Охрид - град на УНЕСКО

Калишта




Свети Наум




Свети Пантелејмон




Света Софија






Пресвета Богородица со Охрид




Самоилова Тврдина






Канео




Заум



~

http://albanianphotography.net/szekely/index.html


Edited by Zelenikovo - 09-Jul-2020 at 00:03

НАЈКАТАСТРОФАЛЕН ИЗВЕШТАЈ ОД УНЕСКО ЗА ОХРИДСКИОТ РЕГИОН ДОСЕГА, НИШТО НЕ Е МРДНАТО

Уривањето на нелегалните објекти во Охридскиот регион рече недозволиво бавно, а мораториумот за градба беше полн со исклучоци и исто како да не беше донесен, се вели во извештајот на Реактивната мониторинг мисија на УНЕСКО, која го посети подрачјето во јануари минатата година. Заклучокот на катастрофалниот извештај на Мисијата е дека Охридскиот регион ги исполнува условите за запишување на Листата на светско наследство во опасност.

„Инвентарот на нелегалните градби е чекор напред, но уривањето на нелегалните објекти тече премногу бавно, посебно во Северна Македонија. Мораториумот на сите урбани трансформации и промени на брегот кој беше препорачан во 2017 година беше воспоставен во август 2019 година, по двегодишно одложување, од општините Охрид, Струга и Дебрца во Северна Македонија. Но, одлуките на општините вклучуваат неколку исклучоци за бројни градежни активности, и со тоа се губи смислата на мерката. Мисијата смета дека мораториумот треба да биде построго спроведуван и исклучоците да бидат значително ограничени. Идеално, само обично одржување и работи поврзани со отпадните води треба да бидат вклучени во исклучоците и да се дозволи да продолжат, а сè друго треба да биде запрено додека не се направи комплетна проценка“, се вели во извештајот на 125 страни.

Мисијата заклучува дека дејствијата побарани уште во 2017 година не се комплетирани за да се адресираат ранливостите и заканите идентификувани тогаш, а како резултат на тоа не е запрена постепената ерозија на атрибутите, сè уште се развиваат проекти кои се закана, а Мисијата откри и нови закани.

„Затоа, евидентно е дека подрачјето е многу ранливо порaди значителни проблеми со менаџментот и лоша имплементација на законите. Ова доведе до несоодветни интервенции, негативни ефекти на урбаното планирање и предлози за големи проекти, кои резултираа со сериозно нарушување на урбанистичкото урбаниот, руралниот и природниот пејзаж, што пак предизвикува подрачјето да ги исполни условите за запишување на Листата на светско наследство во опасност“, велат од Мисијата на УНЕСКО.

Пред да дојде Реактивната мониторинг мисија во јануари минатата година, УНЕСКО го објави најнеповолниот извештај за Охридскиот регион, во кој беше побарано отстранување на дивопоставените објекти вдолж брегот на Охридското Езеро и во заштитеното подрачје на градот, целосна забрана за градба, усогласување на урбанистичките планови со Планот за управување со светското природно и културно наследство на Охридскиот Регион, заштита на старата градска архитектура и отстранување на урбаната опрема околу значајните знаменитости во градот и сончевите колектори од куќите во Стар Град, меѓу другото.

Охридскиот регион е на листата на Светско наследство на УНЕСКО од 1979 година.

https://sdk.mk/index.php/naslovna/najkatastrofalen-izveshtaj-od-unesko-za-ohridskiot-region-dosega-nishto-ne-e-mrdnato/

Liverpul go izgubi statusot, toa e opomena deka e možno da se izgubi. Vo razgovor so Ohridjani, pretežno pomlada vozrast, baš im e gajle za UNESCO, neka se puštat kafanite da odat do srede ezero i neka teče zabavata

УНЕСКО ДАДЕ УШТЕ 2 ГОДИНИ РОК ЗА ОХРИД ДА ГО ЗАШТИТИ ПРИРОДНОТО НАСЛЕДСТВО

Охридскиот Регион уште 2 години нема да биде впишан на Листата на светски културни и природни наследства во опасност, откако Комитетот за светско наследство денеска одлучи Македонија и Албанија да добијат уште две години да ги исполнат препораките на УНЕСКО. Оваа одлука предвидува прецизна листа на обврски и временски рокови, како и строг надзор од УНЕСКО за исполнување.

Комитетот за светско наследство на УНЕСКО одлуката ја донесе попладнево на 44-та седница во Фужоу, Кина, по тридневни интензивни консултации на делегациите откако Норвешка и Австралија беа против предлогот Македонија и Албанија да добијат дополнитеен рок до 2023 за отстранување на проблемите кои ги загрозуваат универзалните вредности на Охридскиот Регион. Првичен предлог на Реактивната мисија беше Охридскиот Регион да се стави на Листата наследство во опасност, но тоа беше изменето завчера по амандманот предложен од Босна и Херцеговина.

„Остануваме впишани на престижната листа на УНЕСКО. Но, ако целото крајбрежје, целото културно наследство, ако нашите Охрид, Струга и Дебарца не се впишани во нашите срца, бадијала е впишувањето или отпишувањето од која било листа“, вели министерката за култура и претседателка на Националната комисија на УНЕСКО, Ирена Стефоска.

На крајот на сесијата, министерот за животна средина Насер Нуредини му се заблагодари на Комитетот што ги препознал напорите на двете држави и што даде дополнителен период за целосно да се заврши започнатата работа и за целосна имплементација на добиените препораки.

„Задоволни сме што Охридското Езеро и регионот ќе добијат шанса да го одржат својот статус и во дадениот рок ќе имаме време да ја комплетираме заштитата на ова исклучително природно и културно наследство. Сепак, ова значи и дополнителна одговорност, така што сега е време навистина заедно да работиме и да осигураме дека во иднина нема пак да се најдеме во иста ситуација. Затоа, ги поканувам сите партии, приватниот сектор, локалната власт и граѓанските организации да соработуваат и да придонесат за заштитата на Езерото и на целиот регион“, рече Нуредини и додаде дека верува оти соработката за заштита на Охридскиот Регион ќе биде пример за регионална соработка.

Претставникот на Охрид СОС го осуди дадениот дополнителен рок од 2 години, и кажа дека со истата одлука во 2019 Комитетот на УНЕСКО придонесе Охридскиот Регион да има 2 години повеќе за бетон, ѓубре и загадување и дека и со оваа одлука ќе се случи истото.

Минитерката Стефоска вели дека оваа одлука е последен момент, последен аларм да се интензивираат активностите на сите засегнати страни со цел да се зачува статусот на Охридскиот Регион. Таа вели дека Комитетот со оваа одлука го препозна и уважи напредокот на Македонија и Албанија за зачувување и на исклучителната универзална вредност на Охридскиот Регион. Таа вели дека со оваа одлука, Македонија и Албанија се обврзаа да донесат заеднички стратешки план за рехабилитација на Регионот и дополнително да го подигнат нивото на билатералната заштита и управување со светското наследство. Двете земји добиваат повеќе време за да ги исполнат препораките кои произлегуваат од реактивните мониторинг мисии и одлуките на Комитетот.

Покрај засилената конкретна соработка со Албанија, во периодот кој претстои, Стефоска вели дека се засилува соработката и координацијата со Центарот за светско наследство и советодавните тела на УНЕСКО, како и со Европската Унија и другите стратешки партнери со цел соодветна рехабилитација и управување со Охридско-Струшкиот Регион.

Реактивната мониторинг мисија на УНЕСКО од 2020 забележа дека е направено премалку да се запре уништувањето на урбаниот и поширокиот пејзаж со несоодветни конзервација, реконструкција и развој. Мисијата смета дека високите објекти близу до езерото, слабиот архитектонски квалитет на изграденото (посебно во поголемите градови Охрид, Струга и Поградец, но и долж брегот надвор од градовите), и несоодветната и претерана употреба на крајбрежјето за туристичка инфраструктура, имаат големо негативно влијание на универзалната вредност на Охридскиот Регион.

https://sdk.mk/index.php/naslovna/unesko-dade-ushte-2-godini-rok-za-ohrid-da-go-zashtiti-prirodnoto-nasledstvo/

Од овој агол ретко сме имале фотки:

Кон крајот на 1920-тите години, голем број на млади луѓе од целата територија на Кралството Југославија дошле да живеат и работат во Македонија, привлечени од добрата понуда на работа и егзотичноста на овој непознат регион од младото југословенско Кралство. Еден од нив е и хрватскиот фотограф Мирослав Бељан. Бељан е роден во Загреб во 1909 година. Таму го научил фотографскиот занает, црпејќи знаења од напредните австриски и германски фотографски техники како и уметничките естетики на авандгардниот германски филм кој претставувал нешто најмодерно во уметноста во Европа од тоа време. Кон крајот на 1920тите години Бељан доаѓа во #Струга каде што соработува со македонскиот фотограф Ставре Попоски. На почетокот на 1930тите години отвора фотографски дуќан во Охрид, кој бил лоциран во близина до пансион-хотелот Белви крај Охридското Езеро. Во Охрид ја среќава и се венчава со својата љубов – Македонка , Охриѓанка која подоцна и самата работела како фотограф во Воената Болница. Го поминува целиот свој живот во Охрид каде што и починува во 1998 година.

Дуќанот на Мирослав Бељан во Охрид



https://www.facebook.com/artlexicon.mk/

УНЕСКО: Од покривите во Охрид треба да се отстранат клима-уредите!



До февруари 2023 година, по барање а УНЕСКО, жителите на стариот дел на Охрид, треба да ги отстранат или да постават на друго место, сите елементи што им се на крововите – од клима уреди,сончеви бољери, панели, сателитски антени.

УНЕСКО и сите закони кои ги имаме тука за заштитеното старо градско јадро укажуваат на тоа вие и да имате клима, треба да биде поставена некаде каде нема да се гледа.На многу од нив има поставено панели,сончеви бољери.Сите тие се забранети и не треба да бидат таму“, изјави Миште Туткоски-директор на Завод и музеј Охрид

Станува збор за повеќе стотици вакви нелегално поставени елементи, а голем е бројот и на доградби, бесправно изградени настрешници, гаражи, зидови, велат од музејот.

„Ние вршиме увид и реагираме и пуштаме пријави до Управата за културно наследство.Меѓутоа нема никаква разрешница да бидам искрен. Понатаму тие пуштаат инспекциски надзори.Во нивните решенија, тие можат да им укажат, да им изречат казни, задолженија да ги отстранат тие елементи.Но ете не мислам дека се спроведуваат до крај сите задолженија кои ги добиваат граѓаните“, изјаи Мише Туткоски- директор на Завод и музеј Охрид

За ситуацијата во која се наоѓа охридскиот регион, постои голема загриженост.

„Цела Македонија, комплетно со власт и влада гледа што се случува во Охрид и градби и дивоградби. И мора да се испочитува она што УНЕСКО го бара. Ова е град на УНЕСКО, град на Свети Климент и тој примат треба да се задржи, а не да се задржи приматот на одредена групација на луѓе, за лични интереси од кои граѓаните на Охрид бенефит не гледаме“, изјави Никола Иванчиќ-сопственик на агенција за недвижнини

Охрдиките власти досега успеваа да ја пролонгираа одлуката на УНЕСКО, Охрид да не се најде на листата на загрозени подрачја, но Постои страв дека поради краткиот рок кои институциите го имаат на

УНЕСКО, исто така бараше да се запре со нелегалната градба и да се реши проблемот со загадувањето на езерото.

Постои страв дека поради краткиот рок кои институциите го имаат на располагање за решавање на сите поставени задачи од страна на УНЕСКО, Охрид може да се најде на листата на загрозени подрачја под негова заштита, веќе следната година. /

https://alsat.mk/mk/unesko-od-pokrivite-vo-ohrid-treba-da-se-otstranat-klima-uredite/

IMG_20220415_162425 by Bryan Keith, on Flickr

IMG_20220415_194823 by Bryan Keith, on Flickr

IMG_20220415_194851 by Bryan Keith, on Flickr

IMG_20220416_160848 by Bryan Keith, on Flickr

20220416_213626 by Bryan Keith, on Flickr

20220416_214147 by Bryan Keith, on Flickr

Galičica National Park by Tibor Lelkes, on Flickr

Galičica National Park by Tibor Lelkes, on Flickr

Galičica National Park by Tibor Lelkes, on Flickr