Порта Македонија

Па и немора да постои дефиниција. Но сепак може да се припазат некои работи од естетски карактер, стандарди, па дури и пристојност, иако јас и не сум толку пристоен.

Дали би било убаво, и оправдано па и пристојно доколку јас направам уметничко дело-интерпретација, скулптура на пенис, на гради, или на некоја повраќаница, некоја флека или некој натпис... Можеби не, доколку се постави на правото место.

Но дали тоа би било пристојно и убаво доколку се постави на нешто како државно знаме, или некој друг државен или симбол со кој ја се поистоветувам. Барем за мене можам да кажам. Не, нема да биде пристојно, и нема да би биде убаво, напротив одвратно. Сепак мене ми значат симболите со кои се поистоветуваме, без разлика какви се... барем со тие што можеме, и тие ли да ги плукаме...

А фонтот само е црешичка на шлагот...

Edited by FoSsiL - 03-Jan-2012 at 01:42

Нашата или ова?


Edited by kiroo - 03-Jan-2012 at 02:51

Па ни оваа не е подобра од нашата , а малку личе....

Портата се отвора на Бадник

Допрва ќе се уредува дел од внатрешноста на објектот, но тоа нема да ја наруши замислената концепција

Деспина Трајковска



Портата Македонија од петок и официјално ќе биде место од каде што симболично ќе може да се слави триумфот на победата и успесите на нашата земја. Неофицијално, на Бадник е планирано свеченото пуштање во употреба на објектот кој е прв од проектот „Скопје 2014“ што ќе се промовира годинава. Иако допрва треба да се уредува дел од неговата внатрешност, сепак, според надлежните од Министерството за култура, тоа нема да ја наруши основната намена на објектот.

Времето ќе покаже дали ова здание, кое беше едно од најоспоруваните од владиниот голем проект, ќе стане нова туристичка атракција во Скопје. Не само од архитектонски аспект, туку поради својата мултифункционалност. Галерискиот простор, но и просторот предвиден за одржување изложби се очекува од Портата да создадат ново културно свртувалиште. Посетителите на објектот во него ќе можат да купат и сувенири од продавницата што ќе се наоѓа во еден дел од од мултинаменскиот простор. Во внатрешноста ќе има и декоративна чешма и место за одмор за кои ќе важи посебен режим на употреба и кои ќе бидат заштитени со декоративни врати. До галерискиот простор ќе може да се стигнува и по скали, но и со помош на лифт. На истиот начин посетителите ќе имаат пристап и до врвот на објектот, кој ќе биде еден вид видиковец.

„Од архитектонски аспект, Порта Македонија претставува класичен капитален објект со класични архитектонски елементи како столбови, капители, лаци и венци. Габаритот на објектот во приземниот дел изнесува 21,8 на 10 метри и висина до венец од 21,4 метри. Објектот е решен со лачни отвори и тоа еден голем, централен и два помали отвора на бочните страни. Објектот поставен на избраната локација претставува историска врска меѓу постоењето на македонската нација, вклопен во современиот простор и времето во кое живееме“, велат од Министерството за култура и напоменуваат дека Портата, генерално, ја репрезентира македонската историја, а локациски претставува вовед кон централното подрачје на градот.

Од Министерството, кое е носител на проектот, вчера не беа во можност да кажат колку пари ги чинела изградбата. Немаа информација ни дали за посета на објектот ќе се плаќа влезница.

Инаку, неколку пати досега надлежните напоменуваа дека Портата е независен проект од „Скопје 2014“ и дека претставувала дел од проектот за поставување 35 скулптури во центарот на Скопје. Автор на објектот е Валентина Стефановска по чие идејно решение се изработи споменикот на Александар Македонски и оној на Филип Втори.

Историјата преку триесетина релјефи

Портата ја красат триесетина релјефи изработени од мермер кои прикажуваат делови од историјата на македонскиот народ. Мотивите од длабок релјеф се распространети на сите страни на објектот. Меѓу нив се прикажани Александар Македонски и Филип Втори со фалангата, Јустинијан Први, Цар Самоил, Крале Марко, Карпош. Има релјефни мотиви на Илинденското востание, потоа на АСНОМ, како и прикази на Егзодусот. Симболично е претставено и прогласувањето на независна Македонија во 1991 година. На објектот се наоѓаат и релјефи на манастирот „Свети Јован Бигорски“, претставена е и охридска куќа, Даутпашин амам, Мостот на поезијата од Струга...

Во горниот дел од фасадата, на четирите агли се поставени скулптури - човечки фигури лиени во бронза. Фигурите се ориентирани кон источната и западната страна, со што се потенцира оската исток-запад како една од главните оски на градот Скопје.

http://utrinski.com.mk/default.asp?ItemID=C768827DE0ED6F44A3768AEF3E512385


Edited by Superman - 04-Jan-2012 at 11:12

Целокупното македонско минато обединето на Портата Македонија

Никола Крстиќ
Целокупното македонско минато на едно место, историска врска на сите периоди, приказ на македонската нација низ вековите - Порта Македонија. На Бадник ќе биде пресечена црвената панделка на најновиот симбол на метрополата кој и пред да биде довршен на два пати ја „оправда“ намената – на 20-годишнината од независноста кога низ неа симболично минаа стотина дечиња и државниот врв...

Но, и неколку недели подоцна кога се славеше триуфалното враќање на кошаркарите. Финалниот изглед позитивно ги изненади граѓаните, кои сега, барем пред камерата на МТВ не штедат на пофални зборови, иако при изградбата Портата беше меѓу најоспоруваните објекти од проектот Скопје 2014-та.

-Ова е најубаво нешто
-Немам зборови, навистина
-Ми се допаѓа
-Убаво ми делува, меѓутоа финансиите, малку нашиот народ нема пари-
-Се што се прави, се е убаво
-Импозантно дело – велат анкетираните.

За релјефите да го добијат конечниот изглед, длабока резба во мермер, најпрвин биле извајани во глина, потоа биле направени калапи од гипс кои биле компјутерски скенирани. Грубиот дел од мермерот бил машински сечен, а деталите рачно доработувани. Тие се дело на академската скулпторка Валентина Каранфилова – Стевановска, авторката која ги создаде фонтаната и Воинот на коњ, споменикот на Филип II во Автокоманда, а која во моментов работи и на комплексот фонтани и споменици на Плоштадот Карпошово востание.

„На самата Порта ќе бидат отсликани релјефи коишто ги работев на ист начин како за фонтаната на Плоштадот Македонија, ќе бидат изработени во мермер и ќе ја претставуваат историјата и културата на Македонија”, вели Валентина Каранфилова - Стевановска, академски скулптор (02 07 2011).

Портата е висока 21 метар, колку седумкатница, до врвот водат два лифта и две скалила.

Однадвор 193 квадратни метри релјефи, однатре галериски простор на две нивоа, а најгоре платформа за набљудување која ќе го нуди најубавиот поглед кон централниот споменик бидејќи е на приближно иста височина со “Воинот на коњ”.

По свеченото отворање ќе се довршува внатрешноста - мултимедијалниот повеќенаменски простор и продавницата за сувенири. Се уште е неизвесно дали ќе се наплатува влезница. Објектот кој го изгради „Гранит” чини 4.4 милиони евра, инвестиција на Министерството за култура.

http://www.mtv.com.mk/mk/vesti/makedonija/35836/celokupnoto_makedonsko_minato_obedineto_na_portata_makedonija.aspx

Видете го видеото има интересни моменти, а најинтересно е тоа што постојано се спомнува дека портата ќе нуди најдобар поглед кон споменикот на Александар, што дава надеж дека сепак ќе се внимава да не се изгради административна зграда која ќе го попречи или ограничи погледот. Од друга страна кога ја гледам симулацијата на Скопје 2014 таму помеѓу споменикот и портата е сместена планираната црква, што од друга страна значи дека во моментот на проектирање овој аспект не е земен во предвид и дека ова што го имаме сега сосема случајно така испаднало.

Millions of Tiesto fans can't be wrong. 

 Ramkite se fenomenalni 

Edited by kenzo_fan - 04-Jan-2012 at 22:55

Ама знаеш, и немора ние тука да им посочуваме. Зар неможе на нив самите да им светне во главата дека со административната зграда ни поглед, ни коридор за свечени манифестации, ни за најважното проток на луѓе нема да има. 

Не верувам дека неможат тоа да го воочат. Или пак навистина неможат... ?

комплетно осветлена порта

Промоција на „Портата Македонија“

петок, 06 јануари 2012, 10:28

На плоштадот „Пела“ во Скопје денеска свечено ќе биде промовиран објектот „Порта Македонија“, на која се прикажани мотиви од македонската историја, култура и традиција.

„Порта Македонија“, како што нагласуваат во Министерството за култура, кое е носител на проектот, претставува симбол на големата историска победа - создавањето независна и суверена Република Македонија. Со приказ на македонската историја низ вековите и со својата мултифункционалност, „Портата Македонија“, ќе биде нова туристичка атракција за сите граѓани и посетители во земјата, велат во Министерството.

Портата, чиј автор е академската скулпторка Валентина Стевановска, која го изработи и „Воинот на коњ“ на плоштадот „Македонија“, ја красат триесетина релјефи изработени од мермер кои прикажуваат делови од историјата на македонскиот народ. Мотивите од длабок релјеф се поставени на сите страни на објектот. Меѓу нив се прикажани Александар Македонски и Филип Втори со фалангата, Јустинијан Први, Цар Самоил, Крале Марко, Карпош. Има релјефни мотиви на Илинденското востание, на АСНОМ, прогласувањето на независна Македонија во 1991 година. На објектот се наоѓаат и релјефи на манастирот „Свети Јован Бигорски“, претставена е и охридска куќа, Даут-пашин амам, Мостот на поезијата во Струга... Во горниот дел од фасадата, на четирите агли се поставени скулптури - човечки фигури лиени во бронза.

Портата е висока 21 метар, а до врвот ќе водат два лифта и две скалила. Внатре ќе има галериски простор на две нивоа, а најгоре платформа за набљудување.

„Портата Македонија“ е прв објект што Министерството за култура го промовора во 2012 година и е дел од проектот за поставување 35 скулптури во центарот на Скопје. Од него за реализација ќе останат уште трите врби во Вардар кои, според најавите од Министерството, ќе бидат промовирани овој или наредниот месец.

Во втората половина на 2012 се очекува да биде отворен и Стариот скопски театар, за кој е избран и специјално напишан текст за првата премиера - „Вечна куќа“ од Јордан Плевнеш. Во оваа година се планира и отворање на Археолошкиот музеј, а во 2013 година треба да бидат готови и пуштени во употреба театарот во Велес и концертната сала на Македонската филхармонија.

http://vesti.alfa.mk/default.aspx?mId=36&egId=6&eventId=44570

edit


Edited by Čento - 06-Jan-2012 at 16:31