема да застанеме тука, ова е само почетокот, ние како министерство за економија, во тесна соработка со кабинетот на премиерот и кабинетот на вицепремиерот Анѓушев, при крај сме со подготовката на тендерската документација за дополнителна инсталација на 200 мегавати што претходната година ги најавивме и очекуваме да почнат аукциите од февруари оваа година“, рече министерот Бектеши.

https://tv21.tv/mk/potpishan-dogovorot-za-izgradba-na-fotonaponska-tsentrala-oslomej/







Edited by mirakuliks - 06-Jan-2019 at 02:44

Неделава треба да излезе новиот закон за енергетика во кој како што вели Кочо Анѓушев ќе се укинат сите пречки поврзани со производство и продажба на електрична енергија од фотоволтаици.
Државата ќе даде земја и ќе плати за приклучок, а квоти за производство нема да постојат во прв план. Просто изгледа многу и вреди да се истражи и по можност инвестира.
Дали има некој повеќе инфо на оваа тема?