Урбани животни

Овие се благо речено ненормални. Прво, нема да ги тргнат коњите кои се дел од запрежните коли, а второ ако се најдел сопственикот, ќе се врател. Да, тоа е глупост, нз како ќе се докаже кој е сопственик, ама самата поента е да се тргнат од градот, да не го грдат, а не и да се најде сопственикот да се врати назад. Мислам дека мојов и претходниот пост се за друга нишка. Ми се гади се повеќе од градов. Денес колку што видов запрежни коли, толку во претходните 4-5 години немав видено. Ужас.

Коњите-скитници ќе почнат да се заловуваат

Коњите-скитници нема веќе да шетаат по градските улици и да го загрозуваат сообраќајот.



Приколката за транспорт на коњи чини 5.000 евра
Стационарот Вардариште е подготвен и за прием на заловени коњи, а вчера беше промовирана приколката за превоз на крупен добиток, која градот ја набави за ЈП „Комунална хигиена“.

- Набавивме приколка по иницијатива на месните заедници и на граѓаните, бидејќи имаше многу случаи кога коњи шетаа по јавните зелени површини и по жардиниери низ градот и имавме проблем како да ги пренесеме од местото на заловување до местото одредено за престој. Откако ќе се залови, коњот ќе се однесе во Вардариште, каде што може да остане од 15 до 30 дена. Доколку во тој период не дојде по него сопственикот, коњот ќе се однесе во Зоолошката градина или во резерватот „Јасен“ - изјави градоначалникот Коце Трајановски.

Приколката за превоз на крупен добиток од марката „кнот“ е изработена по нарачка и поседува атест. Чини речиси пет илјади евра.

Стационарот Вардариште е подготвен и за прием на заловени коњи од градските јавни површини. Пред набавката на приколката се извршени сите зафати. Обучени се екипи од стационарот штоќе ги заловуваат коњите и ќе ги транспортираат.

- Има два простора подготвени за прием. Отворениот простор е посебен бокс од мрежа, а за зимските месеци има покриен дел што може да собере неколку десетини грла. Коњите добиваат посебна ветеринарна заштита - рекоа од градската управа.

http://www.novamakedonija.com.mk/NewsDetal.asp?vest=72311925449&id=14&setIzdanie=22338

Запрежна кола поминува триумфално низ Порта Македонија.Милина.

Во ваква сурогат-држава за такво нешто може само да сонуваме!

ПОЧНА ДА СЕ КОРИСТИ ПРИКОЛКАТА ЗА ПРЕНОС НА ДОБИТОК

Еден коњ помалку на скопските ливади



Досега едно животно е фатено и е пренесено во стационарот „Вардариште“ со новата приколка за транспорт на крупен добиток, која Градот и ЈП „Комунална хигиена“ ја промовираа во петокот

Досега само едно животно е фатено и пренесено во стационарот „Вардариште“ со новата приколка за транспорт на крупен добиток, која Градот и ЈП „Комунална хигиена“ ја промовираа во петокот. Со помош на оваа приколка градските власти се надеваат дека ќе го решат проблемот со коњите и другиот крупен добиток кои слободно се напасуваат низ населбите во Скопје. Ги има насекаде - во Аеродром, Карпош, Ѓорче Петров, а се случува да шетаат и сред центарот.

Освен што изгледа смешно и несериозно да се дозволи сред метропола да пасе добиток, овие урбани животни честопати се и опасни. Скопјани досега имале многу непријатни случки со нив: биле нападнати, па дури и повредени од коњи, или се извадиле од памет или, пак, претрпеле некаква штета на нивниот имот.

Нема да завршат како храна за лавовите

Идејата е животните со помош на приколката да се однесат во стационарот во Вардариште, каде што за нив е изграден и уреден посебен дел.

Таму ќе престојуваат до 30 дена, а за дел од тоа време ќе бидат под медицински третман. Ако во тој период се јави сопственикот, ќе може да си го врати животното назад, но ќе мора да ги плати трошоците што ги направила „Комунална хигиена“. Ако нема сопственик, според објаснувањата на градските власти, животното ќе биде пренесено во Зоолошката градина или во резерватот „Јасен“.

Со оглед на тоа дека најчесто сопствениците на коњите се сиромашни граѓани, малку е веројатно дека кој било ќе дојде и ќе плати за да си го земе коњот. Од Градот не објаснуваат што конкретно ќе се случува со коњите во двата случаја - кога сопственикот ќе си го земе животното и кога ќе им го остави на надлежните. Ако сопственикот плати, ќе си го земе коњот и пак го напасува во урбаните населби, проблемот не е решен, туку е свртен во круг. Од друга страна, се поставува и прашањето што бараат заловените коњи во Зоолошката градина или во резерватот „Јасен“, каде што живеат диви животни?

- По истекот на рокот за престој во „Вардариште“ животните ќе бидат комплетно безбедни и згрижени без да доживеат трагична судбина. Морбиден е фактот воопшто да се помисли дека тие би служеле како храна за други животни - истакнуваат од одделението за односи со јавност во Градот.

Приколката може да се изнајмува

Коњите и другиот крупен добиток од улиците ќе ги прибира тим од четворица заловувачи кои се искусни во работата со вакви животни и знаат како да постапуваат при нивното фаќање.

Новата приколка е од марката „кнот“, двоосовинска, со две врати - задна и странична. Изработена е по сите стандарди, со посебна кочница и поседува атест, а го чинеше Градот 300.000 денари. За определен надомест во „Комунална“ ќе можат да ја изнајмуваат и граѓаните што имаат потреба да пренесат крупен добиток.

Во врска со запрежните коли кои уште почесто се среќаваат по улиците, па дури и во сообраќајот на булеварите и магистралите, градоначалникот Коце Трајановски при промоцијата на приколката рече дека тие никако не смеат да бидат во сообраќај.

- Доколку бидат забележани, сопствениците ќе бидат казнети или пак предупредени да се префрлат на друго место - рече тој.

http://www.dnevnik.com.mk/default.asp?ItemID=0EC13054B820D64EA4C049F78EF1D298

Па тука е проблемот, они скокаат само за кучиња, а кон другите животни се однесуваат игнорантски. Па поголема екслоатација е јавање коњ на запрежна кола, отколку носење во Вардариште на кучињата скитници. А што правиме што коњиве се носат во Вардариште? Тоа е кога и т.н. невладини организации се со двоен аршин.

ФОТО: Си го разладува коњот на фонтана во Аеродром
Забава | 10. септември 2011 - 14:35
Еден наш читател успеал да го фотографира овој човек додека си го разладува и чисти својот коњ во фонтана во населбата Аеродром во Скопје

http://press24.mk/story/zabava/foto-si-go-razladuva-konjot-na-fontana-vo-aerodrom

 
Се случува секоја година, и се реагира секоја година - и џабе. За некои законот не постои, а да не зборувам за култура... Порано и помасновно беше, дури и колење на животни тука се правеше.

Какви решенија постојат против гулаби што упорно се гнездат по кровови на згради? Постои ли служба за нивно истребување како што има за дератизација?

никој никаде не го искоментира сточниот хаос на битпазар во средата?