Плоштад ВМРО - Скопје

Да имаме претстава каде ќе се наоѓа плоштад ВМРО. Судејќи по изградбата на зградата, на некој му се брза што порано да почне изведбата на плоштадов.

Originally posted by phenomenon Јак ќе ми биде тој плоштад од сите страни опкружен со згради. Морав да го барам на Google Map. Оние што не се од Скопје нема ни да знаат кај се наоѓа.

тоа е, кога за некој, секоја поширока поплочена површина е плоштад...

Плоштадот ВМРО ќе добие своја улица

Плоштадот ВМРО ќе добие своја улица преку која возилата ќе имаат пристап до институциите и објектите кои се наоѓаат во непосредна близина. Овде претходно се наоѓаше седиштето на владејачката партија ВМРО-ДПМНЕ, а сега на истата парцела фирмата „Бетон – Скопје“ гради хотел, така што новата улица ќе го олесни движењето во овој дел, пренесува Плусинфо.



Директен пристап до своите канцеларии ќе има и партијата со оглед на тоа што ќе ѝ припадне дел од просториите на хотелот. Улицата ќе го обиколува плоштадот и ќе се движи на просторот кој претходно се користеше за паркирање, пред и околу „ТЦЦ Плаза“.

Како плоштадот, така и оваа улица ќе ја уредува Град Скопје, иако како сервисна треба да ѝ припадне на Општина Центар. Градот деновиве распиша оглас со кој бара фирма која ќе го подготви проектот за улица околу плоштадот. Во план е да се изврши реконструкција и проширување, а крајниот рок за поднесување на понудите истекува на крајот од месецов.

http://skopjeinfo.mk/gradot/309305/plostadot-bmro-ke-dobie-svoja-ulica

Edited by jyvation - 06-Nov-2014 at 14:28

Браво за Коце. Знае човек што е приоритет за овој град.

1.400.000 евра 

Прилично грозоморен контраст. Оваа инвестиција не е потполна сè додека Лотарија и Градот не придонесат преку нови фасади.

Зашто така наложува македонската верзија на логиката.

„Лавица“ на Елена Дуковска ќе го насели плоштад ВМРО

Скулпторката Елена Дуковска ја доби првата награда на конкурсот на Град Скопје за изработка на идејно решение за спомен обележје и фонтана кои ќе се најдат на плоштадот ВМРО пред седиштето на владејачката партија, сместено во новоизградениот хотел.



Трудот на Дуковска ја носи шифрата „Лавица“ и содржи претстава со мотиви од историјата на ВМРО кои во релјефен манир ќе се најдат на столб среде плоштадот.

„Трудот преку својата пластика и релјефно обликување го привлекува вниманието на гледачот, воедно најсоодветно ги истакнува историските белези на внатрешната Македонска Револуционерна Организација, истакнувајќи се со одлични композициски партии кои се соодветно организирани и претставени на рељефното обликување. Ваквиот скулпторски набој придонесува за длабокото доживување на решението“, смета Одборот во Град Скопје кој го избрал трудот на Дуковска за реализација.

Го побаравме идејното решение од Градот, но не го добивме до објавувањето на текстот. Според досегашните информации, на плоштад ВМРО треба да се подигне мермерен столб на среде фонтана, на кој ќе бидат изрезбани ликови и настани од историјата на организацијата. Постои можност да се постави скулптура или некаков детаљ на врвот од столбот.

На конкурсот што го распиша Градот во ноември за ова спомен обележје, пристигнале три труда на уметници. Сите три и биле изложени цели два часа на увид на јавноста на 29 декември и само тогаш граѓаните имале можност да видат како ќе изгледа идната фонтана.

„Одборот објави во дневниот печат јавно изложување на пристигнати конкурсни трудови за изработка на идеен проект за подигање на спомен обележје фонтана Плоштад ВМРО- релјефно обликување на фонтаната со настани, личности и симболи од историјата на Македонија. Воедно, Одборот го закажа Јавното излагање во ден 29.12.2014 година од 10.00 часот до 12.00 часот во барака 9 во просториите на Град Скопје. Во рамките на спроведеното Јавно излагање, во предвидениот временски рок од 10.00 часот до 12.00 часот не се појави ниту еден субјект и Одборот го затвори Јавното излагање“, се наведува во известувањето до Градското собрание.

Дуковска за овој труд добила награда д 50.000 денари. Таа е инаку автор на скулптурата „Чистачот на чевли" лоцирана пред продавницата „Мекс" и стои зад два од четирите лава на мостот „Гоце Делчев“ кај Владата. Втората награда од 30.000 денари му припаднала на Ангел Нацевски од Скопје, а третата од 15.000 денари на Синиша Манич.

Уредувањето на овој плоштад ќе чини 1,3 милиони евра, пари кои ќе се идвојат од буџетот на Град Скопје, а за градежните работи ќе биде ангажирана фирмата „Урбан инвест“.

http://plusinfo.mk/vest/12872/lavica-na-elena-dukovska-kje-go-naseli-ploshtad-vmro

Како е можно една политичка партија да си гради плоштад со државни пари?

Али дпмне го злоупотребува ВМРО на големо.