Од новиот парк во Капиштец

Општина Центар свечено го отвори паркот „Капиштец“



Обновен е паркот на просторот помеѓу висококатниците на улиците Народен Фронт и Васил Ѓорѓов во скопската населба Капиштец. На површина 20.000 метри квадратни, од кои 12.000 се тревна површина, има две детски игралишта за деца од различни возрасти и кошаркарски игралишта са соодветна подлога. Поставена е урбана опрема и два типа осветлување – амбиентално и високо осветлување, со канделабри. Исто така е изведен автоматски систем за полевање, а техничка вода се црпи од два новоископани бунари.



Во паркот „Капиштец“ се засадени 18 зимзелени дрвја, 6 листопадни цветни дрвја, 6 високи грмушки, 582 цветни листопадни и зимзелени грмушки, кои цветаат во различни периоди од годината, 104 листопадни грмушки, 430 декоративни зимзелени грмушки, 184 покривачи, 4010 перени, 20 високи украсни треви, 870 мини треви и 1450 луковици од лале, зумбул, нарцис и мускари.







Паркот е лоциран во еден од најгусто населените делови на Скопје, на простор којшто има еден од најмалите проценти на зелени површини по глава на жител во градот. Неговата обнова е проект на Општина Центар, која за оваа намена вложи 510 илјади евра. Изведбените активности започнаа во јули годинава и ги вршеше „АК Инвест“ од Тетово.

http://www.build.mk/?p=41704

Ако паркот не е под ингеренција на градоначалник од моја партија, најкомотно ќе му го одземам паркот и ќе му го доделам на некој друг градоначалник од моја партија.
 
Знам дека форумов не е место за политика, но ајде нека каже некој каде нема политика во денешните градежни и урбанистички потфати во Центар и пошироко во Скопје ?
 
Значи вистина е тоа што го велат:
 
Ако ти не се занимаваш со политика, тогаш политиката ќе се позанимава со тебе.
 
Се разбира, тоа не е никакво оправдание за ваквите идиотизми.
 
Ајмо нови споменици.
 
http://www.24vesti.com.mk/trajanovski-go-prevzema-zhena-park-pod-ingerencija-na-grad-skopje
 

Трајановски го превзема Жена парк под ингеренција на Град Скопје

 

24.12.2014 | 16:50   Паркот „Жена борец“ официјално под закрила на Град Скопје. Ваквата одлука била донесена на последната седница на Градското собрание, со образложение дека оваа зелена површина има исклучително значење за градот и граѓаните.     Градоначалникот Коце Трајановски тврди дека единствената цел е да се направи целосно уредување на самиот парк.   Градоначалникот на опшина Центар не се огласи на барањето на 24 Вести за став околу превземањето на паркот.   Деновиве во паркот „Жена борец“ беа поставени тезги, кои според градските власти се дел од Новогодишниот маркет организиран од Град Скопје.   Според нив, тезгите ќе бидат наменети за промоција и продажба на храна и пијалоци.     Ивана Рамаданова

воопшто не мислам да го кажам ова политички, ама прославите за нова година на градот Скопје, во последниве 10 години се fail невиден... контра на тоа, општина Центар успешно ги организира, па сега се нечкаат повторно околу тоа

Во општина Аеродром ќе се гради нов парк
Детали Создадено На Петок, 02 Јануари 2015 13:49      Датум на објавување      Категорија: Локално

Градоначалникот на Општина Аеродром, Ивица Коневски, денеска одржа прес-конференција на која најави изградба на нов парк.





Градоначалникот Коневски изјави дека Општината планира да гради нов парк спроти „Мајчин дом“. Тој најави и изградба на улици, асфалтирање, изградба на канализации.

Новиот парк спроти „Мајчин дом“ ќе се гради на површина од 2.319 квадратни метри и ќе содржи пешачки патеки, водени површини, езеро со фонтани и со водопади, река и детско игралиште. Постојните дрвја на таа локација ќе се задржат и ќе се збогати паркот со ново зеленило составено од нискостеблести растенија и од цвеќе.

Мета
http://sky.mk/republika/427583-vo-opshtina-aerodrom-kje-se-gradi-nov-park

Каде е ова отприлика може координати?

Зошто прават паркови до булевари? Добро е да се средат тие зелени површини но паркови и дестки игралишта подобро е да се прават на малку потивки локации, на кои нема до толку смрдеш од издувни гасови. Намената на паркот најчесто е одмарање а како да се одмориш до булевар. Пример локацијата позади каде што има некое тениско игралиште многу повеќе би одговарала. А можеби и се мисли на таа локација?


Edited by kultuzin - 03-Jan-2015 at 21:04

Originally posted by kultuzin Во општина Аеродром ќе се гради нов парк Новиот парк спроти „Мајчин дом“ ќе се гради на површина од 2.319 квадратни метри и ќе содржи пешачки патеки, водени површини, езеро со фонтани и со водопади, река и детско игралиште. Постојните дрвја на таа локација ќе се задржат и ќе се збогати паркот со ново зеленило составено од нискостеблести растенија и од цвеќе.

vecer.mk

А нели беше реконструиран пред неколку години?!

Се крчка реконструкција на паркот Жена борец

Откако се поставија серија на споменици и скулптури од владиниот проект „Скопје 2014“, паркот Жена борец во центарот на Скопје ќе биде подложен и на реконструкција. Ќе се менува постоечкото осветлување со ново, а предвидено е и да се санира партерното уредување. Градот Скопје денеска го распиша огласот за избор на компанија што ќе го изготви основниот проект со вклучена ревизија за претстојниот реконструктивен зафат. Од градската каса за оваа намена е проценето дека ќе се одвојат 1 милион денари, без вклучен ДДВ. Заинтересираните фирми треба да ги достават своите понуди најдоцна до 23 март.



Откако ќе се изработи проектната документација, Градот Скопје ќе пристапи и кон избор на најповолен понудувач за изведба на градежните активности. Паркот Жена борец е една од локациите во централното градско подрачје што беше преплавена со нови споменици и скулптури. Со средствата на граѓаните во изминативе неколку години на овој простор свое место најдоа Прометеј, спомен – обележјето од првото заседание на АСНОМ, спомениците на македонските бранители, на основачите на ВМРО и на Кузман Јосифовски Питу, како и споменикот на „Паднатите херои на Македонија“.

Од Градот Скопје засега нема информација за временскиот период во кој би се извршила најавената реконструкција на паркот Жена борец, ниту пак има информации колкави финансиски средства од градскиот буџет би се потрошиле за оваа намена.

http://www.build.mk/?p=43526

ако не се чепка тоа што досега е реконструирано,е ок, а ако севадат некои елементи и на нивно место се ставаат понови,само ќе се повтори плоштадот