Солун, Грција

Вчера имав можност да престојувам еден ден во Солун. Станува збор за оние организирани шопинг тури од страна на наши туристички агенции, но јас и девојка ми ја искористивме шансата за релативно евтино патување (повратна карта чинеше 650 ден.) и си направивме еднодневна прошетка до вториот град по големина во Грција.

Белата кула, еден од препознатливите симболи на градот



Свесен сум дека човек не може во еден ден да ги види сите знаменитости на еден град, не може да го доживее секојдневниот живот, ниту проблемите со кои се соочува едно урбано подрачје, но тоа не беше ни целта на нашето патување - едноставно, сакавме да се прошетаме и притоа да си купиме евтина облека, доколку ни се укаже можност за тоа. Затоа, мојов патопис ќе прикаже само еден дел од Солун, главно центарот на градот.

Патописот ќе го започнам со она што прво се воочува кога се влегува во еден град - предградијата и јавната чистота. За жал, Солун е град кој е ужасно валкан во своите периферни делови, а на моменти се чини дека јавната хигиена е значително полоша од онаа во периферните делови на Скопје. Иако градот за мене претставува одличен пример за медитеранска архитектура, предградијата на Солун (барем оние низ кои поминавме ние) не се одликуваа со ништо посебно, а дел од нив беа во многу ужасна состојба (мислам на куќите и зградите).

Обиколницата околу Солун е исто така во многу лоша состојба, а деловите покрај патот се полни со разновидно ѓубре. Воопшто, освен во центарот на градот, јавната хигиена е на многу ниско ниво и навистина го расипува впечатокот за овој симпатичен град.

Од друга страна, пак, центарот на Солун е преполн со прекрасна архитектура (можев за забележам арт-деко, брутализам, кубизам, еден куп медитеранска архитектура, неокласицизам итн.), архитектура на која Скопје може само да ѝ завидува.

Edited by Џоле - 06-Oct-2013 at 15:51

Слично како во Скопје, така и во Солун многу од зградите се нагрдени со хаотично поставените клима-уреди.





Некои згради си го задржале добриот изглед



Ако не се лажам, филијала на грчката народна банка



Еден убав пример за одлична архитектура



Edited by Џоле - 06-Oct-2013 at 16:16

Ми се допаѓа тоа што многу „стари“ згради се сместени помеѓу згради изградени во помодерен стил. Инаку, овие првиве слики се снимани од кејот на Солун.

Автобуските постојки во Солун

Во Солун нема да забележите висококатници бидејќи поголемиот дел од зградите се изградени на иста или слична висина, и често не надминуваат повеќе од 7-8 ката.

Кејот



Највисоката ТВ кула во Грција

Солунска архитектура

Фамозната улица Цимиски

Уште сме на Цимиски







Арт-деко?

За разлика од Скопје, во централниот дел на Солун дали забележав едвај 4-5 скулптури

Плоштадот Аристотел и околината







Edited by Џоле - 06-Oct-2013 at 16:44