Разно

Комплетно уништување на Скопје,без никаков концепт,план,избран архитектонски стил,ПРИДРЖУВАЊЕ НА ИСТИОТ(што поефтино толку "подобро"),едноставно кажано башибозук. Најобична поделба за давање на дозволи за градба на само 2-катни или 20-катни+ објекти мислам дека ќе доведеше до повеќе ред и некаква насока од што имаме сега...

Не знам се надевам на промени,позитивни,во сите релевантни фактори,и на нов план за градов,затоа што веќе е оддамна прекардашена работата. Гнасно е кој се зема да гради згради,итоа на какви локации и гнасен е завршниот продукт,класично безредие и трка кој повеќе тендери ќе добие за чкарт 7,8,10 катници,било каде,било како.

Засега нема ништо.

_____________________

Старо Скопје, мапава не знам дали ти е целосно точна, ми се чини дека не си го обележал комплексот на Моди Ливинг во Бутел 1 кој ќе има 13 катови. Освен тоа е ситна, не можам да видам дали си ги означил трите 12-катници во Скопје Север, на пример, итн.

Во секој случај, браво за трудот.

Edited by Џоле - 18-Jun-2020 at 20:34

исто така, во Аеродром потегот на блокови од Мајчин дом до паркот Јане Сандански се сите со 10/11 спрата, со ниски блокови и пролази измеѓу (Зелените и кафените згради)

На сликата погоре вика дека во Аеродром во 2019 се изградиле 1.061 стан, додека во текстот стои 1.601 стан. Разликата е огромна, според Завод за статистика точното е 1.601 стан.

Инаку една дополнителна статистика бидејќи имаше отворена една друга тема пред недела дена за големината на становите во Аеродром. Еве мал пресек на неколку општини и просечната големина на стан што се изградила лани, бројки кои само го објаснуваат пазарот за тоа какви станови се градат изминативе години.

Аеродром 60 м2
Карпош 64 м2
Центар 72 м2
Охрид 63 м2
Струга 86 м2
Тетово 76 м2
Струмица 81 м2
Битола 100 м2

Извор http://www.stat.gov.mk/pdf/2020/6.1.20.34_mk.pdf

Да, ги приметив трите кули кај Мајчин Дом. Чест посетител на Скопје на SSC вика дека можеби сум испуштил уште некоја зграда во Топаана и Чаир, да проверам тоа, да добијам или увидам уште некоја утка па ќе ја апдејтирам мапата.

Короната ги брка скопјаните од становите, се бараат парцели за куќи

Во општините Петровец и Илинден, кои се на само 10 километри од центарот на Скопје, речиси и да нема слободни парцели за градење. Градоначалниците на овие две општини во изјава за весникот ВЕЧЕР потврдуваат дека интересот за слободни парцели драстично е зголемен изминативе три-четири месеци поради што планираат од есен да стават на продажба нови парцели за градење куќи. Голем интерес за градење има и за Горно и Долно Соње, Сопиште и останатите населени места од истоимената општина. Таму, на нивите на подножјето на Водно никнуваат луксузни куќи со базени. Наголемо се градат куќи и во Хиподром 2, пред спортско-рекреативниот центар „Хиподром“
Пандемијата со коронавирусот и тешкото поднесување на повеќедневниот карантин што изминативе месеци повеќе пати го наметнаа здравствените власти, им ги отвори очите на скопјани да купуваат парцели во околните приградски општини на Скопје и да градат куќи и викендички.

Во општините Петровец и Илинден кои се на само 10 километри од центарот на Скопје, речиси и да нема слободни парцели за градење. Градоначалниците на овие две општини во изјава за весникот ВЕЧЕР се со речиси идентичен став: и до појавата на коронавирусот имало интерес за градење за што впрочем говорат големиот број започнати куќи и викендички (некои се веќе изградени и вселени), но интересот драстично е зголемен изминативе три-четири месеци поради што планираат од есен да стават на продажба нови парцели за градење куќи.

– Интересот порасна по појавата на коронавирусот. Изминативе месеци имаме периоди кога луѓето седеа во карантин од 48 до 80 часа, без да излезат надвор од своите станови од 50, 60 квадрати. Друго е кога си во куќа, имаш двор и градина и полесно се поднесува тоа отколку да си повеќе денови затворен дома. Исто така, во нашите приградски општини има простор за движење, воздухот е почист, а парцелите што ги нудиме на продажба се доста атрактивни за купување. Ги нудиме преку електронска продажба по почетна цена од 1 евро за квадрат и затоа и веднаш се продаваат – вели градоначалникот на општина Петровец, Борче Митевски.
Во атарот на село Р’жаничино општина Петровец се продадени околу 150 парцели за градење, претежно на млади брачни парови. Митевски вели дека во тек на градба се 80 до 90 објекти, а 20 куќи веќе и се вселени. Исто така, во село Долно Коњаре се продадени 40 парцели и таму 43 објекти се во фаза на градба, а во 15-тина куќи сопствениците живеат.

– Во септември на продажба ќе ставиме 71 парцела на потегот од Катланово до Катлановска бања поради големиот интерес за изградба на викендички, а во Средно Коњари во план ни се 102 парцели. Исто така, почнавме со легализација на објекти. До нас беа пристигнати барања за легализација на над 4.100 објекти во населените места Брезица, Градманци, Дивље, Блаце, Бадар и викенд населбата околу Катланово. Околу 90 проценти веќе се легализирани – вели Митевски.

Слично е и во соседната општина Илинден. Таму се продадени 500 парцели во населбата Јака каде 90 проценти од инфраструктурата е веќе изградена, останува само канализациона и атмосферската мрежа да се постави и да се асфалтираат уличките.

– Парцелите во Јака веднаш се продадоа. Освен од луѓе од нашата општина, голем интерес имаше и од жители на Скопје, но и од други градови. Покрај општински парцели, се купуваат и од приватници и се градат куќи, а тоа им го овозможивме со измена на локалните урбанистички планови. Интересот за куќи е голем, па размислуваме за проширување на нови простори за домување – изјави градоначалникот на Илинден, Жика Стојановски.

Комуналиите во општина Илинден се околу 120 денари за квадратен метар или за објект од 100 квадрати само 12.000 денари (200 евра).

– За споредба во Хиподром, општина Гази Баба изнесуваат 95 евра/квадрат. На тој начин ние им овозможуваме на помладите брачни парови сами да изградат куќа, па дури им нудиме и бесплатни проекти и бесплатни административни трошоци – вели Стојановски.

Голем интерес за градење има и за Горно и Долно Соње, Сопиште и останатите населени места од истоимената општина. Таму, на нивите на подножјето на Водно никнуваат луксузни куќи со базени. Во оваа општина земјоделското земјиште се повеќе се трансферира во градежно, што впрочем е практика последниве години и во другите приградски општини. Поради масовното градење, полека се бришат границите меѓу Горно и Долно Соње и Сопиште.
Владата има дадено согласност за трајна пренамена на земјоделско во градежно земјиште за изработка на урбанистички план вон населеното место „Веле поле“ во Ѓорче Петров и таму треба да се градат објекти за времено домување. Во општина Сарај, пак, е дадена иста таква согласност за изградба на спортско-рекреативен центар Треска во општина Сарај кој предвидува подигање на викенд населба и други објекти. Исто така, на земјоделски парцели кај Глумово се планираат големи градежни активности.

Наголемо се градат куќи и во Хиподром 2, пред спортско-рекреативниот центар „Хиподром“. Таму општина Гази Баба има продадено доста од планираните парцели што се на површина од 36 хектари. Таму е планирано да се изградат 300 куќи и 12 станбени згради за вкупно 3.800 жители.

И статистиката го потврдува интересот за градење куќи во скопскиот регион. Така, според податоците на Државниот завод за статистика, од ноември 2019 до април 2020 година во скопскиот регион се издадени вкупно 355 дозволи за градење. Во овој период од 6 месеци на физички лица им се издадени 183 одобренија за градење, а од нив 58 дозволи се во приградските општини. Најмногу дозволи издала општина Петровец (19), потоа следат Чучер Сандево (12) и Сопиште (11), Илинден (10), Арачиново (4) и по една во Зелениково и Студеничани.

https://www.vecer.press/короната-ги-брка-скопјаните-од-станов/

Што е атрактивното во карпош и центар ?
Сериозно ме интересира,низ која призма се одредува една населба да биде поатрактивна од друга во две педи главен град,подеднакво брутализиран,без компас,без план како да се модернизира и развива како што личи главен град на земја членка на нато/еу...?

Кај нас нема ЕДНА(1) населба што ќе ги оправда тие 1.300-500евра м2 што се бараат,за квалитетот и изгледот нема потреба ни да се дискутира.

Originally posted by David Што е атрактивното во карпош и центар ? Сериозно ме интересира,низ која призма се одредува една населба да биде поатрактивна од друга во две педи главен град,подеднакво брутализиран,без компас,без план како да се модернизира и развива како што личи главен град на земја членка на нато/еу...? Кај нас нема ЕДНА(1) населба што ќе ги оправда тие 1.300-500евра м2 што се бараат,за квалитетот и изгледот нема потреба ни да се дискутира.

Во Карпош за ексклузива го сметаат делот околу Сити Мол и оние натискани згради во Карпош 2 кај Техничките факултети каде терасите речиси се допираат...за Центар најверојатно типуваат на Капиштец и делови од Дебар Маало.Од сето ова нема ништо елитно ама ете штом се продаваат станови не им пречи да одат под таква парола.

12 семејства од стара и руинирана зграда во Охрид живеат во страв



https://alfa.mk/12-semejstva-od-stara-i-ruinirana-zgrada-vo-ohrid-ziveat-vo-strav/

Edited by stef4o - 08-Jul-2020 at 08:29

Значи, се' додека велосипедските патеки се со кривини од 90 степени, подигнати рабници, патеки што директно се „судруваат“ со автобуски постојки итн. нема да се зголеми, на задоволително ниво, процентот на луѓе кои користат велосипед.