Порта Македонија

тоа ми беше муабетот,она горе што се гледа како чир е просторот за сместување на механизмите-мотор,витло,сајли,склопки итн

Порта Македонија затворена до јули


Порта Македонија ќе биде затворена за посетителите во период од околу два месеци поради изведување работи околу ентериерното уредување на галерискиот простор и на терасата, информираа од Министерството за култура. Кога точно повторна овој атрактивен објект ќе стане достапен за посетителите, од Министерството дополнително ќе информираат. Галерискиот простор со површина од околу 150 квадратни метри освен како галерија треба да се приспособи и за одржување на прес-конференции, коктели, венчавки, а терасата да се адаптира за кафетерија. Додека трае внатрешното уредување на Портата, ќе работи само суверницата.

Портата Македонија свечено беше пуштена во употреба на Бадник, а посетителите можеа со скали или лифт да се качат на горната платформа-видиковец. Влезот беше бесплатен. Автор на Портата висока 21 метар е скулпторката Валентина Каранфилова - Стевановска. Триумфалната капија се наоѓа на плоштадот Пелаа во центарот на Скопје. На неа се прикажани мотиви од македонската историја, култура и традиција. Според идејниот проект таа претставува симбол на големата историска победа - создавањето независна и суверена Република Македонија.

vecer.com.mk

Edited by Bojan10 - 12-May-2012 at 14:49

Кафич?

Nema poinakov stav osven deka ova e klasicno perenje na pari pred ocite na celata makedonska javnost,sto e najstrasno ozekoneto,siguren sum deka nikoj od tie idioti nema da odgovara za ova sto go pravi.

Sega ocekuvam nekoj prilog od kurir.mk(i sl. na nego) kako ni objasnuva deka portata e za site nas,deka tuka dosega nemalo nisto sega veke ima kaj da pominuvaat site makedonskite triumfi slicni takvi gluposti.

мулти- димензионалната функција

wtf?

стар-гејт да не ќе прават?

These kind of things are light years beyond my comprehension


Edited by mirakuliks - 22-Jul-2012 at 10:37

Порта Македонија



































Превземено од МАКЕДОНЦИ

Edited by MartiniMKD - 19-Jan-2013 at 16:54

Барав тема Портата Македонија и не успеав да најдам а нешто ми се мота во глава дека имавме таква тема, па ако е така нека се префрли текстот во соодветна нишка.

Туристите најмногу ја посетуваат портата „Македонија“

Просториите во портата „Македонија“ досега се изнајмени за одржување повеќе од 70 настани. На дел од просторот ќе се прикажуваат драмските претстави, а од овој месец на видиковецот од портата ќе се пие кафе



Од овој месец портата ќе служи и како театарска сцена

За едно тримесечје 5.000 посети

Венчавки, театарски претстави, изложби, презентации, семинари, прес- конференции, промоции на книги, видеоспотови се настани што нешто повеќе од година се организираат во портата „Македонија“. Во текот на месецов на терасата на триумфалната порта ќе може да се ужива во панорамскиот поглед на центарот на градот со шолја кафе, чај или друг пијалак. Портата заедно со ентериерниот простор за издавање беше отворена на 6 октомври 2012 година, по што беше пуштена во употреба и терасата, која служи и како видиковец. Од Министерството за култура велат дека за три месеци портата ја посетиле 5.000 посетители. Триумфалната порта за посетители со издавање на билет работела само три месеци, потоа со почетокот на зимата терасата се затвори, а со тоа и можносата за влез на туристи. Влезот во неа е 30 денари, без временско ограничување на посетата. Триумфалната порта „Македонија“ е симбол на големата историска победа - создавањето независна држава. Таа беше осмислена како објект што ќе ги содржи и зачува за сегашните и за идните генерации историските и културните придобивки на овој простор, истовремено давајќи му едно ново обележје на градот, вклопувајќи се во просторот како јавен објект отворен за сите.

Драмска акција

Портата „Македонија“ е опремена со ентериер што може да се адаптира за камерни концерти, изложби, коктели, венчавки и разни други прослави. Во годината постоење на портата граѓаните ги изнајмувале салите за најразлични настани. Просторот може да се изнајми од час и од ден. За еден час цената е 6.000 денари, а додека за цел ден задоволството би чинело 30 илјади денари.

- Досега просториите во портата се изнајмени за одржување на повеќе од 70 настани, едноставно можеме да одговориме на сечија желба и побарување. Одржавме неколку изложби, тука беше прославен Денот на културата на Штип. Ракометниот клуб Металург кај нас ја одржа својата годишна завршна манифестација, средба одржа и првиот парламентарен состав од Собранието на РМ - објаснува Емилија Андоновска Пападимитров од Министерството за култура.

Таа вели дека досега во објектот се одржале и неколку венчавки. Дел од просторот во портата „Македонија“ служи и како театарска сцена. Од овој месец граѓаните може да уживаат во драмските претстави што се прикажуваат и во самата порта и на нејзиниот балкон.

- Со две претстави влеговме во редовниот репертоар на Македонскиот народен театар, а тој во иднина ќе биде и проширен. Идејата за претворање на портата „Македонија“ во културен центар и натаму ќе продолжиме да ја реализираме, веќе се закажани нови изложби, промоции на книги, литературни читања, па дури и камерни концерти - изјави Андоновска Пападимитров.

Во тек е постапката за распишување тендер за изнајмување на терасата - видиковец, каде што во иднина би требало да има кафуле во кое посетителите ќе може да се освежат со пијалак и да уживаат во центарот на градот.

Жива монументална скулптура

Во светот со векови се граделе триумфални порти. Државите одбележувале со нив воени и политички победи, годишници, јубилеи. Голем дел од нив со текот на времето станале обележја на градот, па дури и на државата. Тие се симболи по кои се памети едно место, народ, нација. По повод 20 години независност на Казахстан, во главниот град Астана се изгради триумфална капија. Оваа порта го симболизира одвојувањето на Казахстан од СССР. Слично на овој пример, кај нас се роди идејата, а потоа и се реализира изградбата на портата „Македонија“, со која всушност се одбележаа 20 години независност на државата.

- Јас како граѓанин на Скопје секојдневно поминувам покрај портата „Македонија“ и мислам дека таа е вистински празник на окото, објект што во иднина ќе стане еден од неколкуте симболи на Скопје - вели Мирјана Стојковска, жителка на Скопје.

Портата е висока 21 метар. Надворешноста е со изработени 32 релјефи со прикази на македонската историја низ вековите, на површина од 193 квадратни метри.

Портите од подоцнежниот период, а особено од 19 век, се градени исклучиво во духот на класицизмот.
- Горда сум што ова мое дело заживеа во градот, се вклопи во него, а народот го прифати. Неговата мултифункционалност, убавината и симболиката што ги носи со себе многу векови во иднина ќе го оправдаат постоењето на објектот. Портата „Македонија“ е монументална скулптура, која на еден оригинален и препознатлив начин е достапна за разбирање за секој посетител. Со неа се претставени историјата и културата на Македонија од неолитското време до денешен ден - ни изјави авторката на објектот скулпторката Валентина Каранфилова Стевановска.

Сведоци на минатото

Во светски размери најпознати се Бранденбуршката порта во Берлин, како и Триумфалната порта во Париз. Портата во Париз е еден од главните симболи на Париз, кој се наоѓа на плоштадот „Шарл де Гол“, исто така познат и како плоштадот „Ѕвезда“. Таа се наоѓа западно од Елисејските полиња. Висока е 51 метар, а широка 45 метри и е втора најголема триумфална порта во светот. Париската триумфална порта е изградена по наредба на Наполеон Бонапарта во чест на сите француски војници. Внатре под самата порта се наоѓа гробот на незнајниот јунак од Првата светска војна. А самата порта има Музеј на историјата и, како и нашата триумфална порта, овозможува панорамски поглед на Париз.
Симбол на Берлин е Бранденбуршката палата, прва античка неокласична градба, изградена со 12 старогрчки столба во дорски стил, која всушност исто така е триумфална порта.
- Триумфалната порта во Берлин била граничен премин од источен кон западен Берлин. Внатре во оваа порта не може да се влезе како, на пример, во нашата порта „Македонија“, бидејќи портата во Берлин е составена само од столбови. Бранденбуршката палата е вториот најпознат симбол по Берлинскиот ѕид во Германија - ни изјави Горан Димитровски, Македонец што живее во Берлин.
Тој вели дека околу портата има музеј, најскапи хотели, амбасади, ресторани, кафулиња, што дополнително го заживеало градот.

Портата како мост меѓу минатото, сегашноста и иднината

- Иако низ светот има многу порти што личат на оваа порта, сепак портата „Македонија“ е уникатна по својата содржина и изглед и претставува место каде што секој посетител може да ги разгледа историјата и културата на Македонија. Таа е место за социјализација, интеграција и комуникација помеѓу жителите од градот и сите оние што ќе поминат тука. Портата „Македонија“ треба да ги гради мостовите што ги поврзуваат минатото, сегашноста и иднината. Главната цел е да го привлече посетителот, да му создава навики и љубов кон народот, државата и нејзината историја, култура, традиции и достигнувања - вели авторката на објектот, скулпторката Валентина Каранфилова Стевановска.

Автор: Катерина Панчевска

http://www.novamakedonija.com.mk/NewsDetal.asp?vest=48131029271&id=14&setIzdanie=22850

Edited by kultuzin - 08-Apr-2013 at 11:40