Паркови (општо)

Меѓу плоштадот скендербег и македонската филхармонија.
Очекував нешто поспецифично, па да се надеваме дека шило ќе се грижи за останатото.
Иначе оваа парцела е веќе продадена значи ова е чисто привремено.




(фб Ардијан Муча)

Сега налетав на оваа вест од пред една-две недели

Карпош ќе добие адреналински парк

Општина Карпош планира да изгради адреналински парк кој ќе се протега на вкупна површина од 6.500 м2, а се очекува да започне во мај годинава, за што денеска се одржа јавна расправа.



На средбата присуствуваа претставници од граѓанскиот сектор, бизнис секторот и локалната самоуправа кои се активни и работат во областа на одржливиот развој и животната средина, како и заинтересирани граѓани од Општина Карпош.

Според планот на Карпош, ќе биде реконструирано детското игралиште на површина од 480 м2, скејт-паркот на 1.100 м2, ќе биде изградено ново игралиште за одбојка и фудбал на песок, а атрактивниот адреналински парк за возрасни и деца ќе биде изграден на три нивоа, кој ќе се позиционира на површина од 1.600 м2.



Предвидено е просторот дополнително да биде облагороден со хортикултурно уредување, каде ќе бидат засадени повеќе од 100 дрвја. Ќе биде поставена и нова урбана опрема, клупи, корпи за отпадоци и лежалки за релаксација. Планирано е да се изгради и плато за одмор со мини сквер, а во околината ќе се постават тоалети и четири дрвени куќички за продажба на безалкохолни пијалоци. Просторот ќе го осветлуваат енергетско ефикасни ЛЕД- светилки со соларни панели.



Имено, овој проект е финансиран од Европската Унија, а имплементатор е Светската банка и Кабинетот на заменик-министерот за економски прашања, Кочо Анѓушев, како дел од проектот за локална и регионална конкурентност. Поточно, ЕУ покрива 87 отсто од вкупната вредност за реализација на проектот, или 47.238.993 денари, а Општина Карпош од својот буџет ги обезбеди останатите финансиски средства, односно 7.342.832 денари.

Во рамки на презентацијата говореше и претставничката од Одделението за заштита на животната средина и природата од Општина Карпош, Марина Филиповска, која ги запозна присутните со сите аспекти на проектот и стандардите кои се применуваат, со цел да се одржи здравата животна средина.

https://nezavisen.mk/mk/vesti/2019/03/135361/

Не се потрудиле да засадат дрва на тревникот пошто знаат каква судбина го чека овој простор.Единствено што направиле е ги средиле тротоарите.

Originally posted by skopskodete Катастрофа е тој дел да се задуши со згради. Град Скопје, заедно со државата, треба да се потруди да го откупи тоа земјиште за да биде перманентно парк.

Шилегов најави дека се во преговори со сопствениците на парцелата тие сами да ја уредат или да го дадат земјиштето под локална самоуправа за да градот се грижи. Не верувам дека се до толку луди тука да дозволат изградба на станбен и комерцијален објект.

https://skopjeinfo.mk/prostor-zad-filharmonijata-na-samo-stotina-metri-od-ploshtadot-makedonija-postoi-div-parking

Edited by Kid_A - 08-Apr-2019 at 20:04

Нов Градски парк ќе никне кај расчистената депонија во Карпош

Екипи на Градот Скопје и на Општина Карпош денеска почнаа голема акција за расчистување на децениските депонии зад Спортскиот центар „Борис Трајковски“, на кејот на реката Вардар. Расчистувањето на просторот се очекува да трае околу 10 денови, а на истото место ќе биде изграден парк кој ќе биде наречен Градски парк 2, најави градоначалникот на Град Сопје, Петре Шилегов.

„Оваа дива депонија претставува повеќедецениски горлив проблем. Почнала да се формира со одлагање на урнатините по катастрофалниот земјотрес во Скопје уште во 1963 година. Повеќе генерации градски и општински градоначалници го игнорирале проблемот, а за жал некои од нив продолжиле да го одлагаат отпадот на оваа локација. Сега, заедно со Општина Карпош конечно најдовме решение за овој проблем и со тоа почнуваме со реализацијата на уште едно од нашите предизборни ветувања. Денеска го почнуваме чистењето на оваа депонија, после што ќе следува покривање на површината. На ова место ќе подигнеме парк на површина од над 90.000 квадратни метри, над девет хектари, кој ќе го наречеме Градски парк 2“, рече Шилегов.

ој додаде дека новиот парк ќе биде подигнат со донации од општествено одговорни компании при што трошоците на Град Скопје и на Општина Карпош за подигнување на овој парк би биле незначителни во однос на неговата реална вредност.

Овој парк е лоциран во делот од градот кој е уреден со регулацискиот план за градската четврт „З 04“ кој беше усвоен минатата година од Советот на Град Скопје. Согласно со потребите на граѓаните, со регулацискиот план предвидените 4,03 хектари површина за парковско и заштитно зеленило во оваа четврт, се зголемени на 11,51 хектар. Просторот за домување кој е предвиден во ГУП на Град Скопје за оваа градска четврт со вкупна површина од 10,97 хектари со овој регулациски план е намален на 3,13 хектари. Во планот се предвидени 3,36 хектари за инфраструктура, како и 6,34 хектари за секундарни улици. За прв пат е додадена и можност за основно училиште и градинка.

https://vecer.mk/node/13163

Иако сеуште нема некаков грандиозен проект од шиле (освен ЌЕ), пак мислам дека парковите и зеленилото се секако добри проекти иако за многу мина само минипроекти. Да потцетам дека низ многу делови има повеќе паркови, а најдобриот бум е паркот зад филхармонијата и сега паркот горе. За ГТЦ, иако само еден дел, сепак е некаков чекор. Овие локации беа пред шиле планирани за згради. Со ,,резервирање,, на плацови со парк освен дека ќе биде убавина и ќе придонесе за животната средина, ќе има можност за градење низ другите делови во скопје што ќе значи дека освен тие делови што се веќе изградени, ќе може да се оди низ други делови на скопје. Скопје не е само општина центар!


Edited by my Macedonia - 23-Apr-2019 at 16:23

Скопје со PUMPTRACK полигон кај олимпискиот базен


Вљубениците во велосипедизмот, ролерите и скејтбордите наскоро ќе имаат можност да ги покажат своите вештини на новиот pumptrack полигон што Градот Скопје почна да го гради на површината пред Олимпискиот базен „Центар”.

Предвидениот pumptrack полигон е со вкупна површина од 1.690 квадратни метри и е поделен на два дела – детски полигон со површина од 290 квадратни метри и полигон за возрасни со површина од 1.400 квадрати. Детскиот полигон е специјално прилагоден за деца, за почетници и за лица во инвалидски колички. Тој е одделен од полигонот за возрасни и е составен од помали контури и кривини со што е овозможено безбедно возење. Полигонот за возрасни, пак, има различни елементи – двојни и тројни контури, скокови, брзи кривини и друго, кои овозможуваат поискусните да ги подобрат своите вештини.

Полигонот е погоден за сите типови и големини на велосипеди, ролери, скејтборди, како и за лица во инвалидска количка.



Овој простор кој што досега беше неуреден, наскоро ќе стане ново и уредено катче со зеленило, урбана опрема и содржини за забава

https://skopje1.mk/archives/49640

Се согласувам, за таква работа треба нешто близу кеј, што до сега било неуредено па ова да е причина да го средат!

Парк?

уште една зелена површина упропастена од ретардиве. Скејтпарковине се 90% од времето празни... од каде потребата за уште еден сличен?