ТЦ Зебра

Еве и анкета  

Од мене 2

Објектов на крај не излезе толку грд колку што се плашев поради рендерот, но сепак е прилично грд. Сепак 2-ката не произлегува само од изгледот. Кога би гласал за изгледот, за наши услови би дал 4-ка.

Внатрешноста е океј, но не ме импресионира. Пристојна, но премногу неинвентивна и стерилна. Дополнително ми боде очи тоа што објектов е збир од „ходници“. Прво тука е главниот - еден најобичен ходник. Потоа е чудниот супермаркет кој со својот ненормален  сооднос на широчина и должина исто така делува како ходник. А колку што можам да видам и гаражниот дел е со таков сооднос. За внатрешноста би дал некоја средна оценка.

Но клучната работа што највеќе ми боде очи е соодносот на површината за паркирање спрема комерцијалните и деловните содржини.
Не смее да се дозволи маркици за катни гаражи вака „елегантно“ да стануваат трговски и деловни центри. Тоа е чист криминал! Така да двојката донекаде е и подарок, се мислев за единица... ама спомен куќата на Мајка Тереза е сепак една и единствена 


Edited by Cloverstack - 23-Nov-2009 at 18:21

Му дадов тројка бидејќи секогаш има место за погрдо од ова, ама поубаво од куќата на мајка Тереза. Инаку да те поправам ovaj_stariov, ова не е катна гаража, туку трговски со катна гаража. Затоа и цела мака и муабетот дека нè прелажаа.

Двојка...најмногу заради криминалната димензија на објектов и зголемувањето на паркинг-проблемот на Капиштец...ако се опраи некогаш државава, објектите од ваков тип ќе ги решаваат багери...

3-ka, зошто внатре ипак има катна гаража, како и солиден надворешен паркинг.

Јас сепак отидов со тројка.

Голем минус е пренамената на објектот но благ плус е дека таа појава не е толку драстична како во некои други случаи. Мислам дека доколку зафржеа барем едно цело ниво за паркирање ситуацијата ќе беше драстично различна (со оглед на тоа дека основата на објектот воопшто не е мала). Косиот кров и подкровјето ме вадат од такт. Доколку ги немаше можеби ќе дадев и една 4ка. Не дека остатокот на надворешноста плени, но и далеку е од крај на свет (за скопски услови).

За внатрешноста Кловер ја има опишано добро. Пристапот од катната гаража до самиот центар е конфузна а каква е комуникацијата со канцеларискиот и хотелскиот дел незнам. Центарот е навистина стерилен, со подобар избор на материјали можеле да направат нешто далеку подобро. Супермаркетот е тесен, што не прави никаква логика со оглед на тоа дека се работи за нов објект.

Во секој случај мислам дека објектов заслужува 2 оценки повеќе од Дилајла која ќе има чиста единица.

Originally posted by Dave Gahan А што е со рампите од повеќе од 25% нагиб и висина на влезот за возила од 2.00м??? Многу фино вака ги коментираме двојки, тројки, ама кога станува збор за некаква естетика на фасада (која исто е многу сомнителна)...

Па не би требало да коментираме само фасади, фино си пишува во препораките за гласање што се треба да се земе во предвид. Е сега колку тоа функционира во пракса.........

како ПП возило ќе гаси запалена кола на кат???

Не сум сигурен колку ова може да биде релевантен параметар во случајов. Би било убаво да може да влезе пожарна на кат, но зарем може да се симне пожарна во ГТЦ? Имам видено доста паркинзи од овој тип по светов каде единствениот пристап на ПП возило би било со пумпи од надвор. Мислам дека таква опција постои и овде.

Не сум имал прилика да паркирам внатре, ама како разбрав маркирани се 3 паркинг места во распон од 7,4м - три smart-а неможе да влезат во тој простор...

Овие карактеристики на објектот се катастрофа вака од "око" кажано. Не само рампите, димензиите на паркинг местата туку и кривините и воопшто коридорите по кои треба да се движат возилата се комплетно утнати.

Утнат е дури и влезот во надворешниот паркинг (од страната на Васил Ѓоргов) каде за да човек се постави ведаш до автоматот со колата за да ја земе картичката треба да фати голем лак влегувајќи во спротивната лента на улицата.

Друга тема е месечната кирија за паркинг на станарите од околните згради од 3000 ден. и годишната од 30 000ден - баш да видам кој ќе се заинтересира да паркира таму и да оди 5мин пешки до дома...како ќе се реши проблемот со паркирањето во Скопје, на овој начин ли?

Јас лично барем воопшто не гледам начин да се реши паркирањето за станарите на овој начин. Не гледам комерцијална логика било кој да инвестира во катна гаража и да нуди багателни цени за луѓе да може да ја оставаат колата таму по цела ноќ или по цели викенди... Со ова не сакам да го оправдам потенцијалниот криминал со пренамена на маркичката и сл, туку само искажувам мое мислење за тоа колку една катна гаража може да го реши паркинг прашањето во Капиштец.

Сепак за голем број луѓе кои се во населбата на неколку часа, гаражава нуди едноставно решение. Еве јас често имам работа во тој дел од градот и од кога е гаражата многу полесно калкулирам со времето. Претходно единствен сигурен начин да ја паркирам колата беше ако ја оставам за перење пред Беверли. На индиректен начин со ова се олеснува паркирањето за локалците бидејќи еве јас а веројатно и некои други веќе не им ги користиме нивните паркинг места кога сме во населбата.


Edited by pbanks - 25-Mar-2010 at 11:45

Да не знае некој за колку се издаваат дуќаните во Зебра? Не дека сакам да земам, туку да видам колку се исплати катната гаража