Жичарница на Водно

Ај пушти координати неможем да се ориентирам по сликиве.

И ПОКРАЈ СКРАТЕНИОТ БУЏЕТ Скопје ќе добие жичница Жичницата на Водно ќе продолжи да се гради и покрај скратениот државен буџет, тврдат во Министерството за транспорт и за врски. Според нив, ребалансот нема да го закочи проектот, туку само ќе се сменела динамиката за исплаќање на парите на изведувачот. - Распределените средства во буџетот на Министерството, кои се однесуваат на проектот нема да влијаат на неговата реализација туку ќе биде изменета динамиката на исплата на истите - велат од Транспорт и врски. Оттаму не одговорија дали изведувачите од фирмата „Допелмаер“ која ќе ја гради жичницата се дојдени во Македонија, затоа што досега само се расчистуваше теренот и се сечеа дрвјата на трасата по која таа ќе минува. Истиот одговор, односно дека нема да имало никакво влијание на нивната реализација, Министерството го даде и за проектите за набавка на нови автобуси за градскиот превоз и за изградбата на каскадни прегради на Вардар. Со ребалансот за жичницата се скратија околу три милиони евра, за автобусите 130.000, а за каскадите 370.000 евра. http://vreme.com.mk/DesktopDefault.aspx?tabindex=2&tabid=1&EditionID=2046&ArticleID=142785

Originally posted by Baze Е добро од каде сега испаднаа каскади на реката Вардар, сигурно не е дел од 2014  но досега никаде не сум го сретнал како најава дека на Вардар ќе има каскади. Ако некој знае нешто повеќе да објасни, повели.

Таа вест е стара ко некое дете, потражи по форумов или на нет

денеска може да се забележи дека теренот е скоро чист до крстот за да може да се гради жичарата, денес поминав накај битпазар дури од таму се гледаше патеката по која ке оди жичарата.

Патеката на жичарата

Еве две нови слики колку да се види како изгледа правецот гледано од горе на Водно

за жал не се од мене сликани сликиве, од другар се. А он е таков што не ни приметил дали имало механизација и дали се работело

ИЗГРАДБАТА НА ВОДНО ТЕЧЕ СПОРЕД ПРЕДВИДЕНИТЕ РОКОВИ
Пристигнува опремата за жичницата

Роза Петкова

Со 40 камиони ќе се носи опремата потребна за изградба на првата траса од жичницата од Средно Водно до Милениумскиот крст. Во Министерството за транспорт и за врски, кои се носители на проектот, велат дека дел од опремата веќе пристигнала, а останатата ќе се комплетира во наредниот месец. Оттаму не очекуваат изградбата на првата траса да се одложи и да доцни, туку уверуваат дека работите ќе се завршат навреме. Досега се градежните работи за темелите на столбовите на жичницата. - Градежните делови од темелите за сите столбови се спремни, ископани се дупките за поставување на челичната конструкција на линиските столбови и во моментов се чека испораката на опремата. Претходната недела седум од вкупно предвидените 40 камиони, со целокупната опрема потребна за изградба на жичницата од Средно Водно до Милениумскиот крст, се веќе доставени на локацијата. Сукцесивно, овој месец и првата половина на септември ќе пристигне целокупната опрема по што следи нејзина монтажа. Во согласност со динамиката нема да има никакви одложувања, односно жичницата ќе биде завршена до крајот на годинава - велат одговорните во Министерството. Потоа ќе следи електромашинската фаза на работите кога линиските столбови ќе се поставуваат со хеликоптер, а кабините со дигалки. Предвидено е првата секција да има десет столбови. Во Министерството велат дека дизајнот на сите кабини ќе биде ист, односно ќе имаат бела боја со портокалова линија, македонско знаме и натпис „милениумски крст“, како кабината која беше промовирана на поставувањето камен-темелник. Предвидено е две кабини да бидат за познати лица. Поголема раздвиженост на Водно и колона од камиони што одат во правец од Средно Водно кон крстот деновиве забележале и скопјани, кои се качувале на планината. Веќе извесно време на планината е видлива и патеката по која ќе минува жичницата, што беше направена со сечење на неколку хектари шума. Трасата е кружна и има три секции, а нивната вкупна должина е околу 3.500 метри. Тоа ќе биде еднојажна кабинска жичница, која што во една гондола ќе има капацитет да превезе осум патници, а за еден час ќе качува по 1.200 патници. Неа ја гради австриската фирма „Допелмаер“, која што го доби тендерот за 6,7 милиони евра.

http://www.vreme.com.mk/DesktopDefault.aspx?tabindex=2&tabid=1&EditionID=2098&ArticleID=146733

каде прочита 8 кабини вкупно ? Има предвидено 8 патници во една кабина, а и смешно е да се прави жичарница од ваков тип за 8 кабини.. 

ПОЧНА ПОСТАВУВАЊЕТО НА СТОЛБОВИТЕ ОД СРЕДНО ВОДНО ДО МИЛЕНИУМСКИОТ КРСТ

Стигна опремата за жичарницата

Кон почетокот на септември, како што најавуваат од Министерството за транспорт и врски, треба да пристигне и останатиот дел од опремата, по што веднаш ќе се започне со градежните работи

Дел од опремата за жичарницата до Милениумскиот крст на Водно пристигна во Скопје. Австриската фирма "Допелмаер" викендов ги распосла челичните конструкции на столбовите за жичарницата на Средно Водно. Паркингот буквално беше затрупан со опремата, па викендов посетителите на Водно останаа без места за паркирање. Кон почетокот на септември, како што најавуваат од Министерството за транспорт и врски, треба да пристигне и останатиот дел од опремата, по што веднаш ќе се започне со градежните работи.
"Теренот е расчистен и ископани се дупките за поставување на столбовите. Наскоро ќе се почне со работа на терен и, како што беше најавено, до крајот на годинава ќе биде пуштена првата траса на жичарницата од Средно Водно до Милениумскиот крст", велат од Министерството за транспорт и врски.
Жичарницата до Милениумскиот крст на Водно ќе биде долга 3.4 километри, а трасата, која прва се гради, е долга два километра. Вториот дел го зафаќа потегот од кај детската болницаво Козле до Средно Водно.Ќе има 28 затворени гондоли, во бело-портокалова боја, со слика од македонското знаме до долниот дел. Двете ВИП-кабини, пак, ќе бидат во црна боја и ќе бидат со капацитет за четворица патници, двојно помалку од обичните. Жичарницата ќе има можност за пренос на 1.200 патници за еден час.
Изградбата на жичарницата почна во мај годинава и чини 6.7 милиони евра. Ја гради австриската фирма "Допелмаер", чија понуда беше избрана како најповолна на тендерот.
(А.А.)

http://www.vest.com.mk/?ItemID=AEDF102895553342B6FE4F8C6ED1EBC5