Плоштад ВМРО - Скопје

Градот Скопје денеска објави Конкурс за изработка на основен проект за изградба на плоштад ВМРО во централното градско подрачје на Скопје. Повеќе информации се надевам дека ќе има во утрешниот ден, откако ќе исконтактирам со градските власти. Во секој случај, може ли некој да посочи која слободна површина во центарот на Скопје остана непополнета за да се изгради нов плоштад?

Или платото пред АРМ заедно со целиот простор околу новата црква
Само тоа му фали на центарот, уште еден плоштад очигледно дека пералнава за пари нема никаква намера да престане во 2014 година, ниту да се оганичи на првобитните планови.

Да не е случајно кај седиштетето на ВМРО-ДПМНЕ

Originally posted by Andrej_LJ Или платото пред АРМ заедно со целиот простор околу новата црква Само тоа му фали на центарот, уште еден плоштад очигледно дека пералнава за пари нема никаква намера да престане во 2014 година, ниту да се оганичи на првобитните планови.

 
2014 година од поодамна е исфрлена од игра како завршна година за градежните глупости во Скопје. Пред неколку месеци актуелниот премиер изјави дека Скопје 2014 мутира и се претвора во Македонија 2017.
 
Каков ќе биде мутантот во 2017 година, само Бог знае.


Edited by Dexter26 - 24-Jun-2013 at 19:22

Originally posted by pfc Во утрешниот број на Дневник пишува дека плоштадот ќе биде лоциран " меѓу катната гаража што се грди на улицата Даме Груев и ТЦ Плаза"

Кај јас што живеам!
Се оствари мојот животен сон! Скопје ионака се си имаше (особено во тој дел), но сега е потполно

Конечно тоа што му недостигаше на градот. А гледам и фонтана ќе има. Ајде Вале стај се у погон!

на МКД порталот пишува дека ќе биди со 600 м2 површина,така да од плоштад ќе ги видиме само првите две букви(можеби ни толку)

Трајановски не се откажува од изградба на плоштад на ВМРО-ДПМНЕ

Градот веќе бара фирма која ќе го осмисли утредувањето на просторот



Деспина Трајковска

Градските власти не се откажуваат од намерата да го уредат просторот помеѓу паркингот на ТЦЦ „Плаза“ и доскорешното седиште на ВМРО-ДПМНЕ, иако од Центар ги предупредија дека тоа е простор за кој е надлежна Општината. Од Градот веќе бараат фирма која ќе има обврска да го проектира посочениот реон за кој се шпекулира дека, всушност, ќе биде плоштад на ВМРО-ДПМНЕ со фонтана и споменик. Неодамна надлежна комисија веќе го отворила тендерот, поточно објавениот конкурс за проектирање.

Само две фирми се пријавиле да го осмислат просторот, а дали и која ќе биде ангажирана за таа цел ќе се знае најдоцна за еден месец.

„Надлежната комисија сега ќе ги разгледува понудите, па потоа ќе се одржи електронска аукција по која ќе се знае конечниот исход од постапката“, објаснуваат од Град Скопје од каде што информираат дека и двете заинтересирани фирми се домашни.

Инаку, од Град Скопје пред околу еден месец го распишаа огласот за основен проект за изградба на плоштадот и тогаш напоменаа дека за сите детали ќе информираат по завршување на постапката. По прозивките во јавноста дека тоа не е надлежност на градските власти, градоначалникот Коце Трајановски посочи дека Градот има обврска да го уреди просторот, бидејќи за потребите на подземната сообраќајница ќе го раскопува делот пред и зад ТЦЦ „Плаза“.

Од Општина Центар, пак, реагираа дека во случајов Град Скопје нема ингеренции, а истовремено укажаа дека постапката за уредување на парцелата ја почнала Општина Центар непосредно пред изборите, на истекот на мандатот на Тодоровиќ, што за нив е доказ дека Општината е таа која треба да го уреди просторот. Од Центар рекоа дека Општината распишала конкурс за идејно решение за тој реон. На конкурсот се пријавиле неколку заинтересирани со проект за изглед во барок и модерен стил. Прва награда не била доделена, а имало второнаграден труд со барокен изглед, како и трета награда и едно откупено решение.

http://www.utrinski.com.mk/default.asp?ItemID=54DF171D2056C94B8603436BE14E6AD3

Интересна локација. Веднаш до зградата која се гради со години и која сега претставува депонија и сврталиште за бездомници. Туку, јас се чудам, како досега не им текна да изградат некоја пирамида.

ОДЛОЖЕН ИЗБОРОТ НА ФИРМА ШТО ЌЕ ГО ГРАДИ ПЛОШТАДОТ ВМРО



Вчерашното јавно отворање на понудите беше пролонгирано за 25 март по барање на некои од учесниците на тендерот

Уште не се знае кој ќе го гради плоштадот „ВМРО“ кај новата зграда на владејачката партија. Иако вчера градските власти требаше јавно да ги отворат понудите на градежните компании подготвени да го уредат просторот, тоа не се случи.

„По барање на некои од учесниците, отворањето на понудите е одложено за 25 март“, информираа вчера од Градот.

Практично, ова е втор пат да биде одложен закажаниот краен рок за достава и за отворање на понудите. Тоа, како што велат од Градот, е законски дозволиво.

Градските власти проценија дека за изградба на плоштадот ќе потрошат 1,4 милиони евра. Предвидено е да се уреди просторот зад хотелот „ТЦЦ Плаза“ и новата зграда на ВМРО-ДПМНЕ, која се гради на местото на стариот објект. Плоштадот ќе биде со површина од 681 квадратни метри, предвидено е да се постават канделабри и клупи, е ќе има и фонтана со спомен-обележје.

Истовремено, како дел од акцијата на Градот за обнова на фасадите, стилски ќе се „преслечат“ и сите згради што гравитираат околу новиот објект на ВМРО-ДПМНЕ. Како точно ќе изгледаат и колку ќе чини нивната реконструкција, допрва ќе се одлучува. Се' уште е во тек јавниот повик за избор на идејните решенија за реконструкција на надворешниот лик на зградите. Но, извесно е дека тие ќе бидат во стилот на „Скопје 2014“.

http://www.utrinski.mk/?ItemID=87863891C0520041A3453999D1E8362E