Паркови (општо)

Паркот Бојмија во нас.Острово







https://www.facebook.com/marinzlatko

Ова autocorrect e, новиот „паркинг“ мислеле

Диносаурусите пристигнаа, Дино паркот ќе се отвори од пролет



Во Дино паркот во скопската Зоолошка градина се монтираат диносаурусите во природна големина што во петокот пристигнаа од Кина. Станува збор за 41 модел од повеќе диносауруси кои во рок од 20 дена ќе бидат намонтирани на нивните места во Дино паркот кој е веќе уреден и подготвен, но во функција ќе биде пуштен дури напролет.

– Поради пандемијата на Ковид-19, сè уште не сме одлучиле кога ќе го отвориме Дино паркот за посетители. Диносаурусите се направени од специјален материјал, дел од нив ќе се движат и ќе испуштаат крици и ќе бидат вистинска атракција за посетителите вели Тина Мицковска, портпарол во Скопје – ЗОО.

Покрај Тираносаурус, Стегосаурус, Алосаурус, ќе има и мали диносауруси, мајки со бебиња и јајца. За уредување на просторот и набавка на диносаурусите од буџетот на Град Скопје обезбедени околу 325.000 евра.

Во Дино паркот ќе се влегува од два влеза, еден од внатрешноста на Зоолошката градина и уште еден од страната на Градскиот парк. За Дино паркот ќе се плаќа посебен билет од 50 денари.

https://www.vecer.press/диносаурусите-пристигнаа-дино-парко/

ДИНОСАУРУСИТЕ ИЗГЛЕДААТ КАКО ДА СЕ ЖИВИ, ДИНО ПАРКОТ ЌЕ РАБОТИ ДО 23 ЧАСОТ КОГА ЌЕ ГО ОТВОРИМЕ, ВЕЛИ ДИРЕКТОРОТ ГАЛЕТАНОВСКИ



Во скопската Зоолошка градина почна монтирањето на диносаурусите во рамките на Дино паркот, кои пред две недели од Кина стигнаа во Скопје. Во паркот ќе има 41 диносаурус во природна големина, со синхронизирани движења и испуштаат звуци. Ќе има Тираносаурус, Стегосаурус, Алосаурус, мали диносауруси, како и мајки со бебиња и јајца.

Вработените во Зоолошката кои работат на монтирањето на диносаурусите велат дека изгледаат како да се живи и ги доловуваат овие праисториски животни.

„Интересот за Дино паркот секој ден расте, убедени сме дека ќе биде вистинска атракција. Веќе имаме јавувања од соседните земји кога ќе биде отворен паркот. Бидејќи станува збор за содржина која е атрактивна и за возрасните Дино паркот ќе работи до 23 часот. Има посебен влез од страната на Градскиот парк и може самостојно да работи“, вели директорот на Зоолошката градина Ѓорѓи Галетановски.

Галетановски вели дека монтирањето на реквизитите ќе заврши месецов, но поради пандемијата на ковид-19, сè уште не е одлучено кога ќе биде отворен за посетители.

„Ја следиме епидемиолошката состојба во земјава и заедно со Град Скопје ќе одлучиме кога ќе може да го отвориме“, додава Галетановски.

За Дино паркот ќе се плаќа посебен билет од 50 денари.

https://sdk.mk/index.php/dopisna-mrezha/dinosaurusite-izgledaat-kako-da-se-zhivi-dino-parkot-ke-raboti-do-23-chasot-veli-direktorot-galetanovski/

ДЕПОНИЈАТА ПОД ЖЕЛЕЗНИЧКА СТАНИЦА ВО СКОПЈЕ СТАНА ПАРК, ЗАСАДЕНИ 520 ДРВЈА



Нови 520 нови листопадни и зимзелни дрвја се засадија во новиот парк во Мичурин, во скопската Општина Аеродром. Во овој парк засадено е и највисокото дрво за оваа сезона кое е високо 7.4 метри, а за многу кратко време дрвјата ќе формираат широки крошни и ќе придонесат за намалување на температурите во жешките месеци.

„Оваа локација беше повеќедецениска дива депонија, од која годинава расчистивме 15.000 кубни метри отпад и подигнавме нова јавна површина на повеќе од 6.000 квадратни метри. Ја поделивме на нов парк со детско игралиште и паркинг простор кој ќе го стопанисува ЈП ‘Градски паркинг’, со што ќе се надмине проблемот со паркирањето на околните згради“, рече денеска градоначалникот на Скопје Петре Шилегов.

Градоначалникот додаде дека продолжува засилениот инспекциски надзор за да се спречи повторното создавање диви депонии на истите места каде што биле претходно, а секое несовесно однесување со отпадот ќе биде санкционирано. Од Град Скопје најавуваат дека ќе продолжат и во други скопски општини со подигнување нови дрвореди составени од дрвја со просечна висина од околу 5.5 метри, заради прочистување на воздухот.

https://sdk.mk/index.php/dopisna-mrezha/deponijata-pod-zheleznichka-stanitsa-vo-skopje-stana-park-zasadeni-520-drvja/

Убаво, ама се' додека не ја направат улицата што е планирана да поминува покрај новиов парк, ништо...

НЕКОГАШНИОТ НАПУШТЕН ПРОСТОР ВО КИСЕЛА ВОДА Е НОВ ЗЕЛЕН ПАРК ЗА ГРАЃАНИТЕ

Напуштениот простор во Кисела Вода, лоциран меѓу улицата Лазар Димитров и железничката пруга, зад бараките во населбата 11 Октомври, денес е нов зелен парк, на површина од околу 16.000 квадратни метри. На овој простор деновиве се засадени околу 200 висококвалитетни дрвја кои веќе напролет ќе развијат убави крошни чии сенки ќе придонесат за намалување на температурата во жешките месеци и ќе го раззеленат овој јавен простор кој до неодамна беше дива депонија.

Овој простор, кој е во непосредна близина на центарот на нашиот град, со децении беше запуштен и на него се создаваа поголем број депонии со шут и отпад. На почетокот на годинава, екипите на Град Скопје го расчистија просторот, го израмнија теренот и засадија нова трева, а есенва се подигнати нови квалитетни дрвореди.

Град Скопје согласно со новите стандарди на квалитет продолжува со подигнување нови дрвореди од квалитетни дрвја со просечна висина од околу 5,5 метри коишто веднаш ќе се вклопат во екосистемот на нашиот град, толку потребно за прочистување на воздухот. Есенското раззеленување на Скопје продолжува на голем број локации во сите скопски општини.









https://www.facebook.com/CityofSkopje

Паркот Бојмија во нас.Острово-Аеродром што чини неверојатни 500.000€









https://www.facebook.com/jassumodopstinaaerodrom

Општина Кисела Вода во селото Драчево од најголемата дива депонија на 5.000 м2 ќе направи нов зелен парк

Во насока на создавање на чиста и здрава животна средина за живеење, Општина Кисела Вода во селото Драчево, започна да врши активности за расчистување на една од најголемите диви депонии.
По целосното расчистување на депонијата, која со години наназад создаваше грда слика и го загадуваше воздухот, на истото место, на површина од над 5.000 м2, Општина Кисела Вода ќе направи зелен парк со многу садници, патеки за прошетки и урбана опрема.
Жителите од селото Драчево, напролет ќе добијат нов голем парк за релаксација и уживање во природа.

За потсетување, во близина на паркот кој наскоро ќе биде направен, пред две години Општината во соработка со Градот Скопје и ЈП „Паркови и зеленило“, од место на кое несовесни жители создаваа дива депонија, направи голема хортикултурно уредена зелена парковска површина.





https://www.kiselavoda.gov.mk/

Почна изградбата на новиот урбан парк покрај булевар „Трета македонска бригада“

Почна изградбата на новиот урбан парк што ќе се протега меѓу булеварот „Трета македонска бригада“ и касарната „Гоце Делчев“ на улица „1615“.
Аеродромци наскоро ќе добијат современ парк со површина од 2 500 квадратни метри, кој ќе содржи зелени површини, пешачки патеки со клупи, спортско игралиште за рекреација на младите и детско игралиште.
„Почнуваме со изградба на нов парк покрај булеварот „Трета македонска бригада на површина од 2 500 квадратни метри. Ова место коешто претставуваше див паркинг, неуреден и неосветлен простор, прераснува во прекрасно уреден урбан парк приспособен за сите генерации. Се радувам што и жителите на овој дел од Аеродром ќе добијат свое катче за рекреација и дружење. Паркот ќе содржи зелени површини, пешачки патеки со клупи, спортско игралиште за рекреација на младите и детско игралиште“, изјави градоначалникот на Општина Аеродром, Златко Марин.
Ова е еден од низата паркови што ги изгради Општина Аеродром во изминатиот период. Нови урбани паркови се изградија во населбата Мичурин, каде што во соработка со Град Скопје е уреден и делот покрај Железничката станица, кој со години претставуваше запуштено и заборавено место.
Општина Аеродром изгради нов парк и на улицата „Методија Шаторов-Шарло“, а во тек е изградбата и на паркот на улицата „Пандил Шишков“ во населбата Стар Аеродром. Пред извесен период беше комплетиран и современиот парк „Бојмија“ во населбата „Острово“.
Неодамна Град Скопје ја уреди и зелената запуштена површина меѓу булеварот „Јане Сандански“ и улицата „23 Октомври“.
Општината продолжува да ги претвора сите простори што го дозволуваат тоа во прекрасни уредени места каде што граѓаните ќе можат да минуваат пријатни моменти.







https://www.facebook.com/OpstinaAerodrom