Разно

Полни камиони на секои 10 минути истовараат градежен шут и отпад



Жители на населбата Лисиче и Ново Лисиче информираат за голема депонија формирана во непосредна близина на крстосницата на булевар „АСНОМ“ со „Февруарски поход“ спроти новиот парк, во потегот од последната постројка на ЈСП кон кејот на река Вардар, од лева страна.

Тие реагираат дека на оваа локација секојдневно, по пет товарни камиони без ознака секои 10 минути истовараат градежен шут и отпад.

– Овие камиони нанесуваат огромни количини кал и земја по должина на улицата „Февруарски поход“, велат жителите и додаваат дека од правот што се крева концентрациите на ПМ2,5 честици во овој реон се огромни во текот на целата година.

На истата локација се наоѓа и градилиштето од проектот за третман на отпадни води, кој требаше да заврши на 14.2.2020 година.

Граѓаните кои живеат во непосредна близина на депонијата секојдневно фотографираат и снимаат видеа, од каде што многу детално и јасно може да се види со што се натоварени камионите, со каква брзина се движат, како и калта и штетата што ја нанесуваат по целата должина на булеварот. Апелираат и бараат да се преземат итни мерки за да се спречи натамошно ширење на депонијата и нејзино дислоцирање.

Од Општина Аеродром велат дека дале дозвола за вршење градежни активности за пречистителна станица на таа локација.

– Ние немаме информации дека таму има депонија, но би ја повикале јавноста да пријават доколку забележат фрлање шут и друг отпад на тоа место, по што инспекциските служби ќе излезат на терен и ќе извршат контрола – одговорија општинските власти.

На територијата на општина Аеродром досега се отстранети околу 5.500 кубни метри шут и друг отпад од повеќе локации и истите се хортикултурно уредени со пешачки патеки, детски игралишта и друга урбана опрема.

(А.П.)

https://www.vecer.press/камиони-со-градежен-шут-и-смет-на-секои/

Селектирањето отпад слаба страна на тетовци



Тетово, 19 април 2020 () – Нема зголемување на совеста кај тетовци кога е во прашање оставањето отпадоци во специјализираните канти и контејнери за пластика, стакло, хартија. Комуналниот отпад се фрла без да се одвои, иако низ градот постојат десетици такви канти и контејнери. Воедно таквите садови за оставање различни видови отпад најчесто од неразбирливи причини се и оштетени. Една од таквите слики се најновите специјализирани контејнери за оставање стакло. Во нив има сè, а и самите се оштетени, исчкртани или демолирани. Друштвото за управување со отпад од пакување „Пакомак“ во сите општини редовно донира канти и контејнери за одвоено оставање отпадоци, а во Тетово велат имаат неповолни резултати во обидот граѓаните да ги поттикнат со тоа да го селектираат сметот. – Во 2019 година првпат дадовме за користење во Тетово 15 контејнери наречени „игло“ или „ѕвоно“ за оставање само стакло. Забележуваме дека половина од сметот е стакло, додека остатокот разни видови отпадоци што ги оставаат жителите. Бројките кажуваат и за совесноста за селектирање на стаклото. Од таквите контејнери во 2019 во Скопје се собрани 320 тони стакло, а во сите други градови 533 тони, од кои во Тетово само 9,4 тони стакло. За споредба, во Охрид и Битола имаа по 50 тони, Струмица 58 тони, вели Игор Макалоски, оперативен менаџер во „Пакомак“, потенцирајќи дека е планирано годинава во Тетово да се донираат уште 25 вакви контејнери за стакло. Според него, за несовесноста се даваат изговори дека постојат други егзистенцијални тешкотии, иако сметот како проблем е секојдневно присустен во животот на граѓаните.



– Сум слушал на работилници и трибини дека македонскиот граѓанин е оптоварен со грижи и сè и сешто, па последно е ова. Не е изговор, затоа што не е наивно на листата на проблемите, фрлањето смет да се стави на стото место, па да ги решиме прво другите 99 проблеми. Апсолутно е акутен и секојденевен, реален проблем, Тетово се задушува во секојдневното ѓубре. Сметам дека е солидно опремен секој град, па и руралните места, со вакви специјални канти и контејнери, за да се биде општествено одговорен и совесен граѓанин. Секој изговор дека нема контејнер пред влез е став на малоумен човек, никаде во ЕУ нема контејнери и канти пред самите згради или куќи. Па во швајцарски Берн има три пункта за селектирање каде што луѓето одат со возило и ги оставаат, желни во намерата да селектираат отпад и позитивно да придонесат за зачувување на животната средина, рече менаџерот. И институционалното потфрлање е причина за ваквите состојби, смета Макалоски. – Кога мислам санкционирање, тоа не подразбира веднаш пишување казна. Треба прво записник, опомена и крајна инстанца казна. Но главно е дека се бара ангажман на терен. Трагедијата на локални самоуправи е тоа што има само еден таков вработен, кој во град каде што гравитираат над 100 илјади луѓе е невозможно да направи ред. Кој и да е, каков и да е, колку и да е способен, не бил можел, вели тој. Во тетовското комунално претпријатие велат дека „водат борба“ со граѓаните за да го соберат сметот низ градот. Најголем проблем за нив се несовесните постапки на некои граѓани, како и ограничената механизација и средства за работа. – Проблематично е фрлањето смет покрај контејнерите, а не внатре, како и оставање на цврстиот отпад, како мебел за домаќинства, санитарна опрема, градежни материјали, гранки од дрвја. Овој отпад, освен што ја загадува животната средина, предизвикува дефекти во машините, ги оштетува контејнерите и го спречува транспортот на друг отпад. Место да го оставаат во контејнерите, граѓаните треба таквиот отпад да го однесат кај новата претоварна станица на патот Тетово кон Фалише, вели директорот на тетовското комунално претпријатие Џелал Цека.
Селектирањето отпад слаба страна на тетовци



Јавното комунално претпријатие Тетово низ градските улици и тие села што ѝ припаѓаат на општината има поставено 520 контејнери, 12 големи контејнери од по пет тони, како и канти по домаќинствата. – Сметот се собира во трета смена, но во реоните во главните улици се оди и двапати, односно и во текот на денот. Во зима камионите некаде не можат да пристигнат поради мраз и снег, а во лето сообраќајниот метеж е главното отежнување во работата. Еднаш неделно, за да се собере сметот, се оди во селата при општината. На Попова Шапка двапати, а во сезона – трипати неделно. Имаме седум реони, а 235 луѓе работат во одделот за комунална хигиена, објаснува директорот. Словенија бележи најдобра и најуспешна практика во промената кога станува збор за управувањето со отпад, посочуваат од организациите што се занимаваат со областа. Mинатата година Љубљана стана првиот главен град со нула отпад. Пред 15 години биле во иста ситуација како сега полошкиот регион, кога сиот отпад се оставал на депонија, но тоа сега е целосно променето. Во 2002 година било стартувано со посебно собирање хартија, стакло и амбалажа, а четири години подоцна, градот почнува да собира биоразградлив отпад – од врата до врата. Во 2013 година, секое домаќинство, пак, добило канти за амбалажа и за хартија. Развојот на најмодерната фабрика за третман на биолошкиот отпад во Европа бил најголемиот чекор во остварувањето на целта – до 2025 година да се рециклираат најмалку 75 проценти од отпадот, се наведува во специјализираниот информативен сајт „Балкан грин енерџи“. Регионалниот центар за управување отпад бил отворен во 2015 година. Таму се користи гас за производство на сопствена топлина и електрична енергија. Центарот обработува 95 проценти од отпадот во материјали што може да се рециклираат и во цврсто гориво и праќа помалку од пет проценти отпад на депонијата. Отпадот го претвора во висококвалитетно ѓубриво за градини. Според информација од нивните платформи на интернет, овој центар обработува 170 илјади тони отпад годишно, од кои 150 илјади се измешан комунален отпад и преку 20 илјади тони посебно собран биоотпад. Опслужува 700 илјади жители, или 43 општини во Словенија, што претставува една третина од државата.
Селектирањето отпад слаба страна на тетовци

https://opserver.mk/makedonija/opstini/selektiranjeto-otpad-slaba-strana-na-tetovci/

Како што и треба да биде.

Чиј е Поштенскиот дом над Средно Водно?!





Додека објектот е уништен, иако во него се наоѓа мурал на познатиот академски сликар Борко Лазески, државните институции се незаинтересирани да го заштитат. Објектот бил на Македонска пошта, но оттаму велат дека со поделбата меѓу ПТТ и Македонски телекомуникации, тој припаднал на Телеком, но оттаму кажуваат дека не е во нивна надлежност. Упатуваат на Агенцијата за катастар на недвижности од каде, пак, велат дека кај нив нема запишано таков објект, но земјиштето било државно



Деновиве граѓани на социјалните мрежи споделија фотографии кои укажуваат на катастрофалната состојба на Поштенскиот дом кој се наоѓа над Средно Водно.

Тие се згрозени од глетката која, како што велат, укажува на вандализам на несовесни граѓани.
Росица Лазеска, ќерка на Борко Лазески кој е познат академски сликар и автор на муралите што се наоѓаат во Поштенскиот дом, а и во дирекцијата на Македонска пошта кои изгореа во пожарот пред осум години, на социјалните мрежи коментира дека деновиве, кога се искачувала на Водно, патот ја однел до Поштенскиот дом. Таа вели дека била шокирана од она што го видела.

– Домот е тотално демолиран. Некој беснеел кршејќи се што ќе му дојде под рака. Толку голема разурнувачка енергија не сум видела. Само муралот на ѕидот не ги заинтересирал. Тој за нив и така ништо не вредел. Местото некогаш беше прекрасно – коментира Лазеска и се прашува дали некој знае зошто и како ова се случило?

Додека луѓето се прашуваат зошто објектите туку така пропаѓаат, повеќе институции и компании се оградуваат од грижата за овој објект. Од Македонска пошта не негираат дека овој објект некогаш бил во нивна сопственост, но потенцираат дека сега тој не е во нивна надлежност.
Во моментот на поделба на ПТТ и Македонски телекомуникации, овој објект припадна на Македонски телеком – посочувајќи одговорот за него да го побараме кај Македонски телеком.
И од Македонски телеком велат дека објектот повеќе не е во нивна сопственост, упатувајќи на одговор од Агенцијата за катастар на недвижности. Оттаму за весникот ВЕЧЕР одговорија дека објектот Поштенски дом на Водно воопшто не е запишан кај нив.

– Кај нас воопшто нема запишано таков објект. Она што можеме да кажеме е дека земјиштето под објектот е државно – велат од Агенцијата за катастар на недвижности.

И професорот Љубомир Цуцуловски пред две години на крајот на јули на Фејсбук пишуваше за состојбата на овој дом која не е променета ни до ден-денес. Според него, тој е изграден некаде 70-тите години од минатиот век и бил комбинација на хотел со ресторан и летна тераса. Се наоѓа на надморска висина од 700 метри на Водно.

(А.П.)

https://www.vecer.press/чиј-е-поштенскиот-дом-над-средно-водно/

Вака се наводнува новиот парк во Мичурин...









https://www.facebook.com/jassumodopstinaaerodrom/

Чекај да почнат горештините летово 

Загуба на зеленило при изградба на објектите во околината на Хотел Бристол







https://www.facebook.com/culturalechoes

Не разбирам што менува месецот во случајов... зеленилото е комплетно отстрането, а не исушено.

Не можеби, туку веќе ТРЕБА да се прави разлика меѓу уредено и неуредено зеленило. Заради тоа што се гледа само еднодимензионално, денеска се прават само обични зелени површини со по некое засадено дрвце (знак прашалник дали се води сметка да биде тоа дрво од соодветен вид и сл.) ради реда, а притоа си прават политичарите реклама со ваквите „паркови“.
Од друга страна, не треба само да се проблематизира дали е изградена зграда на едно место, туку треба да се проблематизира и нејзината висина. Иако во одредени случаи се проблематизира висината, сепак очигледно е дека најмногу се проблематизира дали на одредена локација е изградена зграда или не, што според мене, тоа не е најголем проблем.
Плус, треба да се гради повеќе во висина, но со помала основа, на тој начин и повеќе зеленило би се зачувало, но тоа е веќе друга тема.

Тоа дека немаше ни потреба ни место за објективе сега е јасно, но не сфаќам зошто после земјотресот не е формирана градежна линија до крај на улица Македонија, а градски ѕид да е на соодветна дистанца од таа линија. Се гледа дека е утната работата тогаш со објектите позади Бристол.

Edited by <Fresno> - 16-Jun-2020 at 19:22