build.mk Homepage
Forum Home Forum Home > Главни теми > Инфраструктура
  Active Topics Active Topics
  FAQ FAQ  Forum Search   Register Register  Login Login

Жичарница на Водно

Bookmark and Share
 Post Reply Post Reply Page  <12345 39>
Author
Message
  Topic Search Topic Search  Topic Options Topic Options
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #41 Posted: 30-Jan-2009 at 02:26
Бетон може би не си го прметил аноунсментот, те молам прочитај го! Додека не излезат програми официјани и кандидатури ќе те молам да се воздржиме од споменување партиски тактики! Да не идам и ја офтопик.....
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #42 Posted: 30-Jan-2009 at 02:50

па ок поентата повеќе ми е дека ова идеја на Трифун некој веќе си ја има врзано во крпче и дека без разлика на ситуација истата многу веројатно е и да се истера, но како што нагласив повеќе ме засега моментот околу естетиката и цел тој муабет околу столбовите по сртот, па во тој случај не би било лошо да затераат еден симетричен муабет и по другиот крај кон сопиште а зошто да не продолжат и преку чифлик до Солунска глава LOL

но сепак она АКО во цитатот од МТВ заедно со денешнава светска финансиска криза мислам дека ќе ја разводни идејата на Трифун.   

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #43 Posted: 17-Feb-2009 at 12:24
До Милениумскиот крст ќе се оди само со жичница
Скопје
Милениумскиот крст ќе прерасне во туристичка атракција до крајот на оваа година со изградбата на жичницата која ќе води до него и со отворањето на ресторанот и на продавницата за сувенири. Благоја Дојчиновски, претседателот на фондацијата „Милениумски крст“ информира дека отворениот простор на крстот ќе биде затворен со термопан стакло, а во делот на второто ниво ќе биде поставена стреа. Тој соопшти и дека постапката за тендерот за поставување на жичницата веќе била во тек во Министерството за транспорт и врски која ќе се гради од Средно Водно до крстот. Драган Симоновски, портпаролот на министерството потврди дека постапката е во тек, а понудите требале да бидат доставени до крајот на февруари.

Дојчиновски истакна дека првата фаза од изградбата на жичницата ќе се гради оваа година, а втората фаза ќе започнела во 2010 година.

- Тендерот е распишан од Министерството за транспорт и врски и тоа е нивен проект. Според моите информации оваа година ќе биде започната изградбата на жичницата од Средно Водно до крстот, а следната ќе се гради од Средно Водно до просторот зад трговскиот центар „Рамстор“. Овој проект е со цел објектот да биде поатрактивен, а истовремено со самата жичница да не се загадува околината бидејќи патот кој води дотаму ќе биде затворен за автомобили - изјави Дојчиновски.


Тој информира и дека алуминиумските рамки кои ќе бидат во златна боја ќе бидат поставени до крајот на февруари.


- Избраната фирма „Песпа алуминиум“ од Гостивар до крајот на месецов ќе ги постави златните алуминиумски рамки, а потоа ќе бидат потребни уште два до три дена за да се намести термопан стаклото кое е висококвалитетно и не се замаглува во зимски услови. Овој проект чини 42 илјади евра и се надевам дека временските услови ќе ни дозволат побрзо да го реализираме - истакна Дојчиновски.


Откако ресторанот и дуќаните ќе се покријат со стакло ќе биде распишан јавен оглас за нивно изнајмување, а киријата ќе биде наменета за одржување на Милениумскиот крст.
За негова поголема атрактивност, на денот на независноста на Македонија, свечено беше пуштен во употреба и лифтот со кој посетителите ќе можат да уживаат во панорамскиот поглед на градот за само 100 денари.

Драган Симоновски, портпаролот на Министерството за транспорт и врски, истакна дека за брзо време ќе се започне со изградбата за жичницата, проект кој бил на Владата, а се спроведувал преку надлежното министерство.

- Жичницата е проект на Владата, но ние го спроведуваме бидејќи станува збор за транспорт. Во тек е постапката за јавна набавка за проектирање на еднојажна кабинска жичница за превоз од Средно Водно до Милениумскиот крст - рече Симоновски.

http://www.novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=319&ArticleID=18287
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #44 Posted: 02-Mar-2009 at 08:43

Жичницата до Милениумскиот крст конечно годинава

Милениумскиот крст годинава конечно ќе ја добие долгонајавуваната жичница, информираат од Фондацијата за изградба на Милениумскиот крст. Претседателот на Фондацијата, Благоја Дојчиновски, вели дека Министерството за транспорт и врски го распишал тендерот за најповолен изведувач. Станува збор за жичница на потегот од Средно Водно до Милениумскиот крст.

- Оваа година ќе биде направена само жичницата на потегот од Средно Водно до Милениумскиот крст, а наредната ќе се гради жичницата од Средно Водно до Трговскиот центар „Рамстор“, потенцираше Дојчиновски.Од Министерството за транспорт и врски велат дека станува збор за проект на Владата и дека нивна надлежност е само да ја распишат тендерската постапка за најповолен изведувач, која е во тек.

Дојчиновски најави дека до крајот на месецот ќе биде завршена конструкцијата за поставување натстрешник. Исто така, ќе биде застаклен ресторанот што е сместен на првата плоча од Милениумскиот крст, како и десетте дуќанчиња.

- Откако ќе бидат застаклени дуќаничињата, ќе биде распишан јавен повик за нивно издавање под закуп. Средствата што ќе бидат собрани од закупнината, ќе бидат наменети за одржување на Милениумскиот крст, објасни Дојчиновски.

Лифтот на Милениумскиот крст засега работи само за викенди, бидејќи е период кога интересот е помал поради студеното време. Од Фондацијата за изградба на Милениумскиот крст објаснуваат дека со затоплување на времето, во првите пролетни денови, лифтот ќе работи и во текот на неделата. Задоволството да се качите на лифтот и да застанете на краците на крстот и оттаму да ја видите панорамската глетка на Скопје ќе ве чини 100 денари. Собраните пари од услугата за лифтот се наменети за негово одржување.

 
 
 http://www.dnevnik.com.mk/?ItemID=D3D547D831B2DF4891A821CD56157000
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #45 Posted: 15-Apr-2009 at 23:13
Транспарентност на ниво како и обично... Roll%20eyes

Жичарницата до Милениумски крст ќе ја гради Владата

Фондацијата „Милениумски крст“ е исклучена од проектот

Снежана Калабакова

Министерството за транспорт и врски ќе ја гради жичарницата до Милениумскиот крст. Колку проекти се доставени и колкумина изведувачи се јавиле на тендерот за изградба на жичарница, од Министерството нема одговор. Тендерот беше распишан на 25 ноември минатата година, а 11 февруари годинава бил крајниот рок до кога можеле да се јават заинтересираните за доставување проект, како и фирмите-изведувачи.

Тендерот предвидувал доставување проекти за кабинска еднојажна жичарница за превоз на лица, со кружен тек. На веб-страницата за јавни набавки на Министерството за финансии не е прецизирано дали трасата за жичарницата ќе води од ТЦ „Рамстор“, или можеби ќе тргнува од старата железничка станица до крстот. Нејзината релација е посочена само како Скопје-Водно и ќе се изведува во три секции. За другите детали околу овој проект побаравме информација од Министерството за транспорт и врски. Но, и по неколку дена инсистирање, не добивме одговор на нашето прашање. Портпаролот Драган Симоновски не се потруди воопшто да одговори на нашите телефонски јавувања, ниту, пак, се обиде да даде одговор на прашањата доставени по електронска пошта.

До каде се работите по објавениот тендер не знаат ниту во Фондацијата „Милениумски крст“ од каде што тврдат дека се наполно исклучени од проектот. И покрај финансиските тешкотии што ги има Фондацијата, таа правеше напори да најде изведувач за изградба на жичарницата. Од проектантската куќа ИНПУМА доби бесплатен проект, а со австриската фирма „Лајтнер“ речиси беше пред потпишување договор за изградба и за земање на жичарницата под концесија.

„Министерството за транспорт и врски не' стави настрана од изградбата на жичарницата до Миленумскиот крст. Како Фондација веќе не учествуваме во реализацијата на проектот, бидејќи сега ќе го реализира Владата. Министерството распишаа тендер и веројатно веќе е избран најповолниот изведувач, но не сме информирани“, вели Благоја Дојчиновски, претседател на Фондацијата „Милениумски крст“.

Според проектот на ИНПУМА, на чија анализа работеа десетина експерти, должината на жичарницата изнесуваше 1.900 метри. Една од варијантите беше таа да тргнува од „Панорама“ и да оди до Средно Водно.



http://www.utrinski.com.mk/?ItemID=40690063DC985D41B0C1517259A07AEA
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #46 Posted: 16-Apr-2009 at 02:26
Што се однесува до жичарава, мислам дека треба да ја гледаме како посебен проект од крстот. Нормално, доколку имаат договор жичарата и крстот деа издаваат пакет билет или слични услуги тогаш воопшто не е проблем тоа технички да се уреди, и покрај тоа што не гледам некоја којзнае колкава потреба од тоа.

И упте нешто за жичарава. Мислам дека треба повеќе станици да се овозможат, барем упте една-две, а ако може и повеќе, а не само на средно водно. Така всушност долж цела траса ќе се направи шеталиште и ќе може ако сака некој да шета и по другите делови од водно, ане само на средно или на горно. Но барем една во близина на одморалиштето и она запуштено градилиште кое се надевам некој ден ќе се рекативира.

бтв што требаше да биде тоа, некоја болница или што?!


Edited by lslcrew - 16-Apr-2009 at 03:36
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #47 Posted: 23-May-2009 at 17:42
Македонија

Нов тендер на Mинистерството за транспорт за жичарница на Водно

сабота, 23 мај 2009, 18:20

Министерството за транспорт и врски објави нов тендер за изградба на жичарница од Скопје до врвот на планината Водно. Овојпат, освен што е познато дека се бара кабинска еднојажна жичарница со кружен тек, позната е и трасата по која би се движела жичарницата. Според огласот на министерството, 3,5 километри долгата жичарница ќе има три секции од кои- првата ќе почнува од паркингот во близина на црквата свети Јован до институтот за белодробни заболувања кај децата во Козле. Од тука ќе почнува втората секција која ќе води до комплексот Средно Водно. Третата и најголема делница ќе го поврзува средно водно со миленумскиот крст на врвот на скопската планина. Граѓаните кои денеска одмараа во сенките на планината, имаа различни мислења за идејата за популаризација на локацијата. 

Портпаролот на министерстовото за транспорт и врски, денеска не одговараше на повиците на неговиот мобилен телефон за да објасни колку ќе чини инвестицијата и дали е изработена студија за исплатливоста на потфатот. Она што засега е познато е дека заинтересираните ќе треба да ги достават своите понуди во наредните 60 дена.
 
Според тендерот на министерството сепак е предвидена изградба на само една третина од жичарницата. Делницита која ќе се гради сега, ќе го поврзува средно водно со милениумскиот крст, а ќе биде со должина од околку 2 километри.

Освен изградбата на оваа делница, тендерот предвидува и изработка на техничка документација и за трасите кои ќе водат од црвката св. Јован до средно водно. Потенцијалниот проектант ќе мора да води сметка сите три делници да можат да бидат споени во една целина. Одговорот што се случи со претходните студии, засега го знаат само во министерството.

http://vesti.alfatv.com.mk/default.aspx?mId=36&eventId=8331
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #48 Posted: 23-May-2009 at 18:17
ќе почнува од паркингот во близина на црквата свети Јован


Освен доколку нема тешки технички препреки за трасата на жичарата да почнува негде во близина на старата железничка (како што одсекогаш било најавувано), променава ми изгледа многу чудно. Би сакал да чујам издржано објаснување од надлежното министерство, зошто вакво нагло реобмислување.


За оние кои не знаат, еве каде се наоѓа црквата:
41°59'34.56"N  21°24'36.09"E
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #49 Posted: 10-Jun-2009 at 11:46
СЕ СОБИРААТ ПОНУДИ ЗА ИЗБОР НА ИЗВЕДУВАЧ
На Водно, сепак, ќе се гради жичарница

Од црквата „Свети Јован Крстител“ во Капиштец до Милениумскиот крст на Водно е релацијата на која ќе се протега жичарницата што Владата најавува дека ќе ја гради подолго време. Според последниот јавен повик на Министерството за транспорт и врски, распишан минатиот месец, жичарницата ќе има три дела “ од паркингот на црквата до Институтот за белодробни заболувања кај деца во Козле, од таму до средно Водно и од средно до врвот. Со конкурсот, кој истекува на први јули, е предвидено да се изработи техничка документација за целата траса и да се изгради и пробно да се пушти во употреба првата секција од средно Водно до Милениумски крст, која ќе биде и најдолга. - Во соработка со Министерството за транспорт и врски ја почнавме постапката за проектот и во тек е јавната набавка за проектирање кабинска еднојажна жичарница со кружен тек на трасата Скопје - Водно. Откако ќе измине рокот за доставување на пријавите, ќе се определи датум за електронска аукција која ќе се одржи во просториите на Министерството “ велат од Град Скопје, кои, исто така, се вклучени во проектот. Проектот жичарница е вклучен и во програмата на градоначалникот Коце Трајановски. Таму е наведено дека изградбата ќе почне овој месец, а треба да заврши во септември идната година, но од кабинетот на градоначалникот не одговорија зошто е одложен дадениот рок. Од Министерството, исто така, не образложија што се случи со тендерот кој го распишаа лани. За трасата на жичарницата досега се даваа повеќе варијанти. Прво имаше најави дека ќе ја гради Фондацијата „Милениумски крст“, а за можен инвеститор се споменуваше австриска фирма. Како предлози за почетната станица се спомнуваа трговскиот центар „Рамстор“, Старата железничка станица, „Панорама“, фабриката „Алумина“. Минатата година поранешниот градоначалник на Скопје, Трифун Костовски, побара трасата да се продолжи од крстот до Матка, но не доби јасна поддршка од власта дека тоа ќе се случи. Експертите од Градот и Министерството, кои тогаш ја разгледуваа идејата, тврдеа дека станува збор за амбициозен проект и дека жичницата е најсоодветен начин за достапност до наведените локации, бидејќи како сообраќајно решение најмалку навлегува во природниот амбиент и самата конфигурацијата на теренот овозможува поставување на таков систем. Идејата за жичарница на Водно е стара и се промовираше и пред седум години, во мандатот на градоначалникот Ристо Пенов.



http://vreme.com.mk/DesktopDefault.aspx?tabindex=3&tabid=1&EditionID=1727&ArticleID=115424
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #50 Posted: 01-Aug-2009 at 01:08

Австријци ќе градат жичница на Водно

Жичницата која ќе оди од Средно Водно до врвот на планината ќе биде долга три километри, а фирмата „Допел маер“ треба да ја изгради за 15 месеци

Австриската фирма „Допел маер“ за 6,7 милиони евра ќе ја гради жичницата од Средно Водно до Милениумскиот крст на врвот на планината. Министерството за транспорт и врски на електронска аукција ја избра оваа фирма како најповолен изведувач. Ова Министерство јавниот повик за избор на изведувач го објави на 15 мај, откако Владата реши проектот за жичницата да го земе во свои раце.

На јавниот повик, на кој понудите можеа да се достават до 1 јули, се јавиле три фирми. Од нив, Австријците имале најповолна понуда, односно се обврзале да ја завршат работата за цена од околу 408 милиони денари, односно 6, 7 милиони евра. За овие пари тие се должни да ги проектираат сите три секции од трасата на жичницата Скопје-Водно, да ги изградат и пробно да ги пуштат во употреба до издавање на употребната дозвола.

- Ќе се проектираат три секции од жичницата кои сами по себе претставуваат техничко-технолошки целини, кои можат да функционираат како посебни објекти, но ќе имаат можност да бидат поврзани и во една целина. Вкупната должина на трасата на жичницата е околу 3.000 метри. Станува збор за кабинска еднојажна жичница за превоз на лица, со кружен ток, која Австријците треба да ја изградат во период од 15 месеци - објаснуваат во Министерството за транспорт и врски.

Минатата година и претседателот на Фондацијата за изградба на Милениумскиот крст, Благоја Дојчиновски, најавуваше дека ќе се гради жичница до врвот на Водно, но со почеток зад трговскиот центар „Рамстор“. Фондацијата сериозно преговараше со австриската фирма „Лаинтер“ која беше заинтересирана веднаш да го изгради објектот.

Дојчиновски најавуваше дека таа ќе биде готова за многу кус период бидејќи австриската фирма „Лаинтер“ за неа веќе имала изработен проект. Според проектот, жичницата требаше да почнува меѓу „Рамстор“ и Старата железничка станица и би водела до Милениумскиот крст, во должина од 3.700 метри воздушна линија. На тој простор, според важечкиот урбанистички план, има градежна маркичка за ваков објект. Оваа жичница требаше да биде со затворени кабини со осум седишта, а Дојчиновски најавуваше дека би можела да се даде и под концесија.

Од друга страна, поранешниот скопски градоначалник Трифун Костовски и министерката за култура Елизабета Канческа-Милевска лани во ноември договорија изградба на жичница од Водно до Матка. Според проектот, кој тие заедно го претставија, жичницата треба да се гради во две насоки: од Средно Водно до Милениумскиот крст, а оттаму да продолжува до кањонот на Матка. На тој начин, скопјани и туристите требаше да ги видат убавините на градот од една поинаква перспектива.

http://www.dnevnik.com.mk/?ItemID=4A83A34BF03FE64CAF1F140F3ADA3CB2
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #51 Posted: 01-Aug-2009 at 12:54
аман бе, три километри? не се разбирам во жичарници, ама ова треба некако цик-цак да иде?
Back to Top
Supervisor View Drop Down
Senior Member
Senior Member
Avatar

Joined: 28-Jan-2008
Location: skopje
Online Status: Offline
Posts: 1220
  Quote Supervisor Quote  Post ReplyReply #52 Posted: 01-Aug-2009 at 13:00
Па нели од долу требаше? Ништо не е тоа тоа.
NewYork-London-Paris-Moscow-Tokyo-Skopje
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #53 Posted: 21-Aug-2009 at 14:27
ИЗБРАН ПОНУДУВАЧ ЗА ИЗВЕДБА НА ПРВАТА ТРАСА
Австријци ќе прават жичница на Водно

Роза Петкова

Австриска компанија ќе го изработи проектот за жичница во Скопје и ќе ја гради првата траса од Средно Водно до Милениумскиот крст. Од Министерството за транспорт и врски велат дека ја избрале „Допелмајр“ од Австрија за најповолен понудувач. Компанијата понудила цена од 407,8 милиони денари, а од Министерството не дадоа одговор кои биле другите пријавени фирми и колкави понуди доставиле. - За учество во аукцијата за избор на најповолен понудувач кој ќе проектира кабинска еднојажна жичница на траса Скопје и“8211; Водно беа доставени три понуди. Беше избран операторот „Допелмајр“ од Австрија. Во определениот рок добивме една жалба, која комисијата за спроведување на постапката по јавната набавка почна да ја разгледува и за која ќе се донесе одлука во најкус временски период и“8211; велат од Министерството за транспорт и врски. Како ќе почне да се реализира изградбата не е јасно зашто во годинашниот државен буџет се предвидени само 60.000 денари за проектот „Жичница“. За буџетот во 2010 година се проектирани 200.000 денари, а за 2011 година 240.000 денари. Од Министерството за транспорт и врски немаа информација кога ќе почнат изградбата на жичницата, ниту, пак, одговорија колку ќе чини изградбата на целата траса. - Времетраењето на договорот е 15 месеци. Инвеститор на проектот е Владата, во соработка со Град Скопје и“8211; кратко одговорија надлежните. Во буџетот на државата стои дека годинава ќе биде опфатена само првата фаза од реализацијата на проектот „Жичница“. Од Град Скопје, пак, велат дека изградбата наскоро ќе почне, а иако проектот е дел и од програмата на градоначалникот Коце Трајановски, властите велат дека нивната улога била само логистичка и избегнуваат да одговорат дали ќе предвидат пари во градскиот буџет за негова реализација. - Град Скопје ќе даде комплетна логистичка поддршка на овој проект. Според наши сознанија, изградбата на првата траса од жичницата треба да почне наскоро и“8211; велат одговорните за односи со јавност. Со вториот јавен повик кој Министерството за транспорт и врски го распиша во мај се бараше понудувач кој ќе изработи техничката документација за целата траса и ќе ја изгради и пробно ќе се пушти во употреба најдолгата секција од Средно Водно до Милениумски крст. Жичницата би се протегала од црквата „Свети Јован Крстител“ во Капиштец до Милениумскиот крст на Водно. Таа ќе има три дела и“8211; од паркингот на црквата до Институтот за белодробни заболувања кај деца во Козле, од таму до Средно Водно и од средно до врвот. Вкупната висинска разлика на трасата е 814 метри, а должината 3,5 километри. На интернет-страницата на компанијата е наведено дека таа има производствени капацитети и продажни единици во повеќе од 33 земји во светот и досега изградила повеќе од 13.970 инсталации околу 80 земји. Тие изработиле патнички транспортен систем за летни и зимски туристички капацитети, како и во урбана средина, потоа аеродроми, трговски центри, спортски комплекси, забавни паркови, саеми и други содржини, заедно со соодветен транспорт за нив.

http://www.vreme.com.mk/DesktopDefault.aspx?tabindex=0&tabid=1&EditionID=1792&ArticleID=120161
Back to Top
gorco View Drop Down
Senior Member
Senior Member

Google Maps: Regional Expert

Joined: 22-Oct-2009
Online Status: Offline
Posts: 642
  Quote gorco Quote  Post ReplyReply #54 Posted: 22-Oct-2009 at 10:07
Убава е целава идеја за правење за жичара на Водно.

Само ќе морам да прашам, од каде ќе почнува ??? Бидејки колку што може да се види, во близина на Рамстор (од каде што воедно и велеа дека ке почнува), е прилично изграден терен. Дали можеби ќе почнува од кај Панорама на Водно или од некоја друга локација?

Не сакам никого да напаѓам, ама некако тешко ми изгледа дека ќе почне и тоа во најскоро време. Инаку да одлична е идејата... Знам голем број на луѓе кои горе на Крстовар не биле со години или пак воопшто.
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #55 Posted: 22-Oct-2009 at 14:17
Стартната точка не е дефинирана, особено што за првава фаза се заговара трасата средно водно-врв. Инаку си во право, локацијата кај Рамстор доста се згуснува а и како одминува времето мислам дека е лоша идеја жичарницата да проаѓа над резиденцијалните куќи на Водно. Веројатно логично е почетната станица да е изместена подогре кон Панорама но доколку истата не е обезбедена со добра автобуска врска или асален паркинг мислам дека би се работело за пропадната кауза. Во секој случај и делот кај Панорама доста се видоизмени овие години така да немам идеја во моментов која би била оптималната почетна точка.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #56 Posted: 22-Oct-2009 at 15:22
И јас мислам дека се уште ништо не е сигурно околу стартната точка, но сепак во последно време отворено почна да се истапува дека тоа ќе биде кај црквата Св. Јован Крстител (регистрирано е во пооследните вести)

41°59'35.81"N  21°24'35.05"E

Изостана било какво објаснување од каде и зошто таква идеја. Исто така не се спомна ништо околу тоа како ќе се прилагоди таа локација. Еве на пример не се спомнува ништо како би се решил паркингот.


Edited by Cloverstack - 22-Oct-2009 at 15:23
Back to Top
gorco View Drop Down
Senior Member
Senior Member

Google Maps: Regional Expert

Joined: 22-Oct-2009
Online Status: Offline
Posts: 642
  Quote gorco Quote  Post ReplyReply #57 Posted: 25-Oct-2009 at 13:52
Видете кај рамстор повеќе од сигурно е (живеам таму па знам) ХАОС. А кај црквата... што знам... тој простор нема паркинг, а сепак мислам дека за потребите на секоја жичара би треабло да има...

Така да најреално е она што го кажа pbanks дека ќе се прави од Панорама. Таму сепак испоизградија гадни згради и високи објекти кои за планина не доликуваат, но сепак има простор.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #58 Posted: 06-Nov-2009 at 04:40

Темел за жичницата во февруари

Австриската компанија „Допелмаер“ го подготвува идејниот проект со кој ќе се одреди видот на опремата што ќе се користи, како и динамиката на изведбата на работите

Изградбата на жичницата од средно Водно до Милениумскиот крст, долга три километри, ќе почне во февруари. Ќе ја гради австриската фирма „Допелмаер“, која треба да ја заврши работата за 15 месеци. Еднојажната жичница со кабини ќе чини 407.800.000 денари, односно околу 6,7 милиони евра, а парите ќе ги обезбеди Министерството за транспорт и врски.

Раководителот на проектот за изведба на жичницата, Андреја Кочовски, вели дека зимава ќе се искористи за довршување на идејниот проект.

- Кога надворешната температура е под нулата не може да се врши бетонирање. Но, ако постојат поволни временски услови, со изведбата може да се почне и во февруари. Дел од градежните работи околу долната и средната станица ќе може да почнат и порано, нема да се чека пролетта - вели Кочовски.

Моментно во австриската фирма се работи идејниот проект со кој ќе се утврди видот на опремата што ќе биде потребна и динамиката на изведбата на работите. Сето тоа ќе се утврди врз основа на конфигурацијата на планинскиот терен.

Кочовски открива дека градежните работи за „Допелмаер“ ќе ги врши исто така австриска фирма, „Трабак“.

Од Министерството за транспорт и врски потврдуваат дека се во тек активности за изработка на основниот проект за изградба на жичницата до врвот на Водно.

- По подготовката на проектот, Министерството за транспорт и врски ќе изврши негова ревизија, во согласност со тендерската документација - информираат од Министерството.

Компанијата „Допелмаер“ беше избрана за најповолен понудувач по пат на јавна електронска аукција, а договорот за изградба на жичницата е потпишан на 2 октомври. Вредноста на склучениот договор изнесува околу 6,7 милиони евра, согласно постигнатата цена на електронската аукција.

Раководителот на проектот Кочовски не сакаше да открие како ќе се врши исплатата за завршените обврски, со оглед на тоа што во ребалансот на годинашниот буџет беа скратени предвидените пари за таа намена.

- Не би сакал сега да коментирам за начинот на исплатата. Сметам дека тоа е деловна тајна - вели Кочовски.

Ниту од Министерството за транспорт и врски не ја прецизираат постапката за исплата. Оттаму одговорија дека парите за имплементација на овој проект се обезбедени во буџетот на Министерството за транспорт и врски за 2009 година, а ќе бидат предвидени пари и во буџетот за 2010 година.

Според условите во јавната набавка, австриската компанија е должна да подготви основна документација за кабинска еднојажна жичница за превоз на лица со кружен тек на трасата средно Водно-Милениумски крст во три секции, да ја изгради и пробно да ја пушти во употреба до издавањето на употребна дозвола.

Трите секции од жичницата сами по себе ќе претставуваат техничко-технолошки целини кои ќе можат да функционираат и како посебни објекти. Вкупната должина на трасата на жичницата е околу 3.000 метри.

http://dnevnik.com.mk/?ItemID=904F94875FC9EB40B62B87D9D9F441F1

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #59 Posted: 06-Nov-2009 at 04:40
Ги чекам НГО шумарите да го саботираат проектов!
Back to Top
gorco View Drop Down
Senior Member
Senior Member

Google Maps: Regional Expert

Joined: 22-Oct-2009
Online Status: Offline
Posts: 642
  Quote gorco Quote  Post ReplyReply #60 Posted: 06-Nov-2009 at 19:50
Originally posted by lslcrew

Ги чекам НГО шумарите да го саботираат проектов!


Основни правила во Македонија:

се гради паркинг на сметка на некое "калливо паркче", на луѓето им пречи , зашто тоа било зеленило и немало да дишат чист воздух (а прашина да дишат не им е проблем).

се гради нова улица (примери колку сакаш Илинденска, и онаа накај Адолф Циборовски), пак им пречи... ќе се нарушела статика, немало да имаат мир - па и ја живеам у град се навикнав на тоа... е*ати сељаците...

и ете ги накрај шумарите! ај уште да го видиме и тоа не вести.

Кај нас ништо и никој не чини - и секогаш оној кој јаде бурек е попаметен од оној кој добил каква и да е идеја за некој проект.

Back to Top
 Post Reply Post Reply Page  <12345 39>

Forum Jump Forum Permissions View Drop Down



This page was generated in 0.154 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.