Автопат Кичево - Охрид

Рустеми: „Не е важно колку брзо ќе патувате, туку колку безбедно ќе патувате! Автопатот Кичево-Охрид ќе биде најбезбедниот пат во државата“

Извршен е увид со министерот Бочварски, директорот Рустеми, заменик министерот Реџепи и заменик директорот Трпевски во изградбата на Автопатот А2, делница Кичево-Охрид во должина од 57 км. Директорот на ЈПДП г. Рустеми ја информира јавноста за динамиката на изградба на овој автопат.
“Имено, градежните работи на автопатската делница се во тек. Се работи на земјени работи, поголем број на вијадукти, клучки, пристапни патишта, потпорни ѕидови, надпатници и подпатници и се друго што е предвидено согласно со проектот на изградба. Како најинпресивен е конзолниот вијадукт што се гради кај село Добреноец, кој е и најголем со вкупна должина од 520,7м. и висина на столбовите од 70м. Изведени се градежни работи во тунелот со две тунелски цевки во двата правци во вкупна должина од 4 км, кои ќе бидат опремени по најсовремени европски стандарди. Исто така се работи на клучките Арбиново, Издеглавје, Ботун, Мешеишта и Подмоље. На дел од автопатската делница извршено е асфалтирање на прв и втор слој. Исто така е рехабилитиран и дел од постоечкиот магистрален пат. На иградбата на автопатот изработени се нови проекти: и тоа на клучки, паралелни пристапни патишта со приклучок на постоечки објекти, девијации за локални патишта, стабилизација на косини и санација на свлечишта, нов контролен центар и комплетна опрема за сообраќајна сигнализација долж трасата.
Вкупната реализација до сега изнесува 322,4 милјони евра. Реализацијата за првиот квартал во 2021 година, изнесува 5.14 милјони евра.
Hо, истовремено напоменам дека градбата на цела патна инфраструктура ќе продолжи и во наредниот период” – изјави Рустеми.





https://www.facebook.com/drzavnipatista

Нов рок за автопатот Кичево – Охрид, ќе биде готов во 2023-та или почетокот на 2024-та



https://mk.tv21.tv/nov-rok-za-avtopatot-kichevo-ohrid-ke-bide-gotov-vo-2023-ta-ili-pochetokot-na-2024-ta/

Рокот е убиство, 10 + години градња една делница и плус делницата Гостивар - Кичево којзнае колку тешки години ќе се гради, ќе дојдеме до 20 години поминати за градба на 80 и кусур км...машала машала ќе имаме рекорди за у гинис да се фалиме

И најтрагично е што никој не одговара за оваа неспособност.

И АНЕКСОТ НЕИЗВЕСЕН: Синохидро сака Кичево - Охрид да се пушти наеднаш, Владата барала делница по делница

Се комплицираат ли работите за изградбата на автопатот Кичево-Охрид? Откако објавивме вчера дека парите кои се предвидени за надзорот на довршувањето на делниците долж Коридорот 8 на овој потег, се нова ставка односно поскапување на изградбата, дознаваме дека со кинеската компанија Синохидро се уште не е постигнат конечен договор и за пролонгирањето на крајниот рок.

Според нашите информации, Владата еднаш веќе им испратила предлог анекс на договорот, но Кинезите го одбиле. Проблемот всушност пак се врзува на некаков начин со роковите на довршување. Владата бара Синохидро да довршува делница по делница и да ја пушта во употреба, а кинеската компанија на тоа не се согласува. Имено ако целиот автопат од Кичево до Охрид е во пет делници, Синохидро инсистирале во употреба да се пуштат сите заедно или пак барем евентуално прво две па останатите до крајниот рок. Сите овие несогласувања резултираат со тоа анексот да не е готов, иако беше најавено да биде пуштен на усвојување во Собранието до крајот на минатиот месец. Дали ќе се успее во следниот период да има договор ќе зависи и од тоа како Синхидро ќе ги реши отворените прашања со некои од подизведувачите. Некои размислувања се дека ако вака се одвиваат работите можно е да дојде и потреба за барање на нов изведувач. Првичната најава е дека автопатот Кичево – Охрид со новиот анекс треба да се гради до 31 декември 2023 година и вкупната сума треба да остане 598 милиони евра.

Сепак Фактор вчера објави дека Договорот вреден над 8,2 милиони евра кој Јавното претпријатие за државни патишта го склучило со Градежен институт Македонија за надзор на докомплетирањето на градежните работи на автопатот всушност е нов трошок. Станува збор за условен договор кој се реалзиира кога ќе продолжи и изградбата, но тие пари секако се дополнителна сума која ќе ја покрива државата. Милионскиот договор веќе е објавен, а за надзорот Градежниот институт Македонија се здружува со скопската компанија Евро консалтинг.

На 30 јуни годинава заврши вториот рок за завршување на изградбата на автопатот Кичево-Охрид кој се гради од 2014 година.

Во новиот договор со ГИМ, пак кој е со рок на траење од 65 месеци или 5 години и пет месеци, 41 месец се за изградба на автопатот, а другите се за надзор во фазата по изградбата. Во делот кога ќе се гради, Јавното претпријатие всушност остава простор од 11 месеци од сега планираните ако евентуално има некои пролонгирања.

Откако ќе се пролонгира, ова ќе биде второ продолжување на рокот за изградба на оваа автопатска делница. Првично беше најавено да е готова во 2018 година, но со анекс на договорот се продолжи рокот до 30 јуни годинава. Тогаш, се зголеми и цената на чинење на автопатот на вкупно 598 милиони евра.

https://faktor.mk/i-aneksot-neizvesen-sinohidro-saka-kichevo---ohrid-da-se-pushti-naednash-vladata-barala-delnica-po-delnica-?fbclid=IwAR2_ZXQBRWOrkX7Tb64XgAtEV2cpOuqrqwEeAqLOgVCN7YyF-DCQb_OXG6k

Рокот за изведба на автопатот Кичево-Охрид измина, анексот со кинески „Синохидро“ допрва ќе оди во Собрание

На 30 јуни годинава измина вториот зададен рок за завршување на изградбата на автопатот Кичево-Охрид на патниот Коридор 8. Дополнителниот анекс на договорот за продолжување на изградбата на оваа автопатска делница допрва ќе оди во Собранието на РСМ на усвојување кај пратениците.

„Мета.мк“ во понеделникот до Јавното претпријатие за државни патишта испрати прашања во однос на тоа кој е најновиот датум договорен со кинеската компанија „Синохидро“ за завршување на изградбата на автопатот, како и кога би можеле да го очекуваме во Собрание Анексот за продолжување на рокот за изградба на делницата долга 57 километри.

Од ЈП за државни патишта во телефонски разговор накратко ни одговорија дека во моментов немаат никакви информации за споделување со јавноста. Директорот Ејуп Рустеми неодамна во интервју за новинската агенција МИА рече дека преговорите со кинески „Синохидро“ се во завршна фаза, а дефинирано е до 31 декември 2023 година да се продолжи рокот за комплетирање на градежните работи.

И министерот за транспорт и врски Благој Бочварски кон крајот на мај годинава рече дека крајот на 2023 или почетокот на 2024 година ќе биде новиот датум кога се очекува официјалното пуштање во употреба на автопатската делница од Кичево до Охрид.

Во меѓувреме, на Електронскиот систем за јавни набавки е објавен склучениот договор меѓу ЈП за државни патишта и Градежниот институт Македонија од 17 јуни годинава за надзор за докомплетирање на градежните работи за изградба на автопатот Кичево-Охрид. За надзорот ќе бидат одвоени над 507 милиони денари (околу 8,2 милиони евра), со вклучен ДДВ.

Притоа, во договорот со компанијата што ќе го врши надзорот е наведено дека изградбата на автопатот Кичево-Охрид ќе продолжи во наредните 41 месец, од кои 30 месеци се планирани за изведба, а дополнителни 11 месеци проценет рок за евентуално продолжување на работите. За фазата после изградба предвиден е гарантен рок од 24 месеци.

Автопатот Кичево-Охрид започна да се гради во 2014 година, но поради сериозни пропусти во проектната документација која доведе до потреба од поскапување на изградбата и препроектирање на делови од автопатот, првичниот рок за пуштање во употреба на автопатот беше продолжен за три и пол години, до 30 јуни 2021 година. Овој датум повторно е пробиен, со ветување дека за околу две и пол години дефинитивно ќе биде завршена неговата изградба.

Инаку, неодговорено остана и прашањето на „Мета.мк“ за тоа кој ќе ја сноси одговорноста за второто пробивање кај рокот за изградба на автопатската делница на Коридорот 8, односно дали и какви мерки ќе се преземат против компанијата-изведувач за доцнењето на градежните работи или кон останатите субјекти вклучени во изведбата на автопатот Кичево-Охрид.

https://meta.mk/rokot-za-izvedba-na-avtopatot-kichevo-ohrid-izmina-aneksot-so-kineski-sinohidro-doprva-kje-odi-vo-sobranie/

od fb

Со оглед на брзините на нашите возови ич не е проблем и растојание од 5 метри.

Новиот договор со СИНОХИДРО е постигнат, врз база на 'no claims from both sides' принцип. Обврската за финиширање на автопатот ќе биде крај на 2023.

Овде дали до 2024 ќе завршат.

Ќе ви кажам наскоро, имам доста слики и од тоа што видов сум целосно разочаран. Срам ми е каде живеам