Автопат Кичево - Охрид

Проблемот е што не се работи. Да се работеше како што велиш ти 'на ниво', до сега ќе беа направени и ќе се возеше по овие мостови.
Скролни неколку страни поназад, имаше некој шернато слики, да го видиш напредокот од декември 2019 до сега.
Методологијата за градење ваков тип на мост дозволува бетонирање на два нови сегменти (паралелно лево и десно од столбот) во просек на секои 7 дена (нешто што им успеваше на Актор на Демир Капија-Смоквица. Дури при поволни временски услови успеваа да избетонираат нови сегменти и на 4 дена).
Споредувајќи ги овие слики со тие од пред една година, на столбот од кој е напреднат најмногу, не гледам повеќе од 30 сегменти (по 15 лево и десно). Најпросто кажано: 15*7=102 дена. Од претходните до овие слики се поминати близу 300 дена. Ете колку се спори. "Само" три пати поспори од некој што работеше до не така одамна на наше тло.
Да не бидам сфатен погрешно, мило ми е што домашна компанија работи ваков тип на објект. Се надевам дека тој тренд и ќе продолжи. Имаме уште многу проекти со захтевни објекти како овие, и потребно ни е кадар со искуство на вакви проекти.
Но, не се согласувам со нивните самопофалувачки текстови дека се "рамо до рамо" со светските фирми. Во модерното градежништво динамиката е таа која ги исфрла на површина најуспешните.
До тогаш, за жал, далеку се од 'рамото' на останатите светски компании.

ДО КРАЈОТ НА СЛЕДНАТА ГОДИНА ЌЕ БИДАТ ГОТОВИ 20 КИЛОМЕТРИ ОД АВТОПАТОТ ОХРИД-КИЧЕВО, РЕЧЕ БОЧВАРСКИ

Доизградбата на автопатот Кичево-Охрид е приоритет на Министерството за транспотр и врски и на Општина Охрид. Се работи интензивно на трасата која ги проби сите најавени рокови, а беа одобрени и дополнителни средства за конечна изградба.

Министерот за транспорт и врски Благој Бочварски денеска од Охрид најави готови 20 километри од автопатот до крајот на следната година, за остатокот ќе се чека на утврдување на динамичкиот план по што ќе се знае кога конечно ќе завршат градежните активности.

„На трасата моментално работат над 800 работници и над 450 градежни машини. Временските услови досега добро нè служеа, во зимскиот период можеби ќе се намали обемот на работа. Во овие 6 месеци од годината имаме за 6 пати поголем обем на работа на автопатот“, рече Бочварски.

Новите проекти, рече министерот, носат и нови постапки за регулирање на имотно-правните односи и експропријација. Со новото проектирање се зафатени ископи на земја од 12 милиони метри кубни, а тоа се градежни зафати кои бараат реално време.

Во овој момент, автопатот Охрид-Кичево чини 598 милиони евра. За 185 милиони евра беше склучен анекс од првичниот договор.

https://sdk.mk/index.php/dopisna-mrezha/do-krajot-na-slednata-godina-ke-bidat-gotovi-20-kilometri-od-avtopatot-ohrid-kichevo-reche-bochvarski/

од 03.12.2020

Се одолговлекува изградбата на автопатот Охрид – Кичево



https://alsat.mk/mk/izgradbata-na-avtopatot-ohrid-kichevo-se-odolgovlekuva/

Автопатот Кичево-Охрид по втор пат ќе го пробие рокот за изведба, се прават анализи за колкав период

Јавното претпријатие за државни патишта подготвува опсежни анализи за продолжување на рокот за изградба на автопатот Кичево-Охрид. Веќе е извесно дека по втор пат ќе биде пробиен крајниот датум во чии рамки кинеската компанија „Синохидро“ како изведувач на работите требаше да ја заврши изведбата на автопатот долг 57 километри и вреден речиси 600 милиони евра.

Првичниот рок за завршување на изградбата на овој автопат веќе беше продолжен за три и пол години, и тоа до 30 јуни 2021 година

Нов краен рок за завршување на изградбата на автопатот засега нема, но од Јавното претпријатие за државни патишта за „Мета.мк“ информираат дека нивните очекувања се до крајот на 2021 година да се пушти во употреба третата подделница со должина од 11,5 километри, на потегот од Пресека кај новиот тунел до Песочани.

„Анализите се врз основа на моменталната изграденост на самиот автопат, дополнителната техничка документација (зголемени количини) и ситуацијата со ковид-19“, објаснуваат од ЈП за државни патишта.

Во однос на тоа дали кинески „Синохидро“ ќе сноси санкции поради доцнењето на изведбата на автопатот, од ова јавно претпријатие велат дека во моментов не планираат санкции кон кинеската компанија, бидејќи рокот сè уште тече и е до 30 јуни 2021 година.

„По извршените анализи доколку се утврди вина на Изведувачот ќе постапиме согласно со Договорот“, велат од ЈП за државни патишта.

Од јавното претпријатие објаснуваат дека откако ќе биде изработена анализата за тоа во колкав период е неопходно да се продолжи изградбата на автопатот Кичево-Охрид, ќе се изготви нов Анекс на договорот за изведба на овој инфраструктурен проект.

„Во овој момент немаме сознанија за зголемување на крајната цена на чинење на изградбата на автопатот, и сметаме дека обезбедените средства со Анекс бр.3 се доволни за завршување на изградба на автопат А2, делница Кичево-Охрид“, велат од Јавното претпријатие за државни патишта во однос на прашањето дали ќе има натамошно зголемување на крајната цена за изградбата на овој автопат.

Автопатската делница од Кичево до Охрид започна да се гради во февруари 2014 година, откако беше извршено позајмување на кредит од кинеската Ексим банка од тогашната влада на ВМРО-ДПМНЕ

Во пролетта 2018 година, владата предводена од СДСМ соопшти дека неопходно е продолжување на рокот за доизградба, поради неусогласеност на проектната документација со реалните услови на теренот, но и поради фактот што некои инфраструктурни објекти, како што се деветте клучки, не биле воопшто планирани со првичниот проект.

Кон крајот на пролетта 2019 година, ЈП за државни патишта го објави тендерот за докомплетирање на проектната документација за овој автопат. Собранието на РСМ на 21 ноември 2019 година го усвои новото задолжување на земјава кон кинеската Ексим банка во висина од дополнителни 180 милиони долари, со кои треба да се изведат сите оние сегменти од автопатот коишто беа препроектирани поради тоа што биле изоставени или неизводливи за градба во првичниот проект.

Инаку, Институтот за демократија „Социетас Цивилис“ лани го изработи истражувачки труд „Втурнати во ќорсокак: заблудената верба во кинескиот корозивен капитал за изградбата на автопатите во Северна Македонија“. Во овој труд тие посочија на недостигот на транспарентни и конкурентни набавки визави услови за заем поставени од Кинеската банка за извоз и увоз отелотворени во списокот на претпочитани компании, кои биле предложени од Кинеската влада, а одобрени од Кинеската амбасада во Скопје.

Воедно, втората клучна слабост што ја утврдиле истражувачите од „Социетас Цивилис“ е нетранспарентниот и неконкурентен процес на избор на компанијата Синохидро за главен изведувач за двата автопати. Истражувачите во трудот посочија и на проблемот со политичките и приватните поттици на водечки јавни функционери за изведба на овие автопати, и покрај мислењето на градежниот надзор за неизводливоста на проектот, а со што се предизвикала ефективна штета врз заедничкото добро и парите на даночните обврзници.

https://meta.mk/avtopatot-kichevo-ohrid-po-vtor-pat-kje-go-probie-rokot-za-izvedba-se-pravat-analizi-za-kolkav-period/

Krajno neizvodliv proekt, no za zal lakomite politicari voopshto ne im e gajle se dodeka zemat dobar procent. Sramota

од 18;33 се зборува за патов,возено е и по трасата

Dobro e objasnato vo KOD. Za zal onoj ministerot izgleda mnogu smesnen. Se gleda deka nema voopshto nikakva idea kako e realno na lice mesto.
57km pat ke se gradi 10 godini i ke cini mn povejke. Najnerealno e ova

До крајот на мај ќе се преговара со „Синохидро“ за крајниот рок за довршување на автопатот Кичево-Охрид

Јавното претпријатие за државни патишта преговара со кинеската компанија „Синохидро“ околу новиот анекс со којшто ќе се продолжи рокот за изведба на автопатот Кичево-Охрид. Директорот на ЈП за државни патишта, Ејуп Рустеми денеска информираше дека очекува кон средината на мај да биде договорен анексот, којшто потоа треба да биде усвоен од Владата и од Собранието.

Освен што напомена дека нема шанса да се заврши изведбата на автопатот Кичево-Охрид до 30 јуни 2021 година, Рустеми денеска немаше конкретен одговор кој ќе биде новиот датум што ќе му се даде на кинескиот изведувач за да ја заврши изградбата на делницата долга 57 километри. Тој посочи дека откога ќе се завршат преговорите, ќе се знае точно кога ќе се завршат сите работи на овој автопат од Коридор-8.

На истото новинарско прашање, министерот за транспорт и врски Благој Бочварски денеска појасни дека од аспект на институционално решавање на прашањата со цел забрзување на постапката за изградба, институциите прават целосен притисок за автопатот да биде час поскоро завршен.

Како обврска на институциите, досега е извршено целосно репроектирање на неопходните 25 проценти од автопатската траса, со сите ревизии и потребни документи, а во моментов се работи на инфраструктурните проекти. За само неколку недели, Министерството за транспорт и врски до денеска има одобрено 16 од вкупно 70 инфраструктурни проекти, со што се создадени условите да се засилат градежните активности на овие делови од автопатот каде беше неопходно репроектирање. Бочварски додаде дека за дел од репроектираната траса, ќе биде неопходна дополнителна експропријација на земјиште.

Вториот аспект, изјави Бочварски, се засилените градежни активности на терен од страна на изведувачот. Тој рече дека и во моментов се работи на изведба на одредени сегменти од автопатот.

Министерот Бочварски очекува до средината или при крајот на мај да се завршат преговорите со „Синохидро“ околу новиот краен рок за изведба на автопатот Кичево-Охрид, по што анексот на договорот треба да биде доставен во Собранието на РСМ. Со донесувањето на анексот и отклонувањето на сите пречки што ја забавуваат работата на терен, ќе дојде до забрзување на изградбата на овој автопат.

Автопатската делница од Кичево до Охрид започна да се гради во февруари 2014 година, откако беше извршено позајмување на кредит од кинеската Ексим банка од тогашната влада на ВМРО-ДПМНЕ. Првичниот рок за завршување на изградбата на овој автопат веќе беше продолжен за три и пол години, и тоа до 30 јуни 2021 година.

https://meta.mk/do-krajot-na-maj-ke-se-pregovara-so-sinohidro-za-krajniot-rok-za-dovrshuvane-na-avtopatot-kichevo-ohrid/

1 milijarda ke dostigne patov , ko mislis Ohrid so Viena se probiva pat ))

Kakov Kriminal ispadna Avtopatov cccc