Порта Македонија

ЕКСКЛУЗИВНО: ВЕЧЕР ПРВ ГИ ОТКРИВА ДЕТАЛИТЕ ОД МОНУМЕНТАЛНАТА СКУЛПТУРА


Цела македонска историја на Порта Македонија!


Од античка се до независна Македонија - речиси се поважно на што може да помислите го има на Портата: светите Кирил и Методиј и светите Климент и Наум, македонската фаланга, Јустинијан, Цар Самоил, Крале Марко, Карпош, Илинденците...

"Порта Македонија" крие многу тајни и симболи, а ВЕЧЕР ексклузивно ви ги открива деталите. Додека десетиците релјефи на монументалната скулптура (или поточно 32!) забрзано се чистат и полираат, разговараме со авторот, Валентина Каранфилова - Стевановска, која го изработи и грандиозниот "Воин на коњ". Таа ни открива дека на Порта Македонија" всушност е насликана историјата на Македонија започнувајќи од античка се до независна Македонија. На мноштвото релјефи гордо стојат светите Кирил и Методиј и светите Климент и Наум, маршира македонската фаланга, а друштво и прават Јустинијан, Цар Самоил, Крале Марко, Карпош, Илинденците... Гледаме и дел од непроценливите богатства како бронзениот кратер од Требениште од 6 и 5 век пр.н.е, но и неправди како егзодусот на Македонците од Егејска Македонија.
Каранфилова - Стевановска детално ни ги објаснува двете страни на "Порта Македонија":
ЗА СТРАНАТА КОН ПЛОШТАДОТ МАКЕДОНИЈА
"Од едната страна на Портата, односно кон плоштадот Македонија, ја претставив културата на Македонија. Најгоре на Портата лево релјефно ја претставив неолитската населба која претставува еден континиутет на живеење на овие простори од неолитско време. Потоа мајките-божици, бронзениот кратер од Требениште од 6 и 5 век п.н.е, Херкулинка од Стоби од 1 и 2 век од н.е. и Изида Охридска од 3 век пр.н.е.", започнува со описот магистерот по вајарство. Таа раскажува дека подолу на кружните релјефи ги претставила светите Кирил и Методиј и светите Климент и Наум во позадина со црквите Света Софија и Св. Наум и Плаошник. Лево долу под кружниот релјеф го гледаме архангел Гаврил од свети Ѓорѓи од Курбиново од 12 век, а десно од него манастирот Св. Јован Бигорски и иконостасот. Авторката вели дека ја прикажала и архитектурата во Македонија, па претставени се охридска куќа и Даутпашин амам. Од страната кон плоштадот Македонија, Портата завршува со Мостот на поезијата во Струга и дете со книга во рацете со порака дека иднината на Македонија е во младите и образованието.
"Со еден збор, на оваа страна прикажувајќи ја културата на Македонија ги претставив сите уметности односно сликарство, вајарство, архитектура, копаничарство, грнчарство, поезија, книжевност и музика", ни опишува Каранфилова - Стевановска.

ЗА ДЕЛОТ КОН СОБРАНИЕТО НА МАКЕДОНИЈА
И другата страна на Порта Македонија претставува приказна за себе. Таму ја гледаме историјата на Македонија, започнувајќи од античка Македонија се до независна Македонија.
"Тука има претстави од македонската фаланга, Јустинијан, Цар Самоил, Крале Марко, Карпош, Илинденците, АСНОМ, го претставив и егзодусот на македонците од Егејска Македонија од 1948 година и прогласувањето на независна Македонија во 1991 година. Најгоре во средината претставен е и симболот на вечноста", вели авторката, додавајќи дека на страничните ѕидови се претставени фолклорот, музиката и носиите од Вардарска, Пиринска, Егејска Македонија и од Мала Преспа. На истата страна покрај пафтите, карактеристични за македонските носии, претставен е и накитот што го носеле градските жени во Македонија.
После сите овие најситни детали, ја прашавме авторката кога ќе биде финализирано делото.
"Релјефите во мермер се комплетно завршени, во моментот се монтираат последните релјефи, но останува уште горниот венец и дел од фасадата кои што за брзо време ќе бидат готови но, се зависи и од временските услови", завршува Каранфилова - Стевановска. (Де.Т.)
Видиковец на врвот
"Најгоре на Портата ќе има видиковец до кој може да се дојде со лифт и скали", ни открива авторката. Таа раскажува дека од двете страни на Портата најгоре ќе бидат претставени четири скулптури, претстава на млада девојка и момче кои со рацете покажуваат кон релјефите. Скулптурите се излиени во бронза во размер 1:1 со висина од 3,60 метри. Лиени се во Скопје.

Уникатна Порта
"Иако низ светот има многу порти кои наликуваат на "Порта Македонија", сепак оваа Порта е уникатна по својата содржина и изглед и претставува место каде што секој посетител може да ја разгледа историјата и културата на Македонија. Место за социјализација, интеграција и комуникација помеѓу жителите од градот Скопје како и пошироко од Македонија и странство. Портата Македонија треба да ги гради сите мостови кој ги поврзуваат минатото, сегашноста и иднината. Главната цел е да го привлече посетителот, да му создава навики и љубов кон народот, државата и нејзината историја, култура, традиции и достигнувања", ја објаснува авторката нејзината идеја.

Фотогалерија
извор

http://vecer.com.mk/galerii/porta/index.html

Треба да постои нишка. Само некој од нас да има време да префрли се'. А и многу од постовите се испомешани и за портата и општо за СК2014.

Бронзени скулптури се редат на Триумфалната порта


Финишира изграбата на објектот „Порта Македонија“ и постои голема веројатност градбата свечено да се промовира до крајот на годинава. Во моментот се полираат релјефите на фасадниот дел, а од пред неколку денови на горниот дел од двете страни на портата се поставени четири бронзени скулптури на момчиња и девојки. И овие скулптури, се дело на авторката Валентина Стевановска, на која власта и довери најголем дел од капиталните објекти од „Скопје 2014“.
Деновиве се изработува горниот венец на градбата, а се довршуваат и некои делови на фасадата.
Портата е висока 21 метар и е обложена со мермер и 32 релјефа, на кои се прикажани историски сцени и личности од античкиот период до создавањето на современата македонска држава. На нив се овековечени просветителите Кирил и Методиј, Климент и Наум, цар Самоил, Карпош, македонската фаланга, бронзениот кратер од Требениште, егзодусот на Македонците во Егејска Македонија, а претставен е и дел од македонската архитектура.

Објектот има и галериски простор на две нивоа, предвиден за одржување на разни културни настани, до кој ќе се стигнува со лифт и со скали.

Уште од самиот старт на изградбата, голем дел од архитектите не гледаа оправдување и причина за изградба на еден ваков објект во центарот на градот, особено поради тоа што деловно-галерискиот простор кој дополнително ја оптоварува градбата, бара и изградба на нови места за паркирање, што во случајот не е изводливо.
Нивните реакции одеа во насока на тотално непочитување на урбанистичките стандарди, за малиот плоштад каде што е поставена Портата.



ГМВ/БИ
http://www.plusinfo.mk/vest/25475/Suarez-stana-redoven-mushterija-kaj-FA

Стварно секоја чест за Валентина, воопшто не ми смета што има толку дела од еден автор бидејќи стварно се гледа дека се работи за уметник и скулптор од врвен светски калибар.

steta sto lavovite na mostot goce delcev ne se napraveni od valentina
ova e stvarno velemajstorski

сликата е од Дневник,ама во друга конотација

It's a lovely arch. Congratulations to our Kazakh friends.

Не би се согласил дека е подобра од нашата порта.

Тоа не е грев, Сонцето изгрева на исток, а Сонцето е наш национален симбол, иако во доста различни форми го прикажуваме и на Порта Македонија и кај споменикот на Воинот на коњ и на многу други обележја.

Edited by Dexter26 - 16-Dec-2011 at 15:32