Министерство за финансии (Југобанка)

Работата на зградата на Министерството за финансии, само визуелно е во мирување, бидејќи пред започнувањето на градежните активности, истата требаше да помине низ многубројни процедури, истакна Жаклина Ангеловска, директор на Енергоплан Инжинеринг.

На објектот познат како стара зграда на Југо банка, по тендерот, се направил идеен проект, кој чекал одобрување, се превземале мерки за локациските услови и било потребно време за целата документација да се приспособи на новодонесените закони. По свеченото одбележување на работата, зградата не  била достапна за градежната фирма, поради истрагата која полицијата и крим техниката ја вршеа во објектот поради пронајдените остатоци од човечки тела.

-Не може веднаш да започнеме со градба, доколу ја пратиме законската процедура. По истрагата која ја спроведе полицијата започнавме со анализи од аспект на санација, како би ги запазиле стандардите. Процедурите и надзорот ги завршивме, па дури сега можам да кажам дека се е под контрола, истакна Ангеловска.

Директорката потврди дека објектот има одобрение за градба и дека токму таа инсистирала се да оди според законите, да се добие целата потребна документација пред да започнат градежните работи. Директорката изјави дека во моментов се чека на потврди од Министерството за труд и социјална политика и од МВР за одобрение за работа од конкретно пријавените работници.

-Произведувачите и работниците мора да се пријавени од безбедносни аспекти. Нам ни се врши притисок од медиумите кои прашуваат зошто не се гради. Како директор неможам да дозволам да се брза. Најдовме решение за многу работи, објасни директорката.

Од добивањето на тендерот до денес, работата на зградата на Министерството за финансии, не била ставена во мирување, туку се работело на сите влезни параметри. Освен документацијата, проблем имало и со паркинг местата околу зградата, проблем кој сега е решен со подготовката за почеток на градежни работи за нова катна гаража.

Во рок од една година, ќе се заврши и санацијата и градбата, а со конкретните градежни работи започнуваме за 20 дена, откри Ангеловска. http://www.kurir.mk/makedonija/vesti/29665-Vistinata-za-novata-zgrada-na-Ministerstvo-za-finansii